Morgunblaðið - 07.06.2014, Qupperneq 21

FRÉTTIR 21Erlent
MORGUNBLAÐIÐ LAUGARDAGUR 7. JÚNÍ 2014
kolaportid.is
KOLAPORTIÐ
Einstök stemning í 25 ár
Laugardagur opið 11-17
Hvítasunnudagur – Lokað
Annar í hvítasunnu opið 1
1-17
Margir af helstu þjóðarleiðtogum heims minntust
þess í gær að sjötíu ár eru nú liðin frá landgöngu
bandamanna í Normandí þegar um 160.000
bandarískir, breskir og kanadískir hermenn
gengu þar á land gegnt víggirtum fallbyssu- og
vélbyssuhreiðrum Þjóðverja. Auk þjóðarleiðtog-
anna voru nokkur hundruð fyrrverandi hermenn,
sem þátt tóku í innrásinni, viðstaddir minningar-
athöfnina í Ouistreham, sem er ein af þeim fimm
ströndum þar sem hersveitir bandamanna stigu á
land hinn 6. júní árið 1944.
Barack Obama, forseti Bandaríkjanna, sagði
m.a. í ræðu sinni að fórnfýsi og hugrekki þeirra
sem börðust í Normandí hafi rofið skarð í vegg
Hitlers og tryggt tíma lýðræðis og frelsis. Franço-
is Hollande, forseti Frakklands, tók einnig til
máls á athöfninni og sagði hann Frakkland standa
í ævarandi skuld við Bandaríkin vegna þátttöku
bandarískra hersveita í að frelsa Frakkland úr
klóm Þriðja ríkisins.
Innrásarfloti bandamanna var sá stærsti í hern-
aðarsögu veraldar, en hann samanstóð af um
160.000 hermönnum sem réðust til inngöngu bæði
úr lofti og á legi, 500 herskipum, 3.000 landgöngu-
prömmum og 2.500 aðstoðarskipum. Áætlað er að
um 2.500 hermenn bandamanna hafi fallið þennan
örlagaríka dag í Frakklandi.
AFP
Sjötíu ár frá landgöngu stærsta innrásarflota sögunnar
Dómstóll í hér-
aðinu Hoa Binh í
norðurhluta Ví-
etnam hefur
dæmt sex fíkni-
efnasmyglara til
dauða en menn-
irnir voru á sín-
um tíma hand-
teknir ásamt
nítján öðrum,
grunaðir um að
hafa flutt mikið magn fíkniefna milli
Hanoi og norðurhéraða landsins.
Réttarhöldin yfir mönnunum tóku
um tvær vikur og voru allir hinir
ákærðu fundnir sekir um að hafa
flutt 620 kg af heróíni og 1.400 al-
sælutöflur á milli staða. Auk þeirra
sex sem dæmdir voru til dauða voru
sjö dæmdir í lífstíðarfangelsi og 12
dæmdir í 12 til 20 ára fangelsi.
Yfir 700 sitja á dauðadeild
Mjög ströng viðurlög eru í Víet-
nam við fíkniefnabrotum en sam-
kvæmt fíkniefnalöggjöf þar í landi er
hægt að dæma alla til dauða sem
hafa í fórum sínum 600 gr eða meira
af heróíni eða 20 kg eða meira af óp-
íum. Samkvæmt AFP-fréttaveitunni
bíða nú yfir 700 fangar aftöku fyrir
fíkniefnabrot í Víetnam. Slök
landamæravarsla að undanförnu er
sögð hafa gert Víetnam að ákjósan-
legum markaði fyrir fíkniefni auk
þess sem landið hefur lengi verið
notað af glæpamönnum til þess að
dreifa fíkniefnum frá svokölluðum
„gullnum þríhyrningi,“ sem er á
landamærum Laos, Taílands og
Myanmar þar sem mikil fíkniefna-
framleiðsla fer fram. Þá hafa fíkni-
efni einnig verið flutt í gegnum Víet-
nam frá Kína til frekari dreifingar.
Dæmdir á
einu bretti
Allir fundnir sekir
fyrir fíkniefnabrot.