Morgunblaðið - 24.10.2014, Blaðsíða 20

20 FRÉTTIRErlent
MORGUNBLAÐIÐ FÖSTUDAGUR 24. OKTÓBER 2014
Bogi Þór Arason
bogi@mbl.is
Tvær árásir, sem kostuðu tvo kanadíska her-
menn lífið á tveimur dögum, hafa beint athygli
manna að hættunni sem stafar af íslömskum
öfgamönnum í Kanada.
Leyniþjónusta landsins, CSIS, birti skýrslu
fyrr í mánuðinum þar sem fram kom að vitað
væri um 90 Kanadamenn sem styddu íslömsk
öfgasamtök og annaðhvort hefðu reynt að fara
til Mið-Austurlanda til að berjast með íslamist-
um eða kynnu að fremja hryðjuverk í Kanada.
Einn þessara manna, 25 ára Quebec-búi,
varð hermanni að bana á mánudaginn var þeg-
ar hann ók bíl af ásettu ráði á herbíl í Quebec.
Árásarmaðurinn, Martin Rouleau-Couture-
sem, snerist nýlega til íslamskrar trúar og
hafði reynt að fara til Íraks í því skyni að berj-
ast með samtökum íslamista sem kalla sig Ríki
íslams (skammstafað IS á ensku).
32 ára Kanadamaður, Michael Zehaf-Bi-
beau, varð hermanni að bana í skotárás við
stríðsminnisvarða í Ottawa í fyrradag og réðst
síðan inn í þinghúsið, vopnaður öflugum riffli.
Yfirmaður öryggisvarða þinghússins skaut
árásarmanninn til bana, aðeins um fimm metra
frá herbergi þar sem Stephen Harper, for-
sætisráðherra Kanada, var að ræða við þing-
menn í flokki sínum um hvernig bregðast ætti
við hættunni sem stafar af róttækum íslamist-
um í Kanada.
Að sögn kanadískra fjölmiðla var árásar-
maðurinn á sakaskrá fyrir fjölda lögbrota,
meðal annars þjófnað og brot á fíkniefnalög-
gjöfinni. Ekki var vitað hvort hann hefði gert
árásina til að mótmæla þátttöku Kanada í loft-
hernaðinum gegn vígasveitum íslamistanna í
Írak og Sýrlandi.
Dave Bathurst, vinur fjölskyldu árásar-
mannsins, sagðist í sjónvarpsviðtali hafa hitt
hann í mosku fyrir þremur árum og ekki hafa
orðið var við að hann styddi íslömsk öfgasam-
tök eða hryðjuverkastarfsemi á þeim tíma. Ze-
haf-Bibeau hefði þó seinna farið að tala um
djöfla og illa anda. „Hann sagði að djöfullinn
væri á eftir sér,“ sagði Bathurst. „Ég held að
hann hljóti að hafa verið veill á geði.“
Bathurst kvaðst síðast hafa hitt Zehaf-Bi-
beau fyrir sex vikum á bænasamkomu í mosku
og hann hefði þá talað um að hann vildi fara til
Mið-Austurlanda. Að sögn kanadískra fjöl-
miðla töldu öryggisyfirvöld að mikil hætta gæti
stafað af manninum og vegabréf hans var tekið
af honum til að hann gæti ekki gengið til liðs
við vígasveitir íslamista í Írak eða Sýrlandi.
Heimild til handtöku rýmkuð
Fréttaveitan AP hafði eftir aðstoðaryfirlög-
reglustjóranum Martine Fontaine að lögreglan
hefði ítrekað haft afskipti af Rouleau-Couture-
sem til að koma í veg fyrir að hann fremdi
hryðjuverk áður en hann ók á hermennina á
mánudaginn var. „Það er mjög erfitt [að koma í
veg fyrir slíkt] þegar maðurinn hyggst gera
árás upp á eigin spýtur, ekkert bendir til þess
að hann sé að undirbúa árás og þegar vopnið
sem hann beitir er bíll,“ sagði Fontaine. Hún
bætti við að ekki væri hægt að handtaka menn
fyrir það eitt að vera með róttækar skoðanir.
