Morgunblaðið - 10.10.2014, Blaðsíða 8

8 | MORGUNBLAÐIÐ
ÓSAL VARAHLUTAVERSLUN • TANGARHÖFÐA 4
110 REYKJAVÍK • SÍMI: 515-7200 • FAX: 515-7201
NETFANG: osal@osal.is • www.osal.is
Nýtt á lager!
Bodyhlutir
á vörubíla
Mercedes-Benz
MAN
Scania
Volvo
o.fl
E
kki ætti að koma á óvart að
hljóðið er gott í Skúla K.
Skúlasyni, framkvæmda-
stjóra sölusviðs BL. Fyrstu
níu mánuði ársins hefur
bílasalan hjá umboðinu aukist um
61% milli ára og markaðshlutdeildin
aukist úr 17,9% í 21,9%.
Skúli segir að bæði gangi sala
ágætlega og dreifist líka nokkuð jafnt
yfir alla stærðar- og verðflokka. „Við
höfum selt mikið af millistórum og
stórum jepplingum. Hefur t.d. Nissan
Qashqai-jepplingurinn slegið heldur
betur í gegn, enda valinn bíll ársins í
sínum flokki af íslenskum bíla-
blaðamönnum. Ein mesta aukningin
hjá okkur hefur verið í sölu á Re-
nault, en franski framleiðandinn er
með algjörlega endurnýjaða línu af
bílum og má þar nefna Renault Capt-
ur, afskaplega vel heppnaðan smá-
jeppa sem höfðar vel til almennings.“
Ekki bara bílaleigurnar
Undanfarin ár hefur sala á nýjum bíl-
um að stórum hluta verið drifin áfram
af bílaleigunum, enda stríður straum-
ur ferðamanna til landsins. Skúli seg-
ir bílaleigurnar eiga talsverða hlut-
deild í aukningunni á þessu ári en
hinn almenni neytandi sé líka farinn
að taka við sér. „Á markaðurinn samt
enn mikið inni þrátt fyrir jákvæða
þróun síðustu ár. Það er enn býsna
langt í að veltan í sölu nýrra bíla kom-
ist á þann stað að megi tala um heil-
brigðan og eðlilegan markað.“
BL hóf að selja bíla frá Dacia fyrir
tveimur sumrum og segir Skúli við-
tökurnar hafa verið góðar. „Bílaleig-
urnar keyptu mikið af Dacia-bílum en
almenningur fylgdi fljótlega á eftir
enda vandaðir bílar á góðu verði.
Dacia Duster-smájeppinn er að koma
inn á markaðinn af krafti enda snotur
bíll og sterkbyggður, tilvalinn fyrir ís-
lenskar aðstæður með þægilega
fjöðrun og stálpönnu sem ver und-
irvagninn gegn skemmdum.
Kröftugir og hagkvæmir
Ein áhugaverð breyting hefur átt sér
stað í bílaflórunni síðustu árin en það
er vaxandi hlutur tvinn- og rafbíla.
Skúli segir rafbílana hafa sannað sig
við íslenskar aðstæður og um leið og
gæðin aukist fari verðið smám saman
lækkandi. „Ríkisstjórnin ákvað að
framlengja um eitt ár niðurfellingu
virðisaukaskatts á rafbílum og fyrir
vikið dregst alltaf meira saman með
rafbílum og bílum með sprengi-
hreyfil. Enn sem komið er er þessi
undanþága nauðsynleg ef rafbílavæð-
ingin á að halda áfram.“
Nýjasta viðbótin við rafbílaflotann
er Kangoo-rafbílar frá Renault.
„Fimmtán bílar eru á leiðinni og eru
þeir allir þegar seldir, og lofar mjög
góðu,“ segir Skúli.
Hér kunna lesendur að staldra ögn
við, því margir eiga það til að tengja
rafbíla við lítinn kraft og stutt drægi,
sem er einmitt það síðasta sem sendi-
bíll þarf á að halda. Skúli segir hins
vegar að þvert á móti hafi rafbílar
meiri kraft og togið komi strax við
lágan snúning. Skúli segir Kangoo-
rafbílana sérlega góðan og hag-
kvæman kost fyrir vörusendingar
innanbæjar. „Ef við áætlum af mjög
mikilli varkárni má reikna með að
þessir bílar geti af miklu öryggi
ferðast 100-120 km á einni hleðslu við
verstu og köldustu aðstæður. Er það
meira en nóg fyrir fjölmargar dag-
legar ferðir frá einum enda höfuð-
borgarsvæðisins til annars en við
bestu aðstæður fara þessir bílar 140
km á hleðslunni,“ segir hann.
