Fréttablaðið - 15.05.2013, Qupperneq 46

15. maí 2013 MIÐVIKUDAGUR| MENNING | 22
Ég er að reyna að komast að kjarna borgarinnar og maður kemst ekki mikið nær kjarnanum en að borgar-stjóra í djúpsvefni,“ segir Finnbogi Pétursson um sýningu sem hann opnar í Höggmyndagarðinum við
Nýlendugötu á laugardag.
Í miðjum garðinum verður komið fyrir
gömlum ljósastaur og á hann hengdar tvær
tæplega hálfrar aldar hátarabjöllur úr gamla
hljóðkerfi Reykjavíkurborgar. Finnbogi fékk
leyfi Jóns Gnarr borgarstjóra til að hljóðrita
nætursvefn hans og mun upptakan óma úr
hátalarabjöllunum í garðinum í sumar.
„Hugmyndin er fólk komi í garðinn á hvaða
tíma sem er, leggist og láti sig dreyma með
borgarstjóranum,“ segir Finnbogi.
Hann segist hafa viljað fanga stundina þar
sem fulltrúi borgarinnar, sjálfur borgarstjór-
inn, stígur úr hinum daglega heimi og inn
draumaheiminn þar sem hann endurhleður
sig yfir nóttina.
„Jón tók vel í þetta og var svo vænn að
hleypa mér svona nálægt sér. Ég lét hann
hafa upptökutæki, kenndi honum á það og
sýndi honum hvar hann ætti að stilla því upp.
Svo lagðist hann til hvílu og fór í gegnum öll
stig svefnsins sem við förum í gegn á hverri
nóttu til að endurhlaða kerfið.“
Upptakan af svefni borgarstjóra um átta
klukkustundir verður leikin í sífellu allan
sólarhringinn þar til í ágúst þegar sýning-
unni lýkur. Nágrannar þurfa þó ekki að óttast
ónæði af völdum verksins.
„Ég er ekki að „blasta“ neinu. Upptakan er
mjög lágstemmd; þetta er aðallega þögn eða
hægur andardráttur, brotin upp með einstaka
hrotu. Af öðrum verkum mínum er þetta lík-
lega einna mest í ætt við hljóðskúlptúr sem
ég gerði á aldarafmæli Halldórs Laxness. Þar
var meginuppistaðan upptaka af upplestri
Halldórs þar sem ég hafði klippt út öll orðin
en spilaði bara þögnina.“
Skúlptúrinn er öðrum þræði nostalgíuverk.
„Ég fór stundum í bæinn með pabba á
þjóðhátíðardaginn þegar ég var strákur og
man vel eftir hátarabjöllunum, það má meðal
annars sjá þeim bregða fyrir á 40 til 50 ára
gömlum myndum af þjóðhátíðarhöldum í
Reykjavík,“ segir Finnbogi en hann bjargaði
bjöllunum frá förgun fyrir nokkrum árum og
hefur haft þær í garðinum hjá sér síðan.
Finnbogi hefur verið í hópi fremstu mynd-
listarmanna landsins um nokkurt skeið og
einbeitt sér að hljóðtengdum innsetningum,
til dæmis verkið Diabolus sem hann sýndi
á Feneyjatvíæringnum 2001 sem fulltrúi
Íslands. Hann segist þó aldrei hafa tekið
meðvitaða ákvörðun um að vera hljóðlista-
maður.
„Hver hugmynd og hvert verk hafa einfald-
lega leitt mig að því næsta. Þetta er eins og að
setja niður fræ sem verður að tré sem maður
tekur afleggjari af og þegar yfir lýkur er
kominn skógur. Svona er það með alla krea-
tíva vinnu, þar sem hugmyndirnar skarast og
tvístrast. Ég er bara myndlistarmaður með
mikinn áhuga á hljóði og það hefur leitt mig á
þennan stað, að reyna að hljóðtengja allt.“
Sýning Finnboga í Höggmyndagarðinum
verður opnuð á laugardag klukkan 12.
Dvalið í drauma-
höll borgarstjóra
Hljóðupptaka af nætursvefni Jóns Gnarr borgarstjóra verður leikin
í Höggmyndagarðinum í sumar. Upptakan er hluti af hljóðskúlptúr
Finnboga Péturssonar á sýningu sem verður opnuð á á laugardag.
FINNBOGI PÉTURSSON MYNDLISTAMAÐUR
Auk sýningar Finnboga verður sýning sænska myndlistarmannsins Pers Svensson opnuð
hjá Myndhöggvarafélagi Reykjavíkur klukkan 12 á laugardag. Sýningin nefnist „The
Forces of Nature // Icelandic Document II“.
Svensson er fæddur í Gautaborg í Svíþjóð árið 1965. Hann er gestalistamaður hjá SÍM
og hefur unnið nýtt höggmynda- og hljóðverk í verkstæði Myndhöggvarafélagsins fyrir
sýninguna. Í verkinu fjallar hann um náttúruöflin og geómetrísk form eða frumstæð
hljóð úr náttúrunni. Verk Svenssons er unnið úr upptökum sem hann tók upp á ferð
sinni um Íslandi í júlímánuði árið 1981. Það byggir á eldra verki Svensson, „The Iceland
Document“, frá sama ári. Listamaðurinn verður viðstaddur opnunina en sýningin stendur
einungis yfir næstu helgi.
FRUMSTÆÐ HLJÓÐ ÚR NÁTTÚRUNNI
➜ Hvernig sefur þessi maður á nótt-
unni? Gestir geta komist að því í Högg-
myndagarðinum við Nýlendugötu í
sumar, jafnvel lagst í grasið og látið sig
dreyma með borgarstjóranum.
@ Harpa, Eldborg — 17. maí
kr. 4.800
Verk eftir
Christian Marclay
Julia Wolfe
Florent Ghys
Christian Marclay
Todd Reynolds
Mira Calix
Michael Gordon
David Lang
Jóhann Jóhannsson
Tyondai Braxton
Anna Clyne
Nick Zammuto
„ Það má bara enginn listunnandi
láta þetta fram hjá sér fara“
—Curver Thoroddsen
Tónleikarnir njóta stuðnings
bandaríska sendiráðsins á Íslandi
MENNING