Morgunblaðið - Sunnudagur - 14.04.2013, Blaðsíða 2

2 MORGUNBLAÐIÐ SUNNUDAGUR 14.4. 2013
Alþingiskosningar nálgast og val-
kostirnir á kjörseðlinum hafa
sjaldan verið fleiri. Í Sunnudags-
blaði dagsins er birt nýstárlegt
próf sem hægt er að nota til að
taka ákvörðun í kjörklefanum.
Prófið byggist á því að nota sið-
fræðina við ákvarðanatöku og get-
ur virst flókið í fyrstu en gagnast
vonandi einhverjum, einkum þeim
sem nú um stundir klóra sér í
höfðinu yfir fjölda framboða og
vilja taka upplýsta ákvörðun um
hvernig ráðstafa skal atkvæðinu.
Konur upplifa ótrúlegustu hluti
á meðgöngu, eins og úttekt
Sunnudagsblaðsins leiðir í ljós.
Sumar fá fíkn í mold meðan aðrar
þrá ekkert frekar en að finna lykt
af bensíni.
Hrafn Gunnlaugsson talar um
barneignir í viðtali í blaðinu í dag
en hann á von á sínu sjötta barni
kominn á sjötugsaldur. Hann seg-
ist vel geta hugsað sér að gera
fleiri kvikmyndir en lætur þó ekk-
ert uppi um hvort hann er með
mynd í smíðum.
Svava Johanssen og maður
hennar Björn Sveinbjörnsson eru
oft milli tannanna á fólki en hafa
reynt á eigin skinni að lífið er ekki
alltaf beinn og breiður vegur. Í
viðtali við Sunnudagsblað Morg-
unblaðsins segja þau frá því
hvernig föðurmissir hefur markað
þau bæði á ólíkum æviskeiðum og
lýsa þeirri óvissu sem hrunið hafði
í för með sér. Eftir hrun vissu þau
ekki frá degi til dags hvort fyr-
irtæki þeirra NTC hefði það af.
Eftirköst hrunsins hafa eflaust
áhrif á atkvæði margra í kosning-
unum framundan. Við reynum að
gerast spámenn og sjá fyrir okkur
hvaða flokkur eða flokkar eru lík-
legastir til að bæta okkar hag.
Framboðin eru fjölmörg en hitt er
annað mál hvort spurn er eftir
öllu því fólki sem telur sig þess
umkomið að leiða þjóðina. Því
verður svarað á kjördag.
RABBIÐ
Val á val ofan
Eyrún Magnúsdóttir
Veður hefur verið gott víða um land undanfarið en nú bregður til beggja vona og eins gott að búa sig vel um helgina. Maðurinn sem spígsporaði við
Reykjavíkurhöfn síðdegis í gær, föstudag, hefur líklega fylgst vel með veðurspánni. Frostið kleip þá borgarbúa eins og aðra landsmenn, vindurinn var að
norðan og gert er ráð fyrir ansi kaldri norðanátt alla helgina, töluverðum vindi og éljum hér og þar. Yfirvofandi vorið hefur því verið sett á biðlistann al-
ræmda um stundarsakir og aðstæður minna líklega meira á vetrarbyrjun en aðdraganda sumars fram í miðja næstu viku. Því er óhætt að stinga stutt-
ermabolnum aftur upp í skáp en hafa frekar skíðagallann og tilheyrandi græjur tilbúnar. Hugsanlega gefur til skíðaiðkunar næstu daga en ef allt um þrýtur
verður í það minnsta væntanlega mögulegt að fara út á lóð og reisa snjóhús með börnunum eða börnum þeirra. skapti@mbl.is
AUGNABLIKIÐ
Morgunblaðið/Kristinn
HAUSTLEGT VOR
FARFUGLARNIR ERU FARNIR AÐ TÍNAST TIL LANDSINS, SÓLIN HEFUR KYSST KINN UNDANFARIÐ OG VEÐRIÐ
VERIÐ BÝSNA FALLEGT – AÐ MINNSTA KOSTI SÉÐ ÚT UM GLUGGANN INNAN ÚR HLÝJUNNI.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Útgefandi Óskar Magnússon
Ritstjórar Davíð Oddsson, Haraldur Johannessen
Aðstoðarritstjóri Karl Blöndal
Umsjón
Eyrún Magnúsdóttir,
eyrun@mbl.is
Prentun
Landsprent ehf.
Hvað: Útgáfutónleikar Ólafar Arnalds.
Hvenær: Kl. 21.30 á laugardag.
Hvar: Í Þjóðmenningarhúsinu.
Útgáfutónleikar
Hvað: Maggi Eiríks
og KK á tónleikum.
Hvenær: Kl. 22.00 á
laugardag.
Hvar: Græni hatt-
urinn á Akureyri.
Maggi Eiríks og KK
Í fókus
VIÐBURÐIR HELGARINNAR
Hvað: Leikritið Ormstunga.
Hvenær: Kl. 20 á laugardag og sunnu-
dag.
Hvar: Í Borgarleikhúsinu.
Ormstunga
Hvað: Stórsveit
Reykjavíkur flytur
efnisskrá eftir
saxófónleikarann
og tónsmiðinn
Stefán S. Stef-
ánsson.
Hvenær: Kl. 16.00 á sunnudag.
Hvar: Kaldalóni.
Stórsveit Reykjavíkur
Hvað: Undanúrslitaleikir ÍBV og Fram,
og Vals og Stjörnunnar.
Hvenær: Á sunnudag klukkan 15.00 og
16.00.
Hvar: Í Vestmannaeyjum og í Mýrinni.
Úrslitakeppni kvenna
Hvað: FH og Fram og Haukar og ÍR
eigast við í úrslitakeppninni í handbolta.
Hvenær: Kl. 15.00 og 17.00 á laug-
ardag.
Hvar: Kaplakriki og Schenkerhöllin.
Úrslitakeppni
* Forsíðumyndina tók Árni Sæberg.