Morgunblaðið - 07.06.2014, Side 40

TÓNLIST
Arnar Eggert Thoroddsen
arnareggert@arnareggert.is
Vitiði, ég ætlaði ekkert aðhlusta á þessa nýju plötuWhite. Ákvað að nenna því
ekki. Eina sólóplatan hans til
þessa, Blunderbuss (2012), var ekki
skemmtileg, hljómaði eins og af-
gangsefni og lítt innblásin að því er
virtist. Þannig að ég ákvað að
spara mér tíma. Svo fékk ég sms
frá góðvini mínum í gær þar sem
hann mærði Lazaretto, aðra sóló-
plötu White – sem út kemur á
mánudaginn – og ég ákvað því að
gefa henni eins og einn snúning,
aðallega þá til að gefa vini mínum
viðgjöf. Það sem átti svo að verða
nokkur orð í sms-i snerist upp í
heldur lengri tölvupóst þar sem ég
lýsti yfir mikilli ánægju með þetta
verk White. Ég átti ekki von á
þessu. En vel gert, Jack. Þú átt
skilið pistil.
Brokkgengur
Ég hef reyndar alltaf verið
hrifinn af White og hans vinnu (og
hann „vinnur“ mikil ósköp, sei sei
já…) en ég teldist þó seint vera
aðdáandi. Ég er meira forvitinn
eða áhugasamur um þennan mann
og hef alltaf annað augað (jafnvel
eyrað) á því sem hann er að gera.
Það er bara eitthvað við allan
pakkann sem heillar; umslags-
hönnun, vinna hans með öðrum,
hugmyndir hans og afstaða um
hvernig beri að haga upptökum og
Upp frá dauðum?
Meistari Tilfinningalegt umrót liggur rækilega undir Lazaretto, annarri sólóplötu Jacks White
útgáfum o.s.frv. Og tónlistin líka
auðvitað, sem er þó brokkgeng á
köflum. Raconteurs er t.d. snilld en
Dead Weather ekki. White Stripes,
jú, en ég er farinn að hallast að því
að Get Behind Me Satan sé uppá-
haldið mitt þar. Eldri plöturnar
eru of einfaldar (ég tek við reiði-
póstum í gegnum netfangið hér að
ofan). Undanfarið hefur maður þó
horft í mestri forundran á alla þá
glæsilegu starfsemi sem White hef-
ur verið að keyra í gegnum útgáfu
sínu Third Man Records en sú at-
hafnasemi öll er efni í heila grein.
Ég þarf að einbeita mér að Laza-
retto nú, þið verðið bara að
„gúgla“ þetta. (Ég verð þó að
nefna tvennt: White gefur út nýj-
ustu plötu Neil Young, sem var
tekin upp í Voice-o-Graph víny-
lupptökuklefa frá 1947 og sérstök
vínylútgáfa af Lazaretto skartar
m.a. heilmynd og rákirnar eru
þannig að armurinn gengur út frá
plötunni en ekki inn að miðju).
Umrót
Margt hefur á daga White
drifið síðan Blunderbuss kom út,
blóðugur (bókstaflega) skilnaður
og þá hefur hann verið að tala
hressilega niður til manns og ann-
ars að undanförnu; m.a. hefur Dan
Auerbach úr Black Keys og Meg
White, fyrrverandi félagi hans í
White Stripes og fyrrverandi eig-
inkona einnig, fengið að finna fyrir
því. Margir eru á því að þetta um-
rót allt hafi leitað út í plötuna nýju
og í henni sé ákefð og innblástur
sem hafi sárlega vantað á Blunder-
buss. Ég var ekki sannfærður en
oft er það mannlegi þátturinn sem
kemur manni yfir þröskuldinn.
Sms-ið góða leiddi mig því hingað
inn og ég get staðfest þetta með
umrótið. Hinir miklu vinir list-
arinnar – þessar tilfinningar sem
við viljum aldrei upplifa (en losnum
þó aldrei undan); sársauki, óör-
yggi, vonleysi og tómlæti – koma
hér sterkar inn. En um leið finnur
maður tilfinnanlega fyrir því að
hér heldur mikill meistari um
spaðana, listamaður sem veit upp á
hár hvernig framleiða skuli slíkt
„stöff“. Er það vel.
» Það er bara eitt-hvað við allan pakk-
ann sem heillar; um-
slagshönnun, vinna hans
með öðrum, hugmyndir
hans og afstaða um
hvernig beri að haga
upptökum og útgáfum
o.s.frv.
 Lazaretto er önnur sólóplata Jacks White  Drengurinn er hamhleypa til verka, svo mikið er víst
40 MENNING
MORGUNBLAÐIÐ LAUGARDAGUR 7. JÚNÍ 2014
» Flugrákir, verk eftir Ragnheiði Hörpu Leifsdóttur, var flutt í háloftunum íblíðskaparveðri í gær yfir Kollafirði af tveimur listflugvélum og sást verkið
hvað best frá Sólfarinu við Sæbraut þar sem fólk safnaðist saman til að horfa á.
Listflugmenn teiknuðu form innblásið af bylgjum guðseindarinnar og Kvenna-
kórinn Katla túlkaði flugið samtímis með söng sem var útvarpað á Rás 1.
Tvær listflugvélar teiknuðu lokaverk Listahátíðar í Reykjavík við söng Kvennakórsins Kötlu
Sólfarið Flugrákirnar í háloftunum teiknuðu form innblásið af bylgjum.
Horft til himins Útsýnið var flott.
Gleði Hanna Styrmisdóttir, stjórnandi Listahátíðar klappar Ragnheiði Hörpu Leifsdóttur lof í lófa.
Tvær listflugvélar Varla var hægt að fá betra veður til listflugs en í gær.
Morgunblaðið/Eggert
Áhorfendur Fjölmennt var við Sæbrautina að voru áhorfendur ánægðir.