Fréttablaðið - 02.05.2013, Side 52

2. maí 2013 FIMMTUDAGUR| TÍMAMÓT | 36TÍMAMÓT
Tilkynningar um merkis atburði, stórafmæli
og útfarir má senda á netfangið
timamot@frettabladid.is.
Auglýsingar á að senda á auglysingar@frettabladid.is
eða hringja í síma 512 5000.
Á þessum degi árið 1957 dó bandaríski
öldungadeildarþingmaðurinn Joseph
McCarthy. Hann fór fremstur í flokki
í baráttunni gegn „rauðu hættunni“;
ofstækis fullum nornaveiðum gegn
meintum kommúnistum í Bandaríkjunum
á eftirstríðsárunum.
McCarthy fæddist í smábæ í Wisconsin
árið 1908. Hann barðist í síðari heims-
styrjöldinni en ákvað að gerast stjórnmála-
maður þegar hann sneri aftur heim. Eftir
eina misheppnaða tilraun vann hann
sæti í öldungadeild bandaríska þingsins
árið 1946. Fyrstu ár hans í embætti voru
tíðindalítil og þegar nær dró kosningum
árið 1950 sárvantaði hann málefni til að
gera út á. Þótt hann þekkti lítið til málsins
ákvað hann að beina spjótum sínum að
kommúnistum í Bandaríkjunum og vakti
mikla athygli þegar hann hélt því fram að
í utanríkis ráðuneytinu störfuðu rúmlega
200 kommúnistar.
Á næstu fjórum árum náði „rauða
hættan“ hysterískum hæðum en fáir átt-
uðu sig á að McCarthy afhjúpaði ekki einn
einasta kommúnista í nornaveiðum sínum.
Árið 1954 var farið að síga á ógæfu-
hliðina hjá McCarthy og kornið sem
fyllti mælinn var þegar hann sakaði
bandaríska herinn um linkind gagnvart
kommúnistum. Sama ár var yfirheyrslum
hans sjónvarpað og almenningur sá
ofstækisfulla hegðun hans með eigin
augum.
ÞETTA GERÐIST 2. MAÍ 1957
Joseph McCarthy deyr
Þegar fólk les þetta er ég á leiðinni úr
landi með miklu betri helmingnum,“
segir Valtýr Björn Valtýsson íþrótta-
fréttamaður, spurður hvernig hann
hyggist fagna fimmtugasta afmælis-
deginum, sem er í dag. Hann vill þó
ekki gefa upp hvert ferðinni er heit-
ið, það fái enginn nema mamma hans
að vita. Eru þessi tímamót svo skelfi-
leg í hans huga að hann sjái þann kost
vænstan að flýja land? „Upplifunin er
ekkert skelfileg,“ segir hann. „En ég er
svona mátulega hissa. Og ég er ekki að
flýja land. Ég kem aftur. Ég kem alltaf
aftur.“
Valtýr Björn hefur verið íþrótta-
fréttamaður á Stöð 2 og Bylgjunni
eins lengi og menn muna, en hvernig
lenti hann í þessu starfi? „Þetta var
lítið ævintýri sem hófst á Bylgjunni á
Snorrabrautinni árið 1987. Jón Ólafs-
son réði mig þar með handabandi í
Range Rovernum úti á plani.“ Og þar
hefurðu verið síðan, eða hvað? „Nei,
ekki alveg. Það kom smá útúrdúr á
síðasta áratug þegar ég fór aðeins á
flakk. Vann á blöðum, seldi fasteignir
og fleira. En íþróttafréttamennskan er
mínar ær og kýr. Það eru forréttindi
að fá að starfa við áhugamálið. Auk
þess eru hér frábærir vinnufélagar
og góður andi. Það er bara ekkert nei-
kvætt við þetta starf. Hver vinnudagur
er hrein skemmtun.“
Hefurðu sjálfur verið í íþróttum?
„Já, já, ég er gamall Framari. Er
reyndar fæddur og uppalinn á Eski-
firði en flutti í Kópavoginn tólf ára
gamall og fór þá að spila fótbolta með
Fram.“
Hvers vegna spilaðirðu með Fram ef
þú bjóst í Kópavoginum? „Faðir minn
heitinn var mikill Framari og gamall
Íslandsmeistari og hann skráði mig í
Fram og keyrði mig á æfingar þangað
svo ég mætti nú örugglega.“
Og náðirðu einhverjum frama í fót-
boltanum? „Nei, mínum frama lauk á
skurðarborðinu eftir hnémeiðsli sem
ollu því að mér var bannað að spila
fótbolta framar. Þannig endaði sá
draumur.“
Talandi um drauma, eru einhverjir
draumar óuppfylltir á þessum tíma-
mótum? „Já, já, maður á eftir að upp-
lifa ýmislegt. Spila golf á St. Andrews,
hitta hina og þessa og ýmislegt í þeim
dúr. Það kannski verður aldrei, en það
skiptir máli að lifa lífinu lifandi og
njóta þess á meðan maður er hérna
megin á þessu tilvistarstigi.“
Og þú átt von á því að verða í íþrótta-
fréttunum fram til sjötugs? „Ég veit
það nú ekki endilega. Það er allt önnur
Ella. Maður gæti tekið upp á einhverju
allt öðru í framtíðinni. Ég er enn svo
ungur í anda þótt ég ætli ekki að full-
yrða neitt um útlitið.“
fridrikab@frettabladid.is
Ekkert skelfi leg
upplifun, er bara hissa
Valtýr Björn Valtýsson íþróttafréttamaður er fi mmtugur í dag. Hann ætlar að bregða sér í
ferðalag í tilefni tímamótanna en neitar að gefa upp hvert. Aldurinn leggst vel í hann og
hann segist vera ungur í anda, hvað sem segja megi um útlitið.
