Morgunblaðið - 01.03.2014, Síða 18

18 FRÉTTIRInnlent
MORGUNBLAÐIÐ LAUGARDAGUR 1. MARS 2014
FERSKLEIKI • GÆÐI • ÞJÓNUSTA
FORRÉTTUR
Hvítlauksristaðir humarhalar
með brauði og hvítlaukssmjöri
AÐALRÉTTUR
Lamba primesteik með ristuðu grænmeti,
rósmarín, hunangi og bakaðri kartöflu
EFTIRRÉTTUR
Frönsk súkkulaðikaka með þeyttum rjóma
og ferskum berjum
BRUNCH
Heilsu Brunch: Brauð, ostur, soðið egg, tómatur, gúrka,
ávextir, sulta, kjúklingaskinka og íslenskt smjör
Lúxus Brunch: Spæld egg, beikon, ostasneiðar, spægi-
pylsa, brauð, kartöflur, ferskt tómatsalat, smoothie,
ávextir, sulta, smjör og amerískar pönnukökur með sírópi.
BAKSVIÐ
Helgi Bjarnason
helgi@mbl.is
„Það er mín persónulega skoðun að
ekkert sé á móti því að ríkið sé í for-
ystuhlutverki eða í hluthafahópi fé-
lags um að byggja slíka verksmiðju,
ef hagkvæmniathugun leiðir það í ljós
að þetta er hagkvæmt og gott verk-
efni,“ segir Þorsteinn Sæmundsson,
fyrsti flutningsmaður þingsályktun-
arillögu um að fela ríkisstjórninni að
kanna hagkvæmni og möguleika þess
að reisa áburðarverksmiðju í Helgu-
vík eða Þorlákshöfn.
Meðflutningsmenn eru sjö félagar
Þorsteins úr þingflokki Framsókn-
arflokksins.
Auka þarf matvælaframleiðslu
Þorsteinn vekur athygli á því að
verð á áburði hafi hækkað frá því sem
áður var og líkur séu á að það haldist
hátt. Auka þurfi matvælaframleiðslu
í heiminum og málið falli að þeirri
stefnu Framsóknarflokksins að auka
þessa framleiðslu hér á landi. Verk-
smiðjan yrði það stór að hún myndi
aðallega framleiða áburð til útflutn-
ings.
Rekstur áburðarverksmiðju bygg-
ist einkum á tveimur forsendum,
annars vegar nægu og ódýru raf-
magni og hins vegar miklu vatni.
Einnig þarf hafnaraðstaða að vera
góð. Þorsteinn segir að öll skilyrði
séu fyrir hendi hér á landi. Nefnt er í
greinargerð með tillögunni að til-
tölulega einfalt sé að vinna köfnunar-
efni hér á landi og vinna megi brenni-
stein úr útblæstri
Hellisheiðarvirkjunar sem nægi fyrir
framleiðslu verksmiðjunnar. Þor-
steinn segir mikilvægt að gera verð-
mæti úr öllu sem til fellur hér á landi
og brennisteinninn sé dæmi um það.
Hann tekur fram að dýrt sé að vinna
brennistein með þessum hætti en
einnig sé kostnaðarsamt að dæla
honum ofan í jörðina.
Fengu ekki hljómgrunn
Þorsteinn vonast til að það fram-
tak ríkisins að láta gera hag-
kvæmniathugun leiði í ljós að þetta sé
verðugt verkefni og hvetji fjárfesta
til að ráðast í framkvæmdina.
Áburðarverksmiðja ríkisins hóf
framleiðslu í Gufunesi á árinu 1954 og
fékk rafmagn frá Írafossvirkjun.
Hún var um árabil eitt af stóriðju-
fyritækjum landsins. Ríkið seldi
áburðarverksmiðjuna á árinu 1999 og
efnaframleiðslu var hætt þar síðla árs
2001 en áburður framleiddur áfram í
nokkur ár úr innfluttu hráefni.
Á árinu 2009 var skýrt frá því að
áætlun um byggingu stórrar áburð-
arverksmiðju í Þorlákshöfn hefði ver-
ið kynnt fyrir stjórnvöldum og lífeyr-
issjóðunum. Íslendingar stóðu að
verkefninu ásamt norskum sérfræð-
ingi. Málið var kynnt fyrir forsvars-
mönnum lífeyrissjóðanna til að kanna
áhuga þeirra á fjármögnun.
Gert var ráð fyrir að framleidd
yrðu 700 þúsund tonn af áburði í
verksmiðjunni og 760 þúsund af kalí-
umnítrati. Meginhluti framleiðsl-
unnar var til útflutnings því innan-
landsmarkaðurinn var þá talinn
aðeins um 80 þúsund tonn á ári.
Áform áhugahópsins eru rifjuð upp í
greinargerð þingsályktunartillögu
framsóknarmanna og tekið fram að
verkefnið hafi ekki fengið hljóm-
grunn hjá þáverandi stjórnvöldum.
Fjárfesting í verksmiðju af þessu
tagi er talin nema rúmum 120 millj-
örðum króna.
Fleiri hafa á sýnt áhuga á áburð-
arframleiðslu, yfirleitt í tengslum við
hugmyndir um virkjanir, meðal ann-
ars á Suðurlandi.
