Morgunblaðið - 06.09.2014, Blaðsíða 33

UMRÆÐAN 33
Messur á morgun
MORGUNBLAÐIÐ LAUGARDAGUR 6. SEPTEMBER 2014
Á vordögum 2013
skrifaði ég greinar í
Morgunblaðið um ráðn-
ingu rektors við
Listaháskóla Íslands
(LHÍ) og sýndi fram á
að hún væri ólögleg
skv. ákvæðum há-
skólalaga. Ég taldi að
starfsmenn mennta-
málaráðuneytisins
mundu skoða málið,
enda alvarlegt og skól-
inn rekinn á samningi við ráðuneytið
og á allt sitt undir viðurkenningu þess
á akademískum starfsháttum. Ráðu-
neytismenn höfðu mikinn áhuga á
málinu, en tóku það ekki til efnislegrar
skoðunar fyrr en ég fór fram á það
með formlegum hætti. Það gerði ég 8.
september 2013. Í samskiptum mínum
við aðstoðarmann ráðherra og ráðu-
neytisstjóra næstu mánuðina kom
fram að stjórn skólans tafði gagna-
öflun ráðuneytisins af mikilli leikni og
nýtti sér alla fresti til
hins ýtrasta, en gögnin
skiluðu sér þó í ráðu-
neytið rúmum 25 vikum
eftir að beðið var um
þau. Samskipti mín við
ráðuneytið frá þeim tíma
hafa mest verið í gegn-
um tölvupósta þar sem
mér er ítrekað lofað að
álitið sé rétt að koma.
Mér telst svo til að ég
hafi sent embætt-
ismönnum, aðstoð-
armönnum ráðherra og ráðherra sjálf-
um 21 tölvupóst og 11 sinnum fengið
svör eða staðfestingar á viðtöku tölvu-
pósta. Frá 7. maí sl. hef ég ekki fengið
nein viðbrögð við póstum eða hring-
ingum í ráðuneytið, þó að lögð hafi
verið inn skilaboð. Síðasta tölvupóst-
inn sendi ég menntamálaráðherra, Ill-
uga Gunnarssyni, 29. júní sl., en þar
segi ég ráðherranum að pósturinn sé
lokatilraun til að ná álitinu eða hald-
bærum skýringum út úr ráðuneytinu
áður en ég fari með málið inn á aðrar
brautir. Hann hefur enn ekki svarað.
Þessi dráttur á afgreiðslu ráðuneyt-
isins varð til þess að ég skaut málinu
til Umboðsmanns Alþingis 6. júlí sl. og
fól honum að draga þetta álit fram í
dagsljósið. Hann gaf ráðuneytinu
frest til 29. júlí til að svara. Ráðuneytið
brást strax við og bað um frest til 18.
ágúst sem var veittur. Þann daginn
gerðist hinsvegar ekkert og því sendi
umboðsmaður ítrekun 21. ágúst og
enn er ekkert komið. Það nálgast því
að hafa liðið 365 dagar frá því þetta
einfalda erindi var lagt fram og ég
hreinlega nenni ekki að tína til allar
þær greinar stjórnsýslulaga sem
ráðuneytið hefur brotið með þessari
málsmeðferð, en þær eru augljóslega
nokkrar.
