Morgunblaðið - 27.01.2014, Síða 40

MÁNUDAGUR 27. JANÚAR 27. DAGUR ÁRSINS 2014
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 425 ÁSKRIFT 4680 HELGARÁSKRIFT 2900 PDF Á MBL.IS 4470 I-PAD ÁSKRIFT 4470
1. Hélt framhjá stóru ástinni
2. Gaddfreðinn refur fastur í ísnum
3. Réðst á stúlku á bar
4. Opnaði dyr á ferð og rotaðist
»MEST LESIÐ Á mbl.is
FÓLK Í FRÉTTUM
 Lani Yamamoto hlaut Dimmalimm,
íslensku myndskreytiverðlaunin 2013
fyrir bókina Stína stórasæng.
Kristín Dagmar talaði fyrir hönd
dómnefndar og sagði m.a. í rökstuðn-
ingi sínum: Sá metnaður sem Lani
Yamamoto hefur lagt í útgáfu barna-
bókarinnar Stína stórasæng er aðdá-
unarverður. Myndskreytingin er hér
órjúfanlegur hluti sögunnar og bráð-
skemmtileg framlenging textans.
Heildarhönnun og uppsetning er afar
vönduð þar sem hver opna er út-
hugsuð og er myndrænt sterk. Mynd-
irnar gefa sögunni aukna vídd.
Á sýningunni Þetta vilja börnin sjá!
í Menningarmiðstöðinni Gerðubergi
má sjá þær bækur sem kepptu til
verðlaunanna að þessu sinni.
Lani Yamamoto
hlaut Dimmalimm
 Trompetleikarinn og hlauparinn Ari
Bragi Kárason var um helgina til-
nefndur bæjarlistamaður Seltjarnar-
ness 2014. Ari er einungis 24 ára en
hefur um árabil verið áberandi í tón-
listarlífi Seltjarnarness og víðar. Árið
2008 útskrifaðist Ari Bragi af djass-
og rokkbraut auk klassískrar brautar
Tónlistarskóla FÍH árið 2008. Hann
útskrifaðist með láði úr
New School for Jazz
and Contemporary
Music í New York ár-
ið 2012, en fyrstu
skrefin í tónlistar-
náminu steig
hann í heima-
bænum,
Seltjarnar-
nesi.
Bragi Kárason er
Bæjarlistamaður
Á þriðjudag Norðaustan 5-13 m/s og dálítil él norðan- og austan-
lands, en léttskýjað sunnan- og vestantil. Frost 0 til 7 stig.
Á miðvikudag Hæg norðlæg eða breytileg átt. Smáél við norður-
og austurströndina en léttskýjað syðra. Frost 1 til 7 stig.
SPÁ KL. 12.00 Í DAG Norðaustan 3-10 og snjókoma eða slydda
með köflum en bjartviðri sunnan- og vestanlands. Hiti 0 til 5 stig.
VEÐUR
Frakkar urðu Evrópumeistar-
ar í handknattleik karla í
þriðja sinn þegar þeir niður-
lægðu Dani í úrslitaleik í
Herning í Danmörku í gær.
Frakkar, sem eru ríkjandi ól-
ympíumeistarar, settu upp
sýningu í Boxen-höllinni og
áttu Danir enga möguleika
gegn frábæru frönsku liði.
Guðjón Valur Sigurðsson var
valinn í úrvalslið mótsins en
hann varð annar markahæsti
maður mótsins. »2
Frakkar léku
sér að Dönunum
Stjarnan heldur sínu striki í Olís-deild
kvenna í handknattleik en liðið lagði
Fram, 27:21, og er enn taplaust eftir
14 umferðir í deildinni. Stjörnukonur
tróna á toppi
deildarinnar
og eru
þremur
stigum á
undan
Valskonum
en heil umferð
var spiluð um
helgina. »8
Stjörnukonur áfram
taplausar
Hlaupadrottningin Aníta Hinriks-
dóttir byrjar nýtt ár af krafti en hún
setti sitt annað Íslandsmet á árinu
um helgina þegar hún kom í mark
4:19.31 mínútum í 1.500 metra hlaupi
kvenna á stórmóti ÍR sem fram fór í
Laugardalshöll. Mörg góð afrek voru
unnin á mótinu og ljóst er mikill efni-
viður er frjálsum íþróttum hér á
landi. »7
Aníta með sitt annað Ís-
landsmet á árinu
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Sigurður Bogi Sævarsson
sbs@mbl.is
„Í mínum villtustu draumum sé ég
fyrir mér að skólinn og húsnæði hans
fái veigamikið hlutverk hér í hverf-
inu sem alhliða þjónustu-, mennta-
og menningarmiðstöð,“ segir Sif Víg-
þórsdóttir, skólastjóri Norðlinga-
skóla í Reykjavík. Um þessar mund-
ir er borgin að breyta og auka
þjónustu sína í Norðlingaholtinu,
sem er eitt nýjasta hverfið, með því
að sameina útibú Borgarbókasafns
Reykjavíkur og Norðlingaskóla.
