Morgunblaðið - 03.05.2014, Blaðsíða 34

34 MINNINGAR
MORGUNBLAÐIÐ LAUGARDAGUR 3. MAÍ 2014
✝ María SigríðurHákonardóttir
fæddist í Flatey í
Breiðafirði 22.6.
1924. Hún lést á
Hjúkrunarheim-
ilinu Sóltúni 17.4.
2014.
Foreldrar henn-
ar vou Karitas El-
ísabet Bjarnadóttir,
f. 20.11. 1897, d.
15.11. 1958, og Há-
kon Einarsson, f. 12.8. 1892, d.
2.1. 1955. María var elst þriggja
systra, yngri voru Erna, f. 14.3.
1933 og Steinunn Unnur, f. 9.5.
1935, d. 4.2. 2013.
Eftirlifandi eiginmaður Mar-
íu er Markús Friðjón Mark-
ússon, f. 11.1. 1922, frá Hauka-
dal í Dýrafirði. Foreldrar hans
voru Sigríður Ólafsdóttir, f.
15.1. 1891, d. 17.2. 1933, og Ele-
sus Markús Jónsson, f. 23.10.
1895, d. í maí 1921. Þau gengu í
hjónaband 12.5. 1944 og eign-
uðust sjö börn. Þau eru: 1) Sig-
isdóttir, f. 23.7. 1987, þau eiga
einn son, b) Linda Björk, f. 19.2.
1986, unnusti Steinþór Rafn
Matthíasson, f. 13.7. 1982, þau
eiga tvö börn, c) Andri Már, f.
6.9. 1995. 5) Hrafnhildur, f.
19.10. 1962, maki Þór Þórsson, f.
22.9. 1962. Börn a) Þór Þórsson,
15.1. 1983, í sambúð með Hörpu
Guðlaugsdóttir, 29.11. 1985, og
á hún einn son b) Trausti Páll
Þórsson, 26.4. 1988, c)Kristófer
Fannar Þórsson, 28.3. 1992. 6)
Karitas, f. 5.3. 1965, börn a) Mel-
korka Guðmundsdóttir, f. 22.3.
1992, b) Guðbjörg María Guð-
mundsdóttir, f. 8.4. 1998. 7) Guð-
björg, f. 22.5. 1966, maki Jón
Ingi Hákonarson, 7.9. 1960,
börn a) Anton Örn Janusson, f.
27.10. 1986, b) Óli Kristján Ja-
nusson, f. 29.1. 1992, c) dóttir
Jóns, Birna Ósk, f. 26.4. 1990,
unnusti Daníel Þór Hjaltason, f.
14.2. 1985, þau eiga einn son.
María og Markús bjuggu
lengst af í Kópavogi, þau
byggðu sér hús í Hófgerði 24 ár-
ið 1955 og bjuggu þar, uns þau
flutt í Gullsmára árið 2000, síð-
ustu ár hafa þau búið á Hjúkr-
unarheimilinu Sóltúni.
Útför Maríu fór fram í kyrr-
þey frá Kópavogskirkju 25. apr-
íl 2014.
ríður Elsa, f. 29.8.
1947, maki Jón Elv-
ar Kjartansson, f.
11.11. 1946, börn:
a) Guðmundur Örn,
f. 12.8. 1969, maki
Anna Valdimars-
dóttir, f. 30.4. 1969,
þau eiga þrjú börn.
b) María Kristín, f.
19.2. 1976, hún á
einn son. 2) Bjarnd-
ís, f. 10.8. 1948,
maki Pétur Maack Pétursson, f.
6.11. 1944, börn a) Þórhildur
Þöll, f. 19.10. 1970, maki Birgir
Bragason, f. 24.5. 1969, þau eiga
þrjú börn. b) Reynir Freyr, f.
29.3. 1977. 3) Hákon Karl, f.
25.4. 1951, maki Guðrún Bjart-
marz, f. 26.7. 1951, börn a) Hild-
ur, f. 7.9. 1983, b) Brynjar Þor-
steinsson, f. 19.8. 1980, d. 10.10.
2001. 4) Þorbjörg Guðrún, f.
