Morgunblaðið - 03.05.2014, Blaðsíða 27

FRÉTTIR 27Erlent
MORGUNBLAÐIÐ LAUGARDAGUR 3. MAÍ 2014
Kántrýbær til sölu eða leigu
Við höfum ákveðið að selja Kántrýbæ, rekstur hans og helst húsið líka. Einnig kemur til greina
að leigja reksturinn. Eftir átján ára starf langar okkur hjóniná til að breyta til enda vaxa börnin
hratt úr grasi og hverfa brátt að heiman. Þess vegna er tími til að leita nýrra tækifæra.
Kántrýbær Skagaströnd nýtur mikils velvilja heimamanna og á álagstímum hefur verið auðvelt
að fá íhlaupafólk úr bænum. Reksturinn er góður fyrir samhent hjón. Við höfum fullt
vínveitingaleyfi, getum haldið allt að 120 manna veislur, stóra fundi, ráðstefnur, tónleika og böll.
Á veturna koma 90 til 100 börn úr grunnskólanum í hádegismat en auk þess erum við með
margvíslegar uppákomur, fundi, skemmtanir og veislur.
Nú er besti tími ársins framundan. Erlendum ferðamönnum hefur fjölgað mikið og við erum aðilar
að Markaðsstofu Norðurlands og Ferðamálasamtökum Norðurlands vestra, sem auðveldar
markaðs- og sölustarfið.
Sem sagt, við viljum selja eða leigja en þó ekki hverjum sem er. Nýir eigendur verða óhjá-
kvæmilega mikilvægur hluti af samfélaginu okkar hér í bænum, bera ábyrgð en geta um leið
hagnast ágætlega.
Á Skagaströnd er góð aðstaða fyrir fjölskyldufólk, leikskóli, grunnskóli, og afar góð aðstaða í
fyrir fjarnám.
Hér fer vel um alla enda gott að vera.
Áhugasamir eru hvattir til að hafa samband, hringja eða senda tölvupóst.
Eigendur eru Gunnar Halldórsson, matreiðslumaður, og Svenný Hallbjörnsdóttir.
Símar: 452 2829 og 869 1709 - Netfang: kantry@kantry.is.
Vitað er að 350 manns létu lífið þeg-
ar skriður féllu á þorp í norðurhluta
Afganistans í gær. Mörg þúsund
manns er saknað og óttast er um ör-
lög þeirra. Björgunarmenn leituðu
fólks, sem grafið var undir aur og
grjóti. Skóflur voru einu verkfærin.
Tvær skriður féllu á þorpið Aab
Bareek með innan við klukkustund-
ar millibili. „Hlíð hrundi yfir þorpið,“
sagði Gul Mohammad Baidar, að-
stoðarhéraðsstjóri Badakhshans þar
sem þorpið er, við fréttastofuna
AFP. „Flestir þeirra, sem saknað er,
höfðu komið saman í tveimur mosk-
um til föstudagsbæna. Seinni skrið-
an féll á heimamenn, sem komu til
hjálpar.“
Shah Waliuallh Adeeb, héraðs-
stjóri í Badakhshan, sagði AFP að
allt að 2.500 manns gætu hafa látist í
skriðunum, en bætti við að erfitt
væri að átta sig á staðreyndum.
Badakhshan er fjallahérað við
landamæri Tadsjikistans, Kína og
Pakistans. Mikið hefur rignt á þess-
um slóðum svo dögum skiptir.
Í fréttum hefur komið fram að 700
fjölskyldum hafi verið bjargað og
hafa teppi og tjöld verið send fyrir
fólkið. Sameinuðu þjóðirnar hjálpa
nú til við að skipuleggja björgunar-
aðgerðir og er allt kapp lagt á að
finna fólk, sem gæti hafa lifað af.
Vegir eru ekki góðir á þessum slóð-
um og erfitt að koma tækjum og
þungavinnuvélum til hjálparstarfs á
vettvang.
