Morgunblaðið - 03.05.2014, Blaðsíða 20
ÚR BÆJARLÍFINU
Andrés Skúlason
Djúpivogur
Sjávarþorpið Djúpivogur hefur nú
í tvígang með nokkurra ára millibili
þurft að horfast í augu við alvarlegar
afleiðingar þess brotakennda
fiskveiðistjórnunarkerfis sem
byggðum landsins er ætlað að lifa
við. Nú þegar áform Vísis hf. eru
uppi um flutning á allri vinnslu og
aflaheimildum af svæðinu hafa
stjórnvöld ekki enn sýnt hvernig þau
ætla að bregðast við. Ljóst má vera
að við jafn stórar aðgerðir og hér er
um að ræða af hálfu Vísis hf. þá
krefjast þær jafnframt stórra mót-
vægisaðgerða af hálfu stjórnvalda
sem ein hafa tækin til að koma til
móts við áfallið sem byggðin þarf að
horfast í augu við. Íbúar og þá ekki
síst starfsmenn eru eðlilega felmtri
slegnir yfir ótíðindum þessum en
samfélagið allt á Djúpavogi er hins-
vegar nú sem fyrr staðráðið í að
berjast fyrir byggðina með bjartsýn-
ina og kraftinn að vopni og gefa ekk-
ert eftir í þeirri réttlætisbaráttu að
byggðinni verði tryggt varanlegt að-
gengi til framtíðar að hinni sameig-
inlegu auðlind.
Stórkostlegri fjögurra daga
tónlistarveislu, svokallaðri Ham-
mondhátíð, lauk á Djúpavogi um síð-
ustu helgi en hátíðin var vel sótt og
fullt út úr dyrum flest kvöldin.
Margir af bestu tónlistarmönnum
landsins sóttu hátíðina sem er að
festa sig sífellt betur í sessi sem einn
af helstu menningarviðburðum á
Austurlandi. Athygli hefur vakið
hversu vel hefur tekist til með að
halda svo stóra og vel lukkaða menn-
ingarhátíð á þessum árstíma.
Önnur tónlistarveisla var
haldin síðastliðinn fimmtudag á
Djúpavogi en þar var á ferð svokall-
að Músíkfestival en það er árleg
tónlistarveisla í boði Tónskóla
Djúpavogs . Má sannarlega segja að
þar hafi hver upprennandi tónlist-
arsnillingurinn af öðrum slegið í
gegn. Mjög kraftmikið tónlistarstarf
hefur verið á Djúpavogi á und-
anförnum árum undir stjórn Józsefs
Béla Kiss tónlistarkennara og konu
hans Andreu Kissné Refvalvi.
Nú stendur fyrir dyrum svokall-
að Fuglalandsmót þar sem áhuga-
menn um fuglaskoðun víðsvegar um
landið munu streyma eins og far-
fuglarnir til Djúpavogs um helgina
9.-11. maí. Margt forvitnilegt verður
á boðstólum auk fuglaskoðunar á
svæðinu, m.a. verður Jóhann Óli
Hilmarsson með áhugavert erindi,
„Náttúru- og dýralíf á Svalbarða.“
Þá munu Björn Arnarsson og Brynj-
ólfur Brynjólfsson frá Hornafirði
vera með erindi um hvernig best sé
að greina hinar ýmsu máfategundir
svo eitthvað sé nefnt.
Stór hreindýrahjörð hefur
haldið sig við bæjarmörkin á Djúpa-
vogi á undanförnum vikum og mán-
uðum og hafa dýrin stundum verið
bókstaflega inni í bænum. Sitt sýnist
hverjum um ágang þennan þar sem
dýrin hafa valdið tjóni á ýmsum trjá-
tegundum.
Morgunblaðið/Andrés Skúlason
Stilla Bátarnir speglast í Djúpavogshöfn. Íbúarnir eru staðráðnir í að berjast fyrir byggðina.
Mótvægisaðgerða er þörf
20 FRÉTTIRInnlent
MORGUNBLAÐIÐ LAUGARDAGUR 3. MAÍ 2014
Syrusson Hönnunarhús
Síðumúla 33
Ótrúlegt úrval húsgagna og gjafavöru - Láttu verðið koma þér þægilega á óvart
Syrusson - alltaf með lausnina!
Loki Funi LjúfurFannar
VEIÐIMÁLASTOFNUN
Veiðinýting • Lífríki í ám og vötnum • Rannsóknir • Ráðgjöf
Hvernig verður stangveiðin í sumar?
