Fréttablaðið - 16.03.2013, Qupperneq 104

16. mars 2013 LAUGARDAGUR | MENNING | 72
TÖLVULEIKUR ★★★★ ★
Tomb Raider
Square Enix
Í nýjasta Tomb Raider-leiknum
fáum við að kynnast forsögu Löru
Croft. Síðastliðin ár hafa Tomb
Raider-leikirnir verið misgóðir
og í flestum tilfellum ekki náð að
standast væntingar aðdáenda, en
í þessum nýja Tomb Raider-leik
er reynt að blása nýju lífi í frek-
ar þreytta leikjaseríu. Að þessu
sinni fáum við að kynnast Löru
Croft sem frekar saklausri tilfinn-
ingaveru. Á leið sinni í fornminja-
leit lenda Lara Croft og fylgdarlið
hennar í sjóslysi og endar hópur-
inn á eyju þar sem þau komast í
kynni við skuggalegan költ-hóp.
Í kjölfarið hefst æsispennandi
atburðarás þar sem Lara Croft
þarf að kanna eyjuna, leysa þraut-
ir, verjast árásum og forða sér frá
sprengingum og hrynjandi hellum.
Spilun leiksins er vel heppnuð
og nokkuð auðveld. Spilarinn þarf
ekki að leggja marga stjórntakka
á minnið þar sem leikurinn minnir
spilarann sífellt á hvað takkarnir
gera. Fyrstu klukkutímana aðstoð-
ar leikurinn spilarann óvenju
mikið og verða leiðbeiningar leiks-
ins fljótt þreytandi fyrir vana
spilara sem vilja henda sér beint
út í djúpu laugina en áhugaverð
saga og mikill hasar ná að halda
manni við efnið. Það er ekki fyrr
en í síðari hluta leiksins sem hann
hættir að hugsa fyrir spilarann og
loks fær hann að leysa verkefnin
sjálfur. Leikurinn byggir fyrst og
fremst á einspilun þar sem hægt
er að spila í gegnum söguþráðinn
og klára ýmis minni aukaverk-
efni sem tekur samanlagt góða tíu
til fjórtán klukkutíma að klára.
Sagan hefur sínar hæðir og lægð-
ir en heldur manni þó ávallt við
efnið. Betur hefði þó mátt standa
að talsetningu leiksins sem er á
köflum ansi slöpp. Fjölspilun leiks-
ins er frekar óspennandi og bætir
litlu við leikinn.
Grafíkin í Tomb Raider er ótrú-
leg og heildarútlit leiksins einstak-
lega vel heppnað. Þó svo að leik-
urinn bjóði upp á þekkta formúlu
sem er iðulega notuð í þriðju pers-
ónu ævintýraleikjum nær stór-
brotið útsýni, úthugsuð staðsetn-
ing myndavéla og kröftug tónlist
að ýta undir nýja og skemmtilega
upplifun. Það hefði mátt leggja
meiri áherslu á þrautir í leiknum
en á heildina litið er afraksturinn
vel heppnaður og gaman að sjá
eina merkustu kvenhetju tölvu-
leikjasögunnar snúa aftur.
Bjarki Þór Jónsson
NIÐURSTAÐA: Nýi Tomb Raider-
leikurinn nær að blása nýju lífi í
leikjaseríuna með miklum hasar,
skemmtilegum þrautum og fallegri
framsetningu.
Besti Tomb Raider
í langan tíma
TOMB RAIDER „Grafíkin í Tomb Raider er ótrúleg og heildarútlit leiksins
einstaklega vel heppnað.“
Vöðvabúntið Dwayne Johnson hefur mikinn áhuga á að leika í
myndinni Star Wars Episode 7 sem er í undirbúningi.
Johnson, sem lék hasarmyndahetju í G.I. Joe, hefur verið aðdá-
andi Star Wars síðan í barnæsku og þætti ekkert betra en að fá hlut-
verk í nýjustu myndinni. „Þegar ég var lítill lék ég mér með tvenns
konar hasarfígúrur, G.I. Joe og Star Wars,“ sagði hann við áströlsku
vef síðuna New.com.au. „Vegna þess að við áttum ekki mikinn pening
var ég vanur að stela þeim. Ég reif umbúðirnar upp í búðum og
stakk fígúrunum í vasann, eins og margir krakkar gerðu. Ég náðist
nokkrum sinnum og var skammaður af foreldrum mínum.“
Johnson hoppaði hæð sína þegar hann fékk hlutverkið í G.I. Joe.
„Þetta var eins og að fá símtal frá George Lucas [höfundi Star Wars]
þar sem hann myndi spyrja mig: „Viltu leika í Star Wars?“,“ sagði
hann.
Leikarinn hefur augastað á fleiri hlutverkum því hann langar mikið
að leika í The Expendables 3, enda er hann góður vinur leikstjórans og
aðalleikara myndanna, Sylvesters Stallone.
Langar í Star Wars 7
Dwayne Johnson hefur áhuga á framhaldsmyndinni.
DWAYNE JOHNSON Johnson, sem áður kallaði sig The Rock, vill leika í Star Wars.
NORDICPHOTOS/GETTY
Vel klæddur
herramaður
Innkaupamaðurinn Justin O´Shea vekur athygli fyrir fágaðan
klæðaburð hvert sem hann fer. O´Shea sér um innkaup fyrir
vefverslunina Mytheresa.com og er eft irlæti götutískuljós-
myndara um allan heim. Það er líklega skeggið, húðfl úrið,
sólgleraugun og úthugsaðar samsetningar á fl íkum sem
heilla og nokkuð ljóst að margir karlmenn mættu taka sér
hann til fyrirmyndar í herratískunni.
PÚSSAÐIR
SKÓR
Smáatriðin
skipta máli
en hér má sjá
vel pússaða
skó O´Shea.
FRAKKI Hér má sjá O´Shea fyrir utan
tískusýningu í New York í flottum frakka.
RÖNDÓTT Röndótta skyrtan tekur sig vel
út undir svörtum klæðnaði.
NORDICPHOTOS/GETTY
ÞRÖNGAR BUXUR
O´Shea klæðist
gjarnan svörtum
flíkum þar sem
húðflúrin setja
skemmti legan svip á
heildarmyndina.