Morgunblaðið - 29.11.2013, Blaðsíða 2

 Aðgerðir í skuldamálum ræddar á ríkisstjórnarfundi í dag
 Kynning í Hörpu og vefsíða opnuð  Gæti ýtt undir þenslu
Baldur Arnarson
baldura@mbl.is
Tillögur sérfræðingahóps um að-
gerðir í þágu skuldugra heimila
verða teknar fyrir á ríkisstjórnar-
fundi í dag. Þær verða síðan til um-
ræðu á aukaþingflokksfundum ríkis-
stjórnarflokkanna á morgun, laugar-
dag, en að því loknu verður efnt til
blaðamannafundar í Hörpu.
Samkvæmt heimildum Morgun-
blaðsins hefur tímasetning blaða-
mannafundarins ekki verið ákveðin
en forystumenn ríkisstjórnarinnar
munu þar sitja fyrir svörum.
Eftir fundinn verða aðgerðirnar
gerðar aðgengilegar almenningi á
vefsíðu þar sem dæmi verða tekin
um áhrif þeirra á stöðu lántaka.
Ari Skúlason, hagfræðingur hjá
Landsbankanum, segir að niðurfell-
ingar verðtryggðra íbúðalána geti
ýtt undir eftirspurn og þar með haft
áhrif á þjóðhagsspá bankans til 2016.
Rætt um 8-9% af skuldunum
„Það er kafli um þessar aðgerðir í
þjóðhagsspánni okkar, en við treyst-
um okkur ekki til að meta áhrifin.
Verðtryggðar íbúðaskuldir heimila
voru um 1.500 milljarðar um síðustu
áramót. Sé rétt að afskriftir nemi
130 milljörðum er það 8-9% af verð-
tryggðum skuldum. Það er í öllu
samhengi verulega mikið.
Aðgerðirnar munu væntanlega
létta skuldabyrði og þar með
greiðslubyrðina. Afborganir ættu
því að öllu óbreyttu að minnka og
það skapar neytendum aukið svig-
rúm til almennrar neyslu. Auðvitað
væri best að þetta yki sparnað, en
eykur líklega einkaneyslu og þenslu
og þar með verðbólgu,“ segir Ari
sem telur að væntanlega taki ein-
hvern tíma að útfæra greiðslu sér-
eignarsparnaðar inn á húsnæðislán.
Þorsteinn Víglundsson, fram-
kvæmdastjóri Samtaka atvinnulífs-
ins, segir erfitt að leggja mat á áhrif
þessara aðgerða á meðan ekki liggi
endanlega fyrir hvernig fjármögnun
þeirra verði háttað. Ljóst sé að þær
muni létta á stöðu fjölmargra heim-
ila sem sé jákvætt og kunni að styðja
við gerð kjarasamninga.
Hins vegar sé afar mikilvægt að
sjá hvaða áhrif skuldaniðurfelling
muni hafa á verðbólguhorfur og
lánshæfi ríkissjóðs, en markaðsaðil-
ar hafi haft nokkrar áhyggjur af því.
„Leiði þessar aðgerðir til aukinnar
verðbólgu verða stjórnvöld að bregð-
ast við, t.d. með auknu aðhaldi í ríkis-
fjármálum á móti. Sá ávinningur
sem heimilin fá af þessari aðgerð er
fljótur að hverfa ef verðbólgan eykst
á ný,“ segir Þorsteinn.
Á borð ríkisstjórnarinnar
2 FRÉTTIRInnlent
MORGUNBLAÐIÐ FÖSTUDAGUR 29. NÓVEMBER 2013
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Einar Falur Ingólfsson menning@mbl.is Íþróttir
Víðir Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Helgi Bjarnason
helgi@mbl.is
Ný brú á Jökulsá á Fjöllum við
Grímsstaði verður gjörólík gömlu
brúnni sem nú setur svip sinn á um-
hverfið. Brúin verður hefðbundin
steinsteypt bitabrú, alls um 230
metrar að lengd.
Samkvæmt óstaðfestum áætlunum
er ætlunin að byggja nýja brú á ár-
unum 2015 og 2016. Hún verður hálf-
um kílómetra sunnar á ánni en núver-
andi brú og það mun stytta hring-
veginn um rúman kílómetra. Leggja
þarf 2,6 km af nýjum vegi að brúnni.
Kostnaður er áætlaður einn millj-
arður kr.
Unnið er að undirbúningi fram-
kvæmdar með hönnun brúar og veg-
ar, samkvæmt upplýsingum Gunnars
H. Guðmundssonar, svæðisstjóra
Norðurumdæmis. Vegagerðin telur
að framkvæmdin hafi ekki í för með
sér umtalsverð áhrif á umhverfið en
kannar nú hvort hún telst matsskyld.
Brúin yfir Jökulsá er 65 ára gömul.
Hún hefur ekki nægjanlega burðar-
getu og er að auki einbreið. Beygja er
inn á brúna og er hámarkshraði á
veginum lækkaður niður í 50 km og
30 km á brúnni sjálfri.
