Morgunblaðið - 09.07.2013, Qupperneq 30

30 MENNING
MORGUNBLAÐIÐ ÞRIÐJUDAGUR 9. JÚLÍ 2013
Byggingav
örur - byg
gingatækn
i
I I
Gylfaflöt 3 | 112 Reykjavík | Sími 533 1600 | aseta@aseta.is
Einar Falur Ingólfsson
efi@mbl.is
Ég leik nokkur öndvegisverk frá 20. öld fyrir
óbó og enskt horn,“ segir Matthías Birgir Nar-
deau. Hann kemur einn fram á fyrstu sum-
artónleikum Listasafns Sigurjóns Ólafssonar
að þessu sinni, en þeir hefjast klukkan 20.30 í
kvöld, þriðjudag. Er þetta í 25. skipti sem boð-
ið er upp á sumartónleikaröðina í safninu en
alls eru níu tónleikar á dagskránni í sumar.
Á efnisskrá Matthíasar eru meðal annars
verkin Six metamorphoses after Ovid eftir
Benjamin Britten og Cinq pièces pour le
hautbois eftir Antal Dórati, og tvö verk eftir
Eliot Carter. „Frá 20. öld er til nokkuð af tón-
list fyrir óbóið eitt og sér,“ segir Matthías. „Á
þessum tíma urðu til mun fjölbreytilegri verk
fyrir hljóðfærið en áður, og þau voru ekki leng-
ur bundin við fantasíu- eða sónötuform. Hljóð-
færið tók út mikinn þroska á þessum tíma.“
Hann segir verkin vera fjölbreytileg og stíl-
brigðin ólík; tvö verkanna eru rómantísk í sér
en önnur „nútímalegri“.
„Þetta er ekki nein hvunndagstónlist hér á
landi, verkin heyrast ekki oft,“ segir Matthías.
Hann sótti um að taka þátt í sumartónleika-
röðinni eftir að hafa hugleitt um skeið að koma
fram með einleiksverk. „Það er spennandi að
upplifa það að koma einn fram. Píanóleikarar
og margir fiðluleikarar þekkja þetta vel; það
er spennandi að takast á við þetta. Ég vissi að
verk Brittens og Dórati yrðu grindin en svo
reyndi ég að finna önnur skemmtileg og
spennandi verk sem stæðu vel með þeim.“
Elsta röðin af þessu tagi í Reykjavík
„Þetta er elsta tónleikaröðin af þessu tagi í
Reykjavík,“ segir Hlíf Sigurjónsdóttir fiðlu-
leikari, sem er listrænn stjórnandi sumartón-
leikanna í Listasafni Sigurjóns. „Þegar við
byrjuðum með tónleikana var ekkert slíkt um
að vera í Reykjavík yfir sumartímann. Við fór-
um af stað með þá þegar safnið opnaði.“
Hún svarar játandi spurningunni hvort það
hafi ekki krafist mikils tíma og orku að halda
tónleikaröðinni gangandi í aldarfjórðung.
„En þetta hefur jafnframt verið góð kynning
fyrir safnastarfið, því með tónleikahaldi fáum
við inn marga gesti sem ella hefðu ekki komið í
safnið. Með því að koma á tónleika upplifir fólk
staðinn, tónlist og myndlist, og einnig um-
hverfið hér í Laugarnesinu,“ segir Hlíf. Hún er
dóttir Sigurjóns myndhöggvara og hefur ann-
ast val listamanna sem koma fram á tónleika-
röðinni, ásamt móður sinni, Birgittu Spur, og
eiginmanni sínum, Geirfinni Jónssyni.
Rekstrarumhverfi safnsins hefur breyst,
þar sem það er ekki lengur sjálfstæð stofnun
heldur hluti af Listasafni Íslands. Hlíf segir að
fjölskyldan hafi rætt um framhaldið og ákveð-
ið að standa að minnsta kosti að sum-
artónleikaröð nú í sumar, í 25. skipti.
Ábyrgðarhlutverk að velja flytjendur
„Vitaskuld þurfum við að spyrja okkur hvort
það sé þörf fyrir tónleikaröð sem þessa og
hvort hægt sé að afla styrkja til að standa fyrir
þeim,“ segir Hlíf og segir að fjöldi umsókna
sýni að þörfin sé til staðar en hins vegar reyn-
ist erfitt að afla fjár – það hafi verið ákveðið
áfall hve fáir tóku undir styrkbeiðnir.
„Okkur er annt um þessa dagskrá. Þetta er
fastur liður í starfsemi safnsins. Í fyrra bárust
52 umsóknir um tónleika en 51 að þessu sinni;
þeim fækkar því ekki þrátt fyrir aukið fram-
boð húsnæðis. Allt er þetta frambærilegt lista-
fólk og því mikið ábyrgðarhlutverk að velja
flytjendur,“ segir Hlíf og tekur fram að þau
hafi góða yfirsýn yfir það hverjir hafa komið
fram á liðnum árum og reyni að gefa sem flest-
um tækifæri.
„Tónleikarnir eru samstarfsverkefni safns-
ins og flytjenda. Þetta er lítill salur og því er
kammermúsík í fyrirrúmi. En þetta eiga að
vera tónleikar fyrir alla. Við viljum halda verði
aðgöngumiða niðri þannig að ekki sé meira
mál að fara á tónleika en í bíó,“ segir Hlíf.
Að viku liðinni verður Peter Máté píanóleik-
ari með einleikstónleika, 23. júlí koma Sólveig
Samúelsdóttir messósópran og Héctor Eliel
Márquez Fornieles píanóleikari fram, viku síð-
ar Hulda Jónsdóttir fiðluleikari og koll af kolli.
27, ágúst kemur Hlíf sjálf fram á loka-
tónleikum raðarinnar í ár, ásamt píanóleik-
aranum Joshua Pierce. Þau flytja fjórar són-
ötur eftir Mozart og bæta um betur með
aukatónleikum sunnudaginn 3. september og
leika þrennar sónötur til. Þau munu síðan
hljóðrita allar sónöturnar til útgáfu.
Sumartónleikar í 25 ár
Morgunblaðið/Rósa Braga
Blásarinn „Það er spennandi að upplifa það að koma einn fram,“ segir Matthías Birgir Nardeau
sem leikur einleiksverk frá 20. öld fyrir óbó og enskt horn á tónleikum í kvöld.
 Matthías B. Nardeau
með einleikstónleika í
Listasafni Sigurjóns
Sirkushátíðin Volcano virðist falla
landanum vel í geð. Hátíðin var
sem kunnugt er sett 4. júlí sl. og
fyrstu sýningarhelgina lögðu um
sjö þúsund gestir leið sína í sirk-
usþorpið í Vatnsmýrinni og keyptu
miða á sirkussýningarnar.
Í dag eru sýndar alls níu sýn-
ingar, sú fyrsta hefst kl. 12 og sú
seinasta kl. 22. Sýningarnar í sirk-
usþorpinu eru Circus curious,
Bastard með Cirkus Xanti,
S.I.R.K.U.S. með Sirkus Ísland,
Animal Religion, Pluto Crazy með
Cirkus Xanti og Sirkus Aikimoi-
nen og Pain Solutin auk þess sem
Cirkus Cirkör sýnir Wear it like a
Crown í Borgarleikhúsinu. „Sýn-
ingarnar eru mjög fjölbreyttar en
henta allar stórfjölskyldunni,“ seg-
ir m.a. í tilkynningu frá Norræna
húsinu.
Allar nánari upplýsingar um
dagskrá og sýningar hátíðarinnar
má nálgast á vef Norræna hússins
(nordice.is), en miðasala er á midi-
.is. Lokadagur hátíðarinnar er á
sunnudaginn kemur.
Uppistandssirkussýning Úr sýningu Tumble Circus sem sýnd er í Vatns-
mýrinni. Um er að ræða nokkurs konar uppistandssirkussýningu.
Sirkussýningar frá
morgni til kvölds
Hljómsveitin Grísa-
lappalísa sendir á
morgun frá sér sína
fyrstu plötu og nefn-
ist hún Ali. Sveitina
skipa þeir Gunnar
Ragnarsson og Bald-
ur Baldursson.
„Það má kalla Ali
svokallaða þemaplötu (e. concept-album) þar
sem textalegur þráður milli laganna er mjög
sterkur; platan er nokkurs konar rússíban-
aferð þar sem hlustandi fylgir örvænting-
arfullum og svolítið hættulegum sögumönnum
í dimm húsaskot borgarinnar í leit að tilgangi,
ástinni og fyrst og fremst Lísu sem þeir ákalla
í hvívetna á leið sinni,“ segir m.a. í tilkynningu.
Grísalappalísa sendir frá sér Ali
Þemaplata
Besta tilboðið, ný kvikmynd
Giuseppe Tornatore sem
hlaut heimsfrægð fyrir Ci-
nema Paradiso, hreppti sex
Silfurborða og var þar á
meðal valin besta myndin á
67. Nastri d’Argento-
kvikmyndahátíðinni á Ítal-
íu. Ítalskir blaðamenn kjósa
verðlaunahafa í þessari
elstu kvikmyndasamkeppni
Evrópu. Ennio Morricone
var verðlaunaður fyrir tónlistina við myndina.
Geoffrey Rush fer með aðalhlutverkið en hlaut
ekki verðlaun fyrir besta leik, heldur Aniello
Arena fyrir Raunveruleikann.
Kvikmynd Tornatores sigursæl
Sex Silfurborðar
Ennio
Morricone
Gegnum tíðina hafa
hugsjónamenn af ýmsu
tagi fengið útrás fyrir
gremju sína á listaverk-
um, eða hafa eyðilagt
verk til að vekja athygli
á einhverjum málstað.
Verk hafa verið skorin,
brennd og jafnvel
sprengd. Í Tate-safninu í London opnar í
haust sýning á slíkum verkum, þar sem
skemmdirnar hafa ekki stafað að tilviljana-
kenndri skemmdarfýsn heldur verið tæki til
að þjóna markmiðum. Meðal verkanna eru
Kriststytta sem var illa leikin af siðbótar-
mönnum á 16. öld.
Óvenjuleg sýning í Tate
Skemmd listaverk
Skemmd Illa leikin
Kristsmynd.