Morgunblaðið - 08.03.2013, Blaðsíða 6

6 FRÉTTIRInnlent
MORGUNBLAÐIÐ FÖSTUDAGUR 8. MARS 2013
Skapti Hallgrímsson
skapti@mbl.is
„Þetta gekk alveg ljómandi vel, þótt
aðstæður væru ekki þær allra bestu
þarna í bílnum,“ segir Guðrún Sig-
ríður Geirsdóttir frá Húsavík, sem í
fyrrinótt ól sveinbarn í sjúkrabifreið
„einhvers staðar í Fnjóskadal,“ eins
og faðirinn, Guðbergur Rafn Ægis-
son, orðar það. Sennilega miðja vegu
á milli Vaglaskógar og ystu Fnjóskár-
brúarinnar, skammt austan við
kirkjustaðinn Laufás.
Ljóst var seint í fyrrakvöld að
komið var að fæðingu og talið ráðlegt
að Guðrún færi á Sjúkrahúsið á Akur-
eyri. Góð ráð voru dýr því kolófært
var um Víkurskarð; allt á kafi í snjó
auk þess sem tveir stórir bílar voru
fastir í skarðinu svo ekki hefði verið
hægt að moka þá leið. Snjóruðnings-
menn á Stóru-Tjörnum voru því
fengnir til að moka gömlu leiðina um
Dalsmynni í Fnjóskadal. „Það var bú-
ið að stinga í gegn þegar við komum
en reyndar farið að fenna aftur og við
urðum að stoppa hvað eftir annað í
Dalsmynninu vegna þess að skyggni
var svo lélegt að varla sást á milli
stika,“ sagði Guðbergur.
Þau þökkuðu fyrir að björgunar-
sveitin á Húsavík var með í för, því
vel búinn bíll hennar ók á undan
sjúkrabílnum og vísaði veginn.
Sá litli, sem var tæpar 16 merkur
og 53 cm, kom í heiminn klukkan
hálftvö. „Þetta var bara stutt stopp, í
nokkrar mínútur á meðan hann fædd-
ist,“ segir móðirin. Hún hafði engar
áhyggjur því ljósmóðir og læknir
voru með í för auk sjúkraflutninga-
manna, „en það hefði samt verið gott
að hafa [Vaðlaheiðargöngin],“ segir
Guðbergur. „Stundum er sagt að þau
stytti leiðina um 13 mínútur en lík-
lega hefði munað einum og hálfum
klukkutíma í þetta skipti. Við vorum
tvo og hálfan tíma á leiðinni og lang-
verst var í Dalsmynninu.“
„Bara stutt stopp“
 Sprækur Húsvíkingur fæddist í sjúkrabíl „einhvers staðar í
Fnjóskadal“ í fyrrinótt  Varla sást á milli stika á veginum
Morgunblaðið/Skapti Hallgrímsson
Hamingja Guðrún Sigríður Geirsdóttir og Guðbergur Rafn Ægisson með drenginn á Sjúkrahúsinu á Akureyri.
Viðar Guðjónsson
vidar@mbl.is
Fjöldi mála sem skotið er til úrskurð-
arnefndar vátryggingamála hefur
nær tvöfaldast frá árinu 2007. Í um
25% tilvika er niðurstaða nefndarinn-
ar tjónþola í hag. Nefndin tók afstöðu
í 563 málum árið 2012 en málin voru
243 árið 2007.
Meginverkefni nefndarinnar er að
fjalla um ágreining neytanda og vá-
tryggingafélaga með starfsleyfi hér á
landi. Rúnar Guðmundsson hjá Fjár-
málaeftirlitinu er formaður nefndar-
innar. Hann segir að aukninguna
megi rekja til nokkurra þátta, eftir að
tilvist úrskurðarnefndar var lögfest
samkvæmt vátryggingasamningalög-
um árið 2006. „Í kjölfarið jókst þekk-
ing á tilvist nefndarinnar hjá lög-
mönnum og neytendum. Lögmenn
eru duglegir að leita til nefndarinnar
fyrir hönd umbjóðenda sinna,“ segir
Rúnar.
Eins segir hann verklag tjóna-
nefndar vátryggingafélaga hafa
breyst. Áður hafi hún fjallað um öll
ágreiningsmál. Breyting varð á í sam-
þykkt um að hún myndi eingöngu
fjalla um ökutækjatjón. „Áberandi er
hve ábyrgðartjónum vegna vinnu-
slysa hefur fjölgað. Þar eru oft
ágreiningsmál um orsakatengsl þar
sem tjónþoli þarf að sýna samhengi á
milli atburðar sem leiddi til tjóns og
afleiðingar slyssins. Í ákvæðum í lög-
um um vátryggingasamninga hefur
tjónþoli árs frest til að sækja bóta-
kröfu til vátryggingafélags frá því að
hann fékk vitneskju um þau atvik sem
hún er reist á. Eins hefur þú árs frest
til að fara með mál til úrskurðar-
nefndar ef bótakröfu er hafnað. Oft er
ágreiningur um það hvort þessir
tímafrestir séu liðnir,“ segir Rúnar.
