Fréttablaðið - 16.03.2013, Blaðsíða 84

16. mars 2013 LAUGARDAGUR| HELGIN | 52
➜ Hamilton gegn Alonso gegn
Vettel gegn Räikkönen
Fjórmenningarnir Lewis Hamilton, Fernando
Alonso, Sebastian Vettel og Kimi Räikkönen
munu að öllum líkindum gera mest tilkall til
heimsmeistaratitilsins þegar líður á. Fyrstu
mótin gætu reynst gríðarlega mikilvæg.
➜ Hver hefur besta bílinn í júlí?
Tæknistríðið verður háð á fyrrihluta tímabils-
ins í ár því í ágúst munu tæknimenn liðanna
snúa sér að bílum næsta árs.
➜ Caterham og Marussia
Litlu liðin á ráslínunni munu heyja lífs-
baráttu enda er mikið af peningum í
húfi fyrir liðið sem nær betri árangri á
brautinni á tímabilinu. HRT-liðið er til
að mynda gjaldþrota eftir tap síðasta
árs.
➜ Valtteri Bottas
Hinn finnski Bottas, nýliði hjá
Williams-liðinu, gæti reynst
Pastor Maldonado erfiður
andstæðingur í ár. Miklar
vonir eru bundnar við
Bottas og gæti hann
orðið næsti „Finninn
fljúgandi“.
Í nótt sýndu keppnisliðin í Formúlu 1 trompin sín
þegar tímatakan fyrir fyrsta mót ársins fór fram
í Ástralíu. Búist er við jafnri titilbaráttu í ár og
óvæntum úrslitum. Fimm heimsmeistarar ræsa í
kappakstrinum í fyrramálið.
Keppnisvertíðin í Formúlu 1 hefst á sunnudags morgun þegar ljósin slokkna á ráslínunni í Melbourne í Ástralíu. Fimm ný liðar hefja sitt fyrsta mót í
mótaröðinni vinsælu og jafn margir
heimsmeistarar vonast til að krækja
í titilinn góða á ný.
Ef eitthvað er að marka æfingar
og prófanir keppnisliðanna á undir-
búningstímabilinu sem lauk í byrjun
mánaðarins má búast við virkilega
jafnri keppni þetta árið. Tækniregl-
urnar eru þær sömu og í fyrra svo
bílarnir verða að öllum líkindum
jafnari.
„Enginn veit hver hefur burði til
að vinna mót í ár,“ sagði Fernando
Alonso við fjölmiðla í Ástralíu í vik-
unni. Hann var valinn ökuþór árs-
ins 2012 eftir að hafa verið hreint
út sagt stórkostlegur fyrir Ferr-
ari-liðið. „Af efstu fimm mönnum
á æfingunum er erfitt að sjá hver
hefur yfirhöndina. Það er mjög erf-
itt að velja líklegan sigurvegara.“
Stóru liðin fjögur, Red Bull, Ferr-
ari, McLaren og Lotus, gera öll til-
kall til heimsmeistaratitilsins. Svo
má auðvitað ekki gleyma Mercedes-
liðinu sem eftir brösótt gengi í fyrra
hefur smíðað hraðskreiðan bíl. Enn
betri ástæða til að líta ekki fram
hjá Mercedes er að Lewis Hamilton
ekur fyrir liðið í fyrsta sinn í ár.
Hamilton og liðsfélagi hans Nico
Rosberg voru ofboðslega fljótir á
síðustu æfingum undirbúningstíma-
bilsins í Barcelona svo auðséð er að
græjurnar þeirra virka.
Brautin í Melbourne liggur á
strætunum umhverfis Albert Park-
skemmtigarðinn þar í borg. „Þetta
er götubraut og þær eru aldrei auð-
veldar. Þetta verður því nokkur
eldskírn fyrir nýliðana,“ segir Ant-
hony Davidson, fyrrverandi Form-
úlu 1-ökuþór.
Breytingar í nánd
Formúla 1 mun hins vegar ganga
í gegnum breytingar á næsta ári
þegar nýjar reglur taka gildi. Vélar-
rúmið verður minnkað en á vélarn-
ar sett forþjappa.
Liðstjórar stærstu liðanna full-
yrtu í vetur að mikilvægt væri að
koma með allt á hreinu til leiks því
túrbínuhlaðnar V6-vélar ársins 2014
munu fá alla athygli tæknimanna
liðanna strax í ágúst. Tæknistríðið
verður þar af leiðandi háð í byrjun
tímabils en ekki í lok þess. Það mun
gera tímabilið 2013 enn áhugaverð-
ara fyrir vikið.
Dekkin stór breyta
Enn á ný virðist ítalski dekkjafram-
leiðandinn Pirelli hafa framleitt
óútreiknanleg dekk undir Formúlu
1-bíla ársins. Öll liðin eru skyldug
til að nota fyrir fram ákveðnar
gerðir Pirelli-dekkja í hverju móti.
Dekkin gáfu öllum liðum höfuðverk
við undirbúninginn því þau virðast
eyðast hratt; gefa takmarkað grip í
takmarkaðan tíma. Það er því von á
fleiri viðgerðarhléum í mótum árs-
ins en við höfum áður vanist. Einn-
ig má fastlega búast við óvæntum
stjörnum eins og í fyrra en eftir-
minnilegt er þegar Pastor Mald-
onado vann Spánarkappaksturinn
fyrir Williams í fyrra.
Um leið og keppnisbílarnir verða
jafnari verður það meira undir öku-
þórunum komið að ná góðu sæti og
sækja stig. Dekkin munu svo gera
liðstjórum og reiknimeisturum lið-
anna erfiðara fyrir þegar keppnis-
áætlanirnar verða ákveðnar. Það
bendir því allt til þess
að keppnisvertíðin
2013 verði hörku-
spennandi.
Birgir Þór
Harðarson
birgirh@frettabladid.is
FYLGIST
VEL
MEÐ …
1. ÁSTRALÍA
17. MARS
2. MALASÍA
24. MARS
7. KANADA
9. JÚNÍ
3. KÍNA
14. APRÍL
8. BRETLAND
30. JÚNÍ
4. BAREIN
21. APRÍL
9. ÞÝSKALAND
7. JÚLÍ
10. UNGVERJALAND
28. JÚLÍ
11. BELGÍA
25. ÁGÚST
16. INDLAND
27. OKTÓBER
12. ÍTALÍA
8. SEPTEMBER
14. SUÐURKÓREA
6. OKTÓBER
15. JAPAN
13. OKTÓBER
19. BRASILÍA
24. NÓVEMBER
Ástralski kappaksturinn
er í beinni útsendingu á
STÖÐ 2 SPORT
klukkan 05.40 á
sunnudagsmorgun.
13. SINGAPÚR
22. SEPTEMBER
5. SPÁNN
12. MAÍ
6. MÓNAKÓ
26. MAÍ
17. ABU DHABI
3. NÓVEMBER
18. BANDARÍKIN
17. NÓVEMBER
ENGIN LEIÐ
AÐ SPÁ UM
ÚRSLITIN