12.12. 1960, maki Sigurður Ein-
arsson, f. 31.5. 1961, börn a)
Markús Már Efraim, f. 12.1.
1982, unnusta Oddný Heim-
Elsku mamma mín, þakka þér
fyrir allan kærleikann og um-
hyggjuna sem þú hefur veitt mér.
Þú varst alltaf til staðar þegar ég
þurfti á þér að halda, hvort sem
það var þegar ég var unglingur í
skóla eða þegar ég var sjálf komin
með börn og þurfti aðstoð með
þau. Það er mikið starf að hugsa
um stórt heimili og vera útivinn-
andi og þú gerðir það án þess að
kvarta. Þér fannst ekki mikið mál
að bæta við einum litlum ömmust-
rák þegar þú áttir frí, svo mamma
hans gæti farið að vinna. Fjöl-
skyldan var alltaf í forgangi og þú
settir þig alltaf í síðasta sæti. Nú
ertu farin. Hefur fengið hvíld eftir
langvinn veikindi. Ég mun alltaf
minnast þín með hlýhug og ást.
Móðir mín kæra er farin á braut,
til mætari ljósheima kynna.
Hún þurfti að losna við sjúkdóm og
þraut,
og föður minn þekka að finna.
Vönduð er sálin, velvildin mest,
vinkona, móðir og amma.
Minningin mæta í hjartanu fest,
ég elska þig, ástkæra mamma.
Þakka þér kærleikann, hjartalag hlýtt,
af gæsku þú gafst yl og hlýju.
í heimi guðsenglanna hafðu það blítt,
uns hittumst við aftur að nýju.
(Höf. ók.)
Ástarkveðja.
Þín dóttir,
Þorbjörg (Bogga).
Nú er hún elsku mamma okkar
búin að kveðja þennan heim. Sagt
er enginn viti hvað átt hefur fyrr
en misst hefur, það á víst vel hér
við.
Við gerðum okkur ekki grein
fyrir hversu mikið við komum til
með að sakna þín innilega. Þetta
er okkar hinsta kveðja til þín.
Móðir okkar var fædd í Flatey
á Breiðafirði og minntist hún
mjög oft á æsku sína þar og talaði
hún mikið um föður sinn, Hákon,
sem var bóndi í Flatey og henni
þótti einkar vænt um enda hafði
Hákon afi alveg einstaklega gott
lag á börnum og dýrum. Sagt var
að hann hafi bara þurft að kalla á
kindurnar og þá komu þær hlaup-
andi til hans og einnig var sagt að
börn og unglingar sem aðrir litu á
sem óviðráðanleg löðuðust að hon-
um því hann hafði einstaklega
gott lag á þeim.
Eins og hún lýsti sambandi
sínu við pabba sinn var hún greini-
lega mikil pabbastelpa. Því miður
veittist okkur ekki sá heiður að
kynnast afa okkar úr Flatey því
hann var látinn þegar við fædd-
umst, hann dó því miður frekar
ungur.
Við munum hversu oft þegar
við vorum ungar stúlkur að við
óskuðum þess að afi okkar væri
enn á lífi og við gætum fengið að
eyða tíma með honum því þú tal-
aði svo mikið og fallega um hann,
elsku mamma okkar. Þú talaði
líka um þegar þú varst að sigla
með honum hvað þú hafðir gaman
af því þegar selirnir eltu bátinn,
sérstaklega þegar þú varst klædd
í eitthvað rautt, selirnir voru svo
hrifnir af rauðu og komu svo ná-
lægt bátnum að það var hægt að
klappa þeim á kollinn.
Við vorum yngstar af sjö systk-
inum og þrátt fyrir stóran systk-
inahóp var móðir okkar yfirleitt
alltaf líka útivinnandi og sinnti
samt alltaf húsmóðurhlutverkinu
mjög vel. Pabbi okkar var oftast á
sjónum þannig að mestöll vinnan
lenti á henni. Alltaf varstu samt
mjög iðjusöm, elsku mamma, og
ef þú varst ekki að sinna húsmóð-
urverkunum þá varstu alltaf með
einhverja handavinnu sem þú
varst einstaklega lagin við.
