Fréttablaðið - 20.06.2013, Qupperneq 62

20. júní 2013 FIMMTUDAGUR| MENNING | 50
„Ég er bara á fullu við það að undirbúa mig, undir bardaga árs-
ins,“ segir söngvarinn Geir Ólafsson, en hinn 13. júlí ætlar hann
að keppa við uppistandarann Rökkva Vésteinsson í blönduðum
bardagalistum og mun allur ágóði renna óskertur til Barna-
spítala Hringsins. „Við Rökkvi erum kollegar í skemmtanaiðnað-
inum, hann hefur verið að æfa jújítsú í einhvern tíma og ég hef
verið að æfa júdó. Hann skoraði á mig að keppa við sig í blönduðum
bardaga listum, þar sem við reynum að blanda saman þessum tveim-
ur greinum eins vel og hægt er. Þannig munum við svo berjast,“ segir
Geir. Glímt verður í þrjár fimm mínútna lotur, þar sem stig fást fyrir
að þvinga andstæðinginn til uppgjafar eða kasta honum í gólfið með
júdóköstum. Bardaginn fer fram í húsi bardagaíþróttaklúbbsins Mjölnis
en Geir segist ekki hafa æft þar áður. „Ég æfi á fullu í Júdófélagi Reykjavíkur.
Þar eru mínir stuðningsmenn.“ Miðasala á bardagann er hafin á Midi.is. -ka
Berjast fyrir Barnaspítalann
Söngvarinn Geir Ólafsson og uppistandarinn Rökkvi Vésteinsson
berjast í blönduðum bardagalistum í Mjölni.
BÚA SIG UNDIR
BARDAGA ÁRSINS Þeir
Geir Ólafs og Rökkvi
Vésteinsson ætla að berjast
í blönduðum bardagalistum.
Allur ágóði bardagans rennur til
Barnaspítala Hringsins.
„Það er gaman að fá að vinna
með þessum stórliðum,“ segir
Þór Bæring, annar af eigendum
Gaman ferða.
Ferðaskrifstofan, sem var
stofnuð í fyrra, hefur gert
samninga við opinbera knatt-
spyrnuskóla Manchester United
og Chelsea um að bjóða upp á
ferðir þangað fyrir efnilega
íslenska fótboltakrakka. „Það er
mjög jákvætt að ná þessum samn-
ingum því þetta eru opinberir
fótboltaklúbbar á vegum þessara
liða.“
Innganga í hinn fræga skóla
Manchester United kostar sitt,
eða 250 þúsund krónur. Inni-
falið í því er skólinn sjálfur frá
sunnudegi til föstudags, ferð á
Old Trafford og æfingagalli. Hjá
Chelsea kostar ódýrasti pakkinn
tæpar 130 þúsund krónur.
Þór og félagar hafa einnig gert
samning við aðdáendaklúbb Arse-
nal á Íslandi og ætla að skipuleggja
ferðir fyrir hann á leiki Arsenal
á næstu leiktíð. „Þetta er einn
stærsti klúbburinn á landinu og
þeir eru mjög duglegir að fara út
og gera skemmtilega hluti saman.
Það er mjög gaman að vinna með
svoleiðis klúbbum,“ segir Þór, sem
ætlar einnig að hjálpa klúbbnum
að fá Arsenal-hetju á árs hátíð
hans. „Þetta er allsherjarsam-
starf,“ segir hann. - fb
Starfa með enskum stórliðum
Gamanferðir hafa gert samninga við knattspyrnuskóla Man. Utd. og Chelsea.
ÞÓR OG BRAGI Þór Breiðfjörð og Bragi
Hinrik Magnússon reka gamanferðir.
➜ Fyrsti leikur Arsenal á
næstu leiktíð verður gegn
Aston Villa á heimavelli sínum
Emirates.
„Sumarfríið mitt byrjar á sunnu-
daginn þegar ég legg leið mína
til Istanbúl. Þar ætla ég að borða
góðan mat og njóta lífsins. Ég
vona bara að ég lendi ekki í
mótmælunum.“
Gyða Lóa Ólafsdóttir, mannfræðingur og
bloggari á Bonaparte.is.
SUMARFRÍIÐ
„Jim Jarmusch og Tilda [Swinton] eru vinir. Þau
hittust bæði á Cannes og á spænsku tónlistarhá-
tíðinni Primavera og hann sagði henni frá hátíð-
inni. Eftir að hafa heyrt hvar hátíðin færi fram og
hvaða hljómsveitir spiluðu hafði hún samband og
spurði hvort hún mætti velja kvikmyndirnar annan
daginn,“ segir Tómas Young, skipuleggjandi tón-
listarhátíðarinnar All Tomorrow‘s Parties sem fer
fram á Ásbrú dagana 28. til 29. júní.
Kvikmyndasýningar fara fram í gamla
herstöðvar kvikmyndahúsinu í tengslum við hátíðina. Til stóð að leik-
stjórinn Jim Jarmusch sæi um að velja kvikmyndirnar annan daginn
og hljómsveitirnar sem fram koma hinn daginn. Nú deila Jarmusch og
breska leikkonan Tilda Swinton aftur á móti verkefninu sín á milli.
Koma Swinton og þátttaka hennar í hátíðinni teljast til stórtíðinda
enda er leikkonan mikilsmetin bæði innan leiklistarinnar og tísku-
iðnaðarins. „Ég varð mjög ánægður þegar hún hafði samband
en þetta kom mér ekki mjög á óvart því það hefur verið
gríðarlegur áhugi á hátíðinni. Tónlistarvefsíðan Pitchfork
hefur meðal annars fjallað mikið um hana,“ segir Tómas.
Leikkonan verður viðstödd hátíðina og gistir á svæðinu
líkt og aðrir gestir hátíðarinnar og eru því líkur á að
hátíðar gestir muni rekast á stjörnuna á vappi um Ásbrú.
Rúm vika er í hátíðina og viðurkennir Tómas að enn
þurfi að huga að ýmsu smálegu. „Nú er „crunch time“.
Síminn stoppar ekki. Við höfum haft langan undirbúnings-
tíma en það er auðvitað fullt sem þarf að gera og græja á
síðustu metrunum,“ segir hann að lokum. sara@frettabladid.is
TÓMAS YOUNG
Tilda Swinton
FÆDD 5. NÓVEMBER 1960
FULLT NAFN KATHERINE MATHILDA SWINTON
LEIKLISTARFERIL HÓFST 1986
KVIKMYNDIR The Beach, ævintýramyndunum
The Chronicles of Narnia, Vanilla Sky, We Need
to Talk About Kevin og Only Lovers Left Alive
ásamt Tom Hiddleston og Miu Wasikowska.
BEST KLÆDD Swinton þykir með einstakan
fatastíl og er gjarnan á lista yfir best klæddu
konur heims. Belgíski hönnuðurinn Haider
Ackermann er í sérstöku dálæti hjá henni.
Þann 3. apríl árið 2011 sagði Vísir.is frá því að leik-
konan væri stödd hér á landi og hefði meðal annars sést
„í miðborg Reykjavíkur sem og í Hagkaup í Skeifunni“.
Ástæða heimsóknarinnar var tískuþáttur sem ljósmyndar-
inn Tim Walker gerði fyrir W Magazine. Myndirnar voru
meðal annars teknar á Krýsuvíkursvæðinu.
Tilda Swinton óskaði
eft ir þátttöku á ATP
Leikkonan Tilda Swinton óskaði eft ir því að fá að taka þátt í tónlistarhátíðinni
All Tomorrow’s Parties. Hún stýrir kvikmyndasýningu í tengslum við hátíðina.
GESTUR Á ATP
Tilda Swinton
óskaði eftir því að
fá að taka þátt í
tónlistarhátíðinni
All Tomorrow‘s
Parties. Tómas
Young, skipu-
leggjandi
hátíðarinnar, segir
komu hennar
auka umtal um
hátíðina til muna.
NORDICPHOTOS/GETTY
DY
NA
M
O
RE
YK
JA
VÍ
K★★★★★
„Ég varð pirruð, ég skemmti mér konunglega
og ég hágrét. … Bók sem er fyrir alla.“
– Kvällsposten
„Minnir á
metsölubókina

um gamla man
ninn
sem hvarf út um

gluggann.”
– Arbetarbladet
„SJARMA
SPRENGJA
SUMARSINS“
– Aftenposten
3. SÆTI
EYMUNDSSON
- KILJUR
12. - 18. JÚNÍ
Innskot í Fréttablaðið skilar árangri!
MEST LESNA
DAGBLAÐ Á ÍSLANDI*
Fréttablaðið er mest lesna dagblaðið landsins
með glæsilegt forskot á keppinautana.
Meðallestur Fréttablaðsins í
aldurshópnum 25-54 ára er 73%
á höfuðborgarsvæðinu.*
Við bendum auglýsendum á að notfæra
sér forskotið þegar þeir velja dreifingarleið
fyrir fjölpóst sinn. Við dreifum sex daga
vikunnar til heimila á stærsta markaðssvæði landsins.
Kannaðu dreifileiðir og verð í síma 512 5448
eða í tölvupóstfangi fjolpostur@frettabladid.is
*P
re
nt
m
ið
la
kö
nn
un
C
ap
ac
en
t o
kt
ób
er
–d
es
em
be
r 2
01
2
–
hö
fu
ðb
or
ga
rs
væ
ði
2
5-
54
á
ra
HAFÐU FJÖLPÓSTINN ÞINN
Í FRÉTTABLAÐINU