Morgunblaðið - 22.10.2014, Blaðsíða 26
26 ÍSLENDINGAR
MORGUNBLAÐIÐ MIÐVIKUDAGUR 22. OKTÓBER 2014
Afmælisdagurinn kemur og fer vonandi á sinn hefðbundnahátt, það verður ekkert afmælishald. Við fjölskyldan þykj-umst vera búin að taka forskot á þá sælu,“ segir Steinn
Kárason, umhverfisfræðingur og garðyrkjumeistari. Steinn er m.a.
frumkvöðull að endurheimt Brimnesskóga í Skagafirði sem getið er
í Landnámu. Þar eru aðeins ræktuð tré upprunnin úr Skagafirði.
„Ég hef verið í ýmsum verkefnum síðan ég sneri heim frá Dan-
mörku eftir MSc-nám í umhverfisfræði. Ég stofnaði fyrirtækið
Garðyrkjumeistarinn sem var verktakafyrirtæki í garðyrkju en hef
fært mig yfir í útgáfu og ráðgjöf, og held námskeið og fyrirlestra.“
Steinn hefur gefið út fimm bækur, tvær eftir hann sjálfan, Garð-
verkin og Trjáklippingar, og hann hefur einnig gefið út tvær plötur
með eigin tónlist. Á annarri plötunni sem nefnist „steinn úr djúp-
inu“, er popptónlist en á hinni flytja Schola Cantorum og Kamm-
ersveit Hallgrímskirkju jólasálminn Helga himneska stjarna sem
Steinn samdi og Sigurbjörn Einarsson biskup orti ljóð við.
Um þessar mundir er Steinn að ljúka þýðingu á norrænu kennslu-
efni um úrgangsforvarnir fyrir grunnskóla á vegum umhverfisráðu-
neytisins og Landverndar. Hann hefur um árabil sinnt kennslu í um-
hverfis- og auðlindahagfræði við Háskólann á Akureyri og á Bifröst.
Steinn hefur stundað jóga í áratugi og lauk nýlega við að leiðbeina á
þriggja kvölda qigong-námskeiði hjá Námsflokkum Hafnarfjarðar.
Eiginkona Steins, Kristín, er Arnardóttir, verkefnastjóri sér-
kennslu í Kópavogsskóla. Þau eiga þrjá syni, Sindra Frey, Helga og
Hlyn. Steinn átti fyrir tvö börn, Ástu Lilju og Kára.
Steinn Kárason er sextugur í dag
Hjónin Steinn og Kristín á einni af ferðum sínum um Balkanskaga.
Fjölhæfur maður
Íslendingar Kjartan Gunnar Kjartansson,Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
Unnið í samvinnu við viðmælendur.
Bergþóra Edda Grét-
arsdóttir, Anna María
Sigurðardóttir, Kara
Líf Traustadóttir og
Árni Daníel Grétarsson
gengu í hús á Akranesi
og seldu myndir sem
þau teiknuðu sjálf.
Ágóðann, 4.922 krónur,
afhentu þau Rauða
krossinum.
Hlutavelta
Akranes Óskar Arnar Hilmarsson
fæddist 15. ágúst 2013 kl. 18.40.
Hann vó 3.520 g og var 54 cm
langur. Foreldrar hans eru Rut Agn-
arsdóttir og Hilmar Geir Ósk-
arsson.
Nýir borgarar
Akureyri Patrekur Ýmir Andrason
fæddist 7. október 2013 kl. 22.28.
Hann vó 4.730 g og var 55 cm langur.
Foreldrar hans eru Sandra Sif
Ragnarsdóttir og Egill Andri Bolla-
son.
J
ón Óskar fæddist í Reykja-
vík 22. október 1954 og
ólst upp í Kleppsholtinu, í
Sölleröd í Kaupmannahöfn
og loks í Garðabænum.
Hann lauk stúdentsprófi frá MT
1974, stundaði nám við Myndlista-
og handíðaskóla Íslands 1974-77, bjó
í New York 1979-85 og stundaði þar
myndlistarnám við School of Visual
Arts og útskrifaðist þaðan með láði
1983.
Jón Óskar hefur haldið um 40
einkasýningar og tekið þátt í fjölda
samsýninga í Evrópu, Asíu og í
Norður- og Suður-Ameríku. Verk
hans er að finna á fjölda safna hér
heima og erlendis. Hann hefur hlotið
verðlaun og viðurkenningar fyrir
störf sín á sviði myndlistar og hönn-
unar, m.a. Francis Criss Award 1983
í New York, Edstranska verðlaunin
1993 í Svíþjóð, auk tilnefninga eins
og til Ars Fennica í Finnlandi 1998
og Carnegie Art Award í Svíþjóð
2006.
Þann 7.11. næstkomandi mun Jón
Óskar opna stóra sýningu í öllu sýn-
ingarrými Listasafns Íslands þar
sem hann sýnir nýleg verk, flest inn-
an við þriggja ára.
Áhrifamikill útlitshönnuður
dagblaða og tímarita um árabil
Með myndlistinni hefur Jón Óskar
sinnt útlitshönnun fyrir dagblöð,
bókaforlög og margmiðlunar-
fyrirtæki og hefur reyndar verið
með áhrifamestu hönnuðum dag- og
vikublaða hér á landi: „Ég á víst 50
ára fjölmiðlastarfsafmæli núna því
ég byrjaði tíu ára að bera út Vísi.
Annars hef ég unnið við dagblöð og
tímarit allan minn listamannsferil,
yfirleitt svona tvo til þrjá daga í
viku, en verið síðan á vinnustofunni.
Ég var fyrst á Vísi frá 1976 og síðan
á fyrri Helgarpóstinum frá 1979 með
þeim Moggamönnum, Árna Þór-
arinssyni og Birni Vigni Sigurpáls-
syni. Blaðið var unnið hjá Alþýðu-
blaðinu þar sem Jón Baldvin var
ritstjóri og Vilmundur afleysingarit-
stjóri, sællar minningar. Eftir að ég
kom frá námi hannaði ég síðan
seinni Helgarpóstinn undir ritstjórn
Halldórs Halldórssonar og Ingólfs
Margeirssonar og kom síðan að
Pressunni og Eintaki með Gunnari
Smára, var á Alþýðublaðinu með
Hrafni Jökulssyni og á DV með
Mikael Torfasyni og Jónasi, að
ógleymdu Mannlífi.
Jón Óskar myndlistarmaður – 60 ára
Í Listasafni Akureyrar Jón Óskar ásamt föður sínum, Hafsteini, til vinstri, og föðurbróður, Þórólfi Ingvarssyni, vél-
stjóra á Akureyri, við opnun sýningar sinnar, Augu gula skuggans, árið 2007.
Haldið fram hjá lista-
gyðju á dagblöðunum
415 4000