Í erindinu frá 8. september 2013 er
farið fram á að skoðuð verði embætt-
isfærsla stjórnar LHÍ og hún vegin og
metin út frá lagalegum og akadem-
ískum viðmiðum. Þetta er í sjálfu sér
ekki flókið, en getur auðvitað orðið
það ef ekki hefur verið farið að lögum
og reglum. Ráðherra skipar tvo full-
trúa í stjórn skólans og sitjandi for-
maður stjórnar er annar þeirra, en
þessir aðilar hljóta að vera samtaka í
því að vinna vel og faglega að mál-
efnum skólans. Ráðherra ber að
tryggja að fulltrúar hans og raunar
stjórnin öll, starfi í samræmi við lög,
reglur og samninga og fulltrúum hans
ber að tryggja að vilji ráðherrans sé
virtur og honum gerð grein fyrir störf-
um stjórnar. Ef þessi „armslengd“
milli aðila er hinsvegar heilt úthaf og
sambandið ekkert, þá eru báðir í vond-
um málum, en ég er hræddur um að
ástandið sé einmitt þannig. Til að
sannreyna það er einfalt að spyrja
hvenær þessir aðilar hafa hist og
hversu oft frá því menntamálaráð-
herra tók við embætti? Annar til að
leita upplýsinga og hinn til að veita
þær. Hafa þeir t.d. rætt þetta erindi
mitt, sem þeir báðir hafa tafið af svo
mikilli list? Ætti ekki formaður stjórn-
ar LHÍ að vera minn helsti bandamað-
ur í því að ná þessu áliti út úr ráðu-
neytinu og ætti það ekki að vera
ráðuneytinu metnaðarmál að sýna
fram á hversu vel fulltrúi þess hefur
staðið sig í að reka listaháskólann?
Maður skyldi ætla það.
En úr því ég ákvað að gera þetta
mál opinbert, þá vil ég nota tækifærið
og nefna eitt lítilræði í viðbót. Nú í
ágústmánuði var tilkynnt að ráðinn
hefði verið nýr lektor og fagstjóri í
tónsmíðum við skólann, en mér er
ómögulegt að finna nokkra auglýsingu
um starfið, hvað þá niðurstöðu dóm-
nefndarálits eða önnur gögn. Hvernig
má það vera? Getur verið að ráðningin
hafi ekki verið í samræmi við Há-
skólalög, Skipulagsskráð LHÍ og
Reglur um veitingu akademískra
starfa við LHÍ? Mér sýnist svo vera.
Hvað felst í svoleiðis skilaboðum til
annarra starfsmanna skólans og hver
eru skilaboðin til starfandi listamanna
fyrir utan skólann og hvernig hljómar
rökstuðningurinn fyrir svona vinnu-
brögðum? Eru frávik frá lögum og
reglum orðin að ófrávíkjanlegum for-
dæmum? Spurningarnar hrannast
upp og hafi ólögleg rektorsráðningin
ekki verið nægileg ástæða til að stjórn
skólans hugsi sinn gang, þá finnst mér
endurtekið brot af sömu gráðu vera
það. Og ef mönnum finnst mín afstaða
til þessa máls ekkert fréttaefni, þá
gæti afstaða menntamálaráðherra
verið það. Hver er hún? Er hann sátt-
ur við störf fulltrúa sinna í stjórn
LHÍ? Mér þætti ekki verra að fá svör
við einhverjum þessara spurninga,
jafnt frá stjórn LHÍ og ráðherra, og
minni í leiðinni á að á mánudaginn
næsta verður liðið heilt ár frá því ég
lagði fram beiðnina um álit ráðuneyt-
isins á málinu. Hvað tefur ráð-
herrann?
Til upplýsingar vil ég nefna að for-
maður stjórnar LHÍ er Kolbrún Hall-
dórsdóttir, forseti Bandalags ís-
lenskra listamanna. Einnig vil ég geta
þess að ég hef unnið að málefnum
LHÍ frá því áður en skólinn var stofn-
aður. Ég sat í undirbúningsstjórn að
stofnun hans og síðan í stjórn í um tíu
ár og undanfarin fjögur ár hef ég setið
í stjórn Félags um LHÍ. Auk þessa
hef ég kennt lítillega við skólann frá
upphafi.
Hvað tefur ráðherrann?
Eftir Kristin E.
Hrafnsson
Kristinn E.
Hrafnsson »Mér þætti ekki verra
að fá svör við ein-
hverjum þessara spurn-
inga, jafnt frá stjórn
LHÍ og ráðherra.
Höfundur er myndlistarmaður.
AKUREYRARKIRKJA | Guðsþjónusta kl. 11.
