Morgunblaðið - 08.03.2013, Side 30

30 MINNINGAR
MORGUNBLAÐIÐ FÖSTUDAGUR 8. MARS 2013
Elsku mamma mín er látin,
hjarta mitt er fyllt djúpri sorg.
Einstök kona er farin langt fyrir
aldur fram. Minningarnar
streyma fram og ég á erfitt með
að koma orðum að því sem hún
var mér. Æska mín var yndisleg
og það er ómetanlegt að fá að
alast upp við það frelsi að þrosk-
ast án gagnrýni og njóta leið-
beininga í kærleika. Hún vann
mikið en á meðan naut ég góðs
atlætis hjá afa og ömmu því við
bjuggum öll saman, amma, afi,
mamma og Sverrir bróðir henn-
ar. „Kjarnafjölskyldan í Öldut-
úni,“ eins og afi sagði oft.
Ég man þegar hún kom heim
úr vinnunni. Ég varð svo glöð og
fann svo mikla hlýju í hjartanu
þegar ég hljóp á móti henni.
Hún gaf sér alltaf tíma fyrir mig
og var líka ótrúlega þolinmóð
þegar ég var hringjandi í hana í
vinnuna yfir stóru sem smáu.
Nú þegar ég les yfir vinnufer-
ilinn hennar og velgengni þá
finnst mér alveg magnað hvað
henni tókst að sinna mér og líka
vinnunni svona framúrskarandi
vel.
Mamma var hreinskiptin, með
mjög sterka réttlætiskennd og
ef henni fannst brotið á mér eða
rétti mínum reis hún upp eins
og ljónynja.
Þegar órói og viðkvæmni
unglingsáranna tók við var hún
alltaf til staðar fyrir mig með
sinni umvefjandi ást. Hún hug-
hreysti og hvatti mig til að
standa með sjálfri mér. Ef öll
ráð þrutu dró hún fram Manna-
kornin og hvatti mig til að lesa í
Biblíunni og leita Guðs og sagði
oft: Guðs myllur mala hægt en
þær mala og mala.
Síðar í lífinu mínu þurfti ég
að eiga við erfiðleika og veikindi,
var hún mér mikil stoð og styrk-
ur á þeim tíma og ég er þess
fullviss að það var fyrir bænir
hennar sem ég eignaðist kraft
og von á ný. 1998 fæddist frum-
burður okkar Ragnars, Mikael
Jafet, Salómon 2002 og Enok
2004. Drengirnir urðu strax
augasteinarnir hennar og það
var dásamlegt að sjá gleðina og
stoltið í augunum þegar hún var
með þá. Betri ömmu var ekki
hægt að hugsa sér og ekkert var
of gott fyrir litlu prinsana í
hennar huga. Hún naut þess að
kaupa falleg föt handa þeim og
gefa óvænta glaðninga. Um
svipað leyti og Mikael fæddist
varð hún þeirrar blessunar að-
njótandi að kynnast eiginmanni
sínum, Sigtryggi Jónssyni. Það
var yndislegt að sjá hvað hún
var hamingjusöm og ástfangin
og að fylgjast með þeirra inni-
legu ást öll ár síðan. Drengirnir
eignuðust alveg einstakan afa
Guðlaug Helga
Konráðsdóttir
✝ Guðlaug HelgaKonráðsdóttir
fæddist í Reykjavík
20. febrúar 1952.
Hún lést á líkn-
ardeild Landspít-
alans í Kópavogi
23. febrúar 2013.
Útför Guðlaugar
Helgu fór fram frá
Dómkirkjunni í
Reykjavík 7. mars
2013.
sem umvafði þá
með sömu um-
hyggju og ást og
mamma gerði. Allt-
af voru þeir spennt-
ir og fullir af til-
hlökkun að fara til
afa og ömmu í dek-
ur og ást ásamt
ferðum í sumar-
bústaðinn og á fleiri
skemmtilega staði.