Mamma elskaði blóm, sérstak-
lega sumarblóm, hún virtist geta
fengið allar plöntur til að skarta
sínu fegursta. Hún var líka ein-
staklega barngóð og fannst alltaf
gaman að fá barnabörnin sín í
heimsókn og voru heimatilbúnu
fiskibollurnar mjög vinsælar hjá
flestum þeirra.
Mamma vann ýmis störf á sinni
ævi en lengst af vann hún á Kópa-
vogshæli við aðhlynningu og var
hún einstaklega góð við fólkið þar
og bauð hún þeim oft jafnvel heim
í vöfflur og pönnukökur, þannig að
við fengum mjög ungar að kynn-
ast því hversu móðir okkar kom
hlýlega fram við íbúana þar og
sýndi þeim virðingu. Það reyndist
okkur góður lærdómur fyrir lífs-
leiðina og í okkar starfi.
Elsku mamma okkar, við trú-
um því að þú sért komin á betri
stað og með afa og ömmu. Þú
munt alltaf eiga sérstakan stað í
hjarta okkar.
Takk fyrir okkur og hvíl í friði.
Karítas og
Guðbjörg.
Elsku mamma mín, ég vil
þakka þér fyrir öll árin sem ég
fékk með þér. Við höfum átt ynd-
islega tíma saman sem ég mun
varðveita í hjarta mér.
Ó, mamma mín, nú leiðir skilja að sinni,
og sorgartárin falla mér á kinn,
en hlýjan mild af heitri ástúð þinni,
hún mýkir harm og sefar söknuðinn.
Í mínum huga mynd þín skærast
ljómar,
og minningin í sálu fegurst ómar.
Þú móðir kær þér aldrei skal ég gleyma,
þinn andi fylgi mér á lífsins strönd.
Ég vil í hjarta heilræðin þín geyma
og halda fast í Drottins styrku hönd.
Með huga klökkum kveð ég góða
móður.
Ó, mamma mín, þú lífs míns stærsti
sjóður.
(Árni Gunnlaugsson)
Samverustundir okkar mun ég
geyma í hjarta mínu að eilífu, takk
fyrir allt.
Hvíldu í friði, elsku mamma.
Þín dóttir,
Hrafnhildur.
Mig langar til að minnast
tengdamóður minnar, Maríu Há-
konardóttur, með nokkrum orð-
um.
María Hákonardóttir fæddist í
Flatey á Breiðafirði og ólst þar
upp en fluttist síðan suður.
Lengst af bjuggu María og
Markús í Hófgerðinu í Kópavogi,
en þar kynntist ég henni fyrst.
Já, þangað átti ég eftir að koma
oft, fyrst til að hitta kærustuna
mína, en seinna til að heimsækja
tengdaforeldrana.
Þangað var oft farið í kaffi eða
bara rétt til að segja halló og hitta
einhvern úr fjölskyldunni, því allt-
af voru einhverjir þar í heimsókn.
Þaðan eiga margir góðar minn-
ingar.
Alltaf var eitthvað galdrað
fram úr erminni, kökur eða eitt-
hvað nýbakað, sem virtist vera
endalaust til af.
Öll barnabörnin voru englarnir
hennar, fallegust og duglegust, já,
amma Maja var einstaklega barn-
góð og var henni umhugað um að
öllum liði vel. Þolinmæði hennar
til þeirra sem minna máttu sín
virtist óþrjótandi.
Þá lá hún ekki á skoðunum sín-
um gagnvart þeim sem voru henni
næstir.
Þau María og Markús voru
samrýnd í því sem þau tóku sér
fyrir hendur og þegar flutt var í
Gullsmárann var Maríu létt, laus
við stigann, já, þetta var nú eitt-
hvað annað!
Þá sátu þær oft og röbbuðu
saman i eldhúsinu yfir kaffibolla
hún og Dæja frænka. Árin færð-
ust yfir en alltaf var viðkvæðið:
„Ég get séð um mig, ég þarf enga
hjálp.“
Það voru orð að sönnu því að
hún eyddi sinni ævi í að hjálpa og
þjóna öðrum, en alls ekki í dekur
og spa fyrir sjálfa sig.
