Morgunblaðið - 02.12.2013, Page 3
Hvað gerðist?
Aðfaranótt 30. nóvember var brotist inn á heimasíðu Vodafone.
Innskráningarupplýsingum á Mínar síður og hluta af VefSMS-skeytum
sem send voru þaðan var stolið og þær gerðar aðgengilegar á netinu.
Öryggi SMS-skeyta sem send hafa verið úr símtækjum var aldrei í hættu
né aðrar upplýsingar vistaðar hjá Vodafone.
Hverju var stolið og frá hverjum?
Um 79 þúsund VefSMS-skilaboðum var stolið ásamt innskráningar-
upplýsingum af Mínum síðum. 75% þessara skilaboða voru almennar
þjónustutilkynningar frá tannlæknum, skósmiðum, félagasamtökum o.fl.
Alls var fjórum greiðslukortanúmerum stolið. Þrjú þeirra voru prufukort.
Eru upplýsingar um þig í gögnunum?
Vodafone hefur komið upp gagnaherbergi hjá Málflutningsstofu
Reykjavíkur, Húsi verslunarinnar. Þar geturðu gengið úr skugga um
hvort upplýsingar um þig er að finna í gögnunum gegn framvísun
persónuskilríkja, mánudag og þriðjudag kl. 10-16. Ekki verða veittar
upplýsingar rafrænt eða í gegnum síma.
Hvers vegna voru gögn geymd lengur en í sex mánuði?
Á Mínum síðum var notendum boðið upp á að vista send
VefSMS-skilaboð. Það voru einu skilaboðin sem geymd voru. Skýrt er
kveðið á um í lögum að ekki skuli geyma skilaboð lengur en sex
mánuði – það brást í þessu tilviki.
Til hvaða ráðstafana var gripið?
Færustu sérfræðingar í gagna- og netöryggismálum hafa uppgötvað
með hvaða hætti tölvuþrjóturinn komst inn á heimasíðuna og höfum
við gert viðeigandi ráðstafanir til að innbrot endurtaki sig ekki.
Viðkvæm gögn í umferð
Það er einlæg von okkar að þeir aðilar sem hafa komið höndum yfir
gögnin geri ekki illt verra með því að dreifa þeim frekar. Þannig getum
við lágmarkað skaðann vegna þeirra.
Vodafone biður alla sem málið snertir afsökunar.
Frekari upplýsingar um innbrotið á heimasíðu Vodafone má
finna á vodafone.is
Vodafone
Innbrot á heimasíðu
Vodafone