Fréttablaðið - 16.03.2013, Blaðsíða 48

FÓLK|HELGIN
FÓLK ER KYNNINGARBLAÐ sem býður aug-
lýsendum að kynna vörur og þjónustu í formi
viðtala og umfjallana ásamt hefðbundnum auglýs-
ingum. Blaðið fylgir Fréttablaðinu daglega.
Útgefandi: 365 miðlar | Ábyrgðarmaður: Jón Laufdal
Sölumenn: Jónína María Hafsteinsdóttir, jmh@365.is, s. 512 5473
Sverrir Birgir Sverrisson, sverrirbs@365.is, s. 512 5432
Elsa Jensdóttir, elsaj@365.is, s. 512-5427 | Hönnun: Silja Ástþórsdóttir
Það er yndisleg tilfinning, rosa-lega gaman og stórkostlegt afrek að vera heimsins fegursti
bikiníkroppur. Því dáist ég vitaskuld
að spegilmynd minni enda ánægð
með líkamsformið eftir að hafa lagt
hart að mér. Ég hef uppskorið eins
og ég sáði,“ segir Íris Arna glaðlega
og má víst vera stolt af sjálfri
sér eftir að hafa sigrað fjörutíu
bikiníkroppa á heimsmeistara-
mótinu í Bikiní fitness í Kanada
í haust.
„Ég er heimsmeistari og
hampa titlinum Bikini Diva
Model,“ segir Íris Arna og bros-
ir. „Auðvitað er alltaf smávegis
öfund en ég finn mest fyrir ein-
lægri aðdáun og að fólk samgleðj-
ist mér. Ég vek athygli hvar sem ég
fer en hef bara gaman að því.“
Íris Arna fæddist í sumarbyrjun
1987 og var alin upp í Grafarvoginum.
Hún lauk BS-gráðu í sálfræði síðastliðið
vor og flyst eftir páska til Mílanó til að
hefja meistaranám í vörumerkjastjórn og
markaðs fræði.
„Eflaust er ég draumakroppur margra
en ég á kærasta, er honum trú og afar ham-
ingjusöm. Mér hefur reyndar verið uppá-
lagt að lita hárið dökkt áður en við komum
okkur fyrir meðal blóðheitra Ítala en við
hlökkum til að búa í því heillandi landi,“
segir Íris Arna um unnustann Kristján
Kröyer, Íslandsmeistara í fitness.
„Stuðningur hans er ómetanlegur og við
samstíga í ræktinni. Það skiptir sköpum
því það væri erfiðara að vera með manni
sem snæddi pitsur og kökur í öll mál.”
Íris Arna fékk sér fyrsta líkamsræktarkortið
á fermingarárinu og hefur stundað ræktina
síðan. „Hollur lífsstíll og líkamsrækt hefur
alltaf verið áhugamál. Ég byrjaði í módel
fitness 2009 og varð Íslandsmeistari sama
ár. Síðan hefur orðið mikill munur á líkams-
forminu þótt ég hafi alltaf verið í góðu
formi,“ upplýsir Íris Arna sem æfir níu
sinnum í viku.
Hún segir lífsstílinn agaðan en mestu
vinnuna felast í niðurskurði fyrir keppnir.
„Hvíldardaginn held ég heilagan en æfi
hina daga vikunnar og hef gaman af. Ég hef
aldrei fundið fyrir uppgjöf né neikvæðum
fylgifiskum sem stundum er talað um. Jafn-
framt veit ég að módel fitness hentar ekki
nema þeim sem hafa brennandi áhuga á
líkamsrækt, hafa stundað hana lengi og eru
keppnismanneskjur í sér. Það dugar ekki
að ætla sér í keppnisform á stuttum tíma
og hafa aldrei lyft lóðum. Slíkt getur varla
endað vel en fyrir hinar er þetta áreynslu-
laust í samanburði.“
Íris Arna er heimsmeistari vegna sláandi
fagurs líkamsvaxtar, útgeislunar, líkams-
burðar og sviðsframkomu.
