Morgunblaðið - 07.06.2014, Qupperneq 4

4 FRÉTTIRInnlent
MORGUNBLAÐIÐ LAUGARDAGUR 7. JÚNÍ 2014
Kaupum alla bíla
Hærra uppítökuverð
Við staðgreiðum bílinn þinn og þú getur þar með
fengið staðgreiðsluafslátt af nýja bílunum.
Sendu okkur upplýsingar í gegnumwww.seldur.is
og við sendum þér staðgreiðslutilboð
þér að kostnaðarlausu.
Gervitunglamynd af Íslandi sem var tekin úr MODIS-
myndavél NASA klukkan 13:05 í gærdag sýnir vel
hversu gott veður var á landinu.
„Það er skemmtilegt að sjá á þessari mynd hvernig
þokan kemur alveg inn að landinu en svo leysist hún
bara upp. Skýin stoppa við ströndina,“ segir Birta Líf
Kristinsdóttir, veðurfræðingur á Veðurstofu Íslands.
„Þetta er eins og við var að búast í þessum hita og
hæga vindi, að það yrði þoka allsstaðar við ströndina
en hlýrra innanlands. Þá má glögglega sjá snjóinn í
fjöllum á Norður- og Austurlandi og á Vestfjörðum.
Sunnanmegin við landið er gaman að sjá þörunga-
blómann í hafinu, það er þetta ljósbláa,“ segir Birta
Líf um myndina.
Heiðskírt var um mestallt land í gær en skýjabakki
við austurströndina skyggði aðeins á sólu. Hitinn fór
upp fyrir tuttugu stig á Suður- og Vesturlandi og hátt
í það víða um land þó kaldara hafi verið sumstaðar við
ströndina, til dæmis náði hitinn ekki tíu stigum við
Húnaflóa og á Ólafsfirði og Hólmavík náði hann aldrei
verulegum hæðum vegna þoku útifyrir og hafgolu.
Landsmenn geta sólað sig áfram því í dag má búast
við svipuðu veðri um land allt og var í gær.
ingveldur@mbl.is
Heiðskírt á landinu öllu en þoka við ströndina rétt eftir hádegi í gær
Ísland í sól
og umlukið
skýjum
Ljósmynd/NASA
Ísland Náttúruleg mynd úr MODIS-myndavél NASA, tekin klukkan 13:05 í gærdag. Gervitunglin Terra og Aqua bera myndavélina.
Mikið er í ám núna vegna vorleys-
inga á hálendinu, sérstaklega á
Norðausturlandi og Austurlandi.
Þá mældist mikið í Markarfljóti og
Hólmsá, sitt hvorum megin við
Mýrdalsjökul, á fimmtudaginn.
Að sögn Gunnars Sigurðssonar
vatnamælingamanns hjá Veður-
stofu Íslands eru miklar vorleys-
ingar þar sem enn er snjór uppi á
fjöllum. „Ég held að á Vesturlandi
sé snjórinn eiginlega búinn, en það
er enn snjór á Vestfjörðum. Á
Norðurlandi vestra, eins og í
Húnavatnssýslu, er farið að
minnka í ánum því snjórinn er að
minnka. Í Skjálfandafljóti og þar
fyrir austan er ennþá mikill snjór
og mikið rennsli og verður mikið
um helgina.“
Minna en í fyrra
Gunnar segir að tölverðar leys-
ingar séu búnar að vera síðustu tíu
daga eða svo. Hlýindin um helgina
auki svo rennslið. „Þetta er samt
minna rennsli en í fyrra. Þá snögg-
hlýnaði um svipað leyti eftir kulda
svo það var allt á bólakafi í snjó.
Nú hefur verið jafnhlýtt vor og
snjórinn farinn að minnka sums
staðar.“
Vorflóðin geta staðið fram yfir
miðjan júní í þeim ám sem sækja
lengst upp á hálendið.
Rennur vel í lónin
Landsvirkjun finnur vel fyrir
vorleysingum á hálendinu þessa
dagana sem skila sér í auknu inn-
rennsli í miðlunarlónin. Spár gera
ráð fyrir áframhaldandi auknu inn-
rennsli en langt er þó í að lónin
fyllist, samkvæmt upplýsingum frá
Landsvirkjun.
Vegna lágrar vatnsstöðu í vor
eftir kaldan vetur er ekki víst að
lónin muni öll fyllast. Líkur eru þó
mestar á að Hálslón fyllist en
hækka fór í lóninu í lok maí og
stendur það nú í 572,5 m y.s.
Vatnshæð Þórisvatns hefur farið
hækkandi og stendur nú í 564,34
m y.s. Hinn 3. apríl fór vatnshæð
Þórisvatns í lægstu stöðu sem
mælst hefur frá upphafi, 560,31 m
y.s. og var það um 11 metrum und-
ir meðaltali vatnshæðar vatnsins á
þeim tíma árs.
