Morgunblaðið - Sunnudagur - 10.03.2013, Page 23

10.3. 2013 MORGUNBLAÐIÐ SUNNUDAGUR 23
F
jöldi fólks hefur æft stíft í vetur til þess að eiga möguleika á að
hljóta nafnbótina landvættur. Fjölþrautarfélagið Landvættir var
stofnað fyrir um ári en yfirlýstur tilgangur félagsins er að safna
félögum. Aðeins þeir sem ná að klára þrautirnar fjórar, sem eru
hver í sínum landshluta, geta gerst félagar. Fyrsta keppnin sem gildir er
Fossavatnsgangan, sem fram fer í maí.
Að sögn Ingvars Þóroddssonar, formanns félagsins, var hugmyndin að
baki félaginu sú að gefa fólki sem er duglegt að hreyfa sig tækifæri á að
prófa fleiri greinar. Hugmyndin er að nokkru sótt í sænska fyrirmynd.
„Sænski klassíkerinn er keppni sem hefur verið í gangi í Svíþjóð í 25 ár
og þar er keppt í þessum sömu fjórum greinum. Svo náði hugsunin aðeins
lengra og við ákváðum að það væri ein grein í hverjum landshluta. Þannig
fannst okkur við getað kallað okkur Landvætti,“ segir Ingvar.
Félagið skipuleggur enga viðburði sjálft heldur snýst áskorunin um að
þeir sem vilja gerast félagar klári fyrrnefndar fjórar keppnir, sem sumar
hafa verið til í fjölda ára. „Fólk sem hreyfir sig mikið þarf sífellt nýjar
áskoranir. Við vitum til þess að það er stór hópur sem ætlar í Fossa-
vatnsgönguna í þeim tilgangi að verða Landvættur,“ segir Ingvar en hann
tekur fram að það skipti engu máli á hvaða tíma keppendur koma í mark.
Landvættaáskorunin gangi aðeins út á að klára keppnirnar fjórar á innan
við ári og hljóta hina eftirsóttu nafnbót. Nánar á landvaettur.is.
Vesturhluti Fossavatnsgangan er 50 km skíðaganga á Ísafirði og hápunktur gönguskíðavetrarins.
Hún fer fram hinn 4. maí og upplýsingar má finna á www.fossavatn.com
Austurhluti Urriðavatnssundið er 2,6 km sund í Urriðavatni nálægt Fellabæ á Fljótsdals-
héraði. Sundið fer fram 27. júlí og nánari upplýsingar má finna á www.urridavatnssund.is
Norðurhluti Jökulsárhlaupið er 32,7 km hlaup frá Dettifossi til Ásbyrgis. Hlaupið í ár fer fram 10.
ágúst en fræðast má nánar um keppnina á vefnum www.jokulsarhlaup.is.
Vilja verða
landvættir
TIL AÐ GETA ORÐIÐ FULLGILDUR LANDVÆTTUR ÞARF AÐ
AFREKA Á INNAN VIÐ ÁRI AÐ HLAUPA JÖKULSÁRHLAUP,
GANGA FOSSAVATNSGÖNGU Á SKÍÐUM, KLÁRA HJÓLA-
KEPPNINA BLÁALÓNSÞRAUTINA OG SYNDA URRIÐA-
VATNSSUND. HVER ÞESSARA KEPPNA ER Í SÍNUM LANDS-
HLUTA OG MARGIR HEFJA LEIKINN Á ÍSAFIRÐI Í MAÍ.
Eyrún Magnúsdóttir eyrun@mbl.is
Suðurhluti Bláalónsþrautin er 60 km hjólreiðar sem byrja í Hafnarfirði og enda í sjálfu Bláa lóninu við Grindavík.
Keppnin fer fram 8. júní og má nálgast frekari upplýsingar á vefnum www.bluelagoonchallenge.com
* Til aðhljótanafnbótina
landvættur
þarf að hlaupa,
hjóla, synda
í sjó og ganga
á skíðum.
Klára eina
keppni í hverj-
um landshluta.
Ljósmynd/Þór Gíslason
Ljósmynd/ Sigurjón J. Sigurðs