Morgunblaðið - 08.03.2014, Side 17

FRÉTTIR 17Innlent
MORGUNBLAÐIÐ LAUGARDAGUR 8. MARS 2014
Sölusýning í dag
frá kl. 10 til 16.
Í dag efnum við til sölusýningar í verslun
okkar í Nóatúni 4.
Þar gefst tækifæri til að skoða allt það
nýjasta sem við bjóðum, m.a.
flexInduction spanhelluborð sem veitir
umtalsvert frelsi við eldamennskuna,
kæliskápa með tækni sem tryggir lengur
ferskleika grænmetis og ávaxta, i-Dos
þvottavélar sem skammta þvottaefnið
sjálfar, þvottavélar með sérkerfi fyrir
útivistarfatnað, þurrkara með
sjálfhreinsandi rakaþétti og fleira og fleira.
Fjöldi tilboða í tilefni dagsins.
Veittur verður verulega
góður afsláttur.
Látið sjá ykkur og njótið dagsins með
okkur. Það verður heitt á könnunni!
Sölusýning
Gunnar Bragi Sveinsson utanríkisráðherra tók í
gær þátt í utanríkisráðherrafundi Norður-
landanna, Eystrasaltsríkjanna og Visagrad-
ríkjanna Póllands, Slóvakíu, Tékklands og Ung-
verjalands. Málefni Úkraínu, öryggis- og varn-
armál, orkumál og samgöngumál voru
aðalumfjöllunarefni fundarins.
Gunnar Bragi segir í tilkynningu utanrík-
isráðuneytisins að áríðandi sé að diplómatískar
leiðir finnist til að miðla málum í Úkraínu og
fagnar því að samtöl hafi átt sér stað milli evr-
ópskra, bandarískra og rússneskra ráðamanna
síðustu daga. „Það vekur ugg að rússnesk stjórn-
völd skuli hegða sér með þessum hætti. Friður
og öryggi í stórum hluta Evrópu er í húfi. Það
hefur komið skýrt fram á þessum fundi að vinir
okkar í Eystrasaltsríkjunum og Mið-Evrópu telja
þróunina mjög hættulega og þeir óttast um ör-
yggi sinna ríkja. Þetta eru okkar bandalagsríki
innan Atlantshafsbandalagsins og við tökum
áhyggjur þeirra mjög alvarlega,“ segir Gunnar
Bragi Sveinsson ennfremur.
Friður og öryggi stórs
hluta Evrópu er í húfi
 Utanríkisráðherrar funduðu í Eistlandi um Úkraínu
AFP
Fundað Gunnar Bragi Sveinsson ásamt Erkki
Tuomioja, utanríkisráðherra Finna, á fundinum.
Samstöðufundur
til að mótmæla
fyrirætlun ríkis-
stjórnarinnar um
að draga umsókn
að ESB til baka
og krefjast þjóð-
aratkvæða-
greiðslu um fram-
haldið verður
haldinn á Aust-
urvelli kl. 15 í dag. Um 8.000 manns
mættu á slíkan fund fyrir viku.
Að sögn Sifjar Traustadóttur,
eins skipuleggjenda fundarins,
verða ræðumenn Ólafur Stefánsson
handboltaþjálfari, Jón Kalman
Stefánsson rithöfundur og Margrét
Kristmannsdóttir, formaður Sam-
taka verslunar og þjónustu.
„Við finnum að það er mikill
áhugi fyrir þessu og stuðningur. Í
skoðanakönnum var yfir 80% og
meirihluti í öllum flokkum fyrir því
að það ætti að kjósa um áframhald-
ið, óháð því hvort fólk er fylgjandi
aðild eða ekki. Þetta er stórt hags-
munamál fyrir Ísland og það er
sjálfsagt að Íslendingar fái sjálfir
að kjósa um þetta, líka svo það sé
hægt að hætta að rífast um það.
Það verður enginn friður fyrr en
það er búið að útkljá það,“ segir Sif.
Samstöðufundur í
dag á Austurvelli
Frá síðasta fundi.
Páskabjórinn er nú kominn í Vín-
búðirnar en alls verða sjö tegundir í
sölu þetta árið.
Salan hófst á öskudag og stendur
til loka dymbilviku sem er síðasta
vikan fyrir páska. Síðasti söludagur
verður því laugardagurinn 19. apr-
íl.
Tegundirnar sjö af páskabjór
þetta árið eru allar frá íslenskum
framleiðendum. Þær eru: Víking
páskabjór, Páskakaldi frá Brugg-
smiðjunni, Víking Páska Bock,
Páskagull frá Ölgerðinni, Gæð-
ingur páskabjór, Jesús nr. 24 frá
Borg og Þari páskabjór frá Brugg-
húsi Steðja.
Páskabjórinn er
kominn í Vínbúðirnar
Heimsókn Sigmundar Davíðs Gunn-
laugssonar forsætisráðherra til Ed-
monton í Kanada lýkur í dag. Í gær
ávarpaði hann Viðskiptaráð Ed-
monton og kynnti sér ferðamála-
iðnaðinn og olíuiðnaðinn í Alberta-
fylki. Hann átti einnig fund með
menningarmálaráðherra fylkisins
og hélt móttöku til heiðurs Vestur-
Íslendingum á svæðinu, sem eru
fjölmargir.
Sigmundur átti á fimmtudag
fund með borgarstjóra Edmonton,
Don Iveson. Þar tilkynnti borg-
arstjórinn að eftirleiðis yrði 6. mars
ár hvert sérstakur Íslandsdagur.
Afhenti hann Sigmundi Davíð árit-
að skjal því til staðfestingar.
Heimsókn forsætisráðherra hef-
ur vakið mikla athygli í Kanada og
kanadískir fjölmiðlar tekið fjölda
viðtala. Sigmundur Davíð hefur í
ræðum sínum vakið athygli á aukn-
um samskiptum og viðskiptum Ís-
lands og Kanada í kjölfar bættra
flugsamgangna. Beint flug Ice-
landair til Edmonton og fleiri borga
í Kanada muni hafa þar mikið að
segja og gefa tækifæri í ferða-
mennsku, viðskiptum og samvinnu
á sviði auðlindanýtingar.
Ljósmynd/forsætisráðuneytið
Kanada Sigmundur Davíð á fundi með Al-
ison Redford, forsætisráðherra Alberta.
6. mars Íslands-
dagur í Edmonton