Morgunblaðið - Sunnudagur - 10.02.2013, Qupperneq 20

*Heilsa og hreyfingSálræn áhrif hjartasjúkdóma má ekki vanmeta en veikindin geta skaðað sjálfsmyndina »24
É
g hef aldrei verið orðaður sérstaklega við íþróttir og aldrei keppt í
þeim. Er eiginlega á móti keppnisíþróttum. Ég er hins vegar
fylgjandi þátttökuíþróttum, í mínum huga er aðalatriðið að vera
með,“ segir Sigurður Líndal lagaprófessor sem hleypur sex sinn-
um í viku í miðbænum, í grennd við heimili sitt í Bergstaðastræti sér til
heilsubótar og yndisauka. Það tekur hann að jafnaði á bilinu 20 til 25 mín-
útur að ljúka hringnum. „Þetta er löngu orðið lífsstíll og mér finnst ég
vinna miklu betur yfir daginn þegar ég hef hlaupið um morguninn. Ég
hvet allt eldra fólk, sem á annað borð kemur því við, til að hreyfa sig
reglulega. Hreyfing snýst ekki um aldur. Því eldra sem fólk er þeim mun
meiri ástæða til að hreyfa sig.“
Sigurður hefur alla tíð hreyft sig töluvert. Hefur þó aldrei stundað
knattspyrnu og er þess vegna mjög góður í hnjánum. Hann var á hinn
bóginn í marki í handbolta en varð að hætta því þegar hann fór að nota
gleraugu. „Ég fór til læknis út af allt öðru en var greindur með nærsýni.
Þá skildi ég betur hvers vegna boltinn var alltaf að leka framhjá mér.“
Sigurður hefur alltaf gengið mikið og vann erfiðisvinnu fram til þrjátíu
ára aldurs. Fyrir um tveimur áratugum byrjaði hann að skokka reglu-
bundið með samkennurum sínum við Háskóla Íslands. „Þar gilti einföld
regla: Hver hleypur með sínum löppum! Sumir hlupu hratt, aðrir hægar.
Sumir langt, aðrir styttra. Það hentaði mér vel.“
Hangir í trjágrein í garðinum
Eftir að skokkhópur háskólakennara liðaðist í sundur fyrir allmörgum ár-
um hélt Sigurður áfram að hlaupa einn með sjálfum sér. Honum þykir
best að gera það árdegis en segir ekkert mæla á móti því að hlaupa á
öðrum tímum dagsins. „Þegar ég er búinn að hlaupa hangi ég í trjágrein í
garðinum hjá mér, lyfti mér upp sjö sinnum, af því að sjö er heilög tala.
Ég bið að vísu ekki faðirvorið meðan ég lyfti mér upp en ætti ef til vill að
byrja á því!“
Hann segir útihlaup upplagða líkamsrækt, þar sem ekki þurfi að birgja
sig upp af tækjum áður en lagt er af stað. „Ég hef í sjálfu sér ekkert á
móti tækjum en eina sem þarf í skokkið er góðir hlaupaskór og hentug
föt. Þá er maður klár í slaginn.“
Þegar Sunnudagsblað Morgunblaðsins náði tali af Sigurði á fimmtudag-
inn var hann staddur norðan heiða að kenna námskeið í réttarsögu við
Háskólann á Akureyri. Hann hleypur líka þar. „Ég verð hérna í þessari
viku og næstu og sleppi auðvitað ekki skokkinu. Að vísu bannaði konan
mér að fara út að hlaupa í gær [miðvikudag] vegna hálku. Ég var samt
ekki hólpinn því þegar ég gekk virðulega í skólann datt ég kylliflatur. Það
er kaldhæðni örlaganna að það skuli gerast þá sjaldan maður reynir að
vera virðulegur,“ segir Sigurður sem varð fyrir smávægilegu hnjaski á
hendi í fallinu. Er þó allur að koma til.
HVETUR ELDRA FÓLK TIL AÐ HREYFA SIG
Hver hleypur
með sínum
löppum!
KOMINN Á NÍRÆÐISALDUR LÆTUR SIGURÐUR LÍNDAL SIG
EKKI MUNA UM AÐ SKOKKA SEX SINNUM Í VIKU. HANN
KVEÐST VINNA BETUR EFTIR MORGUNHLAUPIÐ SITT.
Orri Páll Ormarsson orri@mbl.is
Sigurður Líndal lagaprófessor heldur sínu striki í skokkinu enda þótt hann sé við kennslu á Akureyri þessa dagana.
Morgunblaðið/Skapti Hallgrímsson
Í umfjöllun Sunnudagsblaðsins um
sterkju í matvælum 2. febrúar síð-
astliðinn urðu þau leiðu mistök að
mynd var birt sem sýndi vörur frá
mjólkurframleiðandanum Bíóbúi. Af
samhenginu mátti skilja að sterkju
væri bætt í vörur fyrirtækisins, en
svo er ekki. Hið rétta er að enga
sterkju eða aukaefni er að finna í
vörum frá Bíóbúi. Beðist er velvirð-
ingar á myndbirtingunni.
Þá var ranglega sagt að kolvetni
væru hitaeiningaríkari en prótein.
Hið rétta er að hvert gramm af pró-
teinum gefur okkur um það bil fjór-
ar hitaeiningar líkt og kolvetni.
LEIÐRÉTTING VEGNA UMFJÖLLUNAR UM STERKJU
Engin aukaefni
í vörum Bíóbús
Hvorki sterkju né aukaefnum er bætt í vörur frá Bíóbúi.
Fátt er mikilvægara fyrir heilsuna
en vatnsdrykkja. Á Íslandi er nóg af
hreinu og fersku vatni og engin
ástæða til að láta líkamann líða
vatnsskort. Tvær gullnar reglur er
gott að hafa í huga:
 Ekki drekka minna en tvo lítra af
vatni á dag, en gjarnan meira.
 Vatn er best að drekka við stofu-
hita.
Drekkum
nóg af vatni