Morgunblaðið - 25.06.2014, Page 14

BAKSVIÐ
Baldur Arnarson
baldura@mbl.is
Arion banki hefur tekið tilboði í fast-
eignina Rauðárstíg 23 í Reykjavík.
Bankinn lokaði útibúi sínu þar ný-
verið en eignin er við Hlemm.
Að sögn Haraldar Guðna Eiðs-
sonar, upplýsingafulltrúa Arion
banka, eru kaupendur með frest til
að ganga frá fjármögnun kaupanna.
Kaupverðið er trúnaðarmál en ásett
verð var 490 milljónir.
Aðspurður sagði Haraldur Guðni
að réttast væri að væntanlegir kaup-
endur upplýstu um áform sín með
eignina þegar þar að kæmi.
Samkvæmt öruggum heimildum
blaðsins sýndu nokkrir aðilar fast-
eigninni áhuga og höfðu þeir ýmist
hugmyndir um að nota reitinn undir
hótel eða íbúðir. Teikning af bygg-
ingarréttinum er sýnd hér til hliðar
en hún er sótt í aðalskipulag Reykja-
víkur. Græna byggingin sýnir mögu-
leika til að byggja nýja byggingu
sunnan eignarinnar sem hefur verið
seld. Þar er heimilt að reisa þriggja
til fjögurra hæða hús með bílakjall-
ara.
Byggingarréttur var „gulrót“
Samkvæmt heimildum blaðsins
var þessi byggingarréttur „gulrótin“
að baki áhuga fjárfestanna. Áætlaði
einn fasteignasali að kostnaður við
að endurbyggja núverandi byggingu
og reisa aðra til hliðar við hana væri
ekki undir milljarði króna. Skal tek-
ið fram að Rauði kross Íslands á 4.
og 5. hæðina á Rauðarárstíg 23.
Hafði annar fasteignasali á orði að
fjárfestar teldu ekki borga sig að
byggja annað en hótel eða íbúðir,
miðað við byggingarkostnaðinn.
Sá hluti fasteignarinnar sem Ar-
ion banki seldi er tæplega 1.826 fer-
metrar og er á jarðhæð, 2. hæð, 3.
hæð og kjallari en 4. og 5. hæð eru í
eigu annars aðila. Með fylgir hlut-
deild í sameign og fjöldi bílastæða.
Seld voru 76% af fasteigninni.
Eins og fram kom í Morgun-
blaðinu í gær hafa lífeyrissjóðir,
fjársterkir aðilar og ýmsir fjárfest-
ingasjóðir leitað til Íbúðalánasjóðs
að undanförnu með það í huga að
kaupa fjölda eigna til útleigu.
Af því tilefni ræddi blaðamaður
Rúnar um stöðuna á markaðnum.
Samkvæmt heimildum Morgun-
blaðsins sýndu fjársterkir aðilar
áhuga á að kaupa fjölda íbúða í nýj-
um fjölbýlishúsum í Mánatúni í
Reykjavík. Alls verða níutíu íbúðir á
reitnum til sölu í 1. áfanga. Það slitn-
aði hins vegar upp úr samninga-
viðræðum að lokum. Fyrstu íbúð-
irnar verða afhentar fullbúnar án
megingólfefna í haust en þær síð-
ustu um mánaðamótin apríl/maí
2015. Samkvæmt heimildum blaðs-
ins horfðu fjárfestarnir til væntinga
um frekari hækkun fasteignaverðs.
Horfa í fermetraverðið
Viðar Böðvarsson, varaformaður
Félags fasteignasala, segir að fjár-
festar leiti í auknum mæli að íbúðum
í úthverfum til útleigu.
„Þetta hefur færst á víðara svæði
en var. Þetta var dálítið bundið við
póstnúmerin 101 og 107 í Reykjavík.
Fyrir tveimur árum var ekki spurst
fyrir um neitt annað af þessum að-
ilum. Leiguverð hefur greinilega
hækkað talsvert mikið og meira en
fasteignaverð í heildina, að minnsta
kosti á síðustu tólf mánuðum.