Ársfundur Veiðimálastofnunar 2014
Verður haldinn þriðjudaginn 6. maí 2014 í sal
Veiðimálastofnunar, 3. hæð á Keldnaholti (Árleyni 22)
Dagskrá:
14:00 Fundur settur
Yfirlit yfir starfsemi Veiðimálastofnunar
Sigurður Guðjónsson
14:20 Staða Atlantshafslaxins hér á landi og
annars staðar
Guðni Guðbergsson
14:40 Kaffihlé
15:10 Framleiðsla í íslenskum ám
Jón S. Ólafsson
15:30 Áhrif hita á smádýr í ferskvatni, rannsóknir
í Hengladölum
Elísabet R. Hannesdóttir
Allt áhugafólk velkomið
Sunnlenski sveitadagurinn verður
haldinn í dag á Selfossi. Jötunn og
Vélaverkstæði Þóris standa saman að
deginum en hann verður nú haldinn í
sjötta sinn. Dagskráin verður á at-
hafnasvæði fyrirtækjanna tveggja,
við Austurveg 69. Svæðið verður opið
frá klukkan 12-17. Sýningin hefur
verið fjölsótt og í fyrra til að mynda
sóttu 7.000 manns sýninguna.
Sunnlenski sveitadagurinn er fjöl-
breytt fjölskylduhátíð þar sem gest-
um er boðið að upplifa sveitastemn-
ingu og bragða á afurðum bænda.
Undanfarin ár hefur Félag kúa-
bænda heilsteikt naut á staðnum og
Félag sauðfjárbænda grillað lamba-
kjöt og nú hafa svínabændur bæst í
grillhópinn. „Langar biðraðir mynd-
ast við grillin því gestir kunna svo
sannarlega að meta grillkjötið,“ segir
í tilkynningu. Sunnlenskir bændur fá
tækifæri til að kynna, gefa smakk og
selja afurðir sínar á sýningarsvæðinu
og kennir þar ýmisa grasa, enda stór
atvinnugrein á Suðurlandi. Margvís-
legt handverk og listmunir af vönd-
uðum toga og í ár verður sýning á ís-
lenskum þjóðbúningum. Að vanda
verða sýndar gamlar dráttarvélar og
gömul amboð í bland við nýjustu
landbúnaðartækin.
Þá verður keppt í baggakasti og
glímu og landnámshænur verða
sýndar.
Hvítur kálfur boðinn upp
Klukkan 14.45 mun Böðvar Páls-
son á Búrfelli bjóða upp hvítan kálf
sem Guðbjörg Jónsdóttir, bóndi á
Læk, ánafnar sýningunni til minning-
ar um mann sinn, Gauta Gunnarsson.
Litarhaft kálfsins er fátítt en hann er
skjannahvítur og slíkir gripir fáséðir.
Ágóðinn af uppboðinu rennur til
góðra mála í minningu manns hennar.
Að uppboði loknu fer kálfurinn hvíti í
Húsdýragarðinn í Reykjavík, en þar
starfaði Gauti í nokkur ár sem yfir-
dýrahirðir uns hann gerðist bóndi að
Læk í Flóahreppi. Gauti lést af völd-
um krabbameins á síðasta ári frá
konu og fjórum börnum en fjölskyld-
an hefur nú brugðið búi.
Búast við þús-
undum gesta
Sunnlenski sveitadagurinn á Selfossi
Hvítur kálfur Leið hans liggur í
Húsdýragarðinn.
Ríkisstjórnin hefur ákveðið að auka
stuðning við eftirlitsverkefni Ör-
yggis- og samvinnustofnunar Evr-
ópu (ÖSE) í Úkraínu. Stjórnvöld
veita sex milljóna króna framlag til
verkefnisins auk þess sem ráðu-
neytið mun senda annan mann til
starfa á vegum samtakanna.
Stefán Haukur Jóhannesson
sendiherra starfar nú sem yfirmað-
ur eins af eftirlitsteymum ÖSE í
Úkraínu. Nú er unnið að því að
fjölga eftirlitsmönnum stofnunar-
innar úr eitt
hundrað í fimm
hundruð.
Tillagan var
samþykkt að ráði
Gunnars Braga
Sveinssonar ut-
anríkisráðherra.
Ríkisstjórnin
ákvað jafnframt
að kosta borg-
aralegan sér-
fræðing sem fer til starfa á vegum
Atlantshafsbandalagsins í einni af
stjórnstöðvum þess í Evrópu.
Framlagið verður liður í samstöðu-
aðgerðum bandalagsins gagnvart
Eystrasaltsríkjunum og öðrum
bandalagsríkjum í austurhluta Evr-
ópu sem ákveðnar voru á fundi ut-
anríkisráðherra NATO í byrjun
apríl.
ÖSE gegnir mikilvægu hlutverki
við eflingu öryggis, mannréttinda,
lýðræðis og átakavarna í aðildar-
ríkjunum sem eru 56 talsins.
Aukinn stuðningur við ÖSE
Ríkisstjórnin styður eftirlit í Úkraínu og við Eystrasalt
Gunnar Bragi
Sveinsson