Morgunblaðið - 09.07.2013, Page 1

Þ R I Ð J U D A G U R 9. J Ú L Í 2 0 1 3
 Stofnað 1913  158. tölublað  101. árgangur 
ÚR STÆRÐFRÆÐI
YFIR Í VÍSINDA-
SKÁLDSKAP
PALLBÍLL
FYRIR
OFURMENNIÐ
STEINUNN SÝNIR
Á SUMARSÝNINGU
Í FÆREYJUM
BÍLAR SKEMMDIR UNNAR Á VERKUM 31EINAR LEIF 32
Áslaug Arna Sigurbjörnsdóttir
aslaug@mbl.is
Ef forsetinn neitar nýjum lögum um
sérstök veiðigjöld staðfestingar og
lögin yrðu felld í þjóðaratkvæðis-
greiðslu yrðu engin sérstök veiðigjöld
á næsta fiskveiðiári, að sögn Jóns
Gunnarssonar, formanns atvinnuveganefndar Alþingis.
Ástæðan er sú að fiskveiðiárið hefst 1. september og
mjög ólíklegt sé að atkvæðagreiðslan verði fyrir þann
tíma. Ekki er hægt að leggja á sérstakt veiðigjald aftur í
tímann. „Afleiðingin yrði sú að einungis yrði almenna
veiðigjaldið borgað á næsta fiskveiðiári,“ segir Jón.
Ólafi Ragnari Grímssyni, forseta Íslands, var afhentur
undirskriftalisti um helgina þess efnis
að skora á hann að synja nýjum lögum
um sérstök veiðigjöld staðfestingar.
Forsetinn fær lögin líklegast afhend í
dag og veltur á honum hvort hann
samþykki þau eða beini þeim til þjóð-
arinnar.
Lögin sem í gildi voru áður en ný lög
voru samþykkt eru sögð óframkvæmanleg og er því ekki
unnt að leggja á sérstök veiðigjöld samkvæmt þeim lög-
um fyrir komandi fiskveiðiár ef nýju lögin verða felld úr
gildi.
„Lögin eru um skattlagningu og er almennt talið að
slík lög eigi ekki heima í þjóðaratkvæðisgreiðslu,“ segir
Jón Gunnarsson. »18
Mikil óvissa um veiðigjöld
Floti Fiskveiðiárið hefst 1. september.
 Engin sérstök veiðigjöld yrðu ef lögin yrðu felld af þjóðinni
Svo virðist sem íbúar á höfuðborgarsvæðinu þurfi
að bíða ögn lengur eftir sumri og sól, en þessir
menn vörðust regninu á Pósthússtræti með ryk-
frökkum og regnhlífum. Ekki er útlit fyrir að veðr-
ið batni á Suður- og Vesturlandi næstu daga, en þó
mun sólin láta sjá sig í Reykjavík um miðjan dag í
dag. Hins vegar er útlitið bjartara fyrir Norður- og
Austurland. Spáð blíðskaparveðri í vikunni og má
búat við að hitinn fari yfir 20 stig í dag og á mið-
vikudag og fimmtudag. agf@mbl.is
Morgunblaðið/Ómar
Varist vætunni í miðbænum
Rigning á höfuðborgarsvæðinu næstu daga en hiti fyrir norðan og austan
Baldur Arnarson
baldura@mbl.is
Þau umskipti hafa orðið á lánamarkaði að
verðtryggð fasteignalán eru aftur orðin al-
gengari en óverðtryggð, eftir tímabundið
skeið í kjölfar efna-
hagshrunsins þar
sem óverðtryggðu
lánin voru vinsælli.
Samanlagt lán-
uðu viðskiptabank-
arnir, sparisjóð-
irnir, Íbúða-
lánasjóður og
lífeyrissjóðirnir út
13,8 milljarða í
verðtryggð íbúða-
lán á fyrstu fimm
mánuðum ársins,
borið saman við
10,18 milljarða
óverðtryggð íbúða-
lán á sama tímabili.
