Morgunblaðið - 31.12.2012, Qupperneq 2

2 FRÉTTIRInnlent
MORGUNBLAÐIÐ MÁNUDAGUR 31. DESEMBER 2012
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Pétur Blöndal menning@mbl.is Íþróttir Víðir
Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
BAKSVIÐ
Baldur Arnarson
baldura@mbl.is
Vegir voru víðast ófærir á norðan-
verðum Vestfjörðum í gærkvöldi.
Hnífsdalsvegur, vegurinn um Súða-
víkurhlíð, vegurinn til Flateyrar,
Gemlufallsheiði og vegurinn til Suður-
eyrar voru þannig lokaðir. Óvíst er
hvenær vegirnir verða opnaðir aftur
en almannavarnanefnd Vestfjarða
fundar um það fyrir hádegi í dag hvort
óhætt sé að ryðja vegi. Víða eru mikil
snjóþyngsli en Veðurstofan spáði
samfelldri hríð að mestu frá norðan-
verðum Vestfjörðum og austur á
Vopnafjörð til morguns.
Björgunarsveitir flytja fólk
Rýmingar vegna snjóflóðahættu
frá 27. desember voru áfram í gildi á
upp undir 20 stöðum á Vestfjörðum í
gærkvöldi, að sögn lögreglunnar á
Ísafirði, og fluttu björgunarsveitir
starfsfólk sjúkrahúsa til og frá vinnu.
Hættustigi vegna snjóflóða var lýst á
Patreksfirði, Hnífsdal, Ísafirði og
Súðavík en óvissustig vegna snjóflóða
var á sunnanverðum Vestfjörðum,
norðanverðum Vestfjörðum og á Mið-
Norðurlandi. Fjöldi snjóflóða féll á
Vestfjörðum en ekki var vitað um
verulegt eignatjón.
Um hundrað metra snjóflóð féll í
Kjálkafirði og var það allt að þriggja
metra djúpt á köflum.
Siglufjarðarvegur lokaður
Á Austurlandi var ófært á Vopna-
fjarðarheiði, Möðrudalsöræfum og í
Jökuldal. Siglufjarðarvegur utan
Fljóta var lokaður vegna snjóflóða-
hættu og líka Ólafsfjarðarmúli.
Óveðrið setti raforkudreifingu úr
skorðum víða á Vestfjörðum.
„Það er fyrirsjáanlegt að ef við
náum ekki að tengjast Mjólkárvirkjun
á morgun [í dag] þá muni álagið á raf-
orkukerfið aukast út af gamlársdegi.
Við hvetjum fólk því til þess að spara
rafmagnið meðan á keyrslu dísilvara-
aflsstöðva stendur. Það er ómögulegt
að segja til um hvenær raforkukerfið
kemst í lag,“ sagði Halldór Magnús-
son, framkvæmdastjóri rafveitusviðs
Orkubús Vestfjarða, um stöðuna í
gærkvöldi.
Sáu varaaflsstöðvar Ísafirði og Bol-
ungarvík fyrir orku. Þá fór rafmagn af
á Patreksfirði og í nærsveitum á laug-
ardag þegar raflína milli Mjólkár-
virkjunar og Tálknafjarðar slitnaði.
Um 1.200 manns voru þá án rafmagns
áður en varaaflsstöð var gangsett.
Fjöldi bæja var án rafmagns vegna
óveðursins, m.a. í Árneshreppi, í Gils-
firði í Reykhólahreppi og í Bjarnar-
firði á Ströndum.
Aðstæður til viðgerða eru slæmar
en í gærkvöldi spáði Veðurstofan
meiri snjókomu á Vestfjörðum og á
Norðurlandi. Draga átti úr úrkomu
með deginum en spáð er éljagangi á
Norðausturlandi í kvöld.
Þakplötur flettust af
Eignatjón varð við bæinn Efri-
Rauðsdal við Patreksfjörð þegar hluti
þaks á gistihúsi rifnaði af í blindbyl að-
faranótt laugardags og fram eftir
laugardeginum. Þá fuku bárujárns-
plötur af vinnuskúr við bæinn og
skemmdu nálæga bíla.
Rafmagnslaust var á bænum í gær
og notuðust ábúendur við kertaljós.
„Það er ekki hægt að mjólka. Það er
það versta við þetta. Við erum með 24
kýr,“ sagði Nanna Jónsdóttir, bóndi á
Efri-Rauðsdal.
Þá fór 10 metra hátt mastur fyrir
örbylgjusendingar á hliðina í Flatey
og bátur til að flytja kindur fauk upp í
kletta á eynni, að sögn Gyðu Steins-
dóttur, bæjarstjóra í Stykkishólmi.
Þakplötur fuku af húsum í Stykkis-
hólmi en eignatjón þar var lítið.
Morgunblaðið/Halldór Sveinbjörnsson
Snjómokstur á Ísafirði Samgöngur fóru úr skorðum og knýja þurfti varaaflsstöðvar á Vestfjörðum í gær. Þá var víða snjóflóðahætta.
Ófært víða um landið
 Áfram útlit fyrir slæma færð á V- og Norðurlandi  Rýmingar vegna snjóflóða-
hættu á Vestfjörðum enn í gildi  Orkubú Vestfjarða hvetur til orkusparnaðar
„Hagvaxtarhorfur hér á landi eru
bjartari en meðal annarra iðn-
væddra ríkja,“ skrifar Jóhanna Sig-
urðardóttir forsætisráðherra í ára-
mótagrein í Morgunblaðinu í dag.
