Morgunblaðið - Sunnudagur - 10.03.2013, Side 48

É
g átta mig ekki á því
ennþá hvaða þýðingu
þetta kemur til með að
hafa fyrir mig. Suður-
Ameríka er risastór
markaður og það yrði rosalega gam-
an að láta á hann reyna. Núna er
hins vegar nauðsynlegt að anda ró-
lega og fara vel og vandlega yfir til-
boðin sem berast. Sjáum hvert það
leiðir okkur.“
Þetta segir Hera Björk Þórhalls-
dóttir söngkona en hún fór sem
kunnugt er með sigur af hólmi í
sönglagakeppninni Viña del Mar í
Síle á dögunum.
Hera Björk hafði aldrei heyrt á
keppnina minnst þegar hún fékk fyr-
irspurn um það í nóvember síðast-
liðnum hvort hún hefði áhuga á að
senda inn lög. Henni þótti tækifærið
spennandi og ákvað að senda inn
fjögur lög, samin með mismunandi
meðhöfundum. Um miðjan desember
kom svo í ljós að lagið „Because You
Can“ væri komið í tólf laga úrslit
keppninnar. Það samdi Hera Björk í
samvinnu við Örlyg Smára, Camillu
Gottschalck, Jonas Gladnikoff og
Christinu Schilling, en þau tvö síðast-
nefndu voru meðhöfundar Heru
Bjarkar að laginu „Someday“ sem
varð í öðru sæti í dönsku Evróvisjón-
söngvakeppninni árið 2009.
„Jólin voru að koma eftir korter
og fyrir vikið lítill tími til að bregð-
ast við þessum tíðindum,“ rifjar
Hera Björk upp. Þau Valgeir Magn-
ússon, umboðsmaður hennar, fóru
þó í stellingar og útbjuggu kynning-
arpakka til að senda til Síle. „Ég
fékk líka allskonar styrki í formi
vöruúttekta, margt smátt gerir eitt
stórt. Svo voru það bara gamall
kjóll, gamlir skór og meira að segja
gamlar nærbuxur,“ segir söngkonan
og skellir upp úr.
Þá var hún klár í slaginn.
Stemning fyrir laginu
„Because You Can“ hefur verið lýst
sem skandinavísku danspoppi sem
er form tónlistar sem Hera Björk
segir til þess að gera lítið þekkt í
Suður-Ameríku. „Um leið og ég
kom út fann ég að það var stemning
fyrir laginu og það er ekki amalegt
að taka þátt í að ryðja nýrri stefnu
braut í þessari heimsálfu.“
Viña del Mar er ein virtasta og
vinsælasta sönglagakeppni Suður-
Ameríku. Keppnin fer fram í Síle og
hefur hún verið haldin árlega síðan
1960, en fram til ársins 1968 máttu
aðeins síleskir lagahöfundar taka
þátt. Alls hafa sautján lönd borið
sigur úr býtum í keppninni, en lönd-
in sem oftast hafa sigrað eru Síle,
Ítalía, Spánn og Argentína. Ísland
er fyrst Norðurlanda til að sigra í
keppninni.
Keppnin fór fram á leikvellinum
Quinta Vergara að viðstöddum 25
þúsund áhorfendum, en talið er að
um 100 milljón manns víðs vegar
Það er pláss fyrir
íslenska bjútíbollu
HERA BJÖRK ÞÓRHALLSDÓTTIR VANN FRÆKINN SIGUR Í SÖNGLAGAKEPPNINNI VIÑA DEL MAR Í SÍLE Á
DÖGUNUM. HÚN ER ÞEGAR FARIN AÐ FÁ TILBOÐ OG FYRIRSPURNIR UM AÐ KOMA FRAM Í SUÐUR-
AMERÍKU EN ENGIN ÁKVÖRÐUN HEFUR VERIÐ TEKIN UM FRAMHALDIÐ. SÖNGKONAN VIÐURKENNIR
ÞÓ AÐ MARKAÐURINN SÉ ÁKAFLEGA SPENNANDI.
