Morgunblaðið - 25.06.2014, Síða 21

FRÉTTIR 21Erlent
MORGUNBLAÐIÐ MIÐVIKUDAGUR 25. JÚNÍ 2014
Fæst í apótekum, heilsubúðum, Hagkaupsverslunum
(Smáralind og Spönginni) og Fjarðarkaupum.
Er á Facebook
Gigt, vöðvabólga
eða fótaóeirð?
www.annarosa.is
Eftir þrjú brjósklos og uppskurði vilja vöðvarnir á því svæði stífna þegar
mér verður kalt. Vöðva- og gigtarolían hefur alveg bjargað mér undanfarna
mánuði, hún er svo vöðvaslakandi og hitar svo vel! Eftir að ég kynntist
henni get ég ekki hugsað mér að vera án hennar og mæli eindregið með
henni! Fótakremið er silkimjúkt, fer fljótt inn í húðina og mér finnst það
alveg æðislegt. – Magna Huld Sigurbjörnsdóttir
Vöðva- og gigtarolían þykir afar góð til að draga úr liðverkjum
og vöðvabólgum ásamt því að gagnast við fótaóeirð.
Fótakremið er kælandi og kláðastillandi, mýkir þurra húð,
græðir sprungur og ver gegn sveppasýkingum.
Kona á gangi á ströndinni við borgina Qingdao í
Shandong-héraði á mánudag, héraðið er í aust-
anverðu Kína. Grænþörungar þekja nú bað-
ströndina í annað sinn á árinu, orsökin er m.a.
talin vera mengun og þurrkar. Þegar líður á
sumarið má búast við að þörungarnir hverfi
vegna aukins hita. Þörungarnir hafa birst ár
hvert frá 2008, ýtur eru notaðar til að hreinsa
svæðið. Þörungarnir eru svo nýttir í áburð.
Fagurgræn baðströnd vegna mengunar
AFP
Grænþörungar menga fjörur Qingdao í austanverðu Kína enn eitt sumarið
FRÉTTASKÝRING
Kristján Jónsson
kjon@mbl.is
Líkurnar á því að átökin í Írak endi
með því að liðsmenn hryðjuverka-
samtakanna ISIL nái amk. undir sig
norðvesturhluta landsins aukast dag
frá degi. Sjía-arabar munu ráða
áfram fjölmennustu svæðunum enda
meira en helmingur íbúa Íraks og
njóta stuðnings Írana. En Kúrdar í
norðausturhlutanum gætu þá lýst
yfir fullu sjálfstæði, stofnað eigið
lýðveldi. Það yrðu mikil tímamót:
Kúrdar hafa aldrei í sögu sinni ráðið
yfir alveg sjálfstæðu ríki.
Bandaríkjamenn reyndu í gær að
fá leiðtoga Kúrda til að halda áfram
tryggð við einingu ríkisins en ekki er
ljóst hvor þeir höfðu erindi sem erf-
iði. Herlið Kúrda, peshmerga, er öfl-
ugt og virðist hafa í fullu tré við
ISIL. Peshmerga getur því skipt
sköpum í slagnum við íslamistana.
Það hefur nú í reynd lagt undir sig
stórborgina Kirkuk sem er á mik-
ilvægu olíusvæði.
Höfuðborg Kúrda er hins vegar
Erbil, einnig kölluð Arbil eða Hew-
ler. Forseti Kúrda, Massoud Barz-
ani, er reyndur stjórnmálarefur og
reynsla Kúrda af því að ráða sér
nánast sjálfir síðustu árin er góð.
Þeir eru að sumu leyti í lykilstöðu
vegna landfræðilegrar legu, þannig
eiga mörg af mikilvægustu fljótum
heimshlutans upptök sín í Kúrda-
löndum Íraks. Miklar olíulindir eru
auk þess á svæðum þeirra og þar
hefur verið mikil uppbygging. Lífs-
kjör hafa stórbatnað og innviðir ver-
ið endurbættir. Erlend fyrirtæki
hafa fjárfest mikið í Kúrdistan.
Olíusmygl fyrir allra augum
Olían er óleyst ágreiningsefni.
