Fréttablaðið - 02.05.2013, Síða 78

2. maí 2013 FIMMTUDAGUR| MENNING | 62
Hjálmar og hinn þekkti norski tónlistarmaður
Erlend Øye úr hljómsveitunum Kings of Con-
venience og The Whitest Boy Alive eru að vinna
saman að nýrri plötu. Upptökum er í þann mund
að ljúka hér á landi.
„Hann sá okkur spila í Noregi. Hann fór
að spjalla við okkur og við vorum svo í sam-
bandi yfir netið,“ segir Helgi Svavar Helgason,
trommari Hjálma, spurður út í tilurð samstarfs-
ins. „Hann bókaði okkur á festival í Hollandi
sem hann er að sjá um. Við spiluðum á undan
honum og svo með honum. Í framhaldinu spurði
hann mig hvort ég væri til í að spila með honum
en svo þróaðist það út í að hann kom hingað og
við erum að taka upp nýju plötuna hans.“
Öll lög og textar eru eftir Øye en Hjálmar
spila undir á plötunni.
Aðspurður segir Helgi Svavar það algjöra
snilld að starfa með Norðmanninum. „Þetta er
„spontant“ og skemmtilegur gaur,“ segir hann,
en Helgi, Siggi í Hjálmum og Øye spiluðu óvænt
saman á Slippbarnum í síðustu viku. „Hann
gistir á þessu hóteli og langaði að spila þar.“
Øye spilaði einnig með Hjálmum á Faktorý á
laugardag þar sem nýja efnið var prufukeyrt. - fb
Hjálmar taka upp plötu með Erlend Øye
Upptökum er að ljúka á nýrri plötu sem Hjálmar og Norðmaðurinn Erlend Øye hafa unnið saman.
Í HLJÓÐVERINU Hjálmar og Erlend Øye í Hljóðrita í
Hafnarfirði. Óvíst er hvenær platan kemur út.
FRÉTTABLAÐIÐ/VALLI
➜ Hjálmar munu hugsanlega fara í tón-
leikaferð erlendis með Øye til að fylgja
plötunni eftir.
Auglýsing sem Reynir Lyngdal leik-
stýrði fyrir þýska auglýsingastofu
hefur vakið mikla athygli á vefsíðu
fagtímaritsins Shots, sem er eitt
það þekktasta innan auglýsinga-
bransans.
„Þetta gerist eiginlega ekki betra
í þessum geira, þegar fag aðilarnir
fara að hampa manni,“ segir Reynir.
Auglýsingin var gerð til að koma
hugmyndasmiðum þýsku stofunn-
ar á framfæri, en hún hefur mikið
unnið fyrir Volkswagen í Þýska-
landi. Haft var samband við Reyni
og ákveðið var að auglýsa úlpu frá
66°Norður. Í aðal hlutverkum eru
Halldór Gylfason og Gunnar Hans-
son og fóru tökur fram á einum
degi uppi á Hellisheiði og í Skíða-
skálanum í Hveradölum.
Reynir hefur áður komið efni inn
á vefsíðu Shots. Það var fyrir Thule-
auglýsingarnar sem nutu mikilla
vinsælda fyrir nokkrum árum.
Leikstjórinn hefur haft í nógu að
snúast undanfarið. Á þriðjudags-
kvöld var frumsýnt í Bíó Paradís
nýtt alþjóðlegt tónlistar myndband
sem hann tók upp fyrir Retro
Stefson við lagið Qween. Það fer í
almennar sýningar í dag.
- fb
Auglýsing Reynis á vefsíðu Shots
Auglýsing sem Reynir Lyngdal gerði fyrir þýska auglýsingastofu vekur athygli.
REYNIR LYNGDAL Vekur athygli fyrir
auglýsingu sem hann gerði fyrir þýska
auglýsingastofu.
➜ Reynir er í samstarfi við
Pegasus að vinna að nýrri
þáttaröð af Hamrinum og að
kvikmyndaútgáfu af bók Gerð-
ar Kristnýjar, Garðurinn.
„Ég er húrrandi glaður,“ segir vef-
hönnuðurinn Haraldur Þorleifsson.
Hann vann ein Webby-verðlaun og
tvenn People´s Choice-verðlaun,
sem eru hluti af Webby-verðlaun-
unum, fyrir hönnun kynningarsíðu
fyrir Google Maps.
Webby-verðlaunin eru þau virt-
ustu innan vefheimsins og því um
mikinn heiður að ræða fyrir Har-
ald. „Ég held að þetta séu stærstu
verðlaunin sem er hægt að vinna í
þessum bransa. Öll svona verðlaun
hjálpa til við að auka athygli á því
sem maður er að gera.“
Haraldur, sem er sjálfstætt starf-
andi, hefur á nokkrum árum skap-
að sér sess á meðal fremstu vef-
hönnuða í heiminum. Á ferli sínum
hefur hann unnið fyrir Microsoft,
Motorola og nú síðast Google.