Verði hagkvæmt og gott fyrirtæki
 Hugmyndir um framleiðslu áburðar til útflutnings endurvaktar  Þingmenn Framsóknarflokks-
ins leggja til að ríkið láti gera athugun á hagkvæmni  Staðsetning í Helguvík eða Þorlákshöfn
Morgunblaðið/Þorkell
Gufunes Áburðarverksmiðjan var rekin frá 1954 til 2001.
„Við þurfum
að skapa hér
20 þúsund ný
störf og auka
gjaldeyr-
istekjur,“
segir Þor-
steinn um
áburðar-
verksmiðju-
hugmyndina.
Nefnir hann
að 10 þúsund Íslendingar séu
án atvinnu og sjö þúsund til
viðbótar búsettir erlendis.
Skapa þurfi góð störf í land-
inu.
Áætlað er að 150-200 fram-
tíðarstörf skapist við rekstur
áburðarverksmiðju, meðal ann-
ars góð störf fyrir verkfræð-
inga, efnafræðinga og iðn-
aðarmenn. Þá fái 500-600
manns vinnu við byggingu
verksmiðjunnar í eitt og hálft
til tvö ár.
Allt að 200
framtíðarstörf
ÞARF AÐ SKAPA NÝ STÖRF
Þorsteinn
Sæmundsson
Kjartan Kjartansson
kjartan@mbl.is
Með breytingum á deiliskipulagi fyr-
ir svæði íþróttafélagsins FH í Kapla-
krika í Hafnarfirði verða til fjórir ný-
ir byggingarreitir en tveir þeirra
verða nýttir til þess að reisa tvær
knattspyrnuhallir á næstu 18 mán-
uðum.
Hafnarfjarðarbær er þegar búinn
að auglýsa breytingarnar og er at-
hugasemdafrestur um þær liðinn. Að
sögn Viðars Halldórssonar, for-
manns FH, gætu framkvæmdir við
fyrra húsið hafist þegar í maí verði
skipulagið endanlega staðfest.
Um er að ræða lítið knattspyrnu-
hús, 25 sinnum 50 metra að flatar-
máli, og er stefnt að því að það verði
tilbúið í september á þessu ári.
Hitt húsið er knattspyrnuhús í
fullri stærð. Framkvæmdir við það
gætu hafist á næsta ári og það verið
tilbúið í september það ár, gangi
áætlanir eftir.
„Þegar þetta er búið þá getum við
orðað það sem svo að við verðum
með eina bestu aðstöðu á landinu.
Við verðum þá með fjóra grasvelli,
tvö minni knatthús og eitt stórt,“
segir hann.
Heildarkostnaðurinn við húsin tvö
nemur um 700 milljónum króna sam-
kvæmt kostnaðaráætlun en með í
þeirri upphæð er kostnaður við end-
urgerð tveggja valla félagsins sem
ráðist verður í samhliða byggingar-
framkvæmdunum.
„Hluti er greiddur af félaginu, um
hluta er leitað til velunnara þess og
hluti er einfaldlega langtímalán sem
þarf að greiða af með tíð og tíma,“
segir Viðar, spurður um hvernig
framkvæmdirnar verði fjármagnað-
ar.
Til viðbótar þessum húsum gerir
nýja skipulagið ráð fyrir byggingar-
reitum fyrir nýtt íþróttahús og fjög-
urra hæða endurhæfingar- og
menntaseturs. Viðar segir að ráðist
verði í að reisa íþróttahúsið ef þörf
þyki á en það fari meðal annars eftir
iðkendafjölda.
Hvað varðar hina bygginguna seg-
ir Viðar að hún gæti orðið að veru-
leika á næstu 2-5 árum en það yrði í
samstarfi við stærri fyrirtæki og
einkaaðila á sviði læknavísinda og
sjúkraþjálfunar. Ekkert sé þó búið
að ákveða í þessum efnum.
Uppbygging í Kaplakrika
 Tvær knatt-
spyrnuhallir rísa
fyrir 700 milljónir
Tölvumynd/Batteríið
Teikning Knattspyrnuhúsin sem til stendur að reisa. Það minna er merkt
með A en það stærra með C. Endurhæfingarstöðin er merkt með B.
„Við munum setja mottuslaufurnar
upp eftir hlé og vekja þannig at-
hygli á átakinu,“ segir Gísli Árna-
son, formaður Karlakórsins Heimis
í Skagafirði, en kórinn er með tón-
leika í Hofi á Akureyri á morgun kl.
16. Heimismenn taka ásamt fjölda
annarra tónlistarmanna og fé-
lagasamtaka þátt í átakinu Mottu-
mars og syngja í myndbandi átaks-
ins með fleirum lagið Hraustir
menn. Garðar Thór Cortes syngur
með Heimi í Hofi en sama dagskrá
verður flutt á Hvammstanga og
Skagaströnd 16. mars nk.
Setja upp mottuslaufurnar í Hofi
Ljósmynd/Hjalti Árnason
Heimir Karlakórinn skagfirski er með tónleika í Hofi á Akureyri á morgun.