Morgunblaðið - 09.07.2013, Page 28

28 DÆGRADVÖL
MORGUNBLAÐIÐ ÞRIÐJUDAGUR 9. JÚLÍ 2013
Stjörnuspá
21. mars - 19. apríl 
Hrútur Þú ert bæði heillandi hvatvís og nýtur
þín í stífri aðstöðu. Fyrsta skrefið er að skipu-
leggja tíma þinn betur og læra að segja nei.
20. apríl - 20. maí 
Naut Það er ýmislegt, sem þig langar til þess
að kanna og þú ættir að athuga möguleikana
á að láta það eftir þér. Farðu þér samt hægt í
því að gera orð einhvers að þínum.
21. maí - 20. júní 
Tvíburar Þú skilur hvernig á að klifra upp
metorðastigann. Ekki hrapa að niðurstöðum
varðandi það sem á að vera þér fyrir bestu,
bara af því að einhverjum öðrum þykir það
góð hugmynd.
21. júní - 22. júlí 
Krabbi Sérkennileg atburðarás kann að leiða
til þess að þú hljótir loks umbun erfiðis þíns.
Gæti verið tæki eða óþarfa glys og glingur.
23. júlí - 22. ágúst 
Ljón Þú ert hrædd/ur um að hleypa öllu í loft
upp, og kýst að þegja. Notaðu tækifærið og
leitaðu leiða til að fegra umhverfi þitt.
23. ágúst - 22. sept. 
Meyja Það er nauðsynlegt að geta tekið svo-
lítið persónulega á hlutunum þótt handbækur
kveði á um annað. Litir regnbogans birtast,
bjöllur klingja og andvarinn angar af blómum.
23. sept. - 22. okt. 
Vog Það er ekki bara sanngjarnt að þú leitir
réttar þíns heldur er það lífsspursmál fyrir
þig. Leyfðu upplifun dagsins að snerta þig í
stað þess að vera hissa.
23. okt. - 21. nóv.
Sporðdreki Nú ert það þú sem átt að taka
frumkvæðið og laða aðra til samstarfs við
þig. Sinntu reikningum, tölvupósti, garðvinnu
– ótrúlegt hve mikið er hægt að hreinsa í
einu.
22. nóv. - 21. des.

Bogmaður Horfðu á gamanþætti, lestu
skrítlur og ræddu við vin sem hefur gaman af
fíflalátum og fær þig jafnan til þess að hlæja.
Láttu ekki aðra stjórna lífi þínu.
22. des. - 19. janúar 
Steingeit Þetta er ekki hentugur dagur til að
ganga frá skiptingu eigna eða ábyrgðar.
Reyndu að sýna þolinmæði. Spjall við
ókunnugan aðila gæti aldeilis víkkað út sjón-
deildarhring þinn.
20. jan. - 18. febr. 
Vatnsberi Þú þarft að hafa mikið fyrir hlut-
unum sem er allt í lagi ef þú bara gætir þess
að skila vel unnu verki. Hamingjan er fólgin í
að treysta rétta fólkinu á hverjum tíma.
19. feb. - 20. mars

