Morgunblaðið - 10.10.2014, Blaðsíða 14

14 | MORGUNBLAÐIÐ
M
ítra er rótgróið heild-
sölufyrirtæki á dekkja-
markaði. Frá árinu
1996 hefur Mítra flutt
inn hjólbarða og hvers
kyns rekstrarvörur fyrir hjólbarða-
verkstæði til dreifingar um land allt.
Er Mítra m.a. umboðsaðili banda-
ríska dekkjaframleiðandans Hercu-
les og kínverska framleiðandans Sa-
ilun. Starfsmenn eru fjórir talsins
en með samtals yfir hundrað ára
starfsreynslu.
Magnús Arnarson er fram-
kvæmdastjóri fyrirtækisins. Hann
segir sölu á dekkjum hafa gengið
ágætlega á undanförnum árum.
Mikill samdráttur hafi orðið í sölu
vörubíla og stærri dekkja en Mítra
flytji ekki inn dekk í þeim stærðum.
Sá samdráttur sem varð í sölu nýrra
fólksbíla þýddi að dekkjasalan varð
virkari en ella. „Þegar fólk sá að það
þurfti að slá því á frest að kaupa
nýjan bíl varð það viljugra til að
hugsa betur um gamla bílinn og
gæta þess að aka ekki um á of göml-
um og lélegum dekkjum.“
Hélt markaðurinn sér nokkuð vel
þrátt fyrir hækkun á heimsmark-
aðsverði á hjólbörðum. Magnús seg-
ir að hækkunin sé nú óðara að
ganga til baka en þar bjó að baki
samdráttur í framboði á dekkjum.
„Þegar alþjóðlega fjármálakreppan
skall á dróst framleiðsla dekkja
saman og jafnvel var heilu verk-
smiðjunun lokað enda reiknuðu
framleiðendur með samdrætti á
bílamarkaði. Virðist samt sem heilt
yfir hafi verið stigið of fast á brems-
una því árið 2010 fer að verða vart
við hörgul á dekkjum. Þó svo að sala
nýrra bíla hefði minnkað hélt fólk
áfram að keyra gömlu bílana sína og
slíta hjólbörðunum sem áður fyrr.“
Kínverjarnir koma
Frá stofnun Mítra hefur landslagið
á dekkjamarkaði breyst töluvert.
Segir Magnús athyglisverðast bæði
hvað iðnaðurinn hefur tæknivæðst
svo að dekkjaframleiðslan er minna
mannaflsfrek en áður, og einnig að
kínverskir framleiðendur hafa látið
rækilega að sér kveða.
„Hjólbarðasmíði fór áður mikið til
fram í höndunum og um 80% af
framleiðslunni gerð handvirkt. Í dag
hafa hlutföllin snúist við og senni-
legt að tæknin sjái um 80-90% af
vinnunni við hvern hjólbarða. Þetta
þýðir að launakostnaður hefur mun
minna að segja um staðsetningu
hjólbarðaverksmiðja og sjáum við
þessa framleiðslu færast á ný
svæði.“
Kínverjarnir eru í dag orðnir
mjög áberandi á dekkjamarkaði og
deildar meiningar um gæði og áreið-
anleika kínverskrar framleiðslu.
Magnús segir kínversku dekkin
mjög misjöfn að gæðum. „Við vorum
mjög heppnir með framleiðanda og
hefur reynslan sýnt að hjá Sailun er
mönnum alvara með að framleiða
vönduð dekk. Er líka rétt að hafa
hugfast að öll kínversk dekk sem
seld eru í Evrópu þurfa að fullnægja
evrópskum stöðlum og veitir það
neytendum tryggingu fyrir
ákveðnum gæðum.“
Magnús minnir á að þetta sé ekki
í fyrsta skipti sem vestrænn mark-
aður er tortrygginn í garð dekkja
frá nýjum framleiðendum í Austur-
Asíu. „Við sem eldri erum munum
hvernig viðbrögðin voru við jap-
önskum og suðurkóreskum dekkjum
á sínum tíma. Hankook og Kumho
komu ekki á markað fyrr en á 9. ára-
tugnum – það er ekki lengra síðan –
en í dag eru suðurkóresku dekkja-
framleiðendurnir með þeim stærstu
og virtustu í heiminum.“
Val neytenda virðist líka sýna að
markaðurinn er fljótur að meta hvar
verð og gæði fara saman. „Nú hafa
kínversk dekk verið fáanleg á Ís-
landi í 10-15 ár og ökumenn hér á
landi margir búnir að læra að með
þessum dekkjum fæst mikið fyrir
peninginn.“
Verðið á niðurleið
Talandi um peninga þá segir Magn-
ús hreykinn frá því að verðið á
dekkjum hafi lækkað nokkuð skarp-
lega undanfarið. Í krafti hagstæðra
samninga og lækkandi heimsmark-
aðsverðs lækkaði Mítra nýlega verð-
ið á flestum gerðum dekkja um 10-
30%. Er því verðið engin afsökun
fyrir því að halda út í veturinn á
rennisléttum hjólbörðum.