Prestur er sr. Svavar Alfreð Jónsson. Félagar úr
Kór Akureyrarkirkju syngja. Organisti er Eyþór
Ingi Jónsson.
ÁRBÆJARKIRKJA | Upphafi sunnudagaskól-
ans fagnað með fjölskylduguðsþjónustu í Ár-
bæjarkirkju kl. 11. Hólý Mólý, nýtt sunnudaga-
skólaefni, kynnt, brúðuleikhús og mikill
söngur. Prestar sr. Þór Hauksson og sr. Kristín
Pálsdóttir ásamt Ingunni Björk Jónsdóttir
djákna. Undirleikur Kjartan Jósefsson Ogni-
bene. Kaffi, djús og ávextir að lokinni guðs-
þjónustu.
ÁSKIRKJA | Messa og barnastarf kl. 11. Séra
Sigurður Jónsson sóknarprestur þjónar fyrir alt-
ari ásamt Richard Murray frá Skotlandi, sem
prédikar. Linda Jóhannsdóttir, djáknakandídat,
annast fyrstu samverustund sunnudagaskól-
ans á þessu hausti. Kammerkór Áskirkju syng-
ur, organisti Magnús Ragnarsson. Kaffisopi
eftir messu. Guðsþjónusta á hjúkrunarheim-
ilinu Skjóli kl. 13 í umsjá séra Sigurðar Jóns-
sonar. Organisti Magnús Ragnarsson. Vinir og
vandamenn heimilisfólks velkomnir.
ÁSTJARNARKIRKJA | Sunnudagaskólinn
hefst í dag kl. 11 undir stjórn Hólmfríðar S.
Jónsdóttur og Bryndísar Svavarsdóttur. Hress-
ing og gott samfélag á eftir. Gosp-
elguðsþjónusta kl. 20. Kór kirkjunnar og hús-
bandið leiða tónlistina undir stjórn Matthíasar
V. Baldurssonar. Prestur er sr. Kjartan Jóns-
son.
BESSASTAÐAKIRKJA | Fjölskylduguðsþjón-
usta kl. 11. Sr. Hans Guðberg, Karen Ösp,
Bjartur Logi og Margrét djákni hafa umsjón
með guðsþjónustunni. Hljómsveitin Lærisvein-
ar hans spilar undir.
BREIÐHOLTSKIRKJA | Sunnudagaskóli kl.
11. Messa kl. 11. Prestar sr. Bryndís Malla Elí-
dóttir og sr. Gísli Jónasson. Kór Breiðholts-
kirkju syngur, organisti er Örn Magnússon.
Vænst er þátttöku fermingarbarna og foreldra
þeirra. Eftir messu er fundur með foreldrum
fermingarbarna í safnaðarheimili.
DIGRANESKIRKJA | Messa kl. 11. Prestur
sr. Sigurjón Árni Eyjólfsson. Organisti Sólveig
S. Einarsdóttir og félagar úr kór kirkjunnar
syngja. Sunnudagaskóli á meðan á helgihaldi
stendur. Súpa í safnaðarheimili að messu lok-
inni.
Dómkirkja Krists konungs, Landakoti |
Messa kl. 10.30, kl. 13 á pólsku og kl. 18 á
ensku. Virka daga kl. 18, og má., mi. og fö. kl.
8, lau. kl. 16 á spænsku og kl. 18 er sunnu-
dagsmessa.
DÓMKIRKJAN | Messa kl. 11, séra Hjálmar
Jónsson prédikar og þjónar fyrir altari. Dómkór-
inn, kórstjóri og organisti er Kári Þormar.
Sunnudagaskólinn á kirkjuloftinu byrjar aftur
að loknu sumarleyfi í umsjón æskulýðsleiðtog-
anna Ólafs Jóns og Sigga Jóns.
