Morgunblaðið - Sunnudagur - 14.04.2013, Blaðsíða 40

40 MORGUNBLAÐIÐ SUNNUDAGUR 14.4. 2013
Föt og fylgihlutir
Meðan flestar okkar eiga eina, hlýja og vandaða vetr-
arkápu til að líta vel út í kuldanum virðist Katrín eiga
fullan fataskáp af vetrarkápum, eins og prinsessa er
von og vísa. Katrín hefur greinilega ekki misst sig í
fataverslunum fyrir verðandi mæður og skartar eng-
um sirkustjöldum við opinber tækifæri. Enda er erfitt
að sjá að hertogaynjan eigi von á sér eftir þrjá mán-
uði. Það hefur í raun verið hjákátlegt að skoða vefsíð-
ur breskra miðla undanfarið. Hver upphrópunin á eftir
annarri lofar myndum af óléttubumbunni en þeg-
ar betur er að gáð þarf einbeittan vilja til að
sjá ummerki um ófæddan erfingja bresku
krúnunnar. Katrín nýtir sér kápur með A-sniði
– sem klæða hvers kyns bungur fyrir neðan
brjóst af öllum konum – en virðist líka með-
vituð um að halda einhverju fyrir framan
sig miðja, vitandi að bumban hennar er ein
sú eftirsóttasta í veröldinni af ljósmyndurum.
Katrín er grönn og nett kona fyrir og því
skiljanlegt að óléttubumban sé nett líka en
óneitanlega lítur þó út fyrir að hertogaynjan
sé snillingur í að klæða af sér óléttuna og
angra þar með ljósmyndara og aðra
forvitna. Kannski er Katrín
Middleton ekki svo ósátt við
kalda vorið í Bretlandi þetta
árið?
Í Skotlandsheimsókn hjónanna á dögunum skipti Katrín yfir í fallega appelsínugula Armani-kápu, sem er mjög svipuð og
sú rauða en hneppt með einum hnappi til hliðar og því er rýmra um miðjuna. Ef til vill þarf hertogaynjan að fjárfesta í
fleiri hliðarhnepptum yfirhöfnum á næstunni því á síðustu þremur mánuðum meðgöngunnar stækkar kúlan mest.
AFPLíklega á eftir að sjást oftar til Katrínar í þessari kápu, eða svipuðum yfirhöfn-
um, því fátt felur óléttukúlu betur en A-snið. Auk þess er þessi Goat-ullarkápa
vorlega stutt svo ef sumarið kemur einhverntíma eiga yfirhafnir með slíku sniði
áreiðanlega eftir að koma í góðar þarfir eftir því sem líður nær fæðingunni.
KONUNGLEGIR TÍSKUSTRAUMAR
Katrín og kápurnar
ÞAÐ FER LÍTIÐ FYRIR HÆKKANDI HITASTIGI Í BRETLANDI ÞETTA VORIÐ, EINS OG SJÁ MÁ Á
NÝLEGUM MYNDUM AF KATE MIDDLETON, HERTOGAYNJU AF CAMBRIDGE.
Texti: Ingibjörg Rósa Björnsdóttir ingibjorgrosa@gmail.com
Í upphafi Skotlandsheimsóknarinnar klæddist Katrín stuttri kápu með tartan-
mynstri, frá fatamerkinu Moloh sem er í miklu uppáhaldi hjá hertogaynjunni.
Katrín skartaði hárrauðri, einhnepptri
Armani-kápu í kuldanum í Skotlandi nýlega,
en sýndi skosku handbragði virðingu með
því að vefja handofnum tartan-mynstr-
uðum klúti frá D.C. Dalgliesh um hálsinn.
Í marsmánuði, þegar Katrín var komin
rúma fimm mánuði á leið, sást til hennar
opinberlega í London, í blárri ull-
arkápu frá danska hönnuðinum
Malene Birger.
Á köldum vetrardögum er gott að klæðast úlpu eins og Middleton klæðist hér.