Fréttablaðið - 20.06.2013, Page 50

20. júní 2013 FIMMTUDAGUR| MENNING | 38
➜ Hefbundinn morgunn hjá Birni hefst rétt fyrir fjögur að
morgni. Þá hjólar hann í tvo til þrjá tíma og fer svo með hjóla-
félögum í morgunmat á matartorgi sem er í borginni.
„Ég hef ekki átt bíl í tíu ár og hef
notað hjól sem samgöngumáta í
London, Haag og Singapúr. Ég
hef líka stundað langhlaup og
fjallgöngur. Þegar ég svo prófaði
hraðskreitt götuhjól þá varð ekki
aftur snúið. Það kom svo fljótlega
í ljós að ég virtist eiga tiltölulega
auðvelt með að hjóla hratt, langt
og upp brekkur. Þrjóska og vilja-
styrkur hjálpa líka til í svona
úthaldsíþróttum en þegar mest
á reynir kalla ég á Þór, Óðin og
Freyju,“ segir hjólagarpurinn og
hagfræðingurinn Björn Arnar
Hauksson. Björn er búsettur í
Singapúr ásamt fjölskyldu sinni
og stundar hjólreiðar af miklum
móð og hefur meðal annars lent í
efstu sætum í hjólreiðakeppnum
víða um Malasíu og í Taílandi.
Inntur út í árangur sinn viður-
kennir Björn Arnar að það sé
ávallt gaman þegar vel gengur.
Hann stundar íþróttina sex
sinnum í viku og byrja æfingar
klukkan 04.30 að morgni því þá
er veður svalara og minni bíla-
umferð.
„Á virkum dögum fer ég 50 til
80 kílómetra en um helgi allt að
200 kílómetra í senn. Suma daga
æfum við spretti eða brekkur.
Ég nota að jafnaði þrjú hjól: eitt
fyrir æfingar og keppnir, annað
í samgöngur og það þriðja í inn-
kaup og snatt í hverfinu.“
Björn Arnar nam hagfræði
og tölvunarfræði við Háskóla
Íslands og flutti árið 2006 til
London þar sem hann vann í hrá-
vörukauphöll þar sem verslað
er með olíu, sykur, appelsínur
og kaffi svo fátt eitt sé nefnt.
„Nokkrum árum síðar fluttist
ég ásamt konu minni, Kristínu
[Viggósdóttur], til Hollands og
hóf störf hjá einu stærsta auð-
lindafyrirtæki heims. Skrif-
stofunni í Haag var svo lokað í
fyrra þar sem viðskiptin hafa
færst til Asíu og mér var boðið
að flytja til Singapúr,“ útskýrir
hann. Fjölskyldunni líkar lífið í
Singapúr vel þó að veðráttan sé
stundum til ama. „Hitastigið hér
er að jafnaði yfir 30 gráðunum
og mikill raki, en maður lærir
að laga sig að aðstæðum. Það
er frábært að fá tækifæri til að
kynnast menningunni hér. Við
ferðumst mikið og reynum eins
og kostur er að lifa eins og inn-
fæddir. Fimm ára dóttir okkar,
Góa, hefur lært hollensku, ensku
og er nú að spreyta sig á kín-
versku,“ segir hann að lokum.
sara@frettabladid.is
Hjólar allt að
tvöhundruð
kílómetra
í senn
Björn Arnar Hauksson, hagfræðingur í Singapúr, tók
að æfa hjólreiðar fyrir stuttu. Hann hefur þegar lent
í efstu sætum í hjólreiðakeppnum í Malasíu.
Á FLEYGIFERÐ Björn
Arnar Hauksson stundar
hjólreiðar af miklum
móð í Singapúr. Þó
hann hafi aðeins æft
íþróttina í stuttan tíma
hefur hann þegar lent í
efstu sætum í hjólreiða-
keppnum í Malasíu og
Taílandi.
?Þetta er ekki beint spurning um kynlíf en tengist því
samt. Mig langar að verða
kynfræðingur en ég er bara
að klára stúdentinn og ég veit
ekkert hvað ég þarf að vera búin
að læra eða hvernig þetta virkar
allt saman. Hvað gera kynfræð-
ingar? Gætir þú aðstoðað mig?
