Morgunblaðið - 07.06.2014, Síða 2

2 FRÉTTIRInnlent
MORGUNBLAÐIÐ LAUGARDAGUR 7. JÚNÍ 2014
flottir í flísum
Stórhöfða 21 | sími 545 5500 | flis.is
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Ágúst Ingi Jónsson
aij@mbl.is
„Að óbreyttu laga- og regluverki er augljóst að
það verður aldrei nema lítill hópur sem getur
gert strandveiðar að lifibrauði á ársgrund-
velli,“ skrifar Arthur Boga-
son, ritstjóri og fyrrverandi
formaður Landssambands
smábátaeigenda, í nýjasta
tölublað Brimfaxa. Þar
reiknar hann út mismuninn
á tekjum og kostnaði við út-
gerð meðalbáts á strand-
veiðum og er niðurstaða
hans að eftir standi rúmar
1,5 milljónir sem hreinar
tekjur fyrir fjögurra mán-
aða vinnu eða um 385 þúsund á mánuði.
Arthur skrifar að í upphafi strandveiða 2009
hafi margir talið að ný gullæð hefði fundist og
„þess voru mörg dæmi að menn reiknuðu sig í
mikla velmegun“. Síðan hafi raunveruleikinn
tekið við: „Hann sýndi það sem vanir menn
vissu: það er ekki sopið kálið þó í ausuna sé
komið. Handfæraveiðar geta verið snúinn
veiðiskapur og á alls ekki við alla.“
Mikill munur á olíukostnaði
Olíukostnaðar er ekki getið í greininni, en
Arthur segir að hann sé mjög breytilegur eftir
stærð báta og vélarafli. Hraðskreiðir bátar,
sem sæki lengra, fiski oft meira, en eyði jafn-
framt mikilli olíu sem geti numið allt að 30% af
aflaverðmæti. Aðrir fari sér hægar og sæki
styttra, en þar geti olíukostnaður verið um 3%.
Afkoman versnar sem auknum olíukostnaði
nemur. Arthur gengur út frá því að einn rói á
hverjum báti.
Í fyrra landaði alls 631 strandveiðibátur 25
tonnum eða minna. Í útreikningunum miðar
Arthur við meðalbát sem kom með 10,4 tonn
að landi og að verð fyrir aflann á fiskmörk-
uðum hafi að meðaltali verið 242 krónur fyrir
kílóið án vsk. Aflaverðmæti meðalbátsins var
samkvæmt þessu um 2,5 milljónir. 43 bátar
komu hins vegar með meira en 25 tonn að landi
og þar af var einn með yfir 40 tonn. Aflaverð-
mæti hans hefur verið um 10 milljónir króna.
Margir kostnaðarliðir og misstórir
Kostnaðarliðirnir eru margir og misstórir
og leggjast sumir þeirra jafnt yfir alla línuna,
önnur gjöld tengjast afla og bátastærð.
Arthur nefnir tryggingar, skoðunargjald,
gjöld vegna strandveiðileyfis, skipagjald, vita-
gjald, árgjald vegna tilkynningaskyldu, skoð-
un á lyfjakistu, skoðun á björgunarbát og
fylgihlutum, haffærisskírteini, VHF-talstöð,
slökkvitæki, lögskráningu, legugjöld við flot-
bryggju í 12 mánuði og rafmagn á flotbryggju.
Þessu til viðbótar kemur kostnaður vegna
minni háttar viðhalds og veiðarfæra. Frá sölu-
verði afla dragast einnig aflagjald, sölukostn-
aður, móttökugjald, ís, löndunarkostnaður og
gjald vegna ólöglegs afla þegar farið er yfir
hinn löglega skammt að ógleymdu veiðigjaldi.
Kostnaður við bátakaup er ekki inni í út-
reikningunum, en Arthur segir að verð á minni
bátum hafi lækkað, sem trúlega sé merki um
að meira raunsæi ráði för varðandi strandveið-
ar.
 Aldrei nema lítill hópur sem getur gert strandveiðar að lifibrauði  Verð á minni bátum hefur lækkað
„Reiknuðu sig í mikla velmegun“
Morgunblaðið/Alfons Finnsson
Á handfærum Ólafur Helgi Ólafsson á Glað SH.
Arthur Bogason
Kjartan Kjartansson
kjartan@mbl.is
Suðurnesjamaðurinn Sigtryggur Kjartansson er kominn
í hóp fyrirmenna eins og Jimmys Carter og Bills Clinton,
fyrrverandi forseta Bandaríkjanna, sem eiga það sam-
eiginlegt að hafa verið teknir inn í Phi Beta Kappa-
heiðursfélagið. Sigtryggur útskrifaðist í gær úr grunn-
námi í stærðfræði og tölvunarfræði við hinn virta banda-
ríska háskóla Massachusetts Institute of Technology
(MIT) með fullkomna meðaleinkunn og komst því á lista
félagsins sem er eitt það virtasta í Bandaríkjunum.
„Það gekk mjög vel. Ég var með A í öllu. Þetta er
náttúrulega heiður og viðurkenning fyrir góðan náms-
feril en þetta er líka gott tengslanet,“ segir Sigtryggur
um að hann hafi verið tekinn inn í heiðursfélagið.
