Morgunblaðið - Sunnudagur - 07.04.2013, Qupperneq 40

Fötin frá Malene Birger fást í Evu og Kultur.Prada tískuhúsið með óvenjulegt blómamunstur. Frá sýningu Roberto Cavalli á tískuviku í Mílanó.
H
elstu tískuhönnuðirnir sýndu
blómamunstur á tískupöllunum
þegar sumartískan 2013 var
kynnt síðasta haust. Blóma-
munstur hönnuðanna hafa ýmsar birtingar-
myndir. Hið klassíska ítalska tískuhús
Gucci sýndi heillandi línu þar sem grunn-
urinn er hvítur en blómamunstrin eins og
í villigarði. Hin villtu munstur keyra upp
sumarstemninguna og segja okkur að það
sé betri tími framundan með villtum og
óvæntum uppákomum. Í línunni eru ekki
bara flíkur heldur skór og töskur. Opnir
Gucci-hælaskór væru til dæmis dálítið
flottir við litríkar buxur og gallaskyrtu og
taskan passar náttúrlega við allt því í
sumar eigum við ekki að vera of stíliser-
aðar heldur leyfa hugmyndafluginu að
njóta sín.
Það er hægt að fara ýmsar leiðir í
blómatískunni. Þær sem vilja vera með en
ekki of áberandi fá sér létta sumarskyrtu
með blómamunstri en ef þú vilt taka
„gelluna“ á þetta þá eru grænar Michael
Kors-buxur málið. Við þær er farið í
þröngan hlýrabol, sem er girtur ofan í
buxurnar, og sjóliðajakka við. Ekki má
gleyma brúnum leðursandölum. Það verða
allar skvísur að eiga eitt par af slíkum
skóm í sumar. Muna bara að lakka tá-
neglurnar og skrúbba dauðar húðfrumur af
fótunum. Þá ætti þetta að steinliggja.
Blómlegar buxur frá Michael Kors.
Ítalska tískuhúsið Gucci notar blómamunstur á töskur, skó og kápur.
SUMARTÍSKAN
Blómamunstur
koma sterk inn
BRÚNIR LEÐURSANDALAR OG BLÓMAMUNSTUR ERU MÁLIÐ Í SUMAR.
Marta María Jónasdóttir martamaria@mbl.is
Emmy Rossum mætti í Gucci blómakjól á frum-
sýningu í New York á dögunum.
40 MORGUNBLAÐIÐ SUNNUDAGUR 7.4. 2013
Föt og fylgihlutir