Segir Magnús bera nokkuð á því á
götum borgarinnar að dekk eru ekki
í nógu góðu ástandi. Hann skrifar
þennan vanda einkum á vanþekk-
ingu. „Fólk held ég að bæði vilji aka
um á góðum dekkjum og hafi efni á
því en kunni ekki að greina þegar
dekkin eru orðin of slitin og tíma-
bært að skipta.“
Á öllum hjólbörðum eiga að vera
merkingar í mynstrinu sem nota má
til að sjá glögglega hvenær slitið er
orðið of mikið. Er voðinn vís ef ekið
er af stað á slitnu dekki, hvað þá ef
væta, snjór eða ís er á vegum.
Að sögn Magnúsar er ekki hægt
að gefa neina þumalputtareglu um
hversu langt á að vera á milli
dekkjakaupa. Slitið á dekkjunum
fari mjög eftir aksturslagi og hversu
vel er gætt að því að viðhalda rétt-
um þrýstingi í dekkjunum. „Þeir
sem spóla af stað á öllum gatnamót-
um slíta dekkjunum hraðar og
sömuleiðis endast dekkin skemur ef
rangur loftþrýstingur eða rangt
hjólbil breiðir slitinu ójafnt um yf-
irborðið. Getur munað þúsundum
kílómetra á endingu dekkjanna eftir
því hversu vel er hugað að þessum
atriðum.“
ai@mbl.is
Kínverjunum er full alvara
Kínverskir dekkjafram-
leiðendur hafa sýnt og
sannað að þeir geta
smíðað vandaða hjól-
barða. Magnús hjá Mítra
segir þróunina minna á
þegar Suður-Kóreu-
menn komu fyrst inn á
dekkjamarkaðinn.
Fólk held ég að bæði vilji
aka um á góðum dekkjum
og hafi efni á því en kunni
ekki að greina þegar dekk-
in eru orðin of slitin og
tímabært að skipta.
Morgunblaðið/Árni Sæberg
Sviptingar „Við sem eldri erum munum hvernig viðbrögðin voru við japönskum og suðurkóreskum dekkjum á sínum tíma,“ segir Magnús Arnarsson.
Morgunblaðið/Árni Sæberg
Sparnaður Aksturslag ökumanns og hversu vel er hugað að þrýstingi i dekkjum
getur hæglega lengt eða stytt líftima dekkja um þúsundir kílómetra.
Á þessum árstíma hefst iðulega líf-
leg umræða um kosti og galla nagla-
dekkja. Veðurfarið að vetri til virðist
verða mildara með hverju árinu og
þykir sumum nagladekkin fara helst
til illa með vegi og spæna upp
óheilsusamlegu ryki.
Magnús segir heilsársdekk ágæt-
an kost fyrir þá sem búa á höf-
uðborgarsvæðinu og þurfa ekki að
ferðast út á land yfir veturinn.
„Heilsársdekkin svokölluðu eru í
raun bara ónegld dekk með vetr-
armynstri og grípa ágætlega í snjó
og ekki síður í vætu. Í vetrarveðrum
er samt öryggið alltaf mest með
nagladekkjum.“
Hann minnir á að jafnvel þó götur
borgarinnar séu vandlega hreins-
aðar af snjó þá verði ekki hjá því
komist að hálka myndist. „Á SV-
horninu er hætt við ísingu bæði að
morgni og kvöldi þó svo ekki sé snjór
á vegum og þá er vissara að aka
þeim mun varlegar ef dekkin eru
ónegld.“
Er Magnús á þeirri skoðun að ekki
komi annað til greina en nagladekk
ef bílnum er ekið út fyrir bæj-
armörkin yfir veturinn. „Hvort sem
stendur til að heimsækja Gunnu
frænku austur á Selfossi eða kíkja á
sumarbústaðinn í Grímsnesi þá þarf
nagla.“
Naglar eða ekki naglar
ÓSAL VARAHLUTAVERSLUN • TANGARHÖFÐA 4
110 REYKJAVÍK • SÍMI: 515-7200 • FAX: 515-7201
NETFANG: osal@osal.is • www.osal.is
Nýtt á lager!
Bodyhlutir
á vörubíla
Mercedes-Benz
MAN
Scania
Volvo
o.fl
Varahlutasala o þjónusta
Ósal sérhæfir sig í þjónustu
og varahlutasölu í aftaní-
vagna af öllum gerðum.
Allt frá ljósaperum upp
í vagnöxla.
Ásetning á bremsuborðum.
Bilanagreining í bremsukerfum vagna.
Stilling á loftventlum.
Sérpantanir á vara hlutum.