UNGUR Í ANDA
Valtýr Björn
segir skipta
höfuðmáli að
lifa lífinu lifandi
á meðan maður
er hérna megin.
FRÉTTABLAÐIÐ/STEFÁN
Ástkær eiginmaður minn, faðir okkar,
tengdafaðir, afi og langafi,
KÁRI SÖEBECK KRISTJÁNSSON
Miklubraut 64,
lést á dvalar- og hjúkrunarheimilinu Grund
laugardaginn 27. apríl. Jarðarförin fer fram
föstudaginn 3. maí frá Háteigskirkju kl. 15.00.
Aðalheiður Ísleifsdóttir
Kristín Káradóttir Albert Sigtryggsson
Sigríður Káradóttir Guðjón Guðmundsson
Tryggvi Kárason Guðrún R. Rafnsdóttir
Trausti Kárason Selma Rut Magnúsdóttir
barnabörn og barnabarnabörn.
Okkar ástkæri
ÁRNI ST. HERMANNSSON
áður til heimilis að Gullsmára 9
en lengi búsettur í Þorlákshöfn,
sem lést á hjúkrunarheimilinu Eir
fimmtudaginn 25. apríl sl., verður
jarðsunginn frá Þorlákskirkju í Þorlákshöfn
laugardaginn 4. maí nk. klukkan 14.00.
Ingibjörg Kristjánsdóttir
Jóhanna Lára Árnadóttir Ólafur Lárus Baldursson
Magnea Ásdís Árnadóttir
Ólafur Árnason
Sigurlaug Árnadóttir Árni Jón Eyþórsson
Hermann Valur Árnason
Jón Ingi Árnason
Þórunn Árnadóttir Sveinbjörn Guðmundsson
og aðrir aðstandendur.
Ástkær faðir okkar, tengdafaðir, afi,
langafi og langalangafi,
SKAFTI ÞÓRODDSSON
frá Sigtúni, Fáskrúðsfirði,
sem lést 24. apríl sl., verður jarðsunginn
frá Fáskrúðsfjarðarkirkju laugardaginn 4. maí
klukkan 14.00.
Högni Skaftason Ingeborg Eide Hansdóttir
Arnþór Atli Skaftason Jóna Bára Jakobsdóttir
Gunnþóra Arndís Skaftadóttir Sveinbjörn Sveinbjörnsson
Erla Skaftadóttir Sveinn Sigurjónsson
Magnús Hafsteinn Skaftason Sigríður Garðarsdóttir
Kristján Birgir Skaftason Hafrún Traustadóttir
og fjölskyldur.
Fjölbreytt úrval legsteina
Frí áletrun og uppsetning
Sjá nánar á granithollin.is sími 555 38 88
Bæjarhrauni 26 (á móti Fjarðarkaupum)
Bæjarhrauni 26 - 220 Hafnarfirði
www.granithollin.is
Sími 555 38 88
Ástkær móðir okkar, tengdamóðir,
amma og langamma,
GERÐA JÓNSDÓTTIR
Vesturgötu 7, Reykjavík,
lést á Landspítalanum Fossvogi 27. apríl
2013. Útförin mun fara fram í kyrrþey að ósk
hinnar látnu.
Einar Ólafsson Jónína Margrét Davíðsdóttir
Margrét Sólveig Ólafsdóttir Gústav Kristján Gústavsson
Berglind Gerða Libungan Bjarni Berg Elfarsson
Lisa Anne Libungan Kjartan Benediktsson
Nói Steinn Einarsson Ingunn Eyþórsdóttir
Hafsteinn Þór Einarsson Eva Hrund Guðlaugsdóttir
Sóley Ósk Einarsdóttir Baldur Freyr Óskarsson
Sindri Fannar Ólafsson
Daníel Pálmar Ólafsson
og barnabarnabörn.
Mínum frama lauk á
skurðarborðinu eftir hné-
meiðsli sem ollu því að mér
var bannað að spila fótbolta
framar. Þannig endaði sá
draumur.