Það er auðvitað ekki grundvöllur
fyrir endalausri hækkun á leigu-
verði. Þróunin hlýtur því að vera sú
að menn kaupi eignir sem þeir sjá
sér hag í að leigja, að þeir horfi í fer-
metraverðið. Það er ekki svo mikill
munur á leiguverði til einstaklinga í
úthverfum eða miðsvæðis. Það er því
meiri fengur að kaupa eignir sem
eru á lægra verði og leigja þær út,“
segir Viðar og vísar til þess að verð á
íbúðarhúsnæði í úthverfum sé byrj-
að að hækka, líkt og fasteignaverðið
miðsvæðis hefur þegar gert.
Engin bóla á markaðnum
Spurður um ganginn á fasteigna-
markaði almennt segir Viðar að
þinglýstir kaupsamningar séu um
10% fleiri í ár en í fyrra.
„Það eru kannski ekki þau læti á
markaðnum sem maður gæti haldið
út frá fjölmiðlaumfjöllun. Markaður-
inn er hægt og bítandi á réttri leið en
þetta er ekki í stökkum, sem er
kannski ágætt,“ segir Viðar.
„Það er ekki bóla á fasteigna-
markaði. Almenningur hefur ekki
það fjármagn, hvorki sem eigin fé né
lánsfjármagn, sem þarf til þess að
búa til bólu,“ segir Viðar.
Undirbúa uppbyggingu við Hlemm
 Fjárfestar kaupa húsnæði Arion banka við Hlemm og hyggjast byggja hótel eða íbúðir á reitnum
 Fjársterkir aðilar íhuguðu að kaupa fjölda íbúða við Mánatún með spár um verðhækkanir í huga
Morgunblaðið/Þórður
Hús Arion banka við Hlemm Samkvæmt aðalskipulagi er heimilt að reisa þriggja til fjögurra hæða byggingu sunn-
an við húsið. Þar er gert ráð fyrir bílastæðakjallara. Hér fyrir neðan má sjá teikningu af byggingarréttinum.
Viðar
Böðvarsson
Óskar Rúnar
Harðarson
Við Hlemm Grænlitaða byggingin sýnir byggingarréttinn sunnan við Rauð-
arárstíg 23. Nokkrir fjárfestar höfðu áhuga á að reisa hótel á reitnum.
við nokkra fasteignasala um áhuga
fjársterkra aðila á slíkum kaupum.
Fáir fjárfestingamöguleikar
Óskar Rúnar Harðarson, fast-
eignasali hjá Mikluborg, hefur verið
fasteignasali frá 1998. Hann segir að
alltaf hafi verið dæmi um að eignir
væru keyptar til útleigu.
„Það hefur hins vegar verið meira
um það í seinni tíð. Það eru færri
fjárfestingarmöguleikar en áður.
Þess eru mörg dæmi að einstakl-
ingar og fyrirtæki kaupi fasteignir
og leigi þær út. Það á við um öll
svæði. Sé fasteignaverð borið saman
við leiguverð fæst hugsanlega meiri
ávöxtun í úthverfum,“ segir Óskar
14 FRÉTTIRInnlent
MORGUNBLAÐIÐ MIÐVIKUDAGUR 25. JÚNÍ 2014
Baldur Arnarson
baldura@mbl.is
Samtöl við nokkra fasteignasala
leiddu í ljós að fjársterkir aðilar hafa
ríkan áhuga á að kaupa íbúðar-
húsnæði í fjárfestingarskyni. Ófull-
kláruð hús eru ekki undanskilin. Er
jafnframt komið inn á þetta í grein-
inni hér fyrir ofan og tengist myndin
hér til hliðar þeirri umfjöllun.