Að mati sérfræðinga sem Morgunblaðið
ræddi við eiga lág verðbólga í sögulegu
samhengi og vaxtahækkanir Seðlabanka
Íslands þátt í að margir neytendur kjósa
orðið verðtryggð lán.
Blönduð íbúðalán vinsæl
Bára Mjöll Þórðardóttir, sérfræðingur á
samskiptasviði Arion banka, segir mikið um
það að fólk velji blönduð íbúðalán, en þá er
hluti þeirra verðtryggður og hluti óverð-
tryggður. Er algengt að hlutfallið sé þá
75% verðtryggt og 25% óverðtryggt, eða öf-
ugt, eða að hlutfallið sé jafnt milli verð-
tryggðra og óverðtryggðra lána.
Gústaf Steingrímsson, sérfræðingur hjá
Landsbankanum, segir kjörin á nýjum
óverðtryggðum húsnæðislánum í upphafi
síðasta árs hafa verið óvenju góð og að það
hafi verið hluti af markaðsátaki bankanna.
MVerðtryggð íbúðalán »12
Verð-
tryggt
vinsælla
 Meirihlutinn kýs
verðtryggð íbúðalán
Gengur til
baka
» Verðbólgan
mældist 3,3% í
júní en var 5,4%
í júní í fyrra.
» Hún var 4,2%
í júní 2011 og
5,7% í júní 2010
og 12,2% í júní
árið 2009.
 Von er á fimm skemmtiferða-
skipum til Reykjavíkur og Hafn-
arfjarðar í dag. Um borð eru alls um
9.450 manns, meira en 6.600 farþeg-
ar og rúmlega 2.800 skipverjar.
„Þetta er stór dagur, sá stærsti í
sumar með tilliti til farþegafjölda,“
sagði Anna Gunnarsdóttir, verk-
efnastjóri hjá Atlantik. Ferðaskrif-
stofan annast móttöku þriggja
stærstu skemmtiferðaskipanna í
Sundahöfn í dag, þ.e. AIDAluna,
Ocean Princess og Celebrity Ec-
lipse.
Um 90-100 rútur og önnur minni
ökutæki verða notuð til að flytja far-
þega úr skipunum í hópferðir. Vin-
sælast er að fara Gullna hringinn,
það er að Gullfossi og Geysi. Bláa
lónið er einnig vinsæll áfanga-
staður. »6
Metdagur í fjölda
ferðamanna í sumar
Celebrity Eclipse Kemur í dag.
 „Það eru miklar tafir vegna veð-
urs og allt tekur lengri tíma.“ segir
Arinbjörn Sigurðsson, faglærður
málari.
Hann hefur starfað við mál-
arabransann í 14 ár og man ekki eft-
ir jafn miklum vætutíma að sum-
arlagi. „Ég hef áhyggjur af
málurum sem ætluðu að treysta á
útiverkin í sumar. Ég ligg yfir veð-
urkortunum og krossa putta.“ »4
Málarar í vanda
vegna veðurs
Inniveður Arinbjörn málar inni.
Umsóknum í MBA-nám hjá Háskól-
anum í Reykjavík fjölgaði um 80%-
90% milli ára. Umsóknum fjölgaði
einnig mikið í MBA-nám í Háskóla
Íslands eða um 30-40%, að sögn
starfsmanna skólanna.
Fjöldi umsókna í ár er þó ekki jafn
mikill og á árunum fyrir hrun en for-
svarsmenn námsins segja að það fari
að nálgast það. Eftir hrun dróst að-
sókn í námið mikið saman hjá skól-
unum, árið 2010 var samdrátturinn
um 60-70% hjá HR.
Helmingur nemenda í MBA-
náminu í HR er konur og helmingur
karlar. „Kynjahlutföllin erlendis eru
yfirleitt 70% karlmenn og 30% kon-
ur,“ segir Telma Sæmundsdóttir,
verkefnastjóri hjá HR. »16
Umsóknir í MBA-nám
HR nær tvöfaldast
Morgunblaðið/Ernir
HR MBA-námið nýtur vinsælda.