Morgunblaðið - Sunnudagur - 01.09.2013, Blaðsíða 19

snyrtilegt og hreint.“ „Fyr-
irkomulagið varðandi matinn var
þannig að það þurfti að láta vita
að morgni ef maður ætlaði að vera
í kvöldmat, en á kvöldin borðuðu
allir saman við langborð í rjóðri í
skóginum. Fyrirfram var uppgefið
að máltíðin kostaði 20 dollara á
mann.
Hjónin bókuðu sig í mat fyrsta
kvöldið og bjuggust við einhverju í
ætt við asískt gæðahlaðborð því
gestir voru yfir 20. „Það kom því
verulega á óvart þegar við vorum
sest við langborðið í skóginum
ásamt hinum gestunum þegar Pet-
er kom að borðinu og kynnti mat-
seðilinn, sem hljómaði gríðarlega
flókinn. Svo komu réttirnir hver af
öðrum, skreyttir diskar af alls kon-
ar góðgæti sem jafnaðist í útliti og
gæðum á við Michelin-veitingastað
og val um vín, rautt eða hvítt, með
matnum.“
Peter hefur starfað sem kokkur
víða, m.a. á Spáni og í Frakklandi
og maturinn einkenndist af blöndu
af evrópskum og asískum áhrifum.
„Við hjónin erum sammála um að
aldei höfum við borðað jafn vel og
þessa daga á Freedomland. Við
borðuðum að sjálfsögðu þarna öll
kvöld eftir þetta. Peter byrjaði
hvern dag á því að fara á mark-
aðinn og kaupa allt það ferskasta
og besta sem var í boði á hverjum
tíma. Yfir þessum stórkostlegu
kvöldverðum kynntumst við alls
konar fólki. Eitt kvöldið var sér-
lega eftirminnilegt því að um dag-
inn hafði rignt og hitastigið lækk-
aði í kjölfarið um nokkrar gráður,
mynduðust þá kjöraðstæður fyrir
froskana í skóginum til mökunnar.
Mökunarhljóð froskanna líkist
helst lágu beljubauli og um kvöldið
myndaðst slíkur hávaði að ekki
heyrðist mannsins mál við mat-
arborðið!“
Eyrnatapparnir komu sér vissu-
lega mjög vel þessa nótt.
Dögunum á Phu Quoc vörðu þau
svo í að kanna eyjuna á vespu,
snorkla í kóralrifjum eða við lestur
og leti á mannlausum ströndum.
„Phu Quoc er dásamleg eyja í alla
staði, en það sem stendur upp úr í
minningunni eru kvöldverðirnir hjá
meistarakokkinum Peter við tónlist
skordýra og froska og fólkið sem
við kynntumst þar.“
Ógleymanleg brúðkaupsferð
Hjónin héldu í brúðkaupsferð til
Afríku í lok árs 2007; fóru fyrst í
viku í safaríi með einkabílstjóra
um þjóðgarða í Tanzaníu og
dvöldu svo í þrjár vikur á eyjunni
Zanzibar sem tilheyrir Tanzaníu
og liggur í Indlandshafi, um 30 km
frá meg-inlandinu. „Höfuðborg
Zanzibar, Stonetown er suðupottur
áhrifa þar sem afrísk, indversk og
arabísk áhrif mætast og þröngar,
steinlagðar götur, þéttsetnar af
sölubásum, minna helst á ævintýr-
in úr þúsund og einni nótt,“ segir
Heiðdís.
Zanzibar er einn þeirra staða,
segir hún, þar sem ferðamennskan
hefur ekki náð fullri fótfestu „og
auðvelt er að finna drifhvítar
strendur þar sem ekkert er að sjá
nema staka fiskimann eða konur
að tína þara, sem er ein af útflutn-
ingsvörum eyjarskeggja.“
Eyjan er stundum kölluð „kryd-
deyjan“ og ilmurinn sem liggur í
loftinu minnir um margt á jólin því
þar er ræktað mjög mikið af negul
og kanil, segir Heiðdís.
Þau vildu sjá sem mest af eyj-
unni og gistu því einungis 3-4 næt-
ur á hverjum stað. Stundum í lúx-
us „kofum“ með aðgangi að einka-
strönd og sundlaug en stundum
við mjög frumstæðar aðstæður.
„Einn eftirminnilegasti staðurinn
sem við gistum á hét „Robinson’s
place“ við Bwejuu strönd sem er á
austurströnd Zanzibar. Þarna voru
Kofarnir þar sem hjónin gistu í við Bwejuu-strönd á austurströnd Zanzibar.
Frá kjötmarkaði í Stonetown á Zanzibar.
leigðir út nokkrir kofar þar sem
var lítið annað en rúm og flugna-
net. Gistipláss var fyrir 12.
Þarna var ekkert rafmagn og
eingöngu notast við ljós frá olíu-
luktum. Kofarnir stóðu við drif-
hvíta strönd og túrkísblár sjórinn
kristaltær og um 30 gráðu heitur.
Eldað var á hlóðum og á kvöldin
sátu allir gestirnir saman og borð-
uðu við ljós frá olíuluktum.“
Kóralrif voru rétt fyrir utan
ströndina og hjónin sömdu við
gamlan fiskimann sem fór með þau
á alla bestu staðina í grenndinni til
að snorkla. Þá könnuðu þau ná-
lægar strendur og þorp á reiðhjóli.
„Þegar við tékkuðum okkur inn
á Robinson’s Place, tilkynnti eig-
andinn okkur að því miður yrðu
engin egg í morgunmat á meðan á
dvöl okkar stæði. Ástæðan var sú
að Boa-kyrkislanga hafði skriðið
inn í hænsnakofann þeirra að næt-
urlagi tveimur dögum áður og étið
hanann. Slangan festist svo í
gaddavírsgirðingu þegar hún var á
leið aftur út í skóginn og fannst
þar dauð morguninn eftir með
sönnunargagnið, ómeltan hanann í
maganum. Hænurnar urðu hins
vegar svo skelfingu lostnar að þær
hættu alveg að verpa. Þannig að
engin fengum við eggin á
Robinson’s Place …“
1.9. 2013 MORGUNBLAÐIÐ SUNNUDAGUR 19
– fyrir lifandi heimili –
G D a l s b r a u t 1 • A k u r e y r i OP I Ð V i r k a d a g a k l 1 0 – 1 8 o g l a u g a r d a g a 1 1 - 1 6 E I T T S Í M ANÚME R 5 5 8 1 1 0 0
AVÍK | AKUREYRI | REYKJAVÍK | AKUREYRI | REYKJAVÍK | AKUREYRI | REYKJAVÍK | AKUREYRI | REYKJAVÍK | AKUREYRI I | REYKJAVÍK
159.990
FULLTVERÐ: 179.990
179.990
FULLTVERÐ: 199.990
PINNACLE La-z-boy stóll. Svart, ljóst
eða brúnt leður. B:80 D:85 H:104cm.
CARDINAL La-z-boy stóll.
Svart leður. B:96 D:100 H:107 cm.
TILBOÐÁ
STÓLUM FRÁ
LA-Z-BOY
«
«
FULL BÚÐAF
NÝJUM STÓLUM
FRÁ LA-Z-BOY