Morgunblaðið - 27.01.2014, Blaðsíða 32
32 DÆGRADVÖL
MORGUNBLAÐIÐ MÁNUDAGUR 27. JANÚAR 2014
Stjörnuspá
21. mars - 19. apríl
Hrútur Láttu græðgina ekki ná tökum á þér
því oft leiðir hún menn í glötun. Gerðu kröf-
urnar fyrst og fremst til þín, þannig heldur þú
friðinn.
20. apríl - 20. maí
Naut Það er ekki nóg að fá góðar hugmyndir,
ef þeim er hvorki haldið til haga né látið
reyna á gildi þeirra. Njóttu kvöldsins í vina-
hópi og þú uppskerð margar góðar hug-
myndir.
21. maí - 20. júní
Tvíburar Staðfesta þín og einbeitni eru aðdá-
unarverð. Nálægt þér er einhver sem elskar
þig en getur ekki alltaf sýnt það svo vertu
nærgætin/n.
21. júní - 22. júlí
Krabbi Þú þarft að fá útrás fyrir sköpunarþrá
þína svo þú kafnir ekki. Nýjar hugmyndir
vekja áhuga þinn og þú nýtur þess að læra
eitthvað nýtt.
23. júlí - 22. ágúst
Ljón Það er hætt við einhverjum ruglingi í
ástarmálunum í dag. Breyttu viðbrögðum
þínum, ekki síst við ástvinum sem endurtaka
sig eins og rispaður geisladiskur.
23. ágúst - 22. sept.
Meyja Það skiptir þig meira málin núna en
vanalega hvernig fólk sér þig. Allir þurfa tíma
til að sanna sig og sjálfsagt að túlka allan
vafa þeim í hag á meðan.
23. sept. - 22. okt.
Vog Í dag gefst gott tækifæri fyrir þýðing-
armiklar samræður við aðra. Hikaðu ekki við
að bjóða fram aðstoð þína.
23. okt. - 21. nóv.
Sporðdreki Þú átt erfitt með að segja nei og
situr því uppi með verkefnafjölda sem þú
ræður orðið ekkert við. Sýndu samt þol-
inmæði og þrautseigju því tíminn vinnur með
þér.
22. nóv. - 21. des.
Bogmaður Hamingjan felst í því að gera
greinarmun á því sem maður vill og því sem
maður þarfnast. Hlustaðu og hugleiddu svo
hvað er til í því sem sagt er.
22. des. - 19. janúar
Steingeit Að finna sinn innri mann snýst
frekar um að muna en að skapa. Láttu klukk-
una hvetja þig áfram með verkefnin.
20. jan. - 18. febr.
Vatnsberi Hugsanlegt er að þú takir að þér
fjáröflun eða leit að styrktaraðilum. Talaðu
brosandi við ókunnuga og horfðu á þá breyt-
ast í vini.
19. feb. - 20. mars
Fiskar Það er heillaráð að leggja á ráðin um
framtíðina. Maður þarf ekki nema ögn af létt-
úð til að breyta einhverju óþægilegu í eitt-
hvað framúrskarandi jákvætt.
Maður getur vel skilið fegins-andvarp Davíðs Hjálmars
Haraldssonar, en sl. þriðjudag, 23.
janúar, sá hann í fyrsta skipti til
sólar á árinu:
Er þú loks úr suðri, sól,
sendir geislastrengi,
brosi ég sem barn um jól;
beið ég þín svo lengi.
Sturla Friðriksson sendi mér
tölvupóst í síðustu viku, þar sem
hann sagði að nú væri mikið rætt
og ritað um vísuna „Afi minn fór á
honum Rauð“. – „Og vitnað í bók
Bjarka Karlssonar. En það er eng-
inn sem getur um hvað þetta „sitt af
hvoru tagi“ þýðir. Það var kaffi og
kaffibætir, er hét einnig export eða
rót, sem afi minn fór að sækja. Því
mætti yrkja:
Afi minn fór á honum Rauð
eitthvað suður á bæi
að sækja export, sykur og brauð
og safn af kaffi fræi.
Við má bæta gamalkunnri vísu
um exportið:
Kaffisopinn indæll er,
eykur fjör og skapið kætir.
Langbest jafnan líkar mér
Lúðvíks Davíðs kaffibætir.“
Davíð Hjálmar Haraldsson skrif-
aði á Leirinn 20. janúar og valdi að
yfirskrift „Formaður efnahags- og
viðskiptanefndar“:
Fræðileg eru Frosta störf,
frjór er hann ern og sprækur.
Skattleysismörkin skráir þörf
í skjöl sín og minnisbækur.
Í kjölfarið spurði Ágúst Mar-
inósson, hvort ekki könnuðust allir
við þessa vísu, hún hefði orðið sér
til bjargar – er hún kannski stað-
bundinn húsgangur?
Klóra ég mér á hægri hupp
en hef þó engan grun um
hvort það var Frosti sem fattaði upp
á 50 milljörðunum.
