Morgunblaðið - 22.10.2014, Blaðsíða 30

30 MENNING
MORGUNBLAÐIÐ MIÐVIKUDAGUR 22. OKTÓBER 2014
Gríptu refinn...
... áður en hann skýtur þér ref fyrir rass. Málmnestisbox með handfangi,
skreytt Tiger refahönnun. Taktu rebba heim fyrir 600 kall.
Slóttugt nestisbox?
Villidýr á verði
tiger.is · facebook.com/tigericeland
Sendum í póstkröfu
S: 528 8200
Leikhúsið 10 fingur býðurupp á frumlega og flottaleiksýningu í Tjarnarbíóium þessar mundir. Lífið –
stórskemmtilegt drullumall má sjá
sem sögu um sköpun heimsins en
samtímis er þetta einföld saga af
tveimur krökkum að leik. Hvor sag-
an verður sterkari í vitund áhorf-
enda ræðst sennilega allnokkuð af
aldri þeirra.
Helga Arnalds hannar bæði bún-
inga og leikmynd. Búningarnir eru í
brúnum og svörtum tónum og þjóna
leikurunum vel. Leikmyndin saman-
stendur af tveimur hvítum fern-
ingum, annars vegar dúk sem lagður
hefur verið á gólfið og rammar inn
leikrýmið og hins vegar segldúk sem
strengdur hefur verið upp þannig að
varpa megi á hann ýmiss konar
myndefni auk þess sem hann nýtist
til að skapa alls kyns skuggamyndir.
Sýningin hefst einmitt á löngum leik
með skugga þar sem leikararnir
Sveinn Ólafur Gunnarsson og Sól-
veig Guðmundsdóttir mynda fyrst
eina veru en verða að tveimur fyrir
aftan tjaldið, en þegar verurnar
koma fram fyrir tjaldið sjáum við
þær uppgötva umhverfi sitt smám
saman sem og hvor aðra.
Þegar verurnar tvær bregða upp
myndum af fjölbreyttum dýrateg-
undum í framhaldinu er freistandi
að túlka það sem stutta frásögn af
þróunarsögunni, en samtímis má sjá
þetta sem leik tveggja barna sem
reyna stöðugt að toppa hvort annað í
frumlegum útfærslum á dýrum.
Þarna bregður fyrir svifdýrum í
sjónum, skríðandi slöngu, hoppandi
froski, sprangandi hana, krókódíl,
risaeðlu og skrækjandi öpum. Gervi
umræddra dýra voru skemmtilega
útfærð með afar einföldum hætti.
Fljótlega uppgötva verurnar tvær
moldina og fara að leika sér með
hana á skapandi og skemmtilegan
hátt, enda margt hægt að gera með
mold. Það má byggja úr henni, velta
sér upp úr henni, henda henni um og
grafa sig ofan í hana. Eitt skemmti-
legasta atriði sýningarinnar var þeg-
ar Ólafur Sveinn var búinn að hylja
fætur Sólveigar alfarið með mold
þar sem hún sat á gólfinu. Þegar
fæturnir grófu sig skyndilega upp úr
moldinni birtust tvær broslegar ver-
ur sem töluðu saman á bullmáli úr
munni Sólveigar. Leikurinn vatt upp
á sig því fljótt voru fætur Sveins
Ólafs komnir í hrókasamræður við
fætur Sólveigar og síðan bættust
hendurnar við.
En moldin, sem er lykilefniviður
sýningarinnar, vakti líka neikvæðar
tilfinningar þegar eigingirnin og
græðgin fóru að segja til sín og ver-
urnar tvær fóru að rífast um yfirráð
moldarinnar með tilheyrandi drullu-
malli og slagsmálum. Að lokum var
vatnið notað til að hreinsa jafnt and-
rúmsloftið sem og verurnar sjálfar.
Lokamyndin þegar verurnar tvær
fóru að leika sér í polli með tilheyr-
andi skuggamynd og ljúfri tónlist
Margrétar Kristínar Blöndal var
sérdeilis fögur og góð leið til að enda
sýninguna.
