Morgunblaðið - Sunnudagur - 10.03.2013, Page 26

26 MORGUNBLAÐIÐ SUNNUDAGUR 10.3. 2013
Heimili og hönnun
A
rkitektastofan Úti og inni er til húsa á rúmgóðri og
bjartri hæð í Þingholtsstræti. Þar ráða ríkjum arki-
tektarnir Baldur Ó. Svavarsson og Jón Þór Þorvalds-
son. Þeir hafa rekið stofuna saman frá 1991 og verið
allan tímann í þessu húsi, þar af næstum tuttugu ár á þessari
hæð. „Við höfum reynt að fjölga ekki mikið hérna og reynt að
hafa þetta temmilega stærð,“ segir Baldur. „Mest vorum við sex
til átta,“ segir hann, með tveimur nemum. „Við höfum alltaf
reynt að hleypa skólafólkinu til okkar,“ segir Jón Þór. „Okkur
fannst við hafa siðferðilega skyldu til að vera viljugir að taka á
móti þessu yngra fólki,“ segir Baldur en það gáfu sér ekki allar
arkitektastofur tíma fyrir nema á uppgangsárunum. Þeir hafa
líka viljað einbeita sér að hönnun en ekki festast í stjórnunar-
störfum. Samstarf þeirra hefur alla tíð verið gott, þeir lýsa því
sem „ágætu hjónabandi“ og að þeir „bakki hvor annan upp“.
Þeim finnst gott að vinna í opnu rými því þannig sé hægt að
fylgjast með öllu sem er í gangi.
Gaman er að segja frá því að Steinunn, dóttir Jóns Þórs, er
arkitekt eins og faðir hennar og líka afi, Þorvaldur S. Þorvalds-
son. Til viðbótar er sonur Baldurs, Brynjar Darri, byrjaður í
arkitektúrnámi við LHÍ þannig að þeir hafa greinilega ekki
hrætt afkomendurna frá starfinu.
Fróði, hundur Baldurs, er sérlegur vakthundur stofunnar og
dvelur þar langdvölum, er meira að segja með eigið netfang á
stofunni! Hér er hann við skemmtilegan skrifstofustól, sem
er frá fyrri hluta síðustu aldar og Baldur kom með heim frá
námsárunum í Noregi.
Salerni stofunnar er í gömlu lyftuopi, sem reyndar hefur aldr-
ei verið notað sem slíkt.
Góður andi
SUNNUDAGSBLAÐ MORGUNBLAÐSINS HELDUR ÁFRAM AÐ KÍKJA Í HEIMSÓKN TIL SKAPANDI
STÉTTA Í TILEFNI HÖNNUNARMARS. VEL VAR TEKIÐ Á MÓTI BLAÐAMANNI OG LJÓSMYNDARA
Í RÚMGÓÐU HÚSNÆÐI ARKITEKTASTOFU VIÐ ÞINGHOLTSSTRÆTI.
Texti: Inga Rún Sigurðardóttir ingarun@mbl.is
Myndir: Styrmir Kári Erwinsson styrmirkari@mbl.is
Aðalrýmið, birtan er næg og
skrifborðin stór. Hægt er að
fylgjast með öllu sem gerist í
svona opnu rými og auðvelt að
eiga samskipti sín á milli.
INNLIT Á ARKITEKTASTOFUNA ÚTI OG INNI
HÚSGAGNAHÖLLIN • B í ld shöfða 20 • Reyk jav í k • s ím i 558 1100 OPIÐ Vi rka daga 10-18 , l augard . 11 -17 og sunnud . 13-17
SÖDAHL PÚÐAR, BAÐVÖRUR, RÚMFÖT OG DÚKAR