Það var alltaf rekið
upp fagnaðaróp þegar ég sagði
þeim að við værum að fara til
ömmu Gullu og afa Sigtryggs.
Missir þeirra er mikill.
Sterka trúfasta mamma mín.
Ég dáðist að æðruleysi hennar í
gegnum veikindin og alltaf hélt
hún fast í trúna á Guð. Elsku
mamma, ég er þó þakklát að fá
tækifæri í veikindum þínum til
að endurgjalda þér að hluta um-
hyggju þína gagnvart mér. Dag-
arnir eru svo tómlegir án þín.
Þú hringdir í mig daglega og ég
trúi því varla að þú eigir ekki
eftir að hringja aftur.
Ég kveð þig með djúpum
söknuði og hjarta mitt mun allt-
af vera fullt af þakklæti fyrir
þig.
Marta Ruth Guðlaugsdóttir.
Eitt mesta gæfuspor sem ég
hef stigið í mínu lífi var sú
ákvörðun að hefja störf hjá Iðn-
aðarbankanum í maí 1989, nánar
tiltekið í erlendum viðskiptum.
Þar eignaðist ég stóran hóp af
vinkonum og eina þeirra kveð ég
í dag.
Guðlaug Helga, eða Gulla eins
og hún var alltaf kölluð, var
skemmtileg kona, glaðlynd og
ávallt smart. Á margan hátt
varð hún fyrirmynd okkar yngri
kvenna í hópnum, hún var yf-
irmaður og einstæð móðir! Hún
var okkur, sem stóðum í sömu
sporum, hvatning. Sýndi okkur
að það er allt hægt með dugnaði
og eljusemi.
Gulla var, að öðrum ólöstuð-
um, einn helsti sérfræðingur
okkar í erlendri greiðslumiðlun
og var alltaf gott að leita ráða
hjá henni. Var ég svo heppin að
starfa með henni í Lands- og
Notendanefnd SWIFT í 7 ár þar
sem reynsla hennar var ómet-
anleg. Eins var gott að finna
stuðning hennar í gegnum árin,
þó við störfuðum hvor hjá sínum
bankanum. Ég hafði alltaf á til-
finningunni að henni fyndist að
hún ætti pínu í mér þar sem ég
hafði byrjað í þessu erlenda
stússi, rétt rúmlega tvítug, að
hluta til undir handleiðslu henn-
ar.
Í gegnum störf okkar gafst
okkur tækifæri til að ferðast er-
lendis saman. Á ég margar góð-
ar minningar um Gullu frá þeim
ferðum og varðveiti ég þær í
hjarta mínu. Minnisstæðust er
ferð til Vínarborgar haustið
2008 þar sem Íslendingarnir
hópuðust saman eina kvöld-
stund. Var mikið hlegið og ég er
þess fullviss að við hugsum nú
til þessa kvölds með þakklæti.
Svo margt sem breyttist í okkar
lífi og vinnuumhverfi nokkrum
vikum síðar.
Gulla var vel metin hjá er-
lendum samstarfsaðilum. Síð-
ustu daga hafa erlendir banka-
menn haft samband við mig þar
sem þeir minnast Gullu með hlý-
hug og senda fjölskyldu hennar
samúðarkveðjur.
Elsku Marta mín, Sigtryggur,
fjölskylda og aðrir er eiga um
sárt að binda. Hugur minn er
hjá ykkur og ég bið þess að allt
hið góða í þessum heimi umvefji
ykkur og gefi ykkur styrk.
Ég sendi þér kæra kveðju
nú komin er lífsins nótt,
þig umvefji blessun og bænir
ég bið að þú sofir rótt.
Þó svíði sorg mitt hjarta
þá sælt er að vita af því,
þú laus ert úr veikinda viðjum
þín veröld er björt á ný.
Ég þakka þau ár sem ég átti
þá auðnu að hafa þig hér,
og það er svo margs að minnast
svo margt sem um hug minn fer,
þó þú sért horfinn úr heimi
ég hitti þig ekki um hríð,
þín minning er ljós sem lifir
og lýsir um ókomna tíð.
