Morgunblaðið - 22.02.2013, Blaðsíða 9

Innlent
MORGUNBLAÐIÐ FÖSTUDAGUR 22. FEBRÚAR 2013
„Þetta er niðurstaðan í því ferli sem
var farið í. Óháðir aðilar gerðu ítar-
legri úttekt á fræðslumálum og sér-
fræðiþjónustu í bænum en gerð hef-
ur verið á sambærilegri þjónustu
annars staðar,“ segir Eyþór Arn-
alds, oddviti sjálfstæðismanna í
bæjarstjórn Árborgar, um ákvörðun
bæjarstjórnar að segja sig úr sam-
starfi sveitarfélaga á Suðurlandi um
Skólaskrifstofu Suðurlands. Fimm
manna vinnuhópur fagmanna fór í
kjölfar úttektarinnar yfir valkosti
og fjórir þeirra töldu, að sögn Ey-
þórs, heppilegast að taka sérfræði-
þjónustuna inn í fræðslusvið Ár-
borgar. Hann útilokar ekki samstarf
við sveitarfélög á Suðurlandi á öðr-
um forsendum.
Aðspurður hvort ekki hafi verið
erfitt að segja sig úr samstarfinu
segir Eyþór að tilhneigingin sé sú að
oft sé ótti við breytingar og því sé
mikilvægt fyrir aðila í Árborg og í
hinum sveitarfélögunum að líta til
þess hvaða tækifæri felist í breyting-
unum.
Hann leggur áherslu á að verið sé
að auka framlag til fræðslumála og
sérfræðiþjónustu í bæjarfélaginu,
stefnt sé að því að fara í ný verkefni,
t.d. með aukinni samræmingu skóla-
stiga, bæði grunn- og leikskóla og
grunn- og framhaldsskóla.
Hefur gríðarleg áhrif
Gunnar Þorgeirsson, formaður
Samtaka sunnlenskra sveitarfélaga,
segir að forsendur samstarfsins um
skólaskrifstofu séu gjörbreyttar
enda hlutdeild Árborgar um 46%.
„Þetta hefur gríðarleg áhrif, Árborg
getur væntanlega risið ein undir
þessu en önnur sveitarfélög verða að
leita annarra leiða. Minni sveitar-
félögin hafa notið góðs af stærð og
styrk skólaskrifstofunnar, t.d. varð-
andi sérkennsluráðgjöf, sálfræðiað-
stoð og fleira,“ segir Gunnar. „Nálg-
unin verður öðruvísi, en hún hefur
verið byggð upp á grunni fjöl-
breyttrar þjónustu á skólaskrifstof-
unni sem getur tekið á öllum þeim
málum sem snúa að sérfræðiþjón-
ustu við grunnskóla á svæðinu,“ seg-
ir Gunnar. heimirs@mbl.is
Hefur mikil
áhrif á
Suðurlandi
 Breytingar niður-
staðan eftir úttekt
Morgunblaðið/Sigurður Jónsson
Skólastarf Nemendur Barnaskól-
ans á Eyrarbakka og Stokkseyri.
Árlegur bókamarkaður Félags ís-
lenskra bókaútgefenda verður
haldinn í Perlunni dagana 22. febr-
úar til 10. mars. Markaðurinn hef-
ur verið í Perlunni undanfarinn
áratug en að sögn Benedikts
Kristjánssonar, framkvæmda-
stjóra Félags íslenskra bókaútgef-
enda, er hafin leit að nýjum sama-
stað því Perlan er nú í söluferli.
„Ég á þó von á að þetta leysist far-
sællega,“ segir Benedikt.
Markaðurinn er ætíð vel sóttur
af ungum sem öldnum og eykst að-
sóknin með hverju árinu. Að þessu
sinni verða rúmlega 10.000 bóka-
titlar fáanlegir en það er mun
meira úrval en áður hefur verið.
Að sögn Benedikts þurftu skipu-
leggjendur markaðarins nú í fyrsta
sinn að bæta við fleiri borðum og
skápum en hann telur að bókatitl-
um hafi fjölgað um 20% frá fyrra
ári. Markaðurinn á sér um sextíu
ára sögu en megintilgangur hans
er að selja eldri bækur á vægu
verði.
Bókamarkaðurinn verður opinn
frá 10 - 18 alla dagana. Þegar hon-
um lýkur í Perlunni 10. mars verð-
ur hann haldinn á Akureyri yfir
páskana og fer að því búnu til
Egilsstaða. larahalla@mbl.is.