●●●
SVAR Ég hugsa að við þrjár sem
berum og notum titilinn kyn-
fræðingur á Íslandi tökum því
mjög fagnandi að fleiri langi til
að nema fagið. Eins og staðan er í
dag þá er hægt að læra kynfræði
við Háskóla Íslands á framhalds-
námsstigi eða í Endurmenntun
en einungis til diplóma. Því þarft
þú fyrst að afla þér BA- eða
BS-gráðu og hún getur verið úr
hinum ýmsu greinum. Í mínu
námi voru nemendurnir með
bakgrunn í hjúkrunarfræði, sál-
fræði, félagsráðgjöf og listmeð-
ferð. Þetta er þó ekki upptalning
á náminu sem kemur til greina
og þarf að kynna sér hvaða
kröfur hver skóli setur. Kyn-
fræði til meistaragráðu er kennd
víða um heim en oftar en ekki er
hún kennd á móðurmáli viðkom-
andi lands svo það ber að hafa í
huga þegar nám er valið. Meist-
aranámið er yfirleitt um tvö ár
svo þetta eru alls um fimm ár í
háskóla (getur þó verið misjafnt
eftir grunnnámi).
Ég lærði í Curtin-háskóla í
Vestur-Ástralíu en veit til þess
að náminu var breytt aðeins
eftir að ég útskrifaðist þaðan.
Þá er gott að hafa í huga að
umsóknarferlið getur verið langt
og margra gagna krafist, svo gott
er að gefa sér góðan tíma í að
skoða þetta allt saman og undir-
búa umsóknina. Þegar ég var
að skoða þetta þá gerði ég stórt
skipulagsskjal yfir hvað hver
skóli vildi fá og svo skoðaði ég
kennarana við deildina og hvaða
fög voru í boði. Þetta er smá
dund en vel þess virði.
Kynfræðingar geta unnið við
ýmiss konar störf og fer það líka
að miklu leyti eftir því hvaða
gráðu þú ert með í grunninn
og hvar áhugamálin þín liggja.
Þú getur til dæmis sinnt kyn-
fræðslu, skrifað bækur, unnið við
ráðgjöf, unnið við rannsóknir eða
bara það sem þér dettur í hug.
Kynfræðingar gera allskonar
KYNLÍF TAKTU ÞÁTT!
Sendu Siggu Dögg póst og
segðu henni frá vandamáli
úr bólinu. Lausnin gæti
birst í Fréttablaðinu.
kynlif@frettabladid.is
Á virkum dögum
fer ég 50 til 80 kílómetra
en um helgi allt að 200
kílómetra í senn.
Suma daga æfum við
spretti eða brekkur.
Samkvæmt vísindamönnum við
Bristol-háskóla í Bretlandi er
kaffi meira ávanabindandi en
áður var talið. Margir kannast
við tilfinninguna að vakna ekki
almennilega fyrr en búið er að
drekka fyrsta bollann og kenna
koffíninu um.
Vísindamenn segja að það sé
hins vegar þannig að líkaminn
sé að bregðast við fráhvörfum frá
síðasta bolla með því að vakna
við fyrsta bollann. Fráhvörfin
frá kaffinu lýsa sér í þreytu og
höfuðverk. „Fyrsti kaffibollinn
kemur manni einfaldlega í venju-
legt ástand aftur,“ segir Peter
Rogers, sem hefur rannsakað
kaffi í 20 ár.
Í rannsókninni kom einnig í
ljós að kaffibollarnir sem maður
drekkur yfir daginn hafa ekki
nærri því jafn mikil áhrif og
fyrsti bollinn.
Kaffi ávanabindandi
Kaffi bollinn býr til fráhvörf á borð við hausverk og
þreytu samkvæmt nýjustu rannsóknum.
KAFFIFRÁHVÖRF Kaffi er meira ávanabindandi en áður var talið og fráhvörfin eru
höfuðverkur og þreyta.
örur
ð þér
arv
a me
Rekstr
- vinn