Morgunblaðið - Sunnudagur - 01.09.2013, Blaðsíða 60

N
icolas Anelka samdi við WBA hinn 4. júlí og er félagið sjötta
liðið sem Frakkinn spilar fyrir á Englandi. Hann kom ungur að
árum inn í lið Arsenal og sló strax í gegn, aðeins 18 ára.
Hann var ein af fyrstu kaupum landa síns, Arsenes Wen-
gers, sem þá var nýtekinn við. Kostaði Anelka hálfa millj-
ón punda frá PSG og er enn talað um hann sem ein bestu kaup í sögunni.
Eftir að Ian Wright hafði meiðst kom Anelka inn í liðið og var lykilmaður
tímabilið 1997-1998 þegar liðið vann tvennuna; deild og bikar. Hann var
markahæstur Arsenalmanna tímabilið 1998-1999 með 17 mörk en Arsenal
mistókst að verja deildartitilinn og komst lítið áfram í Meistaradeildinni.
Stuðningsmenn Arsenal voru orðnir pirraðir á framlagi hans og byrj-
uðu að uppnefna hann „Le Sulk“, eða fýlupokan. Viðurnefni sem festist
á honum. Hann skoraði 28 mörk fyrir félagið en sagði að breska pressan
væri of vond við sig og vildi burt frá Englandi.
45 daga bann hjá Real Madrid
Hinn 2. ágúst 1999 samdi hann við Real Madrid fyrir 22,3 milljónir punda,
sem þá var met hjá Madrídarliðinu. Vistin á Spáni var honum erfið. Hann
byrjaði vel en féll fljótlega í ónáð meðal stuðningsmanna, samherja og þjálf-
arans. Hann fékk 45 daga bann frá æfingasvæðinu fyrir að neita að æfa eitt
sinn og Vincente del Bosque, sem þá stýrði Real, var ekki hrifinn af tilburðum
Frakkans unga. Þrátt fyrir það skoraði hann nokkur mikilvæg mörk og byrjaði
úrslitaleikinn í Meistaradeildinni gegn Valencia aldamótaárið 2000 sem Real
vann. Anelka skoraði markið sem kom þeim þangað.
Anelka sneri aftur heim til PSG fyrir 22 milljónir
punda en stoppaði stutt þar einnig. Ástæðan var
enn sú sama. Framlag inni á vellinum og sam-
band hans við þjálfarann var ekki gott. Ungur
Brassi, Ronaldinho, var þá að koma upp
hjá PSG og gekk þeim vel saman inni á
vellinum. Lið PSG var frábært þetta tíma-
bil með menn eins og Sylvain Distin,
Mauricio Pochettino, Gabriel Heinze,
Jay Jay Okocha, Laurent Robert og
Mikel Arteta, sem var herberg-
isfélagi Ronaldinhos hjá PSG. Ut-
an vallar var allt annað upp á
teningnum hjá Anelka og þrjátíu
mánuðum eftir að hafa yfirgefið
Arsenal fór hann til Liverpool á
lánssamning. Þar hjálpaði hann
liðinu að ná öðru sætinu í
deildinni og skoraði mörg
mikilvæg mörk. Stjóri Liv-
erpool, Gérard Houllier,
ákvað hins vegar að bjóða
honum ekki samning
heldur samdi við annan
skapofsamann, El Hadji
Diouf.
England, Tyrk-
land, England,
Kína, Ítalía,
England
Nú var Anelka
ánægður á Englandi
og bræður hans, Didier
og Claude, sem þá voru
umboðsmenn hans og
höfðu hrikalegt orðspor, seldu
Anelka til Manchester City á 13 millj-
ónir punda. Þar gekk allt í haginn undir stjórn
Kevins Keegans. Hann var markahæstur tvö
tímabil í röð en bræðurnir þurftu salt í graut-
inn og seldu hann nokkuð óvænt til Tyrk-
lands þar sem Anelka gekk í raðir Fener-
bahce og kostaði sjö milljónir punda. Þar
varð hann meistari 2005 en England kallaði
enn á ný og var Anelka seldur til Bolton á
átta milljónir punda árið eftir. Eitthvað
hafa bræðurnir fagnað þeim aurum. Bolton
hins vegar gekk illa 2007-2008-tímabilið og
var Anelka seldur til Chelsea í jan-
úarglugganum á 15 milljónir punda og
Fýlupoki af bestu gerð
NICOLAS ANELKA KOMST Í FRÉTTIRNAR Í VIKUNNI EFTIR AÐ HAFA FENGIÐ FRÍ FRÁ ÆFINGUM OG KEPPNI MEÐ WBA.
ORÐSPOR KAPPANS ER EKKERT TIL AÐ HRÓPA HÚRRA FYRIR, HANN HEFUR YFIRLEITT VERIÐ TIL VANDRÆÐA
HVAR SEM HANN HEFUR KOMIÐ OG FARIÐ Í FÚSSI FRÁ LIÐUM SÍNUM. MEIRA AÐ SEGJA LANDSLIÐINU.
aftur glöddust bræðurnir. Í fjögur ár var hann í herbúðum Chelsea og vann
þar nokkra titla.
Hann fór þó á vítapunktinn í Moskvu í úrslitaleik Meistaradeildarinnar
2008 og klikkaði. Lét Edwin van der Sar verja frá sér og kenndi Avr-
am Grant um vítaklúðrið; sagði að Grant hefði skipt sér of seint inn á
og án þess að hafa hitað nægilega upp. Vítisklúðrið varð til þess að
Manchester United vann Meistaradeildina þetta árið. Síðasta mark
sitt fyrir Chelsea skoraði hann gegn WBA í fyrstu umferðinni.
Fjórtán leikjum síðar var hann fallinn í ónáð hjá André Villas-
Boas, sem þá stýrði Chelsea. Boas bannaði þeim Alex að nota
bílastæði leikmanna, lét hann æfa með unglingaliðinu og hann
mátti ekki nota búningsklefa aðalliðsins. Skömmu síðar samdi
hann við kínverska liðið Shanghai Shenhua þar sem hann fékk
risasamning. Héldu flestir sparkspekingar að Anelka væri bara
að maka krókinn, svona áður en hann legði skóna á hilluna. Þegar
hann var svo settur í þjálfaraliðið héldu flestir að skórnir væru farnir
upp í hillu. En því fór fjarri. England heillaði á ný með stuttu stoppi
hjá Juventus þar sem hann hjálpaði liðinu að vinna deildina. WBA
kom og bauð honum góðan samning og sagðist Anelka vilja enda feril
sinn þar.
Endaði landsliðsferilinn í hálfleik
Varla er hægt að minnast á Nicolas Anelka án þess að tala
um landsliðsferil hans. Hann var ekki valinn í
landsliðið sem varð heimsmeistari 1998 en
var lykilmaður á EM árið 2000 þeg-
ar liðið fagnaði sigri. Á
milli 2001 og 2007 kom
hann yfirleitt inn á sem
varamaður. Þegar Dji-
bril Cissé meiddist
fyrir HM 2006 var
Sidney Govou kall-
aður í hans stað.
Anelka sat heima.
Landsliðsferli hans
lauk í hálfleik á HM í
Suður-Afríku í 2:0-tapi
Frakklands gegn
Mexíkó. HM í Suður-
Afríku er nokkuð sem
Frakkar vilja gleyma –
helst sem fyrst.
Þegar liðin gengu inn í
búningsherbergi hellti
Anelka úr skálum reiði
sinnar yfir Raymond Dome-
nech landsliðsþjálfara. Hvern
djöfulinn ætti það að þýða að
setja hann á kantinn! Endaði
hann öskrin á svo ljótum orð-
um að þau verða ekki höfð eftir
hér. Hann neitaði að biðjast af-
sökunar og var rekinn heim. Seinni
hálfleikur var ekki hafinn. Leikmenn
urðu æfir og neituðu að æfa daginn
eftir. Fóru í verkfall – á miðju HM!
Fékk Anelka 18 leikja bann fyrir vikið
sem hann sagðist sjálfur hafa hlegið að.
Hann væri hvort sem er hættur með lands-
liðinu.
Anelka er múslimi síðan 2004 og tók upp
nafnið Abdel-Salam Bilal Anelka. Hann
kvæntist Barböru Tausia 2007 og á með
henni tvö börn, Kais og Kahil. Hann segir að
trúin hafi hjálpað sér mikið. „Ég er miklu
rólegri núna og allt sem ég geri er mjög yf-
irvegað,“ sagði kappinn. Anelka komst aft-
ur í fréttirnar í vikunni eftir að hafa feng-
ið frí frá æfingum og keppni með WBA.
Góðvinur hans og umboðsmaður féll frá
og var Anelka yfirbugaður af sorg. Hann
er þó búinn að jafna sig, kominn aftur til
starfa og mun líklega klára tímabilið og
sinn litríka feril með WBA í vor.
Ferill Anelka er æði skrautlegur. Yfirleitt
endar dvöl hans hjá félögum með miklu
drama og sprengjum. Arsenal, Real Madrid,
PSG, Chelsea, Bolton og franska landsliðið
hafa öll fengið að kenna á Anelka.
AFP
60 MORGUNBLAÐIÐ SUNNUDAGUR 1.9. 2013
* „Allir hjá knattspyrnusambandinu eru trúðarog ekkert annað. Ég er að springa úr hlátri.“Anelka eftir að hafa verið rekin heim frá HM 2010.BoltinnBENEDIKT BÓAS HINRIKSSON
benedikt@mbl.is