Tvær skriður féllu
á þorp í Afganistan
 Óttast að 2.500 manns hafi látið lífið
Hamfarir Á sjónvarpsmyndum sást
hvar skriðurnar féllu á þorpið.
Lögregla í Karlskrona í Suður-
Svíþjóð hefur handtekið karl og
konu sem grunuð eru um hrottalegt
morð á átta ára gamalli stúlku.
„Þetta eru ekki foreldrar hennar,
þeir eru erlendis og hafa ekki verið
látnir vita,“ sagði Lotta Hansson
hjá lögreglunni í Blekinge við
fréttastofuna TT. Og við sænska
sjónvarpið bætti hún við: „Okkur
hefur ekki enn tekist að hafa uppi á
þeim.“ Stúlkan kom í fyrra til Sví-
þjóðar sem flóttamaður og hefur
verið í umsjá ættingja frá því í jan-
úar en foreldrar hennar eru taldir
vera í Palestínu og á hádegi í gær
hafði ekki enn tekist að hafa uppi á
þeim. Lögreglan hefur hvorki vilj-
að tjá sig um hvers eðlis áverkar á
stúlkunni voru né um parið sem í
haldi hennar er.
Grunur lék á ofbeldi á heimili
stúlkunnar og á lögregla að hafa
látið félagsþjónustuna í Karlskrona
fyrir páska vita af því. Aðhafðist fé-
lagsþjónustan þó ekkert í málinu.
Bæjarstjórnin hefur því kært að-
gerðaleysi stofnunarinnar til op-
inberrar eftirlitsstofnunar sem
sinnir eftirliti með velferðarþjón-
ustu sveitarfélaga. Talsmaður
Karlskronabæjar segir að starfs-
maðurinn sem átti að annast ábend-
inguna frá lögreglunni með því að
fara í heimsókn í íbúðina fái ekki
framar að sjá um mál af þessu tagi.
Stúlka myrt á hrotta-
legan hátt í Svíþjóð
 Félagsþjónustan í Karlskrona brást
AFP
Stúlka myrt Par var handtekið í
Svíþjóð fyrir morð á átta ára stúlku.
María Margrét Jóhannsdóttir
mariamargret@mbl.is
Max Clifford, sérfræðingur í al-
mannatengslum í Bretlandi, var í
gær dæmdur í átta ára fangelsi fyrir
að hafa áreitt ungar konur kynferð-
islega á árunum frá 1977 til 1984.
Að sögn dómarans, Anthonys
Leonards, taldi Clifford sig vera
„ósnertanlegan“ og að hann yrði að
afplána að minnsta kosti helming
dómsins. Þá sagði dómarinn að þrátt
fyrir að langt væri um liðið og brotin
hefðu átt sér stað á tíma þegar kyn-
ferðislegt ofbeldi var líklegra til þess
að vera umborið en nú væru brotin
alvarleg. Hefðu þau átt sér stað í
dag hefðu þau verið kærð sem
nauðgun.
Yngsta fórnarlamb Cliffords var
aðeins fimmtán ára. Þá sagðist dóm-
arinn einnig vera viss um að Clifford
hefði áreitt tólf ára stúlku á Spáni en
ekki var hægt að kæra það brot þar
sem það átti sér stað áður en bresk
lög leyfðu fólki að leita réttar síns
vegna þess sem gerðist erlendis.
Clifford hafði á sínum tíma marga
fræga skjólstæðinga á sínum snær-
um og skipulagði ýmsar slúðursögur
um menn á borð við Sven-Göran Er-
iksson og David Beckham.
Hlaut 8 ára dóm fyrir
kynferðislegt ofbeldi
 Max Clifford taldi sig ósnertanlegan
AFP
Frægur Max Clifford var frægur á
sviði almannatengsla í Bretlandi.
Aukablað um bíla fylgir
Morgunblaðinu alla þriðjudaga