FELLA- og Hólakirkja | Barnastarfið hefst
aftur eftir sumarfrí með fjölskylduguðsþjón-
ustu kl. 11. Það verður mikil hátíð, söngur,
Viktor kemur í heimsókn og öll börn fá kirkju-
bók og límmiða fyrir mætingu. Pétur og Hreinn
mæta aftur hressir og tilbúnir til starfa. Litrófið
syngur Biblíusögu. Sunnudagaskólaefnið verð-
ur kynnt. Prestur Guðmundur Karl Ágústsson.
FRÍKIRKJAN Hafnarfirði | Sunnudagaskóli
kl. 11. Kvöldguðsþjónusta kl. 20. Kór og hljóm-
sveit kirkjunnar leiðir söng undir stjórn Arnar
Arnarsonar. Organisti er Skarphéðinn Þór Hjart-
arson og bassaleikari Guðmundur Pálsson.
FRÍKIRKJAN Reykjavík | Guðsþjónusta kl.
14. Séra Hjörtur Magni Jóhannsson þjónar fyrir
altari. Sönghópur Fríkirkjunnar í Reykjavík leiðir
tónlistina undir stjórn Gunnars Gunnarssonar
organista.
GLERÁRKIRKJA | Kvöldmessa kl. 20.30.
Prestur: Sr. Guðrún Eggertsdóttir. Kór Gler-
árkirkju leiðir söng undir stjórn Valmars Välja-
ots.
GRAFARVOGSKIRKJA | Guðsþjónusta kl.
11. Fermingarbörn úr Foldaskóla og Rimaskóla
eru sérstaklega boðin til guðsþjónustu ásamt
foreldrum sínum. Séra Vigfús Þór Árnason pré-
dikar og þjónar ásamt sr. Guðrúnu Karls Helgu-
dóttur og messuþjónum. Organisti: Hákon
Leifsson. Kór kirkjunnar leiðir söng. Fundur um
fermingarstarfið eftir messu.
GRENSÁSKIRKJA | Morgunverður kl. 10,
bænastund kl. 10.15. Barnastarf kl. 11 í um-
sjón Lellu o.fl. Messa kl. 11. Altarisganga.
Samskot til ABC-barnahjálpar. Messuhópur
þjónar. Kirkjukór Grensáskirkju syngur. Organ-
isti Bjarni Þór Jónatansson. Prestur sr. Ólafur
Jóhannsson. Molasopi eftir messu. Hvers-
dagsmessa með Þorvaldi Halldórssyni á
fimmtudag kl. 18.10.
GRUND dvalar- og hjúkrunarheimili |
Messa til heiðurs sálmaskáldinu og heim-
iliskonunni Lilju Sólveigu Kristjánsdóttur,
klukkan 14 í hátíðasal Grundar. Séra Sigurður
Árni Þórðarson predikar. Séra Auður Inga Ein-
arsdóttir heimilisprestur þjónar. Grundarkórinn
leiðir söng undir stjórn Kristínar Waage org-
anista. Einungis verða sungnir sálmar eftir
Lilju Sólveigu.
GUÐRÍÐARKIRKJA í Grafarholti | Fjöl-
skylduguðsþjónusta kl. 11. Prestur sr. Karl V.
Matthíasson, tónlistarflutningur í umsjá Ás-
bjargar Jónsdóttur og Valbjörns S. Lilliendahl.
Barnastarf í umsjá Aldísar R. Gísladóttur. Með-
hjálpari Jórunn Hólm, kirkjuvörður Lovísa Guð-
mundsdóttir. Kaffisopi eftir messu.
HAFNARFJARÐARKIRKJA | Messa og
sunnudagaskóli kl. 11. Prestur sr. Jón Helgi
Þórarinsson. Organisti Guðmundur Sigurðs-
son. Félagar úr Barbörukórnum syngja. Mess-
unni er útvarpað. Sunnudagaskólinn í
safnaðarheimilinu kl. 11. Anna Elísa Gunn-
arsdóttir leiðir stundina. Kaffisopi og djús eftir
stundirnar.