Hugmyndir um þessa nálgun í starf-
semi bókasafna borgarinnar hafa
lengi verið í skoðun. Nú hefur málið
verið raungert og bókasafn almenn-
ings og skólanema verður í skól-
anum. Þetta er tilraunaverkefni til
næstu þriggja ára. Safnið verður op-
ið alla virka daga og skipta skóla- og
frístundasvið og menningar- og
ferðamálasvið borgarinnar með sér
kostnaði við bókakaup og rekstur.
Höfum þrengt að okkur
Starfsemi Norðlingaskóla hófst
haustið 2005, en þá voru 16 krakkar
innritaðir til náms í 1. til 6. bekk. Um
vorið voru þeir orðnir 44 og hverfis-
búarnir 271. Þeim hefur fjölgað jafnt
og þétt síðan og nú, þegar þeir eru
rúmlega 2.300, eru börnin í skól-
anum 480. Áætlað er að þeim fjölgi
jafnt og þétt næstu árin og verði um
600 þegar toppnum er náð. Helgast
þetta af því að ungt fjölskyldufólk á
barneignaraldri er kjarni íbúa hverf-
isins.
Fyrstu starfsárin var frumbýlis-
bragur á mörgu í Norðlingaskóla.
Starfsemin fór fram í lausum húsum
á stórri lóð sem urðu 32 þegar mest
var. Í byrjun skólaársins 2011 var
skólahúsið, sem er um 7.000 fermetr-
ar að flatarmáli, tekið í notkun. Það
er byggt fyrir 450 nemendur og er
það því nú þegar orðið of lítið. „Við
höfum þrengt að okkur og notum op-
in rými, matsal og fleiri staði fyrir
kennslu sem hefur alveg gengið. Þó
komumst við ekki hjá því að þurfa á
næstu árum að finna einhverja lausn
sem dugar,“ segir Sif.
Náttúra og nærsamfélag
Áður en Sif Vígþórsdóttir kom í
bæinn var hún skólastjóri austur á
Hallormsstað og þar tíðkast að
kenna árgöngum saman. Þar var og
er lögð áhersla á náttúrufræðigrein-
ar, útikennslu í skógarlundum svo og
tengsl við nærsamfélagið. Þessari
stefnu hefur Sif fylgt í Norðlinga-
holtinu. „Þetta litla hverfi er vel af-
markað af umferðaræðum og náttúr-
unni og verður því að sumu leyti eins
og sveitaþorp í borginni. Slíkt skapar
möguleika,“ segir Sif sem lengi talaði
fyrir því að fá útibú frá Borgar-
bókasafninu í skólann. Og nú er það
að ganga eftir og væntir skólastjór-
inn mikils af því.
Skólinn verði miðstöð hverfis
 Bækur og börn í
Norðlingaholti og
þar fjölgar fólki
Morgunblaðið/Árni Sæberg
Norðhyltingar „Þetta litla hverfi er vel afmarkað af umferðaræðum og náttúrunni og verður því að sumu leyti eins
og sveitaþorp í borginni,“ segir Sif Vígþórsdóttir sem hér er með þremur ungum stúlkum úr stórum hópi nemenda.
„Starf skóla er alltaf í þróun. Sam-
félagið breytir starfi skólanna og
þeir hafa aftur áhrif til hins sama
meðal nemenda, foreldra og ann-
ara,“ segir Sif Vígþórsdóttir. Hún
og fleiri skólastjórnendur í Reykja-
vík heimsóttu menntastofnanir í
Boston í Bandaríkjunum fyrir
nokkrum árum til að kynnast
stefnum og straumum þar í landi.
Hún segir þennan leiðangur hafa
verið mjög lærdómsríkan fyrir alla.
Í einu af úthverfum Boston, þar
sem fátækt er meðal íbúa, var
nokkuð áberandi að hafa skóla,
heilsugæslu, félagsþjónustu,
íþróttaaðstöðu, kirkju, bókasafn
og aðra sambærilega starfsemi og
þjónustu opinberra aðila undir
sama þaki. Reynslan af því fyrir-
komulagi er mjög góð, segir Sif,
sem telur þetta geta verið fyrir-
mynd hér á landi – enda séu skól-
arnir til dæmis í Reykjavík staðir
sem mikill meirihluti íbúa hvers
einasta hverfis heimsækir dag-
lega. Með því að gera skólana að
alhliða hverfismiðstöðvum megi
mikið spara, bæði tíma og pen-
inga.
Þar er allt undir sama þaki
FYRIRMYND FRÁ BOSTON Í BANDARÍKJUNUM