(Þórunn Sigurðardóttir)
Elsku Gulla mín, það var
ómetanlegt að fá að koma og
kveðja þig. Þá gafst mér tæki-
færi til að segja þér hversu kær
þú ert mér og hversu þakklát ég
er fyrir það að þú skyldir vera
vinkona mín. Næstu jól mun ég
baka Donnukökur eins og alltaf
– uppskriftina frá mömmu þinni
– og minnast þín með hlýju.
Blessuð sé minning Gullu
Konráðs.
Delia Howser.
Á kertinu mínu ég kveiki í dag
við krossmarkið helgi og friðar
því tíminn mér virðist nú standa í
stað
en stöðugt þó fram honum miðar.
Ég finn það og veit að við erum ei ein
að almættið vakir oss yfir,
því ljósið á kertinu lifir.
Við flöktandi logana falla nú tár,
það flýr enginn sorgina lengi.
Hún braut allar vonir, hún braut allar
þrár,
hún brýtur þá viðkvæmu strengi,
er blunda í hjarta og í brjósti hvers
manns.
Nú birtir, og friður er yfir,
því ljósið á kertinu lifir.
Sá einn þekkir gleðinnar gáska og
fjör
sem gist hefur þjáning og pínu.
Sá einn getur sigrast á ótta og kvöl
sem eygir í hugskoti sínu,
að sorgina við getum virkjað til góðs,
í vanmætti sem er oss yfir,
ef ljósið á kertinu lifir.
(Kristján Stefánsson frá Gilhaga)
Elsku Marta og fjölskylda,
við biðjum Guð að styrkja ykkur
í sorginni.
Anna Lísa og Hjördís.
Genginn er kær vinnufélagi
minn, Gulla Konráðs. Við áttum
yfir 30 ára farsæla samleið í Ís-
landsbanka. Það var þó ekki
fyrr en árið 2003 að samstarf
okkar varð náið, þá í nýstofnaðri
deild, Viðskiptaveri, ég sem for-
stöðumaður og Gulla deildar-
stjóri Erlendrar greiðslumiðlun-
ar. Ég hafði fylgst með Gullu úr
fjarlægð frá því hún hóf störf í
Alþjóðadeild Iðnaðarbankans og
vissi ég að hún hafði yfirgrips-
mikla þekkingu og reynslu á
sínu sviði sem svo sannaðist í ár-
angursríku samstarfi okkar.
Það var ekki aðeins yfir-
burðaþekking hennar sem gerði
hana að eftirsóknarverðum sam-
starfsmanni, mannkostir hennar
voru miklir. Í vinnunni var hún
fús til að leiðbeina og deila
þekkingu sinni, hún var vinnu-
söm, gekk til allra verka og
gafst aldrei upp þó vindurinn
væri í fangið og síðar hríðarbyl-
ur. Það sást glöggt þegar við-
skiptabankarnir þrír féllu í októ-
ber 2008 hve þrautseig hún var.
Þá hafði hún áræði til að taka
erfiðar ákvarðanir.
Í bankahruninu mátti engu
muna að erlend greiðslumiðlun
Íslands lokaðist. Þá stóð Gulla í
brúnni ásamt helstu sérfræðing-
um bankakerfisins og saman
reru þau lífróður dag eftir dag
eftir dag. Ekkert mátti út af
bera svo landið lokaðist ekki frá
umheiminum. Sjálft Ísland var
komið í öndunarvél. Þeir eru
enn of fáir sem vita hverju
starfsfólk Seðlabanka Íslands
ásamt helstu sérfræðingum
bankanna áorkaði á þessum við-
sjárverðu og áður óþekktu tím-
um. Ég er fullviss að þessa
þrekvirkis verður getið á spjöld-
um sögunnar þegar fram líða
stundir.