Texti: Orri Páll Ormarsson orri@mbl.is
Portrett: Kjartan Þorbjörnsson golli@mbl.is
um heiminn hafi fylgst með keppn-
inni í sjónvarpi. Hefð er fyrir því að
ýmsar stórstjörnur tónlistarbrans-
ans skemmti áhorfendum keppn-
innar, en í gegnum árin hafa m.a.
komið fram Shakira, Julio Iglesia,
Donna Summers, Ricky Martin og
Gloria Estafan auk Eltons Johns og
Jonas-bræðra sem tróðu upp í ár.
Áhorfendur í Viña del Mar eru
frægir fyrir að láta ekki bjóða sér
hvað sem er og ganga í daglegu tali
undir nafninu „skrímslið“. Ýmsir
söngvarar hafa fengið að kenna á
því gegnum tíðina, hafa jafnvel verið
baulaðir af sviðinu.
Var í öruggum höndum
Hera Björk segir keppnina einkenn-
ast af mikilli fagmennsku, menn viti
greinilega hvað þeir séu að gera.
Hún dvaldist í fimmtán daga í Viña
del Mar en náði lítið að skoða sig
um, svo stíf var dagskráin. „Mér
leið strax vel og fann að ég var í
öruggum höndum. Þetta er risa-
dæmi og engin tilviljun að heima-
menn tali um „hátíð hátíðanna“,
borgin fer hreinlega á hliðina meðan
á keppninni stendur. Ég lenti þarna
í mínu fyrsta rauðadregils-partíi
með öllum fegurðardrottningum álf-
unnar, núverandi og fyrrverandi, og
fjölmörgum fyrirsætum í misjafn-
lega efnislitlum kjólum. Allir sem
vettlingi geta valdið láta sjá sig og
meðfram dreglinum voru saman-
komin mörg þúsund manns.“
Hún segir Viña del Mar-keppnina
smærri í sniðum en Evróvisjón en
tilfinningahitinn sé án efa meiri.
Hátíðin stendur í sex daga og
flutti Hera Björk lagið alls fjórum
sinnum, þar af einu sinni eftir að
úrslitin lágu fyrir.
Her fór utan til Síle með
Heru Björk. Eins manns
her, Valgeir Magnússon,
umboðsmaður hennar.
„Valli var eins og milljón
manns, án hans hefði ég
aldrei getað þetta. Auk
þess að halda utan um allt
lærði hann að greiða mér
áður en ég kom fram. Það
var dásamlegt að fylgjast
með honum í speglinum,
með tunguna út úr sér af
einbeitingu,“ segir Hera Björk og bætir við að Valgeir hafi einnig
sterka skoðun á klæðaburði hennar á sviði.
Hún segir Valgeir hafa fengið háðsglósur af þessu tilefni en það sé
eins og að skvetta vatni á gæs. „Valli gerir það sem gera þarf, eins og
góðum umboðsmanni sæmir. Hann myndi örugglega gyrða mig líka
þyrfti ég á því að halda.“
Hún hlær.
Hera Björk hefur unnið með Valgeiri síðan 2009 og segir þau eiga
afar vel saman. „Hann gerir mér kleift að einbeita mér að því sem ég
er góð í, að syngja og brosa. Hann er góður í öllu hinu. Valli er líka
mjög duglegur að veita mér aðhald, eins og að reka mig í rúmið á
kvöldin þegar ég er farin að kjafta og hlæja of mikið.“
Valgeir Magnússon, umboðsmaður Heru
Bjarkar, einbeittur að greiða henni.
EINS MANNS HER
Viðtal
48 MORGUNBLAÐIÐ SUNNUDAGUR 10.3. 2013
Umhverfisvænni
díselolía hjá Olís
Ef allir díselbílar á Íslandi notuðu VLO-díselolíu
myndi það jafngilda kolefnisbindingu 8,6 milljóna trjáa!*
PI
PA
R\
TB
W
A
-S
ÍA
-1
30
12
5
*Á einu ári losar díselbílafloti Íslendinga um 345 þúsund tonn af koltvísýringi
jafngilda því að gróðursetja 8,6 milljónir trjáa eða skóg sem nemur öllu byggðu