Morgunblaðið - 03.07.2013, Blaðsíða 39

MENNING 39
MORGUNBLAÐIÐ MIÐVIKUDAGUR 3. JÚLÍ 2013
Vilhjálmur A. Kjartansson
vilhjalmur@mbl.is
Margir Íslendingar þekkja tónlistarkonuna
Eddu Borg en hún hefur spilað og sungið með
fjölda hljómsveita í gegnum tíðina og tekið þátt
í Söngvakeppni evrópskra sjónvarpsstöðva
fyrir Íslands hönd. Þrátt fyrir að hafa starfað í
tónlistargeiranum í fjölda ára er hún núna
fyrst að senda frá sér sinn fyrsta geisladisk
sem nefnist No Words Needed. „Ég er búin að
vera að semja tónlist í mörg ár en hef alltaf
laumupúkast með hana og ekki þorað að leyfa
fólki að heyra tónlistina mína. Það tók smá
kjark að taka þetta skref og gefa út minn eigin
disk,“ segir Edda sem er hæstánægð með út-
komuna.
Edda segir að það hafi tekið hana tvö ár að
vinna diskinn í hjáverkum en ferlið hafi raun-
verulega hafist þegar hún hafði samband við
Friðrik Karlsson gítarleikara. „Friðrik eða
Fissi eins og hann er kallaður kom í heimsókn
til mín og ég leyfði honum að heyra tónlistina
mína. Honum leist vel á hana og sagði við mig
að ég þyrfti að gera eitthvað meira með hana.
Það varð þá úr að hann tók að sér upp-
tökustjórn enda tónlist sem hann hefur virki-
lega gaman af. Við gerðum nánast allt frá
grunni og núna er diskurinn kominn út.“
Aðalhlutverkið áhugavert
Edda segist ekki vera vön því að vera í aðal-
hlutverki og hún hafi þurft að taka ákvörðun
um allar útfærslur og þætti plötunnar sjálf.
„Ég hef sungið, raddað og spilað á hljómborð
og píanó í ýmsum hljómsveitum og í upp-
tökum, en það er allt öðruvísi að gefa út disk
sjálf og vera í aðalhlutverki. Þetta kom mér
hins vegar skemmtilega á óvart þó vinnan hafi
verið mikil,“ segir Edda en hún þurfti að hlusta
eftir öllum hljóðfærunum, meta mismunandi
trommur og velja þær útgáfur sem fara áttu á
diskinn. Diskurinn sjálfur er fallega skreyttur
en það er dóttir Eddu Borg sem hannaði útlit-
ið. „Dóttir mín útskrifaðist fyrir rúmum tveim-
ur árum úr fatahönnun í Róm og ég fékk hana
til að hanna fyrir mig umslagið sem hún gerði
svona listavel.“ Á umslaginu er unnið með
form flygilsins en hann er heimavöllur Eddu.
Hugleiðsluástand við píanóið
No Words Needed er annars konar nálgun
en við eigum að venjast frá Eddu. Flest þekkj-
um við hana fyrir söng sinn og píanóleik. Það
kemur því mörgum á óvart að Edda syngur lít-
ið sem ekkert inn á diskinn en styður þó við
laglínur í þremur lögum en þó án orða. „Auð-
vitað búast margir við því að heyra mig syngja
á disknum enda hef ég sungið töluvert á mín-
um 30 ára tónlistarferli. Þetta er hins vegar
önnur hlið á mér sem kemur eflaust ein-
hverjum á óvart en diskurinn er instrumental
diskur,“ segir Edda en tónlist hennar er senni-
lega hægt að lýsa sem „smooth jazz“ eða „fu-
sion“.