Gulla var fróð og bráð-
skemmtileg og ég naut þess að
hafa farið með henni í tvær af
eftirminnilegri ferðum sem ég
hef farið. Báðar voru ferðirnar
farnar undirbúningslaust. Fyrri
ferðin var til Tallinn, en þangað
fórum við tvær frá Helsinki á
svifnökkva. Hin ferðin var til
Rómar og þá frá Lúxemborg
þar sem við höfðum þrjár verið
að vinna. Gulla ákvað í báðum
ferðum áfangastaðina. Hún
þekkti sögu staðanna og sagði
hana þannig að allt varð ljóslif-
andi og spennandi.
Gulla var mikil málamann-
eskja og spreytti sig á ítölskunni
þessa einu helgi sem við vorum í
Róm. Kannski hefur krafturinn
hjálpað, sem fylgdi því að vera á
Péturstorgi í sjálfu Vatíkaninu
ásamt þúsundum annarra í bæn
fyrir Jóhannesi Páli páfa öðrum,
en þetta kvöld lést hann saddur
lífdaga í hárri elli.
Mér var Gulla einstaklega hlý
og kærleiksrík og þess hafa
hennar nánustu án efa notið í
ríkum mæli. Með blik í augum
sagði hún frá Mörtu sinni og
ömmustrákunum sem hún var
svo stolt af og fölskvalaus var
gleði hennar yfir því hve Marta
spilaði vel úr þeim spilum sem
hún fékk á hendi. Gulla var líka
gæfusöm þegar leiðir hennar og
Sigtryggs lágu saman. Þau hafa
án efa gert hvort annað betra.
„Maðurinn einn er ei nema hálf-
ur, með öðrum er hann meiri en
hann sjálfur,“ kvað þjóðskáldið
Einar Benediktsson.
Að leiðarlokum drúpi ég
höfði, þakka samfylgdina. Guð-
laug Helga Konráðsdóttir er
kært kvödd og Guði falin. Þeim
Sigtryggi, Mörtu og fjölskyldum
þeirra sendi ég mínar dýpstu
samúðarkveðjur og óska þeim
Guðs blessunar.
Selma Filippusdóttir.
Í dag kveðjum við kæra sam-
starfskonu og góðan félaga.
Gulla var til margra ára deild-
arstjóri okkar í erlendri
greiðslumiðlun. Hún fór sem
klettur, stolt fyrir góðum hópi,
með áratuga reynslu og var fag-
manneskja á sínu sviði. Henni
fylgdi gott orðspor og traust,
hvort sem var hérlendis eða er-
lendis í bankaheiminum. Í
bankahruninu kom sér vel að
njóta starfskrafta og reynslu
Gullu af erlendum viðskiptum.
Sorg og söknuður læðist að
hjartanu. Sorg vegna þessa sem
orðið er og enginn mannlegur
máttur fær ráðið við. Söknuður
vegna félaga sem horfinn er á
braut og á ekki afturkvæmt þótt
við höfum haldið í vonina uns yf-
ir lauk.
Það var gott að geta heimsótt
Gullu á afmælisdaginn, spjallað
og komið til hennar góðum
kveðjum.
Stórt skarð er höggvið í okk-
ar litla hóp og mikil eftirsjá að
góðum félaga.
Um leið og við kveðjum
Gullu, kæra samstarfskonu, og
þökkum henni samfylgdina biðj-
um við góðan Guð að styrkja
elskulegan eiginmann, dóttur,
ömmustrákana, ættingja og ást-
vini.
Guð geymi þig, elsku Gulla
okkar.
Ég þakka þau ár sem ég átti
þá auðnu að hafa þig hér,
og það er svo margs að minnast
svo margt sem um hug minn fer,
þó þú sért horfinn úr heimi
ég hitti þig ekki um hríð,
þín minning er ljós sem lifir
og lýsir um ókomna tíð.
(Þórunn Sigurðardóttir)
Kveðjur,
Þórarinn Örn, Ragna,
Sigríður Vera, Kjartan,
Aðalbjörg, Anna Hilda,
Arna Björk, Bára.