HALLGRÍMSKIRKJA | Messa og barnastarf
kl. 11. Upphaf vetrarstarfsins. Sr. Birgir Ás-
geirsson prédikar og þjónar fyrir altari ásamt
sr. Jóni Dalbú Hróbjartssyni. Hópur messu-
þjóna aðstoðar. Félagar úr Mótettukór Hall-
grímskirkju syngja. Organisti er Hörður Áskels-
son. Umsjón barnastarfs Inga Harðardóttir.
HÁTEIGSKIRKJA | Messa kl. 11. Barnastarf í
umsjá Grímu Ólafsdóttur og Birkis Bjarnason-
ar. Melodia – Kammerkór Áskirkju syngur.
Organisti Magnús Ragnarsson. Prestur sr.
Helga Soffía Konráðsdóttir.
HJALLAKIRKJA Kópavogi | Guðsþjónusta
kl. 11, prestur sr. Sigfús Kristjánsson, félagar
úr kór kirkjunnar leiða safnaðarsöng. Organisti
Judith Þorbergsson. Sunnudagaskóli kl. 13.
Fyrsti sunnudagaskóli vetrarins. Allt barnastarf
kirkjunnar fer af stað í vikunni. Sjá nánar á
hjallakirkja.is
HVERAGERÐISKIRKJA | Messa kl. 11 í
Hveragerðiskirkju – Altarissakramentið.
HVÍTASUNNUKIRKJAN Fíladelfía | Fjöl-
skyldusamkoma kl. 11. Vitnisburður um bæn
og bænasvar. Þema mánaðarins: Að tala við
Guð. Kaffi og samfélag eftir samkomu. Sam-
koma á ensku hjá Alþjóðakirkjunni kl. 14.
Kvöldsamkoma kl. 18.
ÍSLENSKA Kristskirkjan | Samkoma kl.
13.30. Ólafur H. Knútsson predikar. Lofgjörð
og fyrirbænir. Barnastarf á sama tíma. Kaffi og
samfélag eftir samkomuna.
KEFLAVÍKURKIRKJA | Látlaus messa mitt í
erli Ljósanætur. Sr. Sigfús B. Ingvason þjónar
fyrir altari og leiðir messugesti í söng.
KÓPAVOGSKIRKJA | Barna- og fjölskyldu-
guðsþjónusta kl. 11 – upphaf sunnudagaskól-
ans. Sr. Sigurður Arnarson sóknarprestur leiðir
ásamt umsjónarmönnum sunnudagaskólans,
þeim Bjarma Hreinssyni, Ágústu Tryggvadóttur
og Oddi Ólafssyni. Guðsþjónustan verður allan
tímann í kirkjunni.
LANGHOLTSKIRKJA | Fyrsta fjöl-
skyldumessa vetrarins kl. 11. Hressileg stund
við hæfi barna á öllum aldri og ekki síður full-
orðinna. Jóhanna Gísladóttir æskulýðsfulltrúi
og Snævar Jón Andrjesson guðfræðinemi leiða
messuna með aðstoð Esju og Dóru Sólrúnu
ásamt messuþjónum. Organisti er Jón Stef-
ánsson. Kaffi og djús í safnaðarheimilinu eftir
messu.
LAUGARNESKIRKJA | Guðsþjónusta kl. 11.
Upphaf barnastarfsins og ferming-
arfræðslunnar. Kaffisopi á eftir. Arngerður
María Árnadóttir og sönghópur Hallveigar Rún-
arsdóttur leiða söng og tónlist. Kristín Þórunn
Tómasdóttir.
LINDAKIRKJA í Kópavogi | Sunnudagaskóli
í Lindakirkju og Boðaþingi kl. 11. Messa í
Lindakirkju kl. 20. Kór Lindakirkju syngur undir
stjórn Óskars Einarssonar. Dr. David Lose pré-
dikar. Báðir prestar kirkjunnar þjóna. Dr. Lose
er frá Bandaríkjunum og er afkastamikill fræði-
maður sem nýtur virðingar og er eftirsóttur fyr-
irlesari víða um heim. Meginviðfangsefni hans
er hvernig best sé að miðla kristnum boðskap
og kenningu á skapandi hátt. Missið ekki af
þessum frábæra predikara.