Í stað þess að nálgast tónlistina með öguðum
og ákveðnum hætti lætur Edda lögin koma til
sín á hugrænan og afslappaðan hátt. „Ég sest
aldrei niður með það í huga að semja lag, ljúka
ákveðnu verki eða kafla í einhverju verki. Tón-
listin kemur til mín þegar ég sit við píanóið og
ég lít frekar á þetta sem ákveðna hugleiðslu en
stífa vinnu.“
Þessi nálgun Eddu til tónlistarinnar er
áhugaverð og endurspeglast í disknum hennar
en lögin eru þægileg og er best lýst sem nota-
legum undirtónum með vinnu, til hlustunar í
bílnum, í matarboðum eða bara heima í róleg-
heitunum. Útgáfutónleikarnir verða á Rósen-
berg fimmtudaginn 4. júlí nk. þar sem níu
manna band leikur með Eddu Borg.
Edda Borg án orða
Tónleikar Útgáfutónleikar Eddu verða haldnir á morgun á Rósenberg en þar kemur hún fram ásamt níu manna hljómsveit.
 No Words Needed er fyrsti diskur Eddu Borgar en útgáfutónleikarnir eru
á morgun  Að sögn Eddu má lýsa plötunni sem smooth jazz eða fusion
Álfheiður Ólafsdóttir sýnir olíumálverk sín
samtímis í Gallerí Ormi í Sögusetrinu á Hvols-
velli og hjá Kaffi Loka á Lokastíg í Reykjavík
undir yfirskriftinni Línan. Álfheiður lauk prófi
í grafískri hönnun frá Myndlista- og handíða-
skólanum vorið 1990. Hún er alin upp austur í
Fljótshlíð. „Að vera alin upp í sveit er gott
veganesti fyrir listamann. Þar sem sterk ítök
íslenskrar þjóðtrúar eru ríkjandi. Ég get ekki
komist hjá því að það séu einhverjir álfar og
fleiri skemmtilegar verur í málverkunum mín-
um. Mér finnst vænt um þegar þær birtast,“
segir listakonan m.a. um sýningar sínar.
Olíumálverk með klippimyndum
Tvær sýningar
Hestar María Jónsdóttir, móðir Álfheiðar,
klippir út hesta á olíugrunn dóttur sinnar.
Barbora Sejákova píanó-
leikari frá Tékklandi og
Tinna Sigurðardóttir sópr-
an leika og syngja á tón-
leikum í Áskirkju við Vest-
urbrún í kvöld kl. 20.
Á efnisskránni verða pí-
anóverk eftir Beethoven, og
tékknesku tónskáldin Slav-
ický og Sluka og einnig
söngljóð eftir Bizet, Fauré,
Sluka og Pál Ísólfsson. „Í ár
er 85 ára afmælisár Lubos Sluka en hann er
vinsælt samtímatónskáld í heimalandi sínu,“
segir m.a. í tilkynningu frá tónleikahöldurum.
Tónleikar í Áskirkju
Tékknesk músík
Tinna
Sigurðardóttir
Árlega koma þúsundir
gesta í Kapellu frelsarans
helga í borginni Úbeda í
Andalúsíu en nú má búast
við því að fjöldinn marg-
faldist. „Við erum komin
með styttu eftir Michelang-
elo!“ tilkynnti hertoginn af
Segorbe fjölmiðlum í gær,
þegar kynnt var viðgerð á
marmarastyttu sem stóð í
kapellunni í fjórar aldir en
brotnaði í 14 hluta þegar sprengja féll á kapell-
una í spænsku borgarastyrjöldinni árið 1936.
Verkið hefir verið í viðgerð í tvo áratugi og
þurfti að endurskapa um 60 prósent þess.
Hópur sagnfræðinga heldur því nú fram að um
sé að ræða týnt æskuverk eftir Michelangelo,
þekktasta myndhöggvara endurreisnartím-
ans, „San Giovannino“, af Jóhannesi skírara
ungum. Samkvæmt The New York Times
efast margir listfræðingar þó um tileinkunina.
Um áttatíu ár eru síðan fyrst var tekið að
tala um styttuna sem hið týnda verk meist-
arans, en einkum er deilt um handbragðið.
Stytta eignuð Michelangelo
Var í 14 brotum
Skírarinn Er þetta
San Giovannino?