Síðasti markaðurinn í Perlunni
Morgunblaðið/Árni Sæberg
Bækur Í ár verða rúmlega 10.000 bókatitlar til sölu á bókamarkaðinum.
Hæstiréttur hef-
ur dæmt fyrrver-
andi ritstjóra
vefritsins Press-
unnar til að
greiða manni,
sem bauð sig
fram til stjórn-
lagaráðs, 200
þúsund krónur í
miskabætur og
800 þúsund krón-
ur í málskostnað vegna ærumeið-
andi ummæla sem birtust í miðlinum
í febrúar 2011. Ummæli voru jafn-
framt ómerkt.
Ægir Geirdal Gíslason höfðaði
málið og krafðist þess að sex til-
greind ummæli um meint kynferð-
isbrot hans gegn systrum yrðu
dæmd dauð og ómerk.
Hæstiréttur féllst á að þeir sem
gæfu kost á sér til trúnaðarstarfa í
þágu almennings yrðu að þola um-
fjöllun á opinberum vettvangi sem
snerti hæfni þeirra og eiginleika og
hvort þeir væru traustsins verðir.
Það gæti hins vegar ekki réttlætt að
Ægi væri borin á brýn sú refsiverða
háttsemi sem fram hefði komið hjá
netmiðlinum. Hefði Ægir hvorki
verið fundinn sekur um þá háttsemi
sem hann var sakaður um né sætt
rannsókn lögreglu af slíku tilefni.
Steingrímur Sævarr Ólafsson, þá-
verandi ritstjóri Pressunnar, var
dæmdur til að greiða Ægi miska-
bætur og málskostnað.
Héraðsdómur Reykjavíkur hafði
áður sýknað Steingrím og taldi að
með ummælunum hefði ekki verið
farið út fyrir mörk þess tjáning-
arfrelsis sem varið sé í stjórnarskrá.
Gert að greiða
miskabætur
Steingrímur
Sævarr Ólafsson
Fjórir stórmeist-
arar eru efstir og
jafnir á Reykja-
víkurskákmótinu
að lokinni fjórðu
umferð sem fram
fór í gærkvöldi í
Hörpu. Íslend-
ingarnir Hannes
Hlífar Stefáns-
son og Stefán
Kristjánsson fylgja fast á hæla
þeirra með 3½ vinning.
Hjörvar Steinn Grétarsson gerði
jafntefli gegn Wesley So frá Fil-
ippseyjum. So er 19 ára og þriðji
stigahæsti skákmaður heims undir
tuttugu ára aldri. Þetta voru því
góð úrslit fyrir Hjörvar, sem stefnir
að því að ná þriðja og síðasta stór-
meistaraáfanganum á mótinu.
Friðrik Ólafsson tefldi við þýska
skákmeistarann Frank Drill og
gerði jafntefli með svörtu í 20 leikj-
um. Friðrik er enn ósigraður á
mótinu en hann hefur í þrígang
orðið sigurvegari á Reykjavíkur-
mótinu í 49 ára sögu þess.
Hannes og Stefán
meðal efstu manna
Skákmenn í Hörpu.
ÚTSÖLU-
MARKAÐUR
EDDUFELLI
VERÐHRUN
VERSLUNIN
LOKAR
Eddufelli 2, s. 557-1730
TORMEK HVERFISTEINAR
Opið virka daga frá 9-18
og lau frá 10-16
Laugavegi 29 - sími 552 4320
www.brynja.is - brynja@brynja.is
Verð
118.300 kr.
Margsinnis valdir „Best in test“
í fagtímaritum.
Stýringar fyrir sporjárn, hefiltennur, hnífa, skæri,
renni- og útskurðarjárn, vélhefiltennur o.fl
fyrirliggjandi.
Einnig svartir steinar fyrir HHS-stál og
japanskir með kornastærð 4000.
Verð
68.900 kr.
Búið að stækka í BÆJARLIND
Af því tilefni er
20% AFSLÁTTUR
af öllum vörum
föstudag og laugardag
Bæjarlind 6, sími 554-7030 www.rita.is
STÓR OG GLÆSILEG
Áður 34.990 kr
Nú 9.990 kr
Stuttir kjólar frá
5.000 kr
Lagersala á
árshátíðarkjólum
Laugavegi 54, sími 552 5201
Allt að 70% afsláttur