Phi Beta Kappa var stofnað í frelsisstríðinu árið
1776 og er markmið þess að stuðla að frjálsri menntun og
vísindum. Auk forsetanna fyrrverandi er fjöldi fræði-
manna, Nóbelsverðlaunahafa og stjórnmálamanna í fé-
laginu. Aðeins 10% af skólum landsins eiga aðild að fé-
laginu og aðeins í mesta lagi 10% af úrskriftarnemum
þeirra eru tekin inn í félagið.
Nám í Bandaríkjunum hefur verið draumur Sig-
tryggs frá blautu barnsbeini en hann hélt utan árið 2010
um leið og hann hafði lokið stúdentsprófi frá Fjölbraut-
arskóla Suðurnesja sem dúx. Eftir að hann byrjaði að
kynna sér skólana vestanhafs kom enginn annar til
greina en MIT í Cambridge í Massachusetts-ríki.
„Ég ætlaði mér í stærðfræði- og tölvunarfræðinám
og MIT er bestur í því. Svo líkaði mér mjög vel við menn-
inguna í skólanum eftir að ég heimsótti hann. Það er mik-
ið samstarf og engin samkeppni á milli nemenda. Allir
sem eru í þessum skóla eru metnaðargjarnir og leggja
hart að sér. Þetta er vinalegt fólk og vel gert,“ segir Sig-
tryggur.
Næst á dagskrá hjá Sigtryggi er að leggja land und-
ir fót og flytja til Kaliforníu þar sem hann hefur fengið
vinnu hjá tæknirisanum Oracle sem hugbúnaðarverk-
fræðingur.
„Ég verð að vinna í gagnagrunnsteyminu þeirra.
Þetta eru mikið til rannsóknir á hvernig má bæta gagna-
grunnana, gera þá fljótari og öruggari,“ segir hann.
Framhaldsnám er þó á stefnuskránni hjá Sigtryggi
og þá í tölvunarfræði. Hann er þó ekki búinn að velta því
frekar fyrir sér hvort það verði í MIT, Stanford eða öðr-
um háskóla.
Sigtryggur hefur eignast fjölda vina á fjórum árum
sínum í MIT. Þó að hann flytji frá austurströnd Banda-
ríkjanna til vesturstrandarinnar er útskriftin þó ekki
kveðjustund þar sem margir skólafélagar hans hafa
einnig fengið vinnu í Sílikondalnum svonefnda í Kali-
forníu.
„Ég verð ekkert einn. Ég er að fara búa með besta
vini mínum og með fullt af félögum mínum í kringum
mig,“ segir hann.
Í heiðursfélagi með
fyrrverandi forsetum
 Útskrifaðist úr MIT með fullkomna meðaleinkunn
Áfangi Sigtryggur (f.m.) ásamt skólafélögum sínum á útskrifardaginn. MIT er í Cambridge, steinsnar frá Boston.
Gengið var frá samkomulagi um
meirihluta í þremur sveitarstjórnum,
í Sandgerði og Grindavík í gær og
Skagafirði í fyrrakvöld. Þá eru meiri-
hlutaviðræður í Kópavogi og á Akur-
eyri, Reykjanesbæ og Hafnarfirði
sagðar vera langt komnar.
Samfylkingin og óháðir borgarar
og Sjálfstæðismenn og óháðir hafa
náð samkomulagi um samstarf í
meirihluta bæjarstjórnar Sandgerð-
isbæjar.
Sjálfstæðismenn og Listi Grindvík-
inga hafa náð samkomulagi um
myndun nýs meirihluta í bæjarstjórn
Grindavíkur. Samstarfssamningur
framboðanna verður undirritaður eft-
ir helgi samkvæmt fréttavef Víkur-
frétta.
Gengið hefur verið frá meirihluta-
samstarfi Framsóknarflokksins og
Sjálfstæðisflokksins í sveitarstjórn
Sveitarfélagsins Skagafjarðar. Frá
þessu er greint á fréttavefnum Feyki.
Þá eru viðræður sjálfstæðismanna
og Bjartrar framtíðar sagðar vera á
lokametrunum í Kópavogi og stefnt
er að því að klára viðræður um
helgina. Eins eru meirihlutaviðræður
L-lista, Samfylkingar og Framsóknar
langt á veg komnar á Akureyri og bú-
ist er við því að samkomulag muni
nást eftir helgi.
Stutt er í að samkomulag náist á
milli Frjáls afls, Samfylkingar og
Beinnar leiðar í Reykjanesbæ.
Að sögn Guðlaugar Kristjánsdótt-
ur, bæjarfulltrúa hjá Bjartri framtíð í
Hafnarfirði, ganga viðræður við Sjálf-
stæðisflokk vel og segir hún tíðinda
að vænta í dag.
Óska eftir greinargerð
Sjálfstæðismenn í Reykjavík hafa
óskað eftir greinargerð um fram-
kvæmd borgarstjórnarkosninganna í
Reykjavík. Ástæðan er sú að endanleg
niðurstaða var ekki birt fyrr en fjórum
tímum eftir að talningu lauk þar sem
skekkja fannst upp á fjörutíu atkvæði.
Endurtalningu atkvæða í Norður-
þingi að beiðni Framsóknarmanna
lauk í gær án þess að það hafi haft
áhrif á fulltrúafjölda flokka.
Samkomulag um
þrjá meirihluta
 Nálgast í fjórum bæjarfélögum