Guðlaug Helga Konráðsdóttir
bankastarfsmaður er fallin frá
langt fyrir aldur fram. Hún
hafði unnið hjá Íslandsbanka og
forverum hans í tæp 35 ár,
lengst af í erlendri greiðslumiðl-
un.
Ég kynntist Gullu þegar ég
hóf störf sem forstöðumaður
Útibúaþjónustu haustið 2006.
Gulla var þá deildarstjóri er-
lendrar greiðslumiðlunar sem
heyrði undir Útibúaþjónustuna.
Gulla var duglegur og sam-
viskusamur starfsmaður. Hún
var í góðum tengslum við er-
lenda banka og byggði upp
mikla þekkingu á erlendri
greiðslumiðlun hjá Íslands-
banka. Hún var góður stjórn-
andi og hópurinn hennar treysti
henni vel.
Haustið 2008, þegar banka-
kerfið á Íslandi hrundi á einni
nóttu, skipti máli fyrir Íslands-
banka að hafa í sínum röðum
starfsmann eins og Gullu.
Starfsmann sem brást hárrétt
við mjög erfiðum aðstæðum og
tryggði hagsmuni bankans og
viðskiptavina hans.
Við Gulla fórum nokkrum
sinnum saman utan á ráðstefnur
til að treysta og tryggja góð
sambönd við erlenda banka. Ég
tók eftir því í þessum ferðum að
forsvarsmenn erlendu bankanna
þekktu Gullu vel og var hlýtt til
hennar. Hún hélt vel utan um
þau atriði sem skerpa þurfti á
og vann vel í að tryggja hnökra-
laus samskipti.
Gulla greindist með krabba-
mein í apríl á síðasta ári. Mér er
minnisstætt þegar hún tilkynnti
mér að meinið hefði fundist.
Hún sagði það staðbundið og
var staðráðin í að koma til baka
í vinnuna síðar á sama ári. Hún
kom til okkar nokkrum sinnum í
heimsókn og alltaf jafn ákveðin í
því að hún myndi sigrast á
þessu. Í lok síðasta árs var ljóst
hvert stefndi. Gulla kæmi ekki
til baka.
Fyrir hönd Íslandsbanka
þakka ég fyrir öll þau störf sem
hún vann af trúmennsku í þágu
bankans og viðskiptavina hans.
Við samstarfsmenn hennar
munum minnast Gullu með
þakklæti og söknuði.
Sigtryggi og öðrum aðstand-
endum sendum við hlýjar sam-
úðarkveðjur.
Hvíl í friði.
F.h. starfsmanna Útibúaþjón-
ustu Íslandsbanka,
Ástrún Björk Ágústsdóttir.
Ég vil minnast kærrar vin-
konu og samstarfskonu minnar
með nokkrum orðum. Í gegnum
samstarf okkar í notendanefnd
IBAS-kerfisins kynntumst við
Gulla vel í gegnum árin. Það var
aldrei lognmolla í kringum Gullu
og hún var hrókur alls fagnaðar
þegar við hittumst á notenda-
nefndarfundum. Undanfarin ár
höfum við verið saman í stjórn
notendanefndar og átt góðar
sameiginlegar stundir á okkar
ferðalögum. Þegar ég hef þurft
að leita álits starfsins vegna hef-
ur Gulla verið boðin og búin að
leiðbeina mér eins og henni
einni er lagið. Þín verður sárt
saknað, Gulla mín.
Ég sendi ástvinum Gullu inni-
legar samúðarkveðjur og megi
Guð styrkja ykkur á sorgar-
stundu.
Loks beygði þreytan þína dáð,
hið þýða fjör og augnaráð;
sú þraut var hörð – en hljóður nú
í hinsta draumi brosir þú.
(Jóhannes úr Kötlum)
Hrönn Eir Grétarsdóttir.