„Þá eru þessir bílar fljótir að hlaða
sig og t.d. hægt að stinga bílnum í
samband nærri tómum þegar sendl-
arnir fara í hádegismat og vera með
næga hleðslu til að endast út vinnu-
daginn þegar matarhléinu er lokið.“
Dæmið hefur breyst
Gagnrýnendur bentu á fyrir nokkr-
um árum að þegar dæmið er reiknað
til enda væru rafbílar ekki endilega
hagkvæmari en bensín- og dísilbílar.
Var þá mikill munur á kaupverði og
vó hátt bílverðið á móti eldsneytis-
kostnaði, jafnvel eftir langa notkun.
Skúli segir verð rafbíla hafa lækkað
svo hratt að reikningsforsendurnar
hafi breyst og í dag megi reikna með
að sumir rafbílar byrji að borga sig
m.v. bensínbíl strax eftir fyrsta árið í
venjulegum akstri. „Í tilviki sendibíls
er notkunin mun meiri og sparnaður-
inn því fyrr að koma fram. Höfum við
reiknað út að borið saman við sam-
bærilegan bensín- eða dísilbíl lækkar
raf-Kangoo árlegan rekstrarkostnað
um allt að 90%. Er ekki aðeins verið
að spara bensínkaupin heldur einnig
viðhalds- og viðgerðakostnað því í
rafmótornum eru mun færri hreyf-
anlegir hlutar og mæðir líka minna á
bremsum. Er ekkert pústkerfi sem
getur bilað eða ýmsir skynjarar sem
tengjast hefðbundnum vélum og geta
farið að gefa sig.“
Bílum á borð við raf-Kangoo má
svo einfaldlega stinga í samband í
hvaða innstungu sem er. „Flestir sem
kaupa rafbíl velja samt að fjárfesta í
heimahleðslustöð til að setja þá t.d. í
bílskúrinn eða á lagersvæðið. Stöðv-
arnar kosta um 250.000 kr. uppsettar
og með þeim er hægt að hlaða raf-
hlöðurnar frá núlli og upp í fulla
hleðslu á aðeins fjórum tímum.“
ai@mbl.is
Rafbílarnir hafa sannað sig
Raf-Kangoo-sendibílar
frá Renault eru væntan-
legir til landsins og
gætu lækkað rekstrar-
kostnað um 90%. Skúli
hjá BL segir rafbíla snið-
ugan kost fyrir sam-
göngur og sendingar
innanbæjar.
Flestir sem kaupa rafbíl
velja samt að fjárfesta í
heimahleðslustöð til að
setja þá t.d. í bílskúrinn
eða á lagersvæðið. Stöðv-
arnar kosta um 250.000
kr. uppsettar.
Morgunblaðið/Golli
Jepplingaæði „Við höfum selt mikið af millistórum og stórum jepplingum. Hefur t.d. Nissan Qashqai-jepplingurinn slegið
heldur betur í gegn, enda valinn bíll ársins í sínum flokki af íslenskum bílablaðamönnum,“ segir Skúli Skúlason.
Salan á lúxusbílum virðist vera
tekin að glæðast á ný og segir
Skúli að töluverð hreyfing sé á
bæði BMW og Land Rover-bílum.
Styttist í að áhugaverður nýr
BMW í 2-línunni verði kynntur og
reiknar Skúli með að bíllinn falli í
kramið hjá Íslendingum. „Þetta er
bíll í C-stærðarflokki í skutbíls-
útgáfu, hvorki of smár né of stór
og mjög rúmgóður. Með öllum
þeim lúxus og gæðum sem fylgja
BMW kostar bíllinn ekki nema um
fimm milljónir en bílar af sömu
stærð frá öðrum hefðbundnum
framleiðendum kosta í mörgum
tilvikum um og yfir fjórar millj-
ónir.“
Mikil hlutfallsleg aukning hefur
orðið í sölu Land Rover jeppa og
nefnir Skúli m.a. hinn snagg-
aralega Range Rover Evoque, sem
meðal annars er þekktur fyrir að
hafa verið hannaður með aðkomu
Viktoríu Beckham. „Bæði karlar
og konur kaupa þennan bíl, en af
lúxus-jeppunum sem finna má á
markaðinum þykir Evoque vera sá
sem höfðar hvað sterkast til
kvenna enda sérlega smekklegur
bíll jafnt að innan sem utan.“
Áhugaverð-
ur BMW
á leiðinni