Alltaf var tengdamamma með
eitthvað á prjónunum eða að
sauma út, já, hún var alltaf eitt-
hvað að stússa.
Hún hefði ekki getað fengið
betri hjálp en hún fékk síðustu ár-
in í Sóltúni, þar naut hún einstakr-
ar umhyggju og hlýju.
Með þessum fáu orðum kveð ég
þig.
Guð varðveiti þig elsku tengda-
mamma, takk fyrir allt og takk
fyrir mig og mína.
Þinn tengdasonur
Þór.
Elsku amma. Nú ætla ég að
kveðja þig þegar þínum tæpu 90
árum er lokið. Af þeim árum vor-
uð þið afi hjón í tæp 70 ár og af-
komendahópurinn ykkar er orð-
inn stór. Öll söknum við þín, en
vorum svo lánsöm að fá að njóta
gæsku þinnar og elsku á meðan
þú lifðir.
Ég naut þess að vera næstelsta
barnabarnið þitt og var oft í pöss-
un í Hófgerðinu hjá þér. Minning-
arnar um þá daga eru bjartar og
góðar, t.d. þegar við tvær sungum
hástöfum með lögum þeirra Elllý-
ar og Vilhjálms þegar aðrir voru
ekki heima. Þú varst þeim eigin-
leika gædd að vera oftast kát og
glöð og í góðu skapi, að minnsta
kosti man ég þig þannig. Þú
kenndir mér líka að allir væru
jafnir og að ekki þyrfti að óttast
þá sem væru öðruvísi. Stundum
fékk ég að að heimsækja þig í
vinnuna þína á Kópavogshælinu,
sem var mér lærdómsríkt, og sá
þá að þar þú varst elskuð af öllum.
Þú, sjómannskonan, vannst
alltaf mikið og varst alltaf að, enda
nóg að gera á stóru heimili. Alltaf
var fjöldi manns í mat og margt
þurfti að hugsa um. Eflaust var
ekki alltaf til nóg af peningum til
að reka svona stórt heimili en
aldrei fann maður fyrir því. Yfir-
leitt var lítið mál að bæta við auka-
disk á matarborðið ef einhver
bættist óvænt í hópinn. Þú settist
samt sjaldnast sjálf niður til að
borða með okkur, heldur stóðstu
upp á endann og stjanaðir við okk-
ur.
Stundum dettur mér í hug sag-
an sem pabbi sagði mér af deg-
inum sem Gugga fæddist. Þá var
hann um tvítugt og tíður gestur í
Hófgerðinu. Þú varst 42 ára göm-
ul og gekkst með þitt síðasta barn,
það áttunda í röðinni. Þetta var í
maí 1966 og þú fórst út og stakkst
upp kartöflugarðinn og settir nið-
ur kartöflur, svo fórstu inn og
gerðir við föt og sitthvað fleira.
Seinna um kvöldið fengu mamma
og pabbi svo þær fréttir að
mamma hefði eignast litla systur.
Svona varstu amma mín, alltaf
að og alltaf að stjana við okkur.
Seinna þegar ég var orðinn ung-
lingur og vann úti sjálf og þú hafð-
ir færra fólk í heimili naut ég þess
hvað þú vildir alltaf stjana við okk-
ur. Þá hringdir þú iðulega í mig og
bauðst mér í kvöldmat í matartím-
anum mínum, og varst þá að sjálf-
sögðu búin að hafa til uppáhaldið
mitt, ýsubollur í brúnni sósu. Við
vorum miklar vinkonur og bröll-
uðum ýmislegt, þegar ég var
yngri fékk ég oft að greiða þér og
setja í þig rúllur og hef örugglega
ekki alltaf verið mjúkhent. Svo
kenndirðu mér allskonar trix t.d.
við að rotverja rabarbarasultu, þá
skyldi ég loksins af hverju vod-
kapelinn var í eldhúsinu, þú sem
aldrei bragðaðir áfengi. Þú sagðir
mér sögur af lífinu í Flatey, af
langömmu og langafa og bræðr-
um þínum sem allir dóu við fæð-
ingu. Frá því þegar mamma og
krakkarnir voru lítil og af ýmsu
samferðafólki þínu. Frá litla
drengnum þínum sem fæddist
andvana þegar þú varst rétt tví-
tug og svo margt, margt fleira.