Að sögn Vilhjálms Einarssonar,
fasteignasala hjá Eignaborg, sýndi
fjársterkur aðili áhuga á að kaupa 16
íbúðir í tveimur fjölbýlishúsum sem
eru í byggingu í Kópavogi. Íslenskur
aðili sem kynnti sig sem fulltrúa er-
lends fjárfestis hefði átt í samninga-
viðræðum við verktakann í einn og
hálfan mánuð. Síðastliðinn mánudag
hefðu samningaviðræður hins vegar
fallið niður.
Erfitt fyrir meðaltekjufólk
Vilhjálmur segir hinn dæmigerða
launþega eiga mjög erfitt með að fá
íbúðalán. Dæmi sé maður sem starf-
ar við umönnun fatlaðra í Kópavogi.
Sá hafi falast eftir ódýrri íbúð í Mos-
fellsbæ í gegnum Eignaborg. Lands-
bankinn hafi að lokum hafnað um-
sókn mannsins um lán. Hafði
starfsmaður bankans þá áður gefið
vilyrði um lán gegn því að umsækj-
andinn seldi bílinn sinn. Maðurinn
sagði sögu sína í aðsendri grein í
Fréttablaðinu í síðustu viku.
„Til mín komu hjón, lögfræðingur
og kennari, sem eru með eitt barn.
Þau búa í foreldrahúsum og ætla að
kaupa sína fyrstu íbúð. Umsókn
þeirra um lán var hafnað vegna þess
að þau skulda svo mikið í náms-
lánum,“ segir Vilhjálmur.
Strangari en þörf krefur
Vilhjálmur fullyrðir að bankarnir
túlki ný lög um neytendalán sem
tóku gildi 1. nóvember sl. á strangari
hátt en ástæða sé til. Fyrir vikið sé
þrengt að möguleikum einstaklinga
á að fá íbúðalán. Bankarnir noti það
sem átyllu til að hafna umsóknum.
Þeir kjósi í staðinn að eiga í við-
skiptum við fjársterka aðila sem
kaupa eignir til útleigu.
Vísbendingar eru um að þróun
leigu- og fasteignaverðs sé farin að
valda lágtekjufólki erfiðleikum.
Skortur á litlum íbúðum
Bragi Guðlaugsson, stuðnings-
fulltrúi á hæfingarstöð fyrir fatlaða í
Kópavogi, er höfundur greinarinnar
í Fréttablaðinu sem Vilhjálmur vísar
til. Bragi segir leiguverð komið langt
upp fyrir það sem tekjulágir hafi
efni á og tekur dæmi af því að nú sé
til leigu 12 fermetra herbergi í
Kópavogi fyrir 55 þúsund krónur á
mánuði. Á sömu vefsíðu og her-
bergið sé auglýst sé að finna tveggja
herbergja íbúð sem leigð sé út á 150
þúsund krónur á mánuði.
„Húsnæðismarkaðurinn í dag er
ómögulegur fyrir fólk eins og mig
sem er að leita að litlum íbúðum.
Leiguverðið er orðið alltof hátt. Ég
hef á milli 205 og 210 þúsund krónur
útborgaðar á mánuði fyrir fulla
vinnu, 8 tíma hvern virkan dag. Því
færi 150 þúsund króna leiga langt
með að vera allar ráðstöfunartekjur
mínar,“ segir Bragi sem er að flytja
til foreldra sinna.
Tölvumynd/Miklaborg.is
Mánatún Fjárfestar höfðu áhuga á að kaupa fjölda íbúða í blokk sem er í
byggingu í Mánatúni í Reykjavík. Fjallað er um þetta í grein hér fyrir ofan.
Vildu allar íbúðir í nýrri blokk í Kópavogi
 Innlendur aðili gerði tilboð fyrir hönd erlends fjárfestis  Fasteignasali segir bankana taka fjár-
sterka aðila fram yfir einstaklinga  Stuðningsfulltrúi segir lágtekjufólk eiga í húsnæðisvanda
Bragi
Guðlaugsson
Vilhjálmur
Einarsson