Yfirlestaðir bílar og stór tæki þurfa
að taka á sig mikinn krók til að sneiða
hjá brúnni ef þau geta ekki farið yfir
fljótið. Sumir fara á brúna í Öxarfirði
og aðrir á brú suður við Upptypp-
inga.
Gamla brúin á að standa áfram
sem hjóla-, göngu- og reiðleið.
Enn eru 39 einbreiðar brýr á
hringveginum. Flestar eru á Suð-
austurlandi.
Tölvuteikning/Vegagerðin
Breyting Nýja brúin verður svipuð og flestar nýjar brýr sem byggðar eru hér á landi þessi árin, steinsteypt bitabrú.
Hanna nýja brú
á Jökulsá á Fjöllum
 Hringvegurinn styttist  Gamla brúin stendur áfram
Morgunblaðið/Birkir Fanndal
Sú gamla Burðargeta gömlu hengibrúarinnar yfir Jökulsá fullnægir ekki
kröfum tímans. Hún var byggð á árunum 1946-47 og vígð í júlí 1948.
Barnavernd Reykjavíkur þykir
sýnt að annmarkar hafi verið á
starfsemi ungbarnaleikskólans 101
og að ómálga börn hafi þar verið
beitt harðræði. Í lokabréfi Barna-
verndar til foreldra barna á leik-
skólanum kemur fram að ekki sé
talin ástæða til frekari afskipta,
enda sé málið í rannsókn lögreglu
og leikskólanum hafi verið lokað.
Upplýsingar um stórlega ámæl-
isvert atferli starfsmanna á leik-
skólanum bárust Barnavernd
Reykjavíkur í ágúst. Ákveðnir
starfsmenn voru sakaðir um harð-
ræði og í kjölfarið var tekin ákvörð-
un um að óska lögreglurannsóknar.
Ámælisverður skortur á yfirsýn
Leikskólanum var lokað sama
dag, upphaflega kom fram að það
væri tímabundin lokun en viku síð-
ar ákvað eigandi leikskólans að
hætta rekstrinum alveg. Alls dvaldi
31 barn á leikskólanum, en börnin
voru 9-18 mánaða gömul. Starfs-
menn leikskólans voru 9 talsins.
Í bréfi sem foreldrar barna á
leikskólanum fengu frá Barna-
vernd Reykjavíkur nú í vikunni seg-
ir að þegar horft sé til framkom-
inna upplýsinga í málinu þyki sýnt
að harðræði hafi verið beitt.
Könnun málsins er lokið af hálfu
starfsmanna Barnaverndar og er
málið til meðferðar hjá lögfræði-
sviði lögreglunnar á höfuðborgar-
svæðinu. Rannsóknin er á lokastigi.
Ómálga börn voru
beitt harðræði
 Barnavernd Reykjavíkur telur að
brot hafi verið framin í leikskóla
Morgunblaðið/Rósa Braga
Leikskólinn 101 Rannsókn lög-
reglu á starfseminni er að ljúka.
Hæstiréttur hef-
ur staðfest niður-
stöðu Héraðs-
dóms Reykja-
víkur um að ekki
verði leitað ráð-
gefandi álits
EFTA-dómstóls-
ins um það hvort
Hraunavinir og
þrenn önnur
náttúruverndarsamtök eigi lögvar-
inna hagsmuna að gæta vegna
lagningar nýs Álftanesvegar.
Náttúruverndarsamtökin kveða
nýja vegstæðið fara m.a. um Gálga-
hraun, sem mun hafa verið á nátt-
úruminjaskrá allt til þess að það
var friðlýst 6. október 2009. Vísuðu
þau einnig til Árósasamningsins.
Í dómi Hæstaréttar er vikið að
Árósasamningnum. Segir þar að
skuldbindingar Íslands á grundvelli
samningsins séu skýrar og ótvíræð-
ar og því sé ekki uppi sá vafi í mál-
inu að nauðsynlegt sé að leita ráð-
gefandi álits EFTA-dómstólsins.
Ekki verður leitað til
EFTA-dómstólsins
vegna Gálgahrauns
Úr Gálgahrauni
kynntu þér
málið!
SIÐMENNT
w w w . s i d m e n n t . i s
Siðmennt styður trúfrelsi og
aðskilnað ríkis og kirkju
Trúfrelsi
Sú hugmynd að bjóða skatta-
afslátt við greiðslu sparnaðar
inn á húsnæðislán er ekki ný af
nálinni. Má t.d. geta þess að ár-
ið 1994 fluttu Guðlaugur Þór
Þórðarson, þá formaður Sam-
bands ungra sjálfstæðismanna
(SUS) og nú þingmaður Sjálf-
stæðisflokksins, og Magnús
Árni Skúlason hagfræðingur
ekki ósvipaða tillögu sem fól í
sér afslátt af tekjuskatti sem
lagður skyldi inn á húsnæðis-
reikning vegna íbúðakaupa.
Jóhanna Sigurðardóttir, þá
félagsmálaráðherra, var andvíg
tillögunni, segir Guðlaugur Þór.
Í ætt við
gamla tillögu
SPARNAÐARLEIÐ OG SUS