Vatnshæð Blöndulóns stendur
nú í 472 m y.s. Lægst fór staðan í
466,9 m y.s. hinn 5. apríl, sem var
um 5 metrum undir meðalhæð á
þeim árstíma.
ingveldur@mbl.is
Vatnshæð Hálslóns og Blöndulóns
Vatnshæð Hálslóns Vatnshæð Blöndulóns
640
620
600
580
560
540
520
480
477,5
475
472,5
470
467,5
465
Áætlað meðaltal Meðalhæð
Yfirfall Yfirfall
Síðasta vatnsár Síðasta vatnsár
Núverandi vatnsárNúverandi vatnsár
Vatnshæð M V.S Vatnshæð M V.S
Heimild: Landsvirkjun
1. okt 1. okt 1. okt 1. okt
Vorleysingar á há-
lendinu og mikið í ám
 Innrennsli hefur aukist í miðlunarlón Landsvirkjunar
Ingveldur Geirsdóttir
ingveldur@mbl.is
Hitinn á landinu komst upp í 20 stig á
Egilsstaðaflugvelli á fimmtudaginn,
5. júní. Var það í fyrsta skipti sem hit-
inn mældist 20
stig á þessu ári og
verður það að telj-
ast seint.
Á tímabilinu frá
1995 til 2009 er
meðaltals-
dagsetningin 23.
maí sem hitinn fór
fyrst upp í 20 stig
á árinu, en 29. maí
á mönnuðu stöðv-
unum. Svo ljóst er að 20 stiga hiti er
um hálfum mánuði seinni á ferðinni í
ár en síðustu ár.
„Ef tímabilið frá 1949 til 2009 er
tekið á mönnuðu stöðvunum þá er
meðaltalsdagsetningin 5. júní, eins og
var í ár,“ segir Trausti Jónsson veð-
urfræðingur á Veðurstofu Íslands.
Trausti segir að þrátt fyrir að
fyrstu fimm mánuðir ársins hafi verið
óvenjulega hlýir þá mældist tuttugu
stiga hiti hvergi á landinu í maí. Það
sé nokkuð óvenjulegt því frá upphafi
mælinga hafi meira en helmingur af
maímánuðum mælst með 20 stiga
hita. „Sjálfvirku stöðvunum hefur
fjölgað mikið síðustu ár og þær eru
líklegri til að pikka upp 20 stiga hit-
ann þegar hann kemur fyrst. Hita-
stigið verður svona hátt á stöku stað
og því fleiri sem stöðvarnar eru er lík-
legra að þær hitti á þá bletti,“ segir
Trausti.
Í takt við almenna hlýnun
Frá árinu 1949 er mjög áberandi,
að sögn Trausta, að 20 stigum er náð
fyrr og fyrr á vorin. „Þetta er í takt
við þá almennu hlýnun sem átt hefur
sér stað að sumarlagi á þessu tíma-
bili. Hitabylgjur voru áberandi færri
fyrir 1970 heldur en síðar og fyrsti
áratugur nýrrar aldar hefur verið
hitabylgjuríkari en aðrir áratugir á
þessu tímabili. Almenn hlýindi auka
líkurnar á því að þetta gerist
snemma. Aftur á móti er ekkert sam-
hengi á milli meðalhita ársins og
hversu snemma á árinu hitinn fer upp
í 20 stig.“
Trausti segir að mjög sjaldgæft sé
að 20 stiga hiti mælist samfellt í júní,
hann nái kannski í mesta lagi yfir tvo
daga. Svo taki við lengra tímabil með
lægri hita. „Það er ekki fyrr en í júlí
sem má búast við því að hitinn gæti
orðið samfellt þetta hár,“ segir
Trausti.
Morgunblaðið/Ómar
Sólskin Börnunum leiddist ekki í pottinum í Nauthólsvík í gær enda bongó-
blíða í höfuðborginni og víðar um land. Fólk naut þess að sleikja sólina.
Trausti Jónsson
20°C hiti nokkuð
seinna á ferðinni
 Oftast mælst fyrst í kringum 23. maí
Veðurstofan gerir ráð fyrir bjart-
viðri og 15-22 stiga hita á land-
inu, hlýjustu í innsveitum en sval-
ara út við sjóinn, í dag. Á höfuð-
borgarsvæðinu má búast við
12-16 stiga hita og léttskýjuðu
með hægri breytilegri átt eða
hafgolu.
Á morgun, hvítasunnudag, er
spáð norðaustlægri eða breyti-
legri átt með 10 til 22 stiga hita.
Hlýjast verður í veðri í upp-
sveitum á Suðvesturlandi.
Á öðrum í hvítasunnu er útlit
fyrir að skýjað verði og dálitlar
skúrir. Hitinn verður á bilinu 8
til 15 stig.
Bjartviðri á landinu
á hvítasunnunni