Lífið – stórskemmtilegt drull-
umall er falleg sýning sem öll fjöl-
skyldan getur notið saman, en hún
er aðeins þrjú korter og leikin án
hlés. Aðstandendur segja hana
henta börnum frá fjögurra ára aldri,
en yngstu börnin gætu orðið hrædd í
löngum skuggaleik. Einnig verður
að hafa í huga að sýningin krefst all-
nokkurrar einbeitingar af hendi
áhorfenda þar sem leikararnir eru
oft á tíðum svo niðursokknir í leik
sinn að lítill tími gefst fyrir augn-
samband við áhorfendur. Eftir
stendur að Lífið – stórskemmtilegt
drullumall er yndisleg sýning sem
fjallar allt í senn um vináttuna, sköp-
unarkraftinn og hringrás lífsins.
Hugmyndarík Sveinn Ólafur Gunnarsson og Sólveig Guðmundsdóttir bregða
sér í margvísleg hlutverk í sýningunni Lífið – stórskemmtilegt drullumall.
Skapandi drullumall
Tjarnarbíó
Lífið – stórskemmtilegt drullumall
bbbbn
Eftir Charlotte Bøving, Helgu Arnalds,
Sólveigu Guðmundsdóttur og Svein
Ólaf Gunnarsson. Leikstjórn: Charlotte
Bøving. Leikmynd og búningahönnun:
Helga Arnalds. Lýsing: Björn Bergsteinn
Guðmundsson. Tónlist: Margrét Kristín
Blöndal. Leikarar: Sólveig Guðmunds-
dóttir og Sveinn Ólafur Gunnarsson.
Leikhúsið 10 fingur setur upp sýn-
inguna. Önnur sýning í Tjarnarbíói
sunnudaginn 19. október 2014.
SILJA BJÖRK
HULDUDÓTTIR
LEIKLIST
Litlu dauðarnir nefnist ný skáldsaga
eftir Stefán Mána sem bókaútgáfan
Sögur sendir frá sér nú á haustmán-
uðum. „Þetta er mögnuð saga um
fjölskyldumann sem lendir í miklum
vandræðum. Stefán Máni sýnir að
sumu leyti á sér nýjar og dýpri hlið-
ar. En hæfileiki hans til að drífa frá-
sögn áfram af krafti og spennu fer
þó síst minnkandi,“ segir m.a. í til-
kynningu frá Sögum.
Stundarfró nefnist fyrsta skáld-
saga Orra Harðarsonar. „Í þessari
bráðskemmtilegu og fallegu bók
segir hann átakanlega fjölskyldu-
sögu. Það er enginn byrjendabragur
á verkinu, frásagnarstíllinn er ein-
staklega fjörmikill og persónusköp-
un litrík. Og sagan skilur mikið eftir
í huga lesandans.“
Rogastanz eftir Ingibjörgu Reyn-
isdóttur er nútímasaga úr Reykja-
víkurlífinu sem byggist á raunveru-
legum persónum. Meðal spurninga
sem höfundur veltir upp er hvernig
lifa eigi lífinu heiðarlega, hver megi
svíkja hvern og hvenær kynlíf sé
kynlíf.
Til nefnist frumraun Snorra
Snorrasonar sem fjallar um „ungan
mann sem lendir í ótrúlegum raun-
um við það eitt að reyna að breyta
rétt og koma sínum nánustu til að-
stoðar“.
Meira frá lækninum í eldhúsinu
Í bók sinni Svarthvítir dagar segir
rithöfundurinn, blaðamaðurinn og
ferðagarpurinn Jóhanna Kristjóns-
dóttir frá fyrstu 15 árum ævi sinnar í
hreinskilinni minningabók. „Hér er
greint frá tíma og tíðaranda sem lítið
hefur farið fyrir í bókmenntum fram
að þessu. Jóhanna lýsir sjálfri sér,
fjölskyldu sinni og öðru fólki með
lunknum húmor og mikilli samúð.“
Háski í hafi II: Hafís grandar
Kong Trygve eftir Illuga Jökulsson
felur í sér safn frásagna um sjóslys
við Ísland í byrjun 20. aldar.
