Morgunblaðið - 24.10.2014, Blaðsíða 15

MORGUNBLAÐIÐ FÖSTUDAGUR 24. OKTÓBER 2014
Kjartan Kjartansson
kjartan@mbl.is
Uppruni lífsins á jörðinni, eldgosið í
Holuhrauni, orka framtíðarinnar og
umferðaröryggi eldri ökumanna er á
meðal þeirra yfir þrjátíu fjölbreyttu
erinda sem verða á boðstólum fyrir
gesti á vísinda- og tæknidegi verk-
fræði- og náttúruvísindasviðs Há-
skóla Íslands sem haldinn verður á
morgun.
Vísindadagurinn er rann-
sóknaþing sviðsins, sem er með
breyttu sniði í ár, þar sem lands-
mönnum er boðið til sannkallaðrar
vísindaveislu.
„Hingað til hefur þetta aðallega
verið innanhúsráðstefna fyrir Há-
skóla Íslands en núna í ár ætlum við
að hafa þetta opið og bjóða almenn-
ingi að koma og hlýða á erindi. Á vís-
indadeginum munum við kynna
verkefni og rannsóknir sem eru í
gangi á verkfræði- og náttúruvís-
indasviði og fólk þarf ekki endilega
að hafa þekkingu á viðfangsefninu til
að hafa gagn og gaman af,“ segir
Berglind Guðjónsdóttir, verk-
efnastjóri innri samskipta og mark-
aðsmála á verkfræði- og náttúruvís-
indasviði HÍ.
Áhersla á að miðla starfinu
Markmiðið er að kveikja áhuga al-
mennings, og ekki síst barna, á vís-
indum og tækninýjungum. Þannig
verða ýmis skemmtiatriði fyrir alla
fjölskylduna, þar á meðal verður
Sprengjugengið með bás allan dag-
inn, Ævar vísindamaður stendur
fyrir uppákomum, hægt verður að
fræðast um alheiminn í sérstöku
stjörnutjaldi og þá verður vísinda-
smiðja þar sem yngri kynslóðin get-
ur leikið sér með ýmiss konar vís-
indadót.
„Við höfum fundið fyrir auknum
áhuga á vísindum og tækni í þjóð-
félaginu. Við viljum fá fólkið í land-
inu með okkur og sýna því hvaða
flotta starf er í gangi hér innanhúss.
Við leggjum áherslu á það að þeim
rannsóknum sem eru unnar sé miðl-
að áfram. Það er í raun alltaf verið
að leggja aukna áherslu á þann
þátt,“ segir Berglind.
Vísindadagurinn fer fram í Öskju,
náttúrufræðahúsi HÍ, á milli kl. 10
og 16 á morgun og er opið öllum.
Skemmtun Sprengjugengið að störfum. Gengið samanstendur af nemum í
efna-, lífefna- og efnaverkfræði í HÍ sem skemmta fólki og fræða um leið.
Opna vísindi og
tækni fyrir fólki
 Vísinda- og tæknidagur í Öskju
Þættirnir „Nýjasta tækni og vís-
indi“ voru á dagskrá Ríkissjón-
varpsins frá 1967 til 2004. Örn-
ólfur Thorlacius sá fyrst um
umsjón þáttarins, allt til ársins
1974, en þá bættist dýrafræðing-
urinn Sigurður H. Richter við. Sig-
urður stjórnaði þættinum svo þar
til hann rann sitt skeið.
Þeir Örnólfur og Sigurður verða
heiðraðir sérstaklega fyrir framlag
sitt til vísindanna á vísinda- og
tæknidegi verkfræði- og náttúru-
vísindasviðs Háskóla Íslands á
morgun. Verða gamlir þættir af
„Nýjustu tækni og vísindum“ með-
al annars sýndir í Öskju á deg-
inum.
Berglind segir að viðurkenn-
ingin sé vegna vísindastarfa þeirra
almennt en þættirnir hafi þó verið
stór hluti af ástæðu þess að tví-
menningarnir séu heiðraðir.
„Þetta voru gríðarlega vinsælir
þættir á sínum tíma og höfðuðu til
breiðs hóps. Það eru núna engir
þættir að mér vitandi á svipuðu
formi og þessir þættir voru og í
raun bara vöntun þar á,“ segir hún.
Heiðraðir fyrir framlag sitt
STJÓRNENDUR „NÝJUSTU TÆKNI OG VÍSINDA“
Örnólfur
Thorlacius
Sigurður H.
Richter