Morgunblaðið - 01.03.2014, Page 6

6 FRÉTTIRInnlent
MORGUNBLAÐIÐ LAUGARDAGUR 1. MARS 2014
Viltu selja eða
kaupa fyrirtæki?
Firma Consulting, Þingaseli 10, 109 Reykjavík,
GSM: (+354) 820 8800 og (+354) 896 6665,
Fax: (354) 557 7766, Veffang: firmaconsulting.is
Magnús Hreggviðsson viðskiptafræðingur og lög-
giltur fyrirtækja-, fasteigna- og skipasali. Magnús er
með áratuga reynslu af endurskoðunarstörfum, sem
rekstrarráðgjafi, fyrirtækja- og fasteignasali, útgef-
andi, fasteignarekandi, „land-developer“ í Smára-
hvammi og starfandi stjórnarformaður í nokkrum
fyrirtækjum. Er aðalráðgjafi hjá Firma Consulting.
(magnus@firmaconsulting.is)
Firma Consulting (www.firmaconsulting.is) er
ráðgjafafyrirtæki sem sérhæfir sig í ráðgjöf við
kaup og sölu millistórra og stórra fyrirtækja.
Kjartan Kjartansson
kjartan@mbl.is
Þrátt fyrir að veðurfar hafi ekki ver-
ið hagstætt hafa þorskveiðar á
Breiðafirði gengið vel í febr-
úarmánuði.
„Það er mjög góð veiði á öll
veiðarfæri. Við erum mest með
trollskip en það er búin að vera al-
ger mokveiði í net þennan mán-
uðinn. Febrúar hefur verið mjög
góður,“ segir Hafsteinn Garðarsson,
hafnarvörður í Grundarfjarðarhöfn,
en hann segir veiðina hjá troll- og
línubátum hafa verið afar góða í all-
an vetur og raunar síðustu tvær ver-
tíðir.
Búið er að landa 1.500-1.600
tonnum í Grundarfirði en tíu til tólf
bátar landa þar að jafnaði. Þá hefur
verið eitthvað um rækjuveiðar á
Breiðafirði en bátar hafa sótt þang-
að vegna veðráttunnar sem hefur
verið fyrir norðan land þar sem þeir
stunda yfirleitt þær veiðar.
Vandræði vegna ýsu
Veðrið hefur þó einnig sett
strik í reikninginn við Snæfellsnes
en viðvarandi austan- og norðaust-
anátt hefur verið þar.
„Það er búið að vera mjög erfitt
tíðarfar á miðunum,“ segir Haf-
steinn.
Í höfninni í Rifi er búið að landa
rúmlega 1.600 tonnum í febrúar-
mánuði að sögn Páls Stefánssonar
hafnarvarðar. Mest af fiskinum fer á
fiskmarkað en einnig í verkun í Rifi.
Hann tekur undir að veðráttan hafi
gert mönnum erfitt fyrir, sérstak-
lega með smærri bátana. Það séu
aðeins stærri bátarnir sem hafa get-
að farið út þegar veðrið er slæmt.
Reyna að forðast ýsuna
„Miðað við tíðarfarið telst þetta
góður mánuður en það hefur verið
skelfilega slæmt. Aflinn hefði verið
betri og meiri ef það hefði verið
betra,“ segir hann.
Töluvert er af ýsu í firðinum og
hafa sumir lent í vandræðum af
þeim sökum. Bátarnir fá mikið af
henni í meðafla og því hefur gengið
skarpt á ýsukvóta þeirra sem þeir
leigja.
„Ýsan hefur verið fyrir þeim og
þeir eru að verða búnir með kvót-
ann. Menn reyna að forðast hana en
hún er bara alls staðar,“ segir Páll.
Menn séu þó sæmilega stæðir með
þorskkvótann.
Morgunblaðið/Alfons Finnsson
Golþorskur Þorgrímur L. Kristjánsson heldur á lofti vænum þorski um
borð í Margréti SH 177 en faðir hans Kristján Kristjánsson fylgist með.
Mokveiði á Breiðafirði
þrátt fyrir slæmt tíðarfar
 Um 1.600 tonnum landað í febrúar í Rifi og Grundarfirði  Mikið af ýsu
Innanríkisráðuneytið hefur hafnað
ósk aðstandenda látinnar mann-
eskju um að fá að dreifa ösku henn-
ar við Þingvallavatn. Það vísar í
reglugerð um dreifingu ösku lát-
inna manna utan kirkjugarða en
þar segir að ekki sé heimilt að gera
það yfir stöðuvötn eða byggð.
Þingvallanefnd lagði mat á
beiðnina en í reglugerðinni er
heimilað að ösku sé dreift yfir haf
og óbyggðir. Taldi nefndin að Þing-
vellir féllu ekki undir þá skilgrein-
ingu. Þetta var í fyrsta skipti sem
nefndin hefur tekið fyrir beiðni um
að dreifa ösku í þjóðgarðinum.
