Morgunblaðið - 09.07.2013, Qupperneq 4

SVIÐSLJÓS
Jón Heiðar Gunnarsson
jonheidar@mbl.is
„Veðrið hefur klárlega áhrif og ef
það væri bongóblíða hér heima þá
væru líklegast laus fleiri sæti hjá
okkur,“ segir Tómas J. Gestsson
framkvæmdastjóri Heimsferða en
þessa vikuna eru aðeins sex laus
sæti eftir og svipað er upp á ten-
ingnum í næstu viku.
Söluaukning fyrirtækisins er um
22% sé miðað við sama tíma í fyrra
og hann segir veðrið hafi mikið um
þetta að segja ásamt bættum efna-
hag fólks.
„Júlí hefur oft verið rólegur hjá
okkur þar sem margir vilja vera
heima á Íslandi yfir besta tímann en
nú hefur verið mjög mikið að gera
það sem af er mánuðinum.“
Fólk komið með nóg
„Veðrið hefur mikið að segja og
tölur í dag sýna fram á 12% aukn-
ingu á sölu þetta sumarið miðað við
sama tíma í fyrra,“ segir Steinunn
Tryggvadóttir, sölustjóri hjá Ferða-
skrifstofu Íslands, en undir henni
starfa ferðaskrifstofurnar Úrval Út-
sýn, Plúsferðir og Sumarferðir.
Hún nefnir dæmi um fólk sem
kemur inn á teppi til þeirra og seg-
ist vera búið að fá alveg nóg af væ-
tutíð hér heima við.
Svipaðar tölur og 2006
„Markaðurinn er að rétta úr
kútnum og núna erum við að upplifa
svipaðar sölutölur eins og voru árið
2005-2006,“ segir Tómas.
„Það varð svakaleg minnkun á ut-
anlandsferðum Íslendinga í kjölfar
hrunsins 2008-2009 en þá minnkaði
sumarmarkaðurinn um heil 60%.“
Hann segir fyrirtækið hafa tvöfald-
ast að stærð frá árinu 2009.
„Síðustu ár hefur verið gríðarleg
aukning í ferðum útlendinga til Ís-
lands en nú hefur bæst við mikil
aukning í ferðum Íslendinga til út-
landa,“ segir Tómas.
Hann bendir á að fólk leggur enn
mikið á sig til að finna besta verðið
þrátt fyrir að það sé komið með nóg
af veðrinu hér heima.
Einbeittur ferðavilji
„Fólk bókar fyrr og virðist vera
ákveðnara að fara út í ár heldur en í
fyrra því salan hefur verið rykkjótt-
ari síðustu sumur og meira tengd
tilboðum,“ segir Steinunn. „Það sem
er óvenjulegt núna er að fólk er líka
farið að bóka strax inn á haustið en
það er óvenju snemmt því vanalega
koma slíkar pantanir ekki inn fyrr
en eftir verslunarmannahelgi.“
Salan er ekki orðin jafngóð og
hún var fyrir efnahagshrunið en ut-
anlandsferðir Íslendinga eru að
rétta úr kútnum eftir lægð síðustu
ár að hennar mati.
„Þetta var náttúrlega orðin algjör
bilun þarna stuttu fyrir hrun og
varla marktækt að bera sig saman
við þann tíma, þá seldist bara gjör-
samlega allt.“
Fjölskyldur ferðast á ný
Steinunn bendir á að fjölskyldur
eru farnar að ferðast aftur í aukn-
um mæli og það geti verið vísbend-
ing um að hagur heimilanna sé eitt-
hvað að vænkast.
Hún óskar ekki eftir áframhald-
andi rigningu á Suðvesturlandi en
viðurkennir þó að það sé ekki al-
sæmt fyrir þennan bransa að veðrið
sé vont hér heima.
„Ég er búin að fá minn skammt
af sól úti í Kaliforníu í Bandaríkj-
unum og hef því fulla samúð með
þeim sem eiga eftir að fá sinn
skammt.“
Aukning í utanlandsferðum
 Íslendingar flýja land vegna veðurs  Fjölskyldur ferðast á ný  Svipaðar tölur og árin 2005-2006
 Markaðurinn að rétta úr kútnum  Aukning í sölutölum hjá Heimsferðum og Ferðaskrifstofu Íslands
Morgunblaðið/Brynjar Gauti
Benidorm Íslendingar sækja í auknum mæli í sumar og sól í öðrum löndum.
4 FRÉTTIRInnlent
MORGUNBLAÐIÐ ÞRIÐJUDAGUR 9. JÚLÍ 2013
Jón Heiðar Gunnarsson
jonheidar@mbl.is
„Maður fer undir sæng á kvöldin og biður til guðs að
það verði kominn þurrkur hinn daginn,“segir Elías
Víðisson, byggingafræðingur hjá Múr- og málning-
arþjónustunni. Mikil vætutíð sem af er sumri hefur
mikil áhrif á starfsemi fyrirtækisins.
„Það er mjög þungt yfir mönnum, enda stjórnast
allt okkar skipulag af veðrinu og þetta kemur niður
á öllum öngum í okkar starfi. Við skipuleggjum okk-
ur þannig að við erum á stöðum sem bjóða upp á
skjól þegar rigningin er í gangi en við getum ekki
látið önnur stór útiverk bíða endalaust.“
Elías segir skuldbindingar fyrirtækisins vera af
svipaðri stærðargráðu og síðustu sumur en hann er í
sífelldu stríði við tíma og veður.
„Haldi veðrið áfram svona þá fara kannski einhver
verk að læsast inni en það er enginn kúnni sem sættir
sig við það. Við verðum að reyna að standa við gerða
samninga. Ef ástandið lagast ekki núna á næstu
tveimur vikum þá erum við bara komnir í ljót mál.“
Hann segir slíka vætutíð hafa komið á óvart og
bendir á að flestir séu orðnir of góðu vanir eftir síð-
ustu sumur.
Málarar í vanda við að láta enda ná saman
„Það eru miklar tafir vegna veðurs og allt tekur
miklu lengri tíma.“ segir Arinbjörn Sigurðsson, fag-
lærður málari. „Venjulega tekur eitt einbýlishús
svona viku en núna tekur það um fjórar vikur því
þurru dagarnir eru svo fáir.“
Arinbjörn hefur starfað við málarabransann frá
árinu 1999 og man ekki eftir svona löngum sam-
felldum vætutíma að sumarlagi. „Það hafa komið
einn og einn þurr dagur á milli en svo kemur rign-
ingin alltaf strax aftur og bleytir allt,“ segir Arin-
björn en hann liggur mikið yfir veðurkortum þessa
daganna og krossar putta.
„Núna er gulls ígildi að vera með innivinnu því
annars færi maður bara langleiðina á hausinn. Ég
hef áhyggjur af þeim sem ætluðu eingöngu að
treysta á útiverkin í sumar. Þetta hlýtur að breytast,
maður verður að vera bjartsýnn.“
Morgunblaðið/Eggert
Blautt Starfsfólk Múr- og málningarþjónustunnar er í stanslausu stríði við veðrið til að ná að standa við gerða
samninga í sumar. Mikil vætutíð hefur slæm áhrif á allt skipulag fyrirtækisins.
Biður guð um þurrk
 Mikil vætutíð hefur slæm áhrif á iðnaðarmenn
Una Sighvatsdóttir
una@mbl.is
„Veðrið hægir bara á öllu, þetta er
slakasta sumar sem ég man eftir
síðan ég byrjaði í þessum bransa,“
segir Andri Björnsson, eigandi veit-
ingastaðarins Vegamóta. Útisvæð-
um veitingahúsa í Reykjavík hefur
fjölgað og þau stækkað með hverju
sumrinu, en þar er heldur dauft um
að litast í sólarleysinu.
Síðustu fimmtán ár hafa aldrei
verið færri sólarstundir í júní mán-
uði í Reykjavík og í ár. Það sem af
er júlímánuði hefur lítið ræst úr
því, en þeim mun meira rignt og
blásið. Þá er heldur ekki útlit fyrir
að þetta breytist strax en eins og
Morgunblaðið greindi frá í gær
hafa lægðir verið boðaðar hér á
landi á færibandi.
„Fínt að gera þrátt fyrir allt“
Ein vinsælustu útisvæðin á veit-
ingahúsum borgarinnar eru við
Café París og Vegamót, en eigend-
urnir segja veðrið þó ekki hafa úr-
slitaáhrif á reksturinn. „Þessi veðr-
átta er ekki alveg eins og best
verður á kosið,“ segir Gylfi Pét-
ursson, eigandi Café París. „En við
leggjumst ekkert í þunglyndi. Það
er fínt að gera þrátt fyrir allt og
fólk situr þá bara meira inni í stað-
inn.“ Úti við Café París var jafnan
þröng á þingi hið sólríka sumar
2012 en fyrir vikið stundum hálf-
tómt innan dyra. Nú hefur staðan
snúist við.
Morgunblaðið/Styrmir Kári
Rigning í miðbænum Mikið hefur
rignt í Reykjavík síðustu daga.
Leggjumst
ekki í
þunglyndi
 Fólk situr meira
inni á veitingastöðum
„Það verður hlýr
suddi fram eftir
vikunni og blíð-
skaparveður fyr-
ir norðan og
austan, en svo
undir og yfir
helgina verður
vætusamara og
svalara,“ segir
Teitur Arason, veðurfræðingur hjá
Veðurstofu Íslands. Hann segir að
veðrið verði með svipuðu móti og
hefur verið á Suður- og Vestur-
landi en hlýtt verði fyrir norðan
land og austan, og hiti fari yfir 20
gráður. „Á föstudaginn er svalt og
skúraleiðingar. Hann er ekkert
ósvipaður og laugardagurinn var,
og verður mest allt landið undir,“
segir Teitur. Veðrið verður sval-
ara þegar nær dregur helginni og
kaldara loft kemur yfir. Á laug-
ardaginn kemur úrkomuveður
með nýrri lægð en síðar fer sú
lægð yfir landið og dregur inn
norðanátt seinni partinn á sunnu-
dag, en þá kólnar í veðri og mun
að öllum líkindum rigna.
Teitur segir helgina verða
skárri en þá síðustu, en ekki góða
þrátt fyrir það. „Menn finna fyrir
hvassviðrinu en það verður þó
ekki vonlaust að vera í tjaldi líkt
og um síðustu helgi,“ segir Teitur
að lokum.
Hiti fyrir norðan og
austan en helgin
vætusöm og svöl
Sala áfengis í
júní síðastliðnum
er 11,9% minni
en sama mánuð í
fyrra. Að sögn
ÁTVR munar
mest um að í júní
2012 voru 5
föstudagar en
einungis 4 í júní í
ár. Sala á hefðbundnum föstudegi
er um 9 til 10% af heildarsölu mán-
aðarins.
Engu að síður vekur athygli að
sala á hvítvíni í júní dróst saman um
14,1% en aðeins 2,7% á rauðvíni. Þá
dróst sala á lagerbjór saman um
14,5% milli ára. Þess er í engu getið
á vef ÁTVR hvort tíðarfarið í sum-
ar kunni að hafa haft áhrif á dvín-
andi sölu bjórs og hvítvíns.
Svokölluð ávaxtavín, öðru nafni
„ciderar“ eru í stórsókn hjá ÁTVR.
Sala á þessum drykkjum jókst um
127% milli ára. sisi@mbl.is
Minna selt af bjór
og hvítvíni í júní