Mér barst til eyrna sorgar-
frétt um andlát Gullu. Þó svo að
ég vissi að hún væri búin að
vera veik, gerði ég ráð fyrir að
hitta hana fljótlega aftur, vitandi
hversu sterk kona hún var.
Í gegnum árin hef ég þekkt
Gullu sem afar fagmannlegan
samstarfsfélaga, en það sem
skiptir meira máli sem einstak-
ling sem bar mikla umhyggju
fyrir fólkinu í kringum sig, við-
skiptavinum, samstarfsfélögum
og ástvinum sínum. Alltaf með
góða skapið og umhyggju að
leiðarljósi gafst hún aldrei upp
við að leita að bestu lausnum á
vandamálum. Ég mun minnast
Gullu sem sterkrar konu með
ríka réttlætiskennd.
Viðbrögð mín og samstarfs-
félaga minna við þessum sorg-
arfréttum eru þau sömu. Allir
minnast Gullu sem yndislegrar
konu og við erum öll sammála
um að hún dó allt of ung.
Síðustu orð mín til hennar
voru: „Við söknum þín og von-
umst til að hitta þig aftur sem
fyrst.“ Við munum halda áfram
að sakna hennar en ég er sann-
færður um að hún mun alltaf
verða með okkur í anda.
Hugur okkar er hjá ástvinum
Gullu og við biðjum um að þau
hafi styrk til að takast á við
þennan mikla missi.
Fyrir hönd vina Gullu í ABN
Amro, Rotterdam,
Frans Westdorp.
Jörðin hætti að snúast um
tíma þegar við fréttum af and-
láti Gullu. Jafnvel þótt við viss-
um að hún væri að berjast við
krabbamein vonuðum við fram
til síðasta dags að hún myndi
sigra í baráttunni, en stundum
þarf jafnvel sterkasta fólk að
lúta í lægra haldi fyrir ofjarli
sínum.
Við kynntumst Gullu fyrst ár-
ið 1992. Í upphafi var hún „að-
eins“ einn af viðskiptavinum
okkar, en síðar vorum við það
heppin að geta kynnst henni
betur. Hún starfaði hjá fyrir-
tækinu okkar á árunum 1995 til
1997 og átti mikinn þátt í þróun
kerfa okkar. Hún flutti aftur til
Íslands árið 1997 þar sem fjöl-
skylda hennar þarfnaðist henn-
ar, en hún hélt áfram nánu sam-
starfi við CBA sem helsti
tengiliður okkar hjá Íslands-
banka. Hún tók virkan þátt í
notendanefnd IBAS, bæði sem
almennur meðlimur og sem
stjórnarmeðlimur, og hélt áfram
að leggja sitt af mörkum í þróun
kerfa okkar.
Við munum minnast Gullu
sem manneskju með mikla
þekkingu og sérfræðikunnáttu,
sem lagði ávallt sitt af mörkum
til að hafa áhrif á fólkið í kring-
um sig og lagði 110% áherslu á
velferð fjölskyldu sinnar og vina.
Gullu verður sárt saknað en við
munum ávallt minnast hennar
með bros á vör.
Hugur okkar er hjá ástvinum
Gullu og við vonumst til að þeir
hafi styrkinn til að takast á við
fráfall hennar sem var tekin allt
of fljótt frá okkur.
Fyrir hönd vina Gullu í CBA,
Helle.
Blóm eru okkar fag
Útfaraskreytingar
Samúðarblóm
REYKJAVÍKURBLÓM
BORGARTÚNI 23 S: 561-1300
www.reykjavikurblom.is
✝
Þökkum auðsýnda samúð og vinarhug við
andlát og útför ástkærrar systur minnar og
frænku,
SÓLEYJAR BRYNJÓLFSDÓTTUR
frá Hrísey,
Hraunbæ 102h,
Reykjavík.
Hallfríður Brynjólfsdóttir,
Sigurveig Alfreðsdóttir, Gunnar H. Hall.