Maríukirkja við Raufarsel | Messutímar:
Alla virka daga kl. 18.30. Laugardaga (sunnu-
dagsmessa) kl. 18.30 á ensku. Sunnudaga kl.
11. Barnamessa (september-maí) kl. 12.15.
NESKIRKJA | Fjölskylduguðsþjónusta kl. 11.
Leiðtogar úr barnastarfinu leiða tónlist undir
stjórn Steingríms Þórhallssonar organista. Sig-
urvin Lárus Jónsson æskulýðsprestur annast
stundina. Samfélag og kaffi á Torginu eftir
messu.
SALT kristið samfélag | Samkoma kl. 14 í
Kristniboðssalnum Háaleitisbraut 58-60, 3.
hæð. „Nýtt fyrir stafni.“ Ræðumaður Guð-
laugur Gunnarsson. Túlkað á ensku. Barna-
pössun. Ath. breyttan samkomutíma.
SELJAKIRKJA | Fyrsta barnaguðsþjónusta
vetrarins kl. 11. Guðsþjónusta kl. 14. Sr. Ólaf-
ur Jóhann Borgþórsson settur inn í embætti af
prófasti Reykjavíkurprófastsdæmis eystra, sr.
Gísla Jónassyni. Kór Seljakirkju syngur og org-
anisti er Tómas Guðni Eggertsson. Ferming-
arbörn 2015 eru sérstaklega boðin til guðs-
þjónustunnar.
SELTJARNARNESKIRKJA | Guðsþjónusta
og sunnudagaskóli kl. 11. Sunnudagaskólinn
hefst aftur að loknu sumarleyfi. Sr. Bjarni Þór
Bjarnason sóknarprestur þjónar. Friðrik Vignir
Stefánsson er organisti. Björn Leifsson leikur
á klarinett. Félagar úr Kammerkór Seltjarnar-
neskirkju leiða almennan safnaðarsöng. Kaffi-
veitingar.
SKÁLHOLTSDÓMKIRKJA | Messa kl. 11.
Sóknarprestur.
SÓLHEIMAKIRKJA | Uppskerumessa kl. 14.
Sr. Birgir Thomsen þjónar fyrir altari og predik-
ar. Ester Ólafsdóttir organisti leiðir almennan
safnaðarsöng. Einsöng syngur Ragnheiður
Árnadóttir. Meðhjálpari er Erla Thomsen. Við-
staddir fá lífrænt grænmeti í lok athafnar.
VÍDALÍNSKIRKJA | Fjölskylduguðsþjónusta
kl. 11. Nýtt barnaefni sunnudagaskólans af-
hent. Mikil tónlist, brúðuleikhús, biblíufræðsla
og gleði. Petra, Bolli, Erla og Jóna Hrönn bíða
spennt eftir að hitta sunnudagaskólabörnin
eftir sumarfrí. Kl. 17 Batamessa. Þar verða 12
sporin – andlegt ferðalag kynnt og fjallað um
skömmina í predikun. Margrét Eggertsdóttir og
hjónin Bjarni Karlsson og Jóna Hrönn Bolla-
dóttir þjóna við athöfnina ásamt tónlistarkon-
unum Önnu Siggu Helgadóttur og Aðalheiði
Þorsteinsdóttur. Messukaffi.
VÍÐISTAÐAKIRKJA í Hafnarfirði | Upphaf
vetrarstarfs. Sunnudagaskóli og guðsþjónusta
kl. 11. Sr. Halldór Reynisson þjónar. Kór Víði-
staðakirkju syngur undir stjórn Helgu Þ. Guð-
mundsdóttur organista.
Hinn daufi og málhalti.
Mark. 7
SKARTAÐU ÞÍNU
FEGURSTA
Bankastræti 4 I sími: 551 2770 I www.aurum.is
Skartgripalínan Svanur fæst
í verslun Aurum, Bankastræti 4.