Síðustu árin í lífi þínu hvarfstu
frá okkur vegna veikinda þinna.
Þó að þú gleymdir nöfnum og virt-
ist ekki alltaf þekkja okkur þá
tókstu alltaf hlýlega á móti okkur,
straukst um vangann og kallaðir
okkur elskurnar þínar.
Elsku amma mín, takk fyrir
allt.
Þórhildur Þöll Pétursdóttir.
María Sigríður
Hákonardóttir
HJARTAVERND
Minningarkort
535 1825
www.hjarta.is 5351800Flatahraun 5a • www.utfararstofa.is • Símar: 565 5892 & 896 8242
ÚTFARARSTOFA HAFNARFJARÐAR
ÚTFARARSTOFA ÍSLANDS
Suðurhlíð 35, Rvík. • Símar 581 3300 & 896 8242 • www.utforin.is
Sverrir
Einarsson
Kristín
Ingólfsdóttir
Hinrik
Valsson
✝
Okkar ástkæri
JÓN HERMANNSSON
frá Borgarnesi,
Hlaðhömrum 2,
Mosfellsbæ,
andaðist laugardaginn 26. apríl á
Landspítalanum, Fossvogi.
Hann verður jarðsunginn frá Borgarneskirkju
þriðjudaginn 6. maí kl. 14.00.
Indriði Albertsson, Helga Sveinbjörnsdóttir,
Helga Indriðadóttir,
Margrét Kristín Indriðadóttir,
Sveinbjörn Indriðason,
Magnús Indriðason,
fjölskyldur þeirra og aðrir aðstandendur.
Þökkum samúð og hlýhug vegna fráfalls
elskulegs eiginmanns míns, föður, tengda-
föður og afa,
GUÐMUNDAR JÓHANNS
HALLVARÐSSONAR,
tónlistarkennara og fararstjóra,
Karfavogi 34,
Reykjavík.
Anna Margrét Jónsdóttir,
Lilja Dögg Guðmundsdóttir, Elvar Már Ólafsson,
Hallvarður Jón Guðmundsson,
Elfa Rún Guðmundsdóttir,
Vala Baldursdóttir, Helge Haahr
og barnabörn.
✝
Innilegar þakkir fyrir auðsýnda samúð og
hlýhug vegna andláts og útfarar ástkærrar
móður, tengdamóður og ömmu,
SVANHILDAR ÓLADÓTTUR
sjúkraliða,
áður til heimilis í Sunnuflöt 36,
sem lést á hjúkrunarheimilinu Ísafold
mánudaginn 14. apríl.
Útförin hefur farið fram í kyrrþey að ósk hinnar látnu.
Svanhildur Pétursdóttir, Ingimundur Helgason,
Gunnar Óli Pétursson, Brynja Baldursdóttir
og barnabörn.
✝
Elskulegur eiginmaður minn, faðir, tengda-
faðir og afi,
REYNIR ÞORGRÍMSSON,
lést á Landspítalanum, Landakoti,
fimmtudaginn 1. maí.
Útför hans verður auglýst síðar.
Rósa Guðbjörg Gísladóttir,
Einar Örn Reynisson, Ása Sóley Hannesardóttir,
Ingibjörg Reynisdóttir, Ólafur Tryggvason,
Ragnar Már Reynisson, María Gomez
og barnabörn.
✝
Ástkær sonur minn og bróðir okkar,
ELDÓR REYKFELL ÞURÍÐARSON,
lést á Östra-sjúkrahúsinu í Gautaborg
sunnudaginn 13. apríl.
Útförin hefur farið fram í kyrrþey í Gautaborg
að ósk hins látna.
Fyrir hönd aðstandenda,
Þuríður Júlíusdóttir,
Ólöf Bettý Grétarsdóttir,
Hinrik Grétarsson,
Sigurður Grétarsson.