Í vátrygginganefndinni eru þrír
löglærðir fulltrúar. Einn var tilnefnd-
ur af efnahags- og viðskiptaráðuneyti,
einn frá Neytendasamtökunum og
einn frá Samtökum fjármálafyrir-
tækja.
Niðurstöður nefndarinnar eru ekki
bindandi. Vátryggingafélög höfnuðu
að hlíta niðurstöðu í 27 úrskurðum ár-
ið 2010 og 26 úrskurðum árið 2011.
Þeim málum er hægt að skjóta fyrir
almenna dómstóla.
Málafjöldi nær
tvöfaldast á
fimm árum
 Um 25% mála snúið tjónþolum í hag
Morgunblaðið/Júlíus
Slys Mikil fjölgun hefur verið í
bótamálum vegna vinnuslysa.
Vátryggingamál
» Málum, sem skotið er til úr-
skurðarnefndar vátrygginga-
mála, hefur fjölgað nær tvöfalt
frá árinu 2007.
» Áberandi hve mikið vinnu-
slysum hefur fjölgað að sögn
formanns nefndarinnar.
» Um 25% úrskurða falla tjón-
þolum í hag.
Skúli Hansen
skulih@mbl.is
„Hugsunin á bak við þau gjöld, eins
og á bak við flest önnur, er að reyna
að tryggja raunverulega stæði fyrir
þá sem þurfa,“ segir Páll Hjalti
Hjaltason, formaður umhverfis- og
skipulagsráðs Reykjavíkurborgar,
aðspurður hver sé hugsunin á bak við
bílastæðagjöld á bílastæðum sjúkra-
húsa. „Þessi gjöld hjá spítölunum eru
náttúrlega hugsuð sérstaklega fyrir
starfsfólkið, til að ýta undir að starfs-
fólk noti sér aðra ferðamáta og leggi
síður stæðin fyrir framan spítalana
undir sig,“ bætir Páll við.
Miðað við upplýsingar af vefsíðu
Bílastæðasjóðs falla bílastæði bæði
Landspítalans (LSH) við Hringbraut
og Landspítalans í Fossvogi undir
gjaldsvæði fjögur en samkvæmt
gjaldskrá sjóðsins kostar því 120
krónur fyrir ökumann að leggja í
bílastæði við annaðhvort sjúkrahús-
anna tveggja. Aðspurður hvort ekki
sé slæmt ef veikt fólk sem kemur ein-
samalt á sjúkrahús á einkabifreið
þarf að hafa áhyggjur af því að
hlaupa út á bílastæði til að fylla á
stöðumælinn segir Páll Hjalti allan
gang vera á því hvernig fólk kaupi í
mælinn.
„Það eru alls konar leiðir að opn-
ast, til dæmis í gegnum snjallsíma
þar sem þú borgar fyrir það sem þú
notar,“ segir Páll Hjalti og bætir við:
„Það þarf náttúrlega að koma til
móts við þær þarfir, sérstaklega í
kringum spítala, að fólk geti öruggt
lagt bílnum sínum án þess að lenda á
vandræðum og það er nú alltaf verið
að auka tæknilegar útfærslur á því.“
Gjöldin hugsuð fyrir
starfsfólk spítalanna
Morgunblaðið/Ómar
Bílastæðagjöld við spítala Það kostar 120 krónur að leggja bifreið í eina
klukkustund við Landspítalann, hvort sem er í Fossvogi eða við Hringbraut.
 Kostar 120 kr.
að leggja við LSH
Bílastæðagjöld
» Samkvæmt gjaldskrá
Bílastæðasjóðs kostar 120
krónur að leggja í eina klukku-
stund við Landspítalann.
» Páll Hjalti segir að verið
sé að skoða það með spítöl-
unum hvernig best sé að
standa að þessu.
Foreldrarnir hafa ekki ákveðið
nafn á drenginn, en strax í
fyrrinótt komu upp nokkrar
hugmyndir þegar slegið var á
létta strengi í sjúkrabílnum.
„Einhver stakk upp á nafninu
Garðar, eftir björgunarsveit-
inni á Húsavík,“ segir Guð-
bergur. Nafn Björgvins sjúkra-
flutningamanns í bílnum var
líka nefnt. „Svo gæti Ford ver-
ið flott ættarnafn,“ sagði fað-
irinn brosandi og vísaði til
bílsins þar sem drengurinn
fæddist.
Björgvin eða
Garðar Ford?
HUGMYNDIR AÐ NAFNI
Morgunblaðið gefur þann
14. mars út glæsilegt
sérblað um HönnunarMars
–– Meira fyrir lesendur
PÖNTUNARFRESTUR
AUGLÝSINGA:
fyrir kl. 16,
föstudaginn
8. mars.
NÁNARI
UPPLÝSINGAR
GEFUR:
Katrín Theódórsdóttir
Sími: 569 1105
kata@mbl.is
Hátíðin verður haldin
víðs vegar um Reykjavík
þar sem saman koma
íslenskir hönnuðir og
sýna fjölbreytt úrval
nýrrar íslenskrar hönn-
unar og arkitektúrs af
margvíslegu tagi.
HönnunarMars
DesignMarch
Reykjavík .– . .