Að sögn breska blaðsins The Guardian er
kanadíska ríkisstjórnin að íhuga lagabreytingu
til að rýmka heimild lögreglunnar til að yfir-
heyra og handtaka menn sem grunaðir eru um
að styðja hryðjuverkasamtök. Blaðið segir þó
að fram hafi komið efasemdir um að þörf sé á
slíkri lagabreytingu því kanadíska þingið hafi
árið 2012 sett lög sem heimili yfirvöldum að
handtaka og ákæra Kanadamenn sem reyna að
ferðast til annarra landa í því skyni að berjast
með hryðjuverkasamtökum.
Árásirnar voru gerðar eftir að ákveðið var
að kanadískar herþotur tækju þátt í árásum á
vígasveitir samtakanna Ríkis íslams. Harper
sagði að árásirnar myndu alls ekki verða til
þess að Kanadamenn gæfu eftir í baráttunni
við íslömsk öfgasamtök. „Kanadamenn láta
aldrei hræða sig til undirgefni,“ sagði forsætis-
ráðherrann. „Reyndar verður hún til þess að
styrkja okkur og öryggisstofnanir okkar í þeim
ásetningi að grípa til allra nauðsynlegra að-
gerða til að takast á við hættuna og tryggja ör-
yggi Kanada.“
Barátta gegn íslamistum hert
 Stjórn Kanada kveðst ætla að grípa til allra nauðsynlegra aðgerða til að tryggja öryggi landsins eftir
árásir kanadískra stuðningsmanna íslamskra öfgasamtaka  Fylgst með 90 kanadískum íslamistum
AFP
Spenna Lögreglumenn í miðborg Ottawa eftir að vopnaður maður réðst inn í þinghúsið í borginni í fyrradag. Áður hafði hann skotið á hermann
við stríðsminnisvarða nálægt þinghúsinu. Hermaðurinn lést síðar af sárum sínum. Daginn áður beið kanadískur hermaður bana í annarri árás.
„Góðgerðarstofnanir“ fjár-
magna hryðjuverkastarfsemi
» Tom Quiggin, sérfræðingur í barátt-
unni gegn hryðjuverkastarfsemi, segir
að einstaklingar, sem styðji íslömsk
hryðjuverkasamtök, hafi farið til Kanada
á síðustu 20-30 árum og komið á fót
hreyfingum eða stofnunum sem hafi
góðgerðarstarfsemi að yfirvarpi.
» Fjórum slíkum stofnunum hefur verið
bannað að starfa í Kanada, m.a. stofnun
sem fékk fé úr sjóði á vegum Muammars
Gaddafi, fyrrverandi einræðisherra Líb-
íu. Stofnunin var notuð til að senda
hryðjuverkasamtökum peninga. Að sögn
Quiggins eru um 20 slíkar „góðgerðar-
stofnanir“ enn starfræktar í Kanada.
» Talið er að slíkar stofnanir og hreyf-
ingar séu einnig notaðar til að fá ungt
fólk til að ganga til liðs við vígasveitir ísl-
amista í Mið-Austurlöndum.200 M
Alexandra-brú
Wel
ling
ton
St
Rid
eau
St
Lau
rier
AvW
Ottawa-á
Árás í Kanada
Stríðsminnisvarði
Hermaður lést af skotsárum í Ottawa eftir árás byssumanns sem réðst síðan inn í þinghúsið
BANDAR.
1 000 km
Hudson-
flói
OTTAWA
Skotið á hermann sem
lést síðar af sárum sínum
Heimild: Lögreglan í Ottawa
Árásarmaðurinn var
vopnaður riffli. Forsætis-
ráðherra Kanada var
forðað úr byggingunni
Miðborgin
Þinghúsið
KANADA
Grænn markaður ehf. | Réttarhálsi 2, 110 Reykavík | www.flora.is | Sími 535 8500 | info@flora.is
Verslunareigendur!
Ítalskir pappírspokar í úrvali
Eingöngu
sala til fyrirtækja