Steingrímur J. Sigfússon atvinnu-
vegaráðherra ritar einnig grein og
skrifar að ríkisstjórninni hafi tekist
það ætlunarverk sitt að endurreisa
Ísland eftir hrunið. „Meginmark-
miðið hefur tekist, Ísland er á
réttri leið,“ skrifar hann.
Afturhald eða uppbygging
Bjarni Benediktsson, formaður
Sjálfstæðisflokksins, skrifar hins
vegar að „stór orð en litlar efndir
[hafi] verið stef ríkisstjórnarinnar
allt þetta kjörtímabil“. Í vor verði
kosið um hvort „haldið skuli áfram
á braut skattahækkana og aftur-
halds“, eða hvort sótt skuli „fram í
krafti athafnafrelsis“.
Sigmundur Davíð Gunnlaugsson,
formaður Framsóknarflokksins,
gagnrýnir ríkisstjórnina einnig.
Mistök undanfarin ár hafi verið
dýr.
Margrét Tryggvadóttir, formað-
ur þingflokks Hreyfingarinnar, seg-
ir brýnt að „skapa réttlátt samfélag
þar sem allir sitja við sama borð“.
»26-31
Ólík sýn
á þróun
þjóðmála
 Forystumenn
flokka gera upp árið
Morgunblaðið/Kristinn
Alþingi Fast hefur verið tekist á í
þingumræðum í haust og vetur.
Maðurinn sem lést í köfunarslysi í
Silfru á Þingvöllum á föstudag hét
Björn Kolbeinsson. Björn var fædd-
ur 25. júlí árið 1977 og var ókvæntur
og barnlaus.
Hann starfaði sem sérfræðingur
hjá EFTA með aðsetur í Genf en
dvaldi hér í jólafríi hjá foreldrum
sínum og systkinum.
Lést í Silfru
Morgunblaðið kemur næst
út fimmtudaginn 3. janúar
2013. Öflug fréttavakt
verður á fréttavef Morgun-
blaðsins mbl.is á gaml-
ársdag, nýársdag og 2. jan-
úar, frá morgni til kvölds.
Lesendur eru hvattir til
að senda ábendingar um
fréttir á netfangið
netfrett@mbl.is.
Þjónustuver áskrifenda verður opið á gamlársdag frá kl 7-13.
Það verður opnað aftur miðvikudaginn 2. janúar kl. 8. Sími þjónustuvers er
569-1100 og netfang askrift@mbl.is.
Blaðberaþjónustan verður opin á gamlársdag kl. 5-11. Hún verður opnuð
aftur miðvikudaginn 2. janúar kl. 8.
Netfang blaðberaþjónustu er bladberi@mbl.is.
Hægt er að bóka dánartilkynningar á mbl.is. Símanúmer Morgunblaðsins
er 569-1100 og aðalnetfang blaðsins er ritstjorn@mbl.is.
Öflug fréttaþjónusta
mbl.is um áramótin
Morgunblaðið/ÞÖK
Að sögn helstu söluaðila flugelda hjá björgunar-
sveitum og íþróttafélögum landsins hefur flug-
eldasalan gengið vel í ár, þrátt fyrir að óveðrið um
daginn hafi sett strik í reikninginn. „Það er ágætis
hljóð í mínu fólki, en megnið af flugeldasölunni fer
alltaf fram á gamlársdag,“ segir Ólöf Snæhólm hjá
Landsbjörg. Þá hjálpi það sölunni almennt séð ef
veðurspáin á gamlárskvöld sé góð. „Almenningur
sýnir það enn og aftur að hann kann að meta þessi
störf hjá björgunarsveitunum,“ segir Ólöf en flug-
eldasalan stendur undir stærstum hluta af rekstrar-
kostnaði þeirra. sgs@mbl.is
Morgunblaðið/Ómar
„Ágætis hljóð í mínu fólki“
Örugg Þau Heiðdís Hrönn og Tryggvi Jóhann máta öryggisgleraugu hjá skátunum í Kópavogi fyrir áramótin.
„Ég myndi ætla að þetta væri úr-
komumet en þó með fyrirvara um
skekkjur í mælingum. Það ættu
ekki að vera neinar stórar skekkjur
í mælingunni,“ segir Óli Þór Árna-
son, veðurfræðingur hjá Veður-
stofu Íslands, um vísbendingar um
að úrkomumet hafi fallið í Reykja-
vík á föstudaginn var.
Bráðabirgðatölur benda til að
úrkoma hafi mælst 70,4 mm á
föstudeginum, tala sem ekki fæst
staðfest fyrr en 2. janúar. Óli Þór
lýsir mælingunum svo:
„Annars vegar er um ræða sjálf-
virka mæla og svo mannaðan mæli
sem er tæmdur tvisvar á sólar-
hring. Sá síðarnefndi gefur 70,4
mm á heilum sólarhring, sem hefst
kl. níu að morgni. Veðurfræðingar
munu þurfa að skoða af hverju
sjálfvirku mælarnir benda til minni
úrkomu en mannaða stöðin. Ef
mælingin verður staðfest verður
metið slegið um 14 mm og það er
töluverð aukning. Mannaði mæl-
irinn á að gefa rétta útkomu og
miðað við það er metið vel slegið.“
Úrkomumet í Reykjavík?
VÍSBENDINGAR UM AÐ METIÐ HAFI FALLIÐ