Lengsta saga bókarinnar fjallar um
það þegar farþegaskipið Kong
Trygve fórst í hafís út af Langanesi
1907. „Áhafnir þriggja björgunar-
báta þurftu að þola miklar raunir á
leið sinni til lands, einn bátanna
komst ekki alla leið.“
Ólafur Haukur Símonarson sendir
frá sér Manninn sem fór í hundana
sem fjallar um miðaldra kattavin
sem er neyddur til að taka að sér tvo
hunda. Um er að ræða sanna sögu
sem sögð er reyna á hláturtauga-
rnar.
Læknirinn í eldhúsinu – Veislan
endalausa nefnist önnur matreiðslu-
bók Ragnars Freys Ingvarssonar.
„Læknirinn í eldhúsinu sló heldur
betur í gegn fyrir jólin í fyrra með
frábæra og fallega bók. Og þessi er
jafnvel enn gómsætari! Lífsglaði
læknirinn tekur okkur með sér í nýtt
ævintýri, eða endalausa veislu. Hér
færist hann enn í aukana og er ekk-
ert til sparað að leyfa bragðlauk-
unum að njóta sín sem mest.“
silja@mbl.is
Ný skáldsaga
frá Stefáni Mána
 Sögur senda frá sér 11 titla á næstu
vikum  Jóhanna Kristjónsdóttir með
minningabók um fyrstu 15 æviár sín
Ingibjörg
Reynisdóttir
Stefán
Máni
Jóhanna
Kristjónsdóttir
Illugi
Jökulsson
Ólafur Haukur
Símonarson
Ragnar Freyr
Ingvarsson
Í lofsamlegri gagnrýni um leikritið
Karitas, sem frumsýnt var í Þjóð-
leikhúsinu á föstudagskvöldið, segir
rýnir Morgunblaðsins að Ólafía
Hrönn Jónsdóttir njóti sín vel í hlut-
verki Auðar. Leikkonan hafði þó
ekki tekið þátt í æfingaferlinu heldur
hljóp skömmu fyrir frumsýningu í
skarðið þegar Kristbjörg Kjeld for-
fallaðist. Leikhúsgestir gátu þó ekki
greint það á neinn hátt.
„Ég stökk eiginlega beint inn í
rennsli fyrir framan áhorfendur,“
segir hún. „Þá var forsýning, aðal-
æfing og loks frumsýning. Maður
hefur ekki allar forsendur til að fylla
inn í hlutverkið þegar maður tekur
ekki þátt í æfingaferlinu. Ég reyndi
sem best ég gat að sjá fyrir mér hvað
þetta hlutverk ætti að gera í sýning-
unni og það hjálpar til að vita að
Kristbjörg hafi verið að vinna hlut-
verkið. Það gaf mér ákveðna mynd.“
Þegar spurt er um textann segist
Ólafia Hrönn hafa verið búin að ná
honum á frumsýningunni. „Fyrsta
kvöldið var ég með texta í bók sem
ég gat kíkt á svo ég vissi hvaða sena
þetta væri,“ segir hún og hlær. „Svo
var ég með í eyranu. Það er neyðar-
úrræði þegar maður kann ekkert í
textanum, þá er
hægt að dúndra
honum í eyrað og
maður hefur
hann eftir. Áhorf-
endur halda að ég
sé að hlusta á
mótleikarann en
maður er að
hlusta á textann í
eyranu.“
Ólafía segist
áður hafa hlaupið inn í sýningar en
ekki í frumsýningarviku eins og nú.
Þetta hafi eflaust verið óþægilegt
fyrir Brynhildi Guðjónsdóttur, sem
leikur aðalhlutverkið, að vera á sviði
með leikara sem kann ekki textann.
„En allir voru þakklátir fyrir að ég
skyldi vilja gera þetta.“
Þegar spurt er hvort reynslan hafi
ekki hjálpað segir Ólafía að hún sé
ekki viss um að textinn hafi allur
verið réttur hjá sér á frumsýningu,
„en ég valdi að taka þetta frekar með
hugsun og hjarta en með réttum
texta“, segir hún.
„Þetta eru bara nokkrar sýningar,
svo kemur Kristbjörg aftur. Mér
finnst heiður að hoppa í hlutverk
sem hún hefur lagt.“ efi@mbl.is
„Ég stökk eiginlega
beint inn í rennsli“
Ólafía Hrönn
Jónsdóttir