„Sjálfstraust eykst mikið við að vera
í svo góðu formi og manni líður vel að
ástunda holla lífshætti og vera upp á sitt
besta. Ég er mikill sælgætisgrís en þarf
að gíra mig upp í sælgætisát eftir viku-
langa hollustu. Mér finnst því best að hafa
nammidaga báða helgardagana því þá
borða ég minna í einu en næri nammigrís-
inn tvisvar.“
Íris Arna hefur eignast góðar vinkonur
í flokki kvenna í módel fitness. „Á milli
okkar er enginn mórall né leiðindi; bara
stuðningur og gleði. Við stofnuðum sauma-
klúbbinn Fatness og hittumst stundum
með hnallþórur og sætabrauð til að gera
vel við okkur. Slíkt verður að vera með; hitt
verður leiðigjarnt til lengdar.“
Íris Arna skipar nú flokk atvinnukvenna
í módel fitness og hefur titil að verja í Las
Vegas í ágúst. „Á sumrin vil ég geta leyft
mér meira og því leiðinlegra að vera í
niðurskurði. Ég býst þó við að skella mér í
heimsmeistarakeppnina og etja kappi við
sigurvegarana frá árunum áður. Það verður
erfitt en verðugt verkefni.“ ■ thordis@365.is
FLOTTUST Í BIKINÍI
HEIMSMEISTARI Íris Arna Geirsdóttir er með vottorð um að vera fegursti bikiníkroppur
heims. Henni er ráðlagt að dekkja hárið áður en hún flyst meðal blóðheitra Ítala.
Cintamani frumsýndi nýju haust- og vetrarlínuna sína á opnun
Hönnunarmars í gær. Hún er að hluta unnin í samstarfi við mynd-
listarmanninn Tolla og innblásin af verkum hans.
Framlag fyrirtækisins til Hönnunarmars er útstillingargluggi í
versluninni að Bankastræti 7 með nýju vetrarlínunni. Í vinstra glugg-
anum eru eingöngu vörur innblásnar af verkum Tolla en um tvenns
konar munstur er að ræða. „Annars vegar svarthvítt munstur sem
er tekið beint upp úr verki eftir hann og hins vegar munstur í lit sem
sækir innblástur til verkanna. Það munstur minnir á fjallgarða og er
appelsínuguli liturinn áberandi. Munstrið prýðir sömuleiðis hluta
gluggans og kallast á við flíkurnar,“ segir Sigrún Guðný Markús-
dóttir, vörumerkjastjóri og yfirmaður hönnunardeildar Cintamani.
Í hægra glugganum eru svo aðrar flíkur sem tilheyra haust- og
vetrarlínunni 2013 til 2014 en þar er litadýrðin áberandi. „Við
verðum ekki með tískusýningu í ár en þetta er okkar framlag og
vonumst við til að gluggarnir gleðji augu vegfarenda,“ segir Sigrún.
INNSETNING Flíkurnar í þessum glugga eru innblásnar af verkum Tolla.
INNBLÁSTUR FRÁ TOLLA
Hluti haust- og vetrarlínu útivistarfyrirtækisins
Cintamani er innblásinn af verkum myndlistar-
mannsins Tolla. Innsetningu með vörunum má sjá í
útstillingarglugga verslunarinnar að Bankastræti 7.
Rúmföt frá 8.390 kr
Dúnsæng 24.990 kr
Föndra,
Dalvegi 18, Kópavogi
s. 5686500
Föndra
Sunnuhlíð, Akureyri.
s. 4622204
Ný sending af garni
og prjónablöðum
Ýmis tilboð í garndeild
25% afsláttur
af Eskimo og Polaris
KROPPUR
Íris Arna segir
mikinn heiður að
verða heimsmeist-
ari í módel fitness
og hún hefur
fengið mörg
tilboð um
módelstörf í
kjölfarið.