Stjórn Barzanis hefur með leyfi
Tyrkja, sem eiga við hann gott og
arðvænlegt samstarf, fengið að
flytja mikið af olíu frá lindum Kúrda
með tankbílum til Ceyhan í Tyrk-
landi, um 100 þúsund tunnur á dag,
er fullyrt. Þar er varan svo seld
hæstbjóðendum þrátt fyrir hávær
mótmæli ráðamanna í Bagdad. Þeir
segja að verið sé að ráðskast með
sameiginlega auðlind Íraka. Barzani
hafi ekkert leyfi til að stunda þessi
viðskipti enda þótt hann láti meiri-
hluta ágóðans renna í sameiginlega
sjóði í
Írak. Eða lofi amk. að gera það;
peningarnir eru núna geymdir í
tyrkneskum bönkum, að sögn CNN.
En hverjir eru Kúrdar? Þeir eru
alls taldir vera um 30 milljónir.
Nærri helmingurinn býr í Tyrk-
landi, einnig búa margir í Íran og
Sýrlandi og rúmar sex milljónir
þeirra í Írak. Mállýskumunur er
sagður svo mikill að varla sé hægt að
tala um eina kúrdísku. En það sem
veitir þeim sérstöðu á svæðinu er að
tunga þeirra er ekki semitísk eins og
arabíska heldur skyld farsi, máli Ír-
ana og að uppistöðu indóevrópsk
eins og langflest Evróputungumál.
Flestir Kúrdar í Írak eru súnni-
múslímar eins og liðsmenn ISIL. En
hryðjuverkamenn hafa nær ekkert
fylgi í íraska Kúrdistan. Þar eru
menn fyrst og fremst Kúrdar.
Rætist draumur Kúrdanna?
 Ef Írak klofnar alveg gæti farið svo að íraskir Kúrdar stofnuðu eigið ríki
 Kúrdar í Miðausturlöndum hafa aldrei í sögu sinni ráðið yfir sjálfstæðu ríki
AFP
Fagnaðarfundur John Kerry, utan-
ríkisráðherra Bandaríkjanna, heils-
ar Massoud Barzani í Arbil í gær.
David Cameron,
forsætisráðherra
Bretlands, baðst í
gær afsökunar á
því að hafa á sín-
um tíma gert
Andy Coulson að
yfirmanni al-
mannatengsla
sinna. Coulson
var í gær dæmd-
ur sekur um að hafa skipulagt síma-
hleranir þegar hann var ritstjóri
götublaðsins News of the World áð-
ur en Cameron réð hann til starfa.
Coulson gæti átt fangelsisdóm yfir
höfði sér.
Næstráðandi Coulson hjá götu-
blaðinu, Rebekah Brooks, var hins
vegar sýknuð af öllum ákæruatrið-
unum. Eiginmaður hennar, Charles
Brooks, var einnig sýknaður. Auk
ólöglegra símahlerana voru Coulson
og Brooks ásamt sex öðrum sökuð
um aðild að mútugreiðslum til lög-
reglumanna og tilraunir til að af-
vegaleiða réttarkerfið.
Málið skók Bretland árið 2011,
einkum vegna þess að í ljós kom að
blaðið hafði brotist inn í talhólf síma
stúlku sem var myrt árið 2002 og
eytt skilaboðum til að rýmka fyrir
fleiri slíkum. Sú árás gæti hafa spillt
fyrir rannsókn morðmálsins. News
of the World hefur nú verið lagt nið-
ur. Það var í eigu Ruperts Murdochs
sem á m.a. Sky-sjónvarpsstöðina,
The Times og Sun auk Wall Street
Journal. kjon@mbl.is
Coulson
gæti lent í
fangelsi
Andy Coulson
 Brooks sýknuð af
öllum ákærum
Yfirmaður almannatengsla hjá
Greenpeace-samtökunum í að-
alstöðvunum í Amsterdam, Pascal
Husting, mun framvegis nota lest,
ekki flugvél, þegar hann fer á milli
heimilis síns í Lúxemborg og Hol-
lands. Það gerir hann nokkrum sinn-
um í mánuði.
Breska blaðið Guardian skýrði frá
flugferðum Hustings og í fyrstu
vörðu yfirmenn hann. Sagt var m.a.
að hann hefði átt erfitt með að flytja
unga fjölskyldu sína til Amsterdam.
Auk þess tæki lestarferðin, fram og
aftur, um 12 stundir en vegalengdin
milli borganna er um 380 km.
Blaðið rifjaði upp að bresk stjórn-
völd hefðu reiknað út að koldíox-
íðlosun á hvern farþegakílómetra
væri nær tvöföld í flugi miðað við
lestirnar. Greenpeace hefur nú snúið
við blaðinu og segir að frá næstu
viku muni Husting ferðast með lest
en ekki flugvél. kjon@mbl.is
Greenpeace
flýgur minna