Björn Ingólfsson rifjaði upp af
þessu tilefni gamla sögn af sálma-
skáldinu séra Birni Halldórssyni í
Laufási og vísaði í Bolla Gústavsson
vígslubiskup og bók hans „Ýmsar
verða ævirnar“. Séra Björn leit
fram í baðstofuna og sá hvar mág-
kona hans, Kristbjörg Einarsdóttir,
sem hann kallaði ráðskonu sína,
reis úr rekkju og sat á rúm-
stokknum á prjónaklukkunni einni
fata og geispaði:
Ráðskonan þar rís nú upp
rétt sem tungl í fylling,
nýr á sér þann hægri hupp
með hátíðlegri stilling.
Halldór Blöndal
Vísnahorn
Afa gamla, Frosta og fleiri
persónur ber á góma
Í klípu
„ÞAÐ ER SVO EINS GOTT AÐ ÞÚ
BIRTIR ÞETTA EKKI Á NETINU!“
eftir Mike Baldwin eftir Jim Unger
„HVERNIG GETUR MAÐUR FENGIÐ
FJÓRA ÁSA, SEX SINNUM Í RÖÐ?“
Hermann
Ferdinand
Hrólfur hræðilegi
Grettir
... að undirbúa þig
fyrir stefnumót.
ÉG FÓR TIL
LÆKNIS Í DAG.
HANN SAGÐI MÉR AÐ LÉTT-
AST UM NOKKUR KÍLÓ.
HVERNIG
VÆRI AÐ SÝNA
SMÁSAMÚÐ?!
ÉG GRÆT
INNRA MEÐ
MÉR.
ÞAÐ ER SAGT AÐ BAK VIÐ
HVERN FARSÆLAN MANN
SÉ KONA ...
... SEM VINNUR AÐ ÞVÍ HÖRÐUM
HÖNDUM ALLAN SÓLARHRINGINN
AÐ AUKA FARSÆLD HANS!
Dagblöð eru við það að deyja út.Eða, það halda að minnsta kosti
sumir. Helstu rökin fyrir þeim spá-
dómum eru að með aukinni notkun
rafrænnar fjölmiðlunar og sam-
skipta sé of flókið og kostnaðarsamt
að prenta á pappír og dreifa honum.
Það hljómar að einhverju marki
rökrétt, og með aukinni netútgáfu
hafa mörg dagblöð þurft að draga
saman seglin, jafnvel hætta rekstri,
jafnt hér heima sem erlendis.
x x x
Það sama hefur reyndar verið sagtum bækur. Bókaútgáfa er þó í
miklum blóma, ef marka má fjölda
útgefinna titla, og hluti rafbóka er
enn hverfandi, að minnsta kosti hér
heima.
Það er nefnilega með bækurnar
eins og dagblöðin, það er öðruvísi að
halda á prentgripnum og fletta hon-
um, en að skoða hann á skjá.
Þegar kemur að upplifun við það
að lesa eru líklega flestir sammála
Víkverja í því að pappírinn hefur
vinninginn. Það er öðruvísi að horfa
á hann, halda á honum og jafnvel að
lykta af honum. Og á meðan til er
fólk sem kýs þá upplifun, fram fyrir
þá rafrænu, verða enn gefin út dag-
blöð og bækur á pappír. Að minnsta
kosti í einhverjum mæli.
x x x
Víkverji hefur reynda líka áhyggj-ur af sjónvarps- og útvarps-
stöðvum, sem þó reiða sig í engu á
pappír. Internetið getur nú séð öll-
um fyrir tónlist, töluðu máli og
myndefni, eftir smekk hvers og eins,
og upplifunin er mjög áþekk þeirri
að horfa á útvarp eða hlusta á sjón-
varp. Víkverji gæti jafnvel trúað því
að netið taki fyrr yfir ljósvakamiðla
en prentmiðla.
En netið er ekki algild lausn í
sjálfu sér, og miðlar eru ekki eilífir
þar frekar en í „kjötheimum“.
Bandarískir vísindamenn hafa til
dæmis spáð hruni í notendafjölda fa-
cebook samskiptamiðilsins innan
þriggja ára. Hvort sem það eru
raunhæfar spár eða ekki er ljóst að
notendur; lesendur, áhorfendur og
hlustendur, eru þeir sem ráða fram-
tíð þeirra miðla sem þeir hafa að-
gang að. Og á meðan þeir vilja halda
áfram að nota þá, eru spár um annað
marklausar. víkverji@mbl.is
Víkverji
En leitið fyrst ríkis hans og réttlætis,
þá mun allt þetta veitast yður að auki.
(Matteusarguðspjall 6:33)
Smiðjuvegi 68-72, Rvk Hjallahrauni 4, Hfj Fitjabraut 12, Njarðvík Eyrarvegi 33, Selfossi Barðinn, Skútuvogi 2
Við tökum að okkur: Peruskipti, rafgeymaþjónustu,
bremsuviðgerðir, stýrisenda, spindilkúlur, kerti,
kertaþræði, hjólalegur, fjöðrunarbúnað, viftureimar,
hjólastillingar og margt fleira.
LAGFÆRUM
BÍLINN
VIÐ
www.solning.is