Hann vann Webby-verðlaunin,
sem eru aðalverðlaunin og valin af
dómnefnd, í flokknum „Corporate
Communications“. Hann hlaut
People´s Choice-verðlaunin,
þar sem almenningur gat kosið
hann, í flokkunum „Corporate
Communications“ og „Best Naviga-
tion/Structure“. - fb
Haraldur vann
Webby-verðlaun
Fékk virt vefverðlaun fyrir Google Maps-síðu sína.
SIGURVEGARI Haraldur Þorleifsson
hlaut Webby-verðlaunin fyrir google
maps. FRÉTTABLAÐIÐ/VALLI
„Það má nýta höfuðborgarsvæðið
betur, það þarf ekki allt að gerast
í póstnúmeri 101,“ segir Berglind
Hasler, fréttakona og meðlimur
í hljómsveitinni Prins Póló, sem
stendur fyrir flóamarkaði sem
fram fer í atvinnuhúsnæði við
Nýbýlaveg í Kópavogi um helgina.
Eiginmaður hennar, tónlistar-
maðurinn Svavar Pétur Eysteins-
son, hefur verið henni innan
handar sem sérlegur flóamarkaðs-
ráðgjafi.
Berglind og Svavar þekkja eig-
anda húsnæðisins og það var
hann sem gaukaði flóamarkaðs-
hugmyndinni að þeim. Í næsta húsi
við þau fer fram markaður fyrir
netverslanir og að sögn Berglindar
hefur sá gengið glimrandi vel. „Þar
hefur verið mikil eftirspurn eftir
notuðum hlutum þannig að okkur
þótti þetta alveg rakið og ákváð-
um að kýla á þetta. Við byrjum í
temmilegu plássi fremst í húsinu
en ef vel gengur er stórt port á bak
við húsið sem væri kjörið undir úti-
markaði í sumar. Þar fyrir aftan er
svo enn stærra pláss þannig í raun
er hægt að hafa þetta endalaust,“
segir Berglind og hlær.
Gangi allt að óskum verður
flóamarkaðurinn starfræktur um
hverja helgi í allt sumar. Aðspurð
segir Berglind fjölda fólks þegar
hafa pantað sölubás fyrir kom-
andi helgi og verður hún sjálf í
hópi þeirra. „Við erum að tæma
geymsluna um þessar mundir, hún
er komin inn á stofugólf til okkar.
Alls konar fólk hefur haft samband
og pantað bás þannig að ég held að
úrvalið um helgina verði bæði fjöl-
breytt og spennandi,“ segir hún að
lokum. sara@frettabladid.is
Skipuleggur fl óa-
markað í Kópavogi
Berglind Hasler segir ekki allt þurfa að gerast innan póstnúmers 101. Hún
skipuleggur fl óamarkað sem fer fram í húsnæði við Nýbýlaveg um helgina.
SKIPULEGGUR
FLÓAMARKAÐ
Berglind Hasler,
fréttakona og
meðlimur í
hljóm sveitinni
Prins Póló,
skipuleggur
markað sem
fram fer í Kópa-
vogi um helgina.
Með henni á
myndinni eru
eiginmaður
hennar, Svavar
Pétur Eysteins-
son, og Hrólfur
sonur þeirra.
FRÉTTABLAÐIÐ/STEFÁN
Markaðurinn á að vera fjölbreyttur og skemmtilegur, svo ef fólk lumar ekki
á gersemum í geymslunni má líka selja hæfileika, veitingar eða annað
sem fólki kemur til hugar. Dagurinn kostar 5.500 krónur, helgin kostar
9.500 krónur og hægt er að panta bás með því að senda póst á netfangið
berglind@skakkapopp.is.
Allt má selja
„Þegar kötturinn kemur með
flærnar inn. Þá er kominn tími á
flóaól.“
Ásta Gísladóttir, ritstjóri Spássíunnar og
höfundur leikverksins Spilaborg.
VORBOÐINN
D
YN
A
M
O
R
EY
K
JA
V
ÍK
Fimm gamlingjar komast að því að það er miklu
betri aðbúnaður í fangelsum en á elliheimilum
og grípa til sinna ráða. En leiðin á bak við rimlana
reynist þyrnum stráð ...
SPENNANDI
KÓSÍKRIMMI!
2. SÆTI
EYMUNDSSON KILJUR
17.-23. APRÍL