Samkvæmt upplýsingum innan-
ríkisráðuneytisins er ekki algengt
að óskað sé eftir heimild til að
dreifa ösku utan kirkjugarða.
Ráðuneytið hefur hingað til fjallað
um slíkar beiðnir en frá og með 1.
febrúar hefur sýslumaðurinn á
Siglufirði séð um það.
Fá ekki að dreifa
ösku látinnar mann-
eskju við vatnið
Morgunblaðið/Sigurður Bogi
Þingvallavatn Ósk barst um að dreifa
ösku látinnar manneskju við vatnið.
Íslandsbanki braut gegn ákvæðum
eldri laga um neytendalán við upp-
lýsingagjöf um verðtryggt húsnæð-
isveðlán. Þetta kemur fram í
ákvörðun Neytendastofu vegna
kvörtunar manns sem tók verð-
tryggt lán árið 2006 og taldi Ís-
landsbanka ekki hafa staðið við
upplýsingaskyldu sína samkvæmt
lögum.
Neytendastofu barst kvörtun frá
neytanda sem tók yfir verðtryggt
lán árið 2006. Neytandinn taldi Ís-
landsbanka ekki hafa staðið við
upplýsingaskyldu sína samkvæmt
lögum með því t.d. að gera ekki ráð
fyrir neinum verðbótum í útreikn-
ingi á árlegri hlutfallstölu kostn-
aðar. Íslandsbanki er ósammála
niðurstöðunni og hyggst áfrýja til
áfrýjunarnefndar neytendamála.
Íslandsbanki talinn
hafa brotið lög
Viðar Guðjónsson
vidar@mbl.is
Samþykkt var á fundi umhverfis- og
skipulagsráðs Reykjavíkur að end-
urnýja lyftibúnað sem hífir upp leik-
muni, tjöld og leikara. Að sögn Þor-
kels Jónssonar, staðgengils skrif-
stofustjóra hjá Reykjavíkurborg, er
kostnaðurinn um 70 milljónir króna.
„Slíkur búnaður var til að mynda
notaður til að hífa upp leikara í Mary
Poppins þegar þeir flögruðu um sal-
inn í sýningunni,“ segir Þorkell.
Hann segir að flugkerfið sé tölvu-
stýrður vírabúnaður. „Þetta má svo
forrita og þessu er stýrt upp og nið-
ur eftir kúnstarinnar reglum,“ segir
Þorkell. Hann segir að fyrst og
fremst sé verið að endurnýja þann
hluta rafeindabúnaðarins sem stýrir
flugkerfinu. Að sögn Þorkels er
kostnaðurinn við endurnýjunina á
milli 70 og 100 milljónir króna. „All-
ur leikhúsbúnaður kostar mikinn
pening,“ segir Þorkell. Hann segir
að nýr búnaður kosti 2-300 milljónir
króna en ekki var þörf á heildarend-
urnýjun að þessu sinni.
Nýr ljósabúnaður
Búnaðurinn kemur frá framleið-
anda í Bretlandi og var keyptur árið
1988 fyrir opnun Borgarleikhússins.
Ekki var farið í útboð þar sem þessi
tiltekni framleiðandi er sá eini sem á
rafeindabúnaðinn sem til stendur að
uppfæra. Nýlega var einnig keyptur
fjarstýrður ljósabúnaður fyrir Borg-
arleikhúsið. Tekið var tilboði frá
þýsku fyrirtæki. Kostnaðurinn við
kaupin var um 24 milljónir króna að
sögn Þorkels.
Flugkerfi Borgarleikhúss
endurnýjað fyrir 70 milljónir
 Tölvustýrður vírabúnaður fyrir flögrandi leikara
Morgunblaðið/Eggert
Mary Poppins Notast var við flugkerfið í leiksýningunni Mary Poppins.
Loðnuveiðiskip hafa ekkert komist norður fyrir Snæfellsnes á vertíð-
inni út af lægðagangi og ríkjandi austan- og norðaustanátt.
„Það er ólíft á þessum slóðum. Það er bara þannig. Menn fara
bara þar sem er vært. Við höfum ekkert komist norður fyrir Nes og
það er slæmt. Við höfum komist einn dag á þessari vertíð,“ segir
Ingimundur Ingimundarson, útgerðarstjóri uppsjávarskipa hjá HB
Granda.
Veðráttan hefur verið með þessu móti allt frá því í desember og
segir Ingimundur lítið annað hægt að gera en að bíða. Menn hafi
reynt að sækja inn á Faxaflóa í staðinn. Veðurkortin bendi ekki til að
breyting verði á en þó eigi eitthvað að hægja á vindi um helgina þó
að áttin breytist ekki. „Við kíkjum væntanlega eitthvað norður með
Nesi eftir loðnunni um helgina,“ segir hann.
Ólíft norðan við Snæfellsnes
LOÐNUVEIÐISKIPIN KOMAST EKKI LENGRA