Fiskar Notaðu daginn til að huga að fjármál-
unum. Reyndar viltu bara láta að þér kveða
og bæta veröldina, en ekki er víst að allir sjái
það þannig.
Karlinn á Laugaveginum erhrifinn af Agnesi Bragadóttur
og les pistla hennar ekki sjaldnar
en tvisvar. „Hún ber gott skyn-
bragð á íslenskt mál,“ sagði hann
og tautaði: „Skúrir- skúrar“ en tók
sig síðan á, svo að hugurinn hvarfl-
aði frá Hádegismóum upp á Skóla-
vörðuholt:
Ég einlægt fæ á því að kenna
að upp hlaðist milli okkar spenna
en auðvitað dúrar
því skin og skúrar
á skiptast í hugheimi kvenna.
Í gær slógumst við í för með
karlinum um Tjörnes, en nú liggur
leiðin um Kinn, þar sem karlinn
sönglaði:
Nú er sumar í Köldukinn –
kveð ég á millum vita –
fyrr má nú vera, faðir minn!
en flugurnar springi af hita.
Karlinn lætur sér duga útgáfuna
á ljóðum Jónasar frá 1913.
Erlingur Friðjónsson segir frá
því í bók sinni „Fyrir aldamót“ að í
Köldukinn séu tveir bæir sem heita
Syðri-Skál og Ytri-Skál. Svo bar
við að sinn drengurinn fæddist í
lausaleik á hvorum bænum, og lék
vafi á um faðerni beggja. Skaut þá
Guðmundur á Sandi fram þessari
vísu:
Sögð eru skrýtin meyjamál.
Margir hissa standa.
Sinn á hvorri situr Skál
sonur heilags anda.
Góður hagyrðingur Guðmundur
Friðbjarnarson bjó á Ytri-Skál. Að-
algeir Kristjánsson frá Finns-
stöðum hefur sagt mér, að hann
brenndi allan sinn kveðskap áður
en hann dó – taldi það vissara. Guð-
mundur fór oft með þessa vísu:
Bjartar nætur nota má
náttúrunnar gæði.
Gullna hliðið glansar á
gegnum silkiklæði.
Í móðuharðindunum bjó í
Naustavík Vigfús nokkur, sem varð
mikill bjargvættur margra nauð-
þurftarmanna þessi erfiðu ár skrif-
ar Hlöðver í Björgum í Árbók Þing-
eyinga 1977. Hann var langafi
Þórhalls biskups og eru þjóðkunnir
afkomendur hans fjölmargir. –
„Efamál er mér,“ skrifar Hlöðver,
„að nokkur þeirra hafi fengið – eða
fái svo gagnorð eftirmæli sem vís-
una sem Sören á Geirbjarn-
arstöðum gerði um Vigfús“:
Naustvíkingur, nettur slyngur
nafnmildingur frí við spé.
Verksnillingur varla ringur
Vigfús fingur ber á tré.
Halldór Blöndal
halldorblondal@simnet.is
Vísnahorn
Af skúrum og dúrum
og Köldukinn
Í klípu
„ÞETTA ER GOTT TILBOÐ, EN ÉG HELD
VIÐ ÆTTUM EKKI AÐ STÖKKVA Á ÞAÐ
FYRSTA SEM KEMUR.“
eftir Mike Baldwin eftir Jim Unger
„ÞETTA ÆTTI AÐ HALDA ÞÉR GANGANDI Á
MEÐAN ÉG VERÐ Í FRÍI.“
Hermann
Ferdinand
Hrólfur hræðilegi
Grettir
... þegar hann sér
eitthvað við þig sem
enginn annar sér.
HRÓLFUR, ÉG HEF MARGAR SPURN-
INGAR ÁÐUR EN ÉG GET ÁKVEÐIÐ
HVAÐA MEÐFERÐ ÉG Á AÐ NOTA …
SÚ FYRSTA OG
MIKILVÆGASTA ER …
ÁTTU PENING TIL
AÐ BORGA FYRIR
ÞESSA HEIMSÓKN?
GÓÐ MÁLTÍÐ … LÚR …
GÆTI LÍFIÐ VERIÐ BETRA? ROP!
ÓKEI … GÆTI LÍFIÐ
NÚNA VERIÐ BETRA?Samkvæmt nýjustu fregnum flýjalandsmenn íslenska rokið og
rigninguna og leita í sólina einhvers
staðar á jarðkringlunni. Á slíkum
ferðalögum getur þó ýmislegt óvænt
komið upp á og vissara að undirbúa
túrinn vel og vandlega.
Kunningi Víkverja er nýlega lent-
ur eftir ævintýraferð til Bretlands
ásamt sinni ektakvinnu. Ferðin
hófst um skosku hálöndin þar sem
þess var m.a. freistað að sjá Loch
Ness skrímslið. Það lét þó ekki á sér
kræla í þetta skiptið. Einnig kom
kunningi Víkverja við á St. And-
rews-golfvellinum en eðlilega fylgja
ekki neinar afrekssögur þaðan.
x x x
Áfram lá leiðin suður á bóginn, íátt til Lundúna. Fyrst var þó
komið við í hinni fornu borg, York,
eða Jórvík, og ætlunin að stoppa þar
í fáeina daga. Kunningi Víkverja tók
lestina þangað frá Skotlandi og tek-
inn var leigubíll fyrir utan lestar-
stöðina. „Holiday Inn Express, takk
fyrir,“ sagði kunningi vor, orðinn
ferðalúinn, og leigubílstjórinn skildi
skilaboðin undir eins. Hinum ís-
lensku ferðalöngum var ekið á hót-
elið, sem reyndist vera mun lengra
frá miðbænum en þau höfðu talið.
Þegar komið var að því að skrá
sig inn í móttökunni kom babb í bát-
inn. Þau voru einfaldlega ekki bókuð
á þessu hóteli. Kona í móttökunni
reyndist hin ljúfasta og vildi allt fyr-
ir Íslendingana gera. Fór hún að
kanna málið nánar og fljótlega kom í
ljós hvað hafði gerst. Kunningi Vík-
verja hafði ekki bókað sig og borgað
inn á þetta hótel í norðanverðu Jór-
víkurskíri, heldur í allt annarri
heimsálfu í um 5.600 kílómetra fjar-
lægð, eða í borginni York í Penn-
sylvaníu í Bandaríkjunum!
Fyrstu viðbrögð voru óttablandin
undrun en síðan tók við stjórnlaus
hlátur yfir mistökunum, sem kon-
unni í móttökunni tókst eftir nokkra
fyrirhöfn að leiðrétta. Til allrar
hamingju var þetta innan sömu
hótelkeðjunnar og greiðslan milli-
færð yfir Atlantshafið til bresku
Jórvíkur.
Ferðalangar mega draga lærdóm
af þessari sögu; munið að tékka af
hótelbókunina, hvort hún sé ekki
örugglega í réttri borg!
víkverji@mbl.is
Víkverji
Jesús Kristur er í gær og í dag hinn
sami og um aldir.
(Hebreabréfið 13:8)