Morgunblaðið - 05.09.2013, Qupperneq 12

Morgunblaðið/Eggert
Innanlandsflug Forstjóri FÍ segir Reykjavíkurflugvöll gríðarlega mikilvægan fyrir starfsemi flugfélagsins.
Ómar Friðriksson
omfr@mbl.is
„Reykjavíkurflugvöllur er gríðarlega
mikilvægur fyrir okkar starfsemi,“
segir Árni Gunnarsson, forstjóri
Flugfélags Íslands, spurður um þýð-
ingu flugvallarins
í Vatnsmýri fyrir
áætlunarflug FÍ
og þær deilur sem
uppi eru um fram-
tíð Reykjavíkur-
flugvallar.
Fulltrúar FÍ
hafa að sögn Árna
tekið þátt í vinnu
þar sem skoðaðir
hafa verið aðrir
mögulegir flug-
vallarkostir, s.s. á Hólmsheiði eða að
gerður yrði flugvöllur úti á Löngu-
skerjum, en besti kosturinn sé sá að
innanlandsflugið verði áfram í Vatns-
mýri.
,,Við höfum líka skoðað þann mögu-
leika að flytja innanlandsflugið til
Keflavíkur og gert ýmsar kannanir á
þeim kosti, en því miður myndu allt of
fáir farþegar fylgja okkur þangað.
Rekstrargrundvöllurinn yrði allt ann-
ar og verri,“ segir Árni. Að sögn hans
hafa verið gerðar kannanir meðal far-
þega félagsins og í ljós komið að 30 til
40% svöruðu því til að þau myndu
örugglega ekki hafa farið í það flug
sem þeir voru í þegar þeir voru spurð-
ir, ef miðstöð innanlandsflugsins hefði
verið færð til Keflavíkur. „Þjónustan
yrði því með allt öðrum hætti og lak-
ari,“ segir Árni.
Samkvæmt aðalskipulagi Reykja-
víkur er gert ráð fyrir því að norður-
suður-flugbrautin verði lögð af árið
2016 og austur-vestur-brautinni síðan
lokað 2024.
„Það þýðir í rauninni að strax árið
2016 yrði ekki grundvöllur fyrir því að
halda úti flugi frá Vatnsmýrinni, þar
sem aðeins yrði ein flugbraut á vell-
inum,“ segir Árni. Hann minnir á að í
úttekt sameiginlegrar nefndar
Reykjavíkurborgar og ríkisins, sem
gerð var fyrir nokkrum árum á
Reykjavíkurflugvelli og öðrum mögu-
legum flugvallarstæðum á höfuðborg-
arsvæðinu, hafi niðurstaðan verið sú
að nýting á einni flugbraut yrði ekki
nema um 80%. Starfsemi við þær að-
stæður myndi því ekki ganga upp, að
mati Árna.
„Ef menn ætla að halda sig við
þessa dagsetningu árið 2016 og leggja
niður aðra af aðalflugbrautum vallar-
ins, þá yrði áætlunarflugi í Vatnsmýr-
inni sjálfhætt. Nýtingarhlutfallið yrði
það lágt að það yrði ómögulegt að
halda úti áreiðanlegu áætlunarflugi
sem viðskiptavinir gætu treyst á.“
Óvissan hefur bein áhrif
Óvissan sem skapast hefur vegna
áforma og deilna um framtíð Reykja-
víkurflugvallar hefur haft bein áhrif á
starfsemi Flugfélags Íslands, að sögn
Árna.
Hann bendir á að þegar hugmyndir
um byggingu samgöngumiðstöðvar
voru settar til hliðar var í samkomu-
laginu sem gert var í kjölfarið um
endurbætur á aðstöðu fyrir farþega á
flugvellinum í Vatnsmýri tekið fram
að uppbyggingin yrði á núverandi
umráðasvæði FÍ. „Við lögðum þá inn
hugmyndir að teikningum, sem hafa
ekki fengið afgreiðslu vegna þessa
máls,“ segir hann.
Árni segir mikilvægt að niðurstaða
fáist til frambúðar um áframhaldandi
staðsetningu innanlandsflugsins.
Hafa mætti til fyrirmyndar umræður
sem fram fóru í Svíþjóð um flugvöll-
inn í Bromma, sem er skammt utan
miðborgar Stokkhólms. Þar hafi
menn gert samkomulag til 30 ára um
áframhaldandi starfsemi flugvallar-
ins, sem nær til ársins 2038. „Ég tel
að hér ættu menn að horfa til sam-
komulags af þessu tagi til að reyna að
ná utan um þetta mál,“ segir hann.
Álögur sértækra gjalda
hafa tvöfaldast frá 2009
Spurður um tekjur ríkisins af inn-
anlandsflugi FÍ bendir Árni á að rík-
isframlög til ISAVIA hafi minnkað og
álögur á innanlandsfluið aukist.
ISAVIA annast rekstur flugvalla
landsins, þ.á m. minni flugvalla sem
standa ekki undir sér af notkunar-
gjöldum, sem fjármagnaður hefur
verið af ríkinu. „Ríkið hefur verið að
lækka það framlag til ISAVIA á und-
anförnum árum og þar með hafa álög-
ur á innanlandsflugið aukist veru-
lega,“ segir Árni.
„Það má því segja að hlutdeild okk-
ar í þeim kostnaði hafi vaxið á und-
anförnum árum. Þessi sértæku gjöld,
farþegagjöld, lendingargjöld, flug-
leiðsögugjöld o.fl., hafa fjórfaldast á
undanförnum tíu árum eða frá 2003
og tvöfaldast frá 2009.“
Völlur í Vatns-
mýri besti kostur
 Forstjóri FÍ segir að verði norður/suður-flugbrautinni
lokað árið 2016 sé áætlunarflugi í Vatnsmýrinni sjálfhætt
Árni
Gunnarsson
12 FRÉTTIRInnlent
MORGUNBLAÐIÐ FIMMTUDAGUR 5. SEPTEMBER 2013
Alls var tilkynnt um 871 karl og 481 konu sem
lent höfðu í vinnuslysum á árinu 2012 eða
samtals 1.352 manns.
Borið saman við árið áður er það af svipaðri
stærðargráðu og almennt heldur fækkandi.
Þetta kemur fram í ársskýrslu Vinnueftirlits-
ins fyrir árið 2012, sem kynnt var í gær. Slys-
um í mannvirkjageiranum hefur haldið áfram
að fækka og eru þau færri nú en áður. Fækk-
un þessara slysa er meiri en sem nemur þeim
mikla samdrætti sem hefur orðið í greininni.
Í fiskiðnaði er hins vegar merkjanleg aukn-
ing vinnuslysa sl. tvö ár. Sú aukning verður
ekki rakin til þess að fleiri starfi í greininni.
Væntanlegar skýringar liggja í betri skrán-
ingu, en það er aðeins hluti skýringarinnar.
Opinber stjórnsýsla, fyrst og fremst lög-
gæsla, en einnig ýmis önnur opinber stjórn-
sýsla, er nú orðin umfangsmikil í slysatölum
og kallar á að gert sé átak til að tryggja bætta
slysavernd innan þessa geira, segir í árs-
skýrslu Vinnueftirlitsins.
1.352 lentu í vinnuslysum 2012
 Fleiri slys í fiskiðnaði, löggæslu og opinberri stjórnsýslu
Slys Fjölgun
slysa í fiskiðnaði.
Guesthouse & Restaurant
Lækjargötu
Áhugasamir aðilar hafi samband við Guðna Halldórsson
sími 414 1200, gudni@kontakt.is
Viðskiptatækifæri á www.kontakt.is
PISA
Til sölu er glæsilegt gistihús og ítalskur veitingastaður
í hjarta Reykjavíkur.
Spennandi fyrirtæki í eigin húsnæði en einnig er
möguleiki á að kaupa aðeins reksturinn.
Áhvílandi hagstæð